• 1
  • 2
  • 3
  • 4
  • 5
མཁན་རིན་པོ་ཆེས་གསུང་ཆོས་གནང་།

སེར་བྱེས་གྲྭ་ཚང་གི་༧སྐྱབས་རྗེ་མཁན་རིན་པོ་ཆེས་དགའ་ལྡན་ལྷ་བརྒྱ་མ་སོགས་ཀྱི་གསུང་ཆོས་གནང་སོང་།    ཕྱི་ལོ་༢༠༡༨ལོའི་ཟླ་༤ཚེས་༡༧ཉིན་ནས་བཟུང་ཉིན་གྲངས་གསུམ་གྱི་རིང་སེར་བྱེས་གྲྭ་ཚང་གི་༧... རྒྱས་པར་གཟིགས་་་

མཁན་རིན་པོ་ཆེས་ལམ་རིམ་གྱི་ཁྲིད་གནང་།

སེར་བྱེས་གྲྭ་ཚང་གི་ཆོས་རར་༧སྐྱབས་རྗེ་མཁན་རིན་པོ་ཆེས་བྱང་ཆུབ་ལམ་རིམ་ཆེན་མོའི་བཀའ་ཁྲིད་གནང་སོང་། སེར་བྱེས་མཁས་སྙན་གྲྭ་ཚང་གི་ཆོས་རར་ཆོས་ཐོག་གི་སྐབས་རྣམས་སུ་རྗེའི་བྱང་ཆུབ་ལམ་རིམ་ཆ... རྒྱས་པར་གཟིགས་་་

དཔལ་རྟ་མགྲིན་ཡང་གསང་གི་བསྙེན་པ་ལ་བཞུགས།

སེར་བྱེས་མཁས་སྙན་གྲྭ་ཚང་གི་འདུས་མང་ཡོངས་དཔལ་རྟ་མགྲིན་ཡང་གསང་གི་བསྙེན་པ་ལ་བཞུགས་སོང་།  སེར་བྱེས་མཁས་སྙན་གྲྭ་ཚང་གི་མཁན་བླ་དགེ་འདུན་འདུས་མང་ཡོངས་ཀྱིས་བོད་བསྟན་སྲིད་སོགས་ཀྱི་ཆེད་ད... རྒྱས་པར་གཟིགས་་་

ལོ་གསར་གྱི་ཤིས་ཚིག

ལོ་གསར་གྱི་ཤིས་ཚིགབཀྲ་ཤིས་གང་ཞིག་ཁ་བའི་ཡུལ་དུ་རང་དབང་ཉི་མ་མྱུར་དུ་འཆར་ཞིང་སྡེ་བཞིའི་དཔལ་ཡོན་དར་བར་ཤོག །བཀྲ་ཤིས་གང་ཞིག་འགྲོ་བའི་བདེ་དགའ་དབྱར་གྱི་མཚོ་མོའི་དཔལ་ལ་བསྙེགས་ཤིང་ལུས... རྒྱས་པར་གཟིགས་་་

རྗེ་ཙོང་ཁ་པའི་གསུང་འབུམ་ཡོངས་འཕྲུལ་དེབ་ཏུ་ལེགས་པར་གྲུབ།

འདི་ག་རྩོམ་སྒྲིག་ཁང་གི་ལས་བྱེད་ཚོས་ལོ་གཉིས་ལྷག་ལ་ལས་ཞོར་དུ་མ་དཔེ་དང་གཤིབ་བསྡུར་བྱས་ཏེ་རྗེ་ཙོང་ཁ་པའི་གསུང་འབུམ་ཡོངས་འཕྲུལ་དེབ་ཏུ་རྩོམ་སྒྲིག་བྱས་ཏེ་ལེགས་པར་གྲུབ་སོང་། དེ་ཡང་འདི་... རྒྱས་པར་གཟིགས་་་

ཐོག་མའི་བཟོ་དུས།
Thu, 31/08/2017, 10:47

བྱང་རྩེ་ཆོས་རྗེ་རིན་པོ་ཆེ་ཁྲི་འདོན་བྱས།

དྲ་འཇུག་པ།: 

རྒྱུད་སྨད་མཁན་ཟུར་རྗེ་སྒོ་སོག་རིན་པོ་ཆེ་ངག་དབང་གསུང་རབ་བསྟན་འཛིན་དགེ་ལེགས་མཆོག་བྱང་རྩེ་ཆོས་རྗེར་ཁྲི་འདོན་དང་གྲྭ་ཚང་སོ་སོར་གདན་ཞུ་དང་མཛད་སྒོ་འཚོགས་སོང་།
  he jangtse choeje gosok rinpoche 00 འཕགས་ཡུལ་གྱི་གདན་ས་སེར་སྨད་ཐོས་བསམ་ནོར་གླིང་གྲྭ་ཚང་གི་སྐྱབས་རྗེ་སྒོ་སོག་རིན་པོ་ཆེ་རྒྱུད་སྨད་མཁན་ཟུར་ངག་དབང་གསུང་རབ་བསྟན་འཛིན་དགེ་ལེགས་མཆོག་ལ་འདི་ལོའི་ཕྱི་ཟླ་༨ཚེས་༡ཉིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་བྱང་རྩེ་ཆོས་རྗེའི་མཚན་གནས་ཀྱི་ཕྱག་རྟགས་ཕེབས་པ་ལྟར་ཟླ་བ་འདིའི་ཚེས་ ༢༧ ཉིན་དགའ་ལྡན་རྣམ་པར་རྒྱལ་བའི་གླིང་གི་ཚོགས་ཆེན་དང་བྱང་རྩེ་གྲྭ་ཚང་གཉིས་སུ་ཁྲི་འདོན་མཛད་སྒོ་འཚོགས་ཡོད་པ་དང་། མཛད་སྒོའི་སྐུ་མགྲོན་དུ་གདན་ས་ཁག་གི་མཁན་ལས་ཟུར་དང་ལས་སྣེ། གཞན་སྐུ་མགྲོན་གང་མང་ཕེབས་ཡོད་འདུག །མཛད་སྒོའི་ཉིན་༧བྱང་རྩེ་ཆོས་རྗེ་རིན་པོ་ཆེ་མཆོག་གིས་རྟེན་འབྲེལ་མཚོན་ཕྱིར་དུ་བྱང་ཆུབ་ལམ་རིམ་གྱི་ཆོས་འབྲེལ་ཞིག་ཀྱང་གནང་ཡོད་འདུག་ཅིང་། ཁ་སང་སྟེ་ཕྱི་ལོ་༢༠༡༧ལོའི་ཟླ་༨ཚེས་༣༠ཉིན་མཁན་བླ་དགེ་འདུན་མང་གིས་ཕེབས་བསུའི་ཁྲོད་༧བྱང་རྩེ་ཆོས་རྗེ་རིན་པོ་ཆེ་མཆོག་འདི་ག་སེ་ར་ཆོས་སྒར་དུ་ཕེབས་ཡོད་པ་དང་། ཐོག་མར་སེ་ར་ཐེག་པ་ཆེན་པོའི་གླིང་བླ་སྤྱིར་རྟེན་འབྲེལ་མཛད་སྒོ་འཚོགས་རྗེས་གྲྭ་ཚང་གཉིས་ལ་དགེ་འདུན་མང་གིས་ཕེབས་བསུ་དང་མཛད་སྒོ་འཚོགས་སོང་།

    ༧བྱང་རྩེ་ཆོས་རྗེ་སྒོ་སོག་རིན་པོ་ཆེ་ངག་དབང་གསུང་རབ་བསྟན་འཛིན་དགེ་ལེགས་མཆོག་ནི་ཕྱི་ལོ་ ༡༩༤༨ ལོར་བོད་ཤར་ཕྱོགས་ལི་ཐང་མོ་ཧ་ཞེས་པར་སྐུ་འཁྲུངས་པ་དང་། ཡོངས་འཛིན་རྒྱལ་ཚབ་སྟག་བྲག་རིན་པོ་ཆེ་མཆོག་གིས་སྒོ་སོག་སྐུ་གོང་མའི་ཡང་སྲིད་དུ་ངོས་འཛིན་གནང་འདུག །༡༩༥༩ ལོར་བྱེས་སུ་ཕེབས་ཏེ་སྦག་ས་ཆོས་སྒར་དང་སེར་སྨད་ཐོས་བསམ་ནོར་གླིང་གྲྭ་ཚང་གཉིས་སུ་གཞུང་ཆེན་ཁག་ལ་སློབ་གཉེར་གནང་སྟེ། དགུང་གྲངས་ ༣༦ གི་སྐབས་ལྷ་རམས་པའི་མཚན་རྟགས་བཞེས་འདུག །དེ་རྗེས་རྒྱུད་སྨད་གྲྭ་ཚང་དུ་ཆོས་ཞུགས་གནང་སྟེ་སྔགས་ལ་ཐོས་བསམ་སློབ་གཉེར་གནང་ཞིང་སྔགས་རམས་པའི་མཚན་རྟགས་བཞེས་ཡོད་པ་དང་། རྒྱུད་སྨད་གྲྭ་ཚང་གི་མཁན་པོའི་མཛད་འཁུར་དང་། ཕྱི་ལོ་ ༡༩༩༢ ལོར་༧གོང་ས་༧སྐྱབས་མགོན་ཆེན་པོ་མཆོག་གིས་སེར་སྨད་ཐོས་བསམ་ནོར་གླིང་གྲྭ་ཚང་གི་མཁན་པོར་བསྐོ་གཞག་མཛད་པ་ལྟར་མཁན་པོའི་མཛད་འགན་བཞེས་ཡོད་འདུག །གཞན་ཨ་རི་དང་འཇར་མན་ནི་སོགས་ཕྱིའི་རྒྱལ་ཁབ་དུ་མར་གདན་ཞུས་ལྟར་ཕེབས་ཏེ་དད་ལྡན་རྣམས་ལ་ནང་ཆོས་ཀྱི་ཟབ་ཁྲིད་གནང་མུས་སུ་ཡོད་འདུག་ལ། འདི་ལོའི་ཕྱི་ཟླ་༨ཚེས་༡ཉིན་༧གོང་ས་༧སྐྱབས་མགོན་ཆེན་པོ་མཆོག་གིས་བྱང་རྩེ་ཆོས་རྗེར་བསྐོ་བཞག་གི་བཀའ་ཡིག་ཕྱག་རྟགས་སྩལ་ཡོད་འདུག །

སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༧།༠༨།༣༡ལ།

དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་ཁ་གསལ་འགོད་དགོས།

ཤོག་ངོས་འདི་ཐེངས་ 605 བཀླགས་འདུག མཐའ་མའི་བསྐྱར་བཅོས། Thu, 31/08/2017, 10:58
ཚད་གཞི།:
(0 འོས་འཕེན། )
སྤྱི་ཚོགས་འབྲེལ་མཐུད་དྲྭ་གནས་ཁག :