ཐོག་མའི་བཟོ་དུས། Mon 15 Jun 2015 | 15:03

ལྷ་ལས་བྱུང་གི་བསྟོད་པ།

དྲ་འཇུག་པ།
ཚད་གཞི།
(0 འོས་འཕེན།)

tbhct333301དེབ་ཨང་།  TBHCT333301
ཐོར་བུ། ༼ཆོས་སྤྱོད།༽
སྤྱིའི་ཨང་། ༤༤
མཚན་བྱང་། ལྷ་ལས་ཕུལ་དུ་བྱུང་བར་བསྟོད་པ།
མཛད་པ་པོ། སློབ་དཔོན་བདེ་བྱེད་བདག་པོ།
བརྗོད་བྱ། སྟོན་པ་བཅོམ་ལྡན་འདས་ལ་བསྟོད་པ།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ལྔ་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

བསྟོད་པ་འདི་ནི་རྒྱ་གར་གྱི་སློབ་དཔོན་བདེ་བྱེད་བདག་པོས་མཛད་པ་ཡིན། སློབ་དཔོན་འདི་ནི། ཐོག་མར་ཕྱི་རོལ་མུ་སྟེགས་པ་ཡིན་ཀྱང་ཕྱིས་སུ་ནང་པའི་ཆོས་སྒོར་ཞུགས། བཀའ་བསྡུ་གསུམ་པ་བྱས་ནས་རྒྱལ་པོ་ཀ་ནིཥྐ་འདས་པའི་རྗེས་སུ་དེའི་བུས་རྒྱལ་སྲིད་བཟུང་བའི་དུས་ཙམ་ན་བྱུང་ཞིང་། སློབ་དཔོན་ཐོ་བཙུན་གྲུབ་རྗེའི་གཅུང་པོ་ཡིན། གཅེན་གཅུང་གཉིས་ཀ་ནང་པར་གྱུར་རྗེས་སྟོན་པ་བཅོམ་ལྡན་འདས་ཀྱི་བསྟོད་པ་རེ་མཛད་པ་ཡིན་ལ། གཅེན་གྱིས་མཛད་པའི་བསྟོད་པ་ནི་ཁྱད་པར་འཕགས་བསྟོད་ཡིན། ལྷ་ལས་ཕུལ་བྱུང་གི་བསྟོད་པ་འདིས་སྟོན་པ་ཐུགས་རྗེ་ཅན་ཉིད་ཕྱི་རོལ་རིག་བྱེད་ཀྱི་གཞུང་དུ་གྲགས་པའི་ལྷ་ཆེན་པོ་སོགས་དང་མཚུངས་བསྡུར་གྱི་ལམ་ནས་སྟོན་པའི་ཆེ་བ་བརྗོད་ཡོད། ཚིགས་བཅད་མང་པོ་མེད་ན་ཡང་། ཚིག་སྦྱོར་རྣ་བར་སྙན་ཞིང་བརྗོད་དོན་ཕུན་སུམ་ཚོགས་པ་དང་། བསྟོད་ཚུལ་ཁྱད་པར་བ་ཞིག་ཀྱང་ཡིན། བསྟོད་པ་འདི་ལ་རྒྱ་གར་གྱི་སློབ་དཔོན་ཤེས་རབ་གོ་ཆས་འགྲེལ་པ་བརྩམས་ཡོད་ལ། རྩ་འགྲེལ་གཉིས་ཀ་སྡེ་དགེའི་བསྟན་འགྱུར་གྱི་བསྟོད་ཚོགས་ནང་དུ་བཞུགས།

ཕབ་ལེན། PDF ཕབ་ལེན། EPUB ཕབ་ལེན།

ཤོག་ངོས་འདི་ཐེངས་ 598 བཀླགས་འདུག
རིག་མཛོད་རྩོམ་སྒྲིག་པ།

དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག།  iPad,iPhone & iPod Touch སོགས་ཀྱི་ནང་དུ་ཐུགས་འདོད་ལྟར་ཕབ་ལེན་དང་གཟིགས་ཀློག་གནང་རོགས། 

དྲ་ཚིགས།: www.serajeyrigzodchenmo.org གློག་འཕྲིན་ཁ་བྱང་། serajeyrigzodchenmo@gmail.com

སྡེ་ཚན་འདིའི་ནང་དུ་མང་། « དཔལ་ལྡན་བི་རཱུ་པ་ལ་བསྟོད་པ།