• 1
  • 2
  • 3
  • 4
  • 5
གསུང་ཆོས་ར་བ་གྲ་སྒྲིག

སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་གསུང་ཆོས་ཀྱི་ཆེད་དུ་གུར་སོགས་གྲ་སྒྲིག་བྱེད་ཀྱིན་འདུག       ཕྱི་ལོ་༢༠༡༧ལོའི་ཟླ་༡༢ཚེས་༢༠ ཉིན་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག... རྒྱས་པར་གཟིགས་་་

ཞི་བདེ་གཟེངས་རྟགས་ཀྱི་ཤིས་ཚིག

༄༅། །རིག་ཚུལ་གསར་པའི་དྲེགས་ལྡན་རལ་བ་སྙེ་མས་དུད་པའི་ལོ་ཏོག་དང་། །མ་ལུས་སྐྱེ་རྒུའི་དགའ་དང་དད་པ་ནུ་ཞོ་འཐུངས་པའི་བུས་པ་ལྟར། །རིས་མེད་ཆོས་ཚུལ་འཛིན་པ་རྣམས་ཀྱང་བྱམས་དང་བརྩེ་ལ་བཏུད་... རྒྱས་པར་གཟིགས་་་

༧ དགའ་ལྡན་ཁྲི་རིན་པོ་ཆེས་གསུང་ཆོས་གནང་།

ཁ་སང་རེས་གཟའ་ཉི་མའི་ཉིན་སེ་ར་ཐེག་པ་ཆེན་པོའི་གླིང་དུ་༧དགའ་ལྡན་ཁྲི་རིན་པོ་ཆེས་ལམ་གཙོ་རྣམ་གསུམ་གྱི་བཤད་ལུང་དང་སྒྲོལ་དཀར་ཡིད་བཞིན་འཁོར་ལོའི་ཚེ་དབང་གནང་སོང་།ཕྱི་ལོ་༢༠༡༧ལོའི་ཟླ་༡༡་ཚ... རྒྱས་པར་གཟིགས་་་

ལོ་འཁོར་རྩོད་རྒྱུགས་དབུ་འཛུགས་བྱས།

སེར་བྱེས་གྲྭ་ཚང་གི་སློབ་གཉེར་བའི་ལོ་འཁོར་རྒྱུགས་སྤྲོད་རྣམས་ཀྱི་ཡ་གྱལ་རྩོད་རྒྱུགས་དངོས་སུ་དབུ་འཛུགས་བྱས་སོང་།  ཁ་སང་སྟེ་ཕྱི་ལོ་༢༠༡༧ལོའི་ཟླ་༡༠ཚེས་༢༥ནས་ཉིན་རེར་སྔ་དྲོའི་ཆུ་ཚོད་བད... རྒྱས་པར་གཟིགས་་་

རྒྱུད་སྨད་མཁན་ཁྲིར་མངའ་གསོལ།

སེར་བྱེས་དགེ་བཤེས་བློ་བཟང་དབང་འདུས་མཆོག་རྒྱུད་སྨད་གྲྭ་ཚང་གི་མཁན་པོར་ཁྲི་འདོན་བྱས།   དེ་རིང་སྟེ་ཕྱི་ལོ་༢༠༡༧ལོའི་ཕྱི་ཟླ་༡༠ཚེས་༡༩ཉིན་ཡོངས་ཀྱི་དགེ་བའི་བཤེས་གཉེན་ཆེན་པོ་སེར་བྱེས་དག... རྒྱས་པར་གཟིགས་་་

ཐོག་མའི་བཟོ་དུས།
Sat, 01/04/2017, 10:03

རྟ་མགྲིན་ཡང་གསང་གི་བསྙེན་པ་ལ་བཞུགས།

དྲ་འཇུག་པ།: 

བོད་བསྟན་སྲིད་སོགས་ཀྱི་ཆེད་དུ་སེར་བྱེས་མཁས་སྙན་གྲྭ་ཚང་གི་འདུས་མང་ཡོངས་དཔལ་རྟ་མགྲིན་ཡང་གསང་གི་བསྙེན་པ་ལ་བཞུགས་སོང་།

 haya griva retreat 00     སེར་བྱེས་མཁས་སྙན་གྲྭ་ཚང་གི་མཁན་བླ་དགེ་འདུན་འདུས་མང་ཡོངས་ཀྱིས་བོད་བསྟན་སྲིད་སོགས་ཀྱི་ཆེད་དུ་ལོ་རེར་ལྷག་པའི་ལྷ་མཆོག་དཔལ་རྟ་མགྲིན་ཡང་གསང་གི་བསྙེན་པ་རེ་གཏོང་མུས་ཡིན་པ་ལྟར། ཁ་སང་སྟེ་བོད་རྒྱལ་ལོ་ ༢༡༤༤ བོད་ཟླ་ ༢ ཚེས ༤ ཉིན་རེས་གཟའ་པ་སངས་དང་། ཕྱི་ལོ་ ༢༠༡༧ ཟླ་ ༣ པའི་ཚེས་ ༣༡ ཉིན་དགོང་དྲོའི་ཆུ་ཚོད་དྲུག་པའི་སྟེང་གྲྭ་ཚང་གི་མཁན་བླ་དགེ་འདུན་འདུས་མང་ཡོངས་གྲྭ་ཚང་གི་ཡི་དམ། ལྷག་པའི་ལྷ་མཆོག་དཔལ་རྟ་མགྲིན་ཡང་གསང་གི་བསྙེན་པ་ལ་བཞུགས་སོང་།
    དེ་ཡང་༧གོང་ས་༧སྐྱབས་མགོན་རྒྱལ་བའི་དབང་པོ་མཆོག་གཙོ་བྱས་པའི་རིས་མེད་བསྟན་འཛིན་གྱི་སྐྱེས་བུ་དམ་པ་རྣམས་སྐུ་ཚེ་བརྟན་ཅིང་བཞེད་དོན་ལྷུན་གྱིས་འགྲུབ་པ་དང་། རང་རེ་བོད་ཁ་བ་གངས་ཅན་པ་རྣམས་ཀྱིས་རང་དབང་ཞི་བདེའི་དཔལ་ལ་མྱུར་དུ་རོལ་ཐུབ་པ། གཞན་ཡང་འཛམ་གླིང་ཡུལ་གྲུ་ཀུན་ཏུ་ནད་མུག་འཁྲུག་རྩོད་སོགས་ཞི་སྟེ་སྐྱེ་འགྲོ་རྣམས་ཀྱིས་བདེ་དགེ་དཔལ་ལ་རྟག་ཏུ་ལོངས་སྤྱོད་པ་དང་། ཁྱད་པར་དུ་གྲྭ་ཚང་འདི་ཉིད་ཀྱི་མཁན་ལས་ཟུར་བླ་སྤྲུལ་དགེ་འདུན་འདུས་མང་ཡོངས་ཀྱི་བཤད་སྒྲུབ་ཆོས་སྤྱོད་ཀྱི་བྱ་བ་མཐའ་དག་ཡར་ཟླའི་དཔལ་ལ་བསྙེགས་པ་སོགས་འཕྲལ་ཕུགས་ཕན་བདེའི་ལེགས་ཚོགས་དུ་མའི་ཆེད་དུ་དམིགས་ནས་བཞུགས་མུས་ཡིན་འདུག །haya griva retreat 01
      གསལ་བསྒྲགས་སྔོན་སོང་ལྟར། བོད་ཟླ་གཉིས་པའི་ཚེས་ ༡༣ རེས་གཟའ་ཉི་མ་དང་། ཕྱི་ཟླ་༤ པའི་ཚེས་༩ ཉིན་ཁ་སྐོང་གི་སྦྱིན་སྲེག་དང་ཚོགས། བདག་འཇུག་བཅས་ཁྱོན་བསྡོམས་ཉིན་གྲངས་བཅུའི་རིང་ཉིན་རེར་ཐུན་བཞི་རེ་བྱས་ཏེ་བཞུགས་རྒྱུ་ཡིན་འདུག་ལ། བསྙེན་པའི་རིང་ལ་གཞིས་གྲོང་དག་ནས་དད་ལྡན་མི་སྐྱ་ཕོ་མོ་བསྙེན་པར་བཞུགས་འདོད་ཡོད་རིགས་རྣམས་གྲྭ་ཚང་རང་ནས་ཕར་ཚུར་བསུ་སྐྱེལ་གྱི་རླངས་འཁོར་དང་། ཞལ་ལག་དང་གསོལ་ཇ་སོགས་བཀོད་སྒྲིག་haya griva retreat 02བྱས་འདུག་པ་དང་། མི་མང་རྣམས་ལ་བསྙེན་པ་དང་ལྷན་དུ་གྲྭ་ཚང་ནས་དགེ་རྒན་རེས་བསྐོར་ཏེ་ནང་ཆོས་ངོ་སྤྲོད་ཀྱང་ཞུ་རྒྱུ་ཡིན་འདུག །རྟ་མགྲིན་ཡང་གསང་གི་སྐོར་མདོར་བསྡུས་ཤིག་འོག་གི་སྦྲེལ་སྣེ་ལས་གཟིགས་དང་མཁྱེན་ཐུབ།

https://www.serajeyrigzodchenmo.org/latest-news-highlight/item/244-tsc0002

སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༧།༠༤།༠༡ལ།

དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་དང་སྦྲེལ་སྣེ་མཉམ་སྦྱར་བྱེད་དགོས།
སྦྲེལ་སྣེ།

https://www.serajeyrigzodchenmo.org/choechogki-neytrinzhan/item/786-tsc0011

ཤོག་ངོས་འདི་ཐེངས་ 1043 བཀླགས་འདུག མཐའ་མའི་བསྐྱར་བཅོས། Wed, 14/06/2017, 08:39
ཚད་གཞི།:
(2 འོས་འཕེན། )
སྤྱི་ཚོགས་འབྲེལ་མཐུད་དྲྭ་གནས་ཁག :