མཛད་པ་པོ། གཙང་སྨྱོན་ཧེ་རུ་ཀ་རུས་པའི་རྒྱན་ཅན།
བརྗོད་བྱ། རྗེ་བཙུན་མི་ལ་རས་པའི་མགུར།
རིག་མཛོད་འཕྲུལ་དེབ་ཨང་། SJRB-0504
མ་ཕྱི། ཀུ་ལུ་མུ་ན་ལི་ཅི་ཊ་རིའི་དགོན་གྱི་དཔེ་རིང་།
ཡིག་ཆའི་རྣམ་པ། PDF
ཤོག་གྲངས། 678 ལྗིད་ཚད། 3.6MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གཞུང་འདི་མཛད་པ་པོ་གཙང་སྨྱོན་ཧེ་རུ་ཀ་རུས་པའི་རྒྱན་ཅན་ནི། གཙང་མྱང་སྟོད་དུ་ཕྱི་ལོ་༡༤༥༢ལོར་སྐུ་འཁྲུངས། མཁན་ཆེན་ཀུན་དགའ་སངས་རྒྱས་ཀྱི་དྲུང་དུ་རབ་ཏུ་བྱུང་སྟེ་མཚན་སངས་རྒྱས་རྒྱལ་མཚན་ཞེས་གསོལ། དགུང་ལོ་བཅུ་བདུན་གྱི་བར་རང་ཡུལ་དུ་སློབ་གཉེར་མཛད། དགུང་ལོ་བཅོ་བརྒྱད་པར་ཙ་རིར་བྱོན་ཏེ་རྗེ་བཙུན་ཤ་ཧ་རབ་འབྱམས་པ་སངས་རྒྱས་སེང་གེ་དང་མཇལ། རི་ཆོས་སྐོར་གསུམ། ཐར་གྲུ་སྐོར་གསུམ། ནཱ་རོ་ཆོས་དྲུག །ཕྱག་རྒྱ་ཆེན་པོ་ལྔ་ལྡན་ལྷན་གཅིག་སྐྱེས་སྦྱོར། དོ་ཧ་སྐོར་གསུམ་དང་མཛོད་དྲུག་རོ་སྙོམས་སོགས་བཀའ་བརྒྱུད་ཀྱི་ཆོས་སྐོར་ཕལ་མོ་ཆེའི་ལུང་གསན། དཔལ་འཁོར་ཆོས་སྡེར་བྱོན་ནས་གཡུ་ལུང་ལ་ཡོན་ཏན་རྒྱ་མཚོ་དང་། སློབ་དཔོན་ཀུན་དགའ་ཉི་མ། པཎ་ཆེན་དོན་གྲུབ་གྲགས་པ་སོགས་བསྟེན་ནས་དབང་དང་རྒྱུད་ཀྱི་བཤད་པ་བསྐྱེད་རྫོགས་ཀྱི་གདམས་པ་མང་དུ་གསན། ཧེཿརུ་ཀའི་ཆ་བྱད་རུས་རྒྱན་དང་ཐོད་པ། རྐང་གླིང་སོགས་འཆང་ཞིང་དུར་ཁྲོད་སོགས་གནས་ངེས་མེད་དུ་བྱོན་ནས་ཐ་མལ་གྱི་བློས་མི་འཆུན་པའི་སྤྱོད་པ་སྣ་ཚོགས་མཛད་པས་གཙང་སྨྱོན་ཞེས་གྲགས། བལ་ཡུལ་གྱི་འཕགས་པ་ཤིང་ཀུན་གྱི་ཞིག་གསོ་དང་། གྲུབ་གནས་མང་པོར་སྒྲུབ་སྡེ་བཙུགས། སྙན་བརྒྱུད་གླེགས་བམ་དུ་བཀོད་པ་པོ་ཏི་མང་པོར་ཞུ་དག་གནང་། རྗེ་བཙུན་མི་ལའི་རྣམ་ཐར་ལྗགས་རྩོམ་མཛད་ཅིང་ཉམས་མགུར་ཕྱོགས་གཅིག་ཏུ་བསྒྲིགས་ཤིང་པར་དུ་བརྐོས། ཡོངས་སུ་གྲགས་པའི་ཐུགས་སྲས་ཞེ་དགུ །ཐུན་མོང་མ་ཡིན་པའི་ཐུགས་སྲས་བརྒྱད། བླ་ཆེན་བླ་ཆུང་དྲུག་ཅུ། རྟོགས་ལྡན་ཉེར་བརྒྱད། སྟོན་སྒོམ་ཉི་ཤུ། གྲུབ་ཆེན་བཅོ་བརྒྱད་སོགས་སློབ་མ་བསམ་གྱིས་མི་ཁྱབ་པ་བྱོན། མཐར་དགུང་ལོ་ལྔ་བཅུ་རྩ་དྲུག་པར་ཕྱི་ལོ་༡༥༠༧ལོར་རས་ཆུང་ཕུག་ཏུ་སྐུ་གཤེགས་སོ།།