སྒྲ་ཨང་། H-ADLO2030120
སྟོན་པ་འཇིག་རྟེན་དབང་ཕྱུག [ལམ་རིམ་བློ་སྦྱོང་།] སྤྱིའི་ཨང་། ༣༤༡
རྣམ་པ། MP3 རྣམ་གྲངས། 3 ཆེ་ཆུང་། 73.2 MB
ཁྲིད་གཞུང་། ལམ་གྱི་གཙོ་བོ་རྣམ་པ་གསུམ།
མཛད་པ་པོ། རྗེ་བློ་བཟང་གྲགས་པ། [༡༣༥༧-༡༤༡༩]
འཁྲིད་མཁན། སྟོན་པ་འཇིག་རྟེན་དབང་ཕྱུག
འཁྲིད་དུས། ༢༠༠༧
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༦ ལོའི་ཟླ་ ༡༢།༠༣ ལ་གསར་སྒྲིག་བྱས།
༢༠༡༩ ལོའི་ཟླ་དགུ་པའི་ཚེས་ཉེར་ལྔ་ལ་བསྐྱར་སྒྲིག་བྱས།
གདམས་པ་རིན་ཆེན་དང་པོ། མི་བླུན་པོ་རྣམས་ཀྱིས་མིང་གི་ཆེད་དུ་ཡོད་ཚད་བློས་གཏོང་ལ། དཔའ་པོ་ཆགས་པའི་ཆེད་དུ་གཡུལ་ས་ནས་རང་ཉིད་གསོད་དུ་འཇུག མིང་ཙམ་གྱི་ཆེད་དུ་རྒྱུ་འབྱོར་དང་ཚེ་སྲོག་བློས་གཏོང་བ་ལ་དོན་སྙིང་ཅི་ཞིག་འདུག རང་གི་མཚན་སྙན་བརླག་དོགས་ཀྱིས་སེམས་ཁྲལ་བྱེད་པའི་མི་རྣམས་ནི། བྱེ་མའི་མཁར་རྫོང་རྩིག་པར་ཧུར་བརྩོན་བྱེད་པ་དང་། དེ་མར་ཞིག་པ་ན་མིག་ཆུ་གཏོང་པའི་བྱིས་པ་དང་འདྲ། དེའི་ཕྱིར། མི་ཞིག་གིས་ཁྱོད་ལ་བསྟོད་པ་བྱས་ན་ཧ་ཅང་དགའ་ཚོར་མ་སྐྱེ། མིང་ལ་དགོས་པ་མེད། སྙན་གྲགས་ལ་དོན་སྙིང་མེད། མིང་དང་། སྙན་གྲགས། གུས་བཀུར་བཅས་ལ་དོ་སྣང་སྤྲད་ན་ང་ཚོའི་བྱ་གཞག་མང་པོ་ཞིག་ལ་བར་ཆད་འབྱུང་གི་རེད། དཔེར་ན། གྲྭ་བཙུན་ཚོས་གསུང་རབ་ལ་སློབ་སྦྱོང་བྱེད་ཅིང་། ཁོ་ཚོ་ཐོག་མར་དགོན་པ་ལ་འཛུལ་དུས་ཉམ་ཆུང་ཡིན་ཡང་། རིམ་གྱིས་སློབ་སྦྱོང་ཇེ་ཆེར་ཕྱིན་སྐབས། མཁས་པ་ཆགས་ཏེ་དགེ་བཤེས་ཀྱི་མིང་རྟགས་བླངས་ནས་སློབ་མ་དང་རྗེས་འབྲང་བ་རག་ན་ཁོ་ཚོ་རྩ་བ་ནས་འགྱུར་འགྲོ་བ་ལྟ་བུ་རེད། དེང་སྐབས་ནུབ་ཕྱོགས་ཀྱི་སློབ་མ་ཡོད་པའི་དགེ་རྒན་འགའ་ཞིག་ང་རྒྱལ་ཅན་དུ་གྱུར་ཡོད། ཚོང་པ་རྣམས་ཀྱང་དེ་འདྲ་བོ་ཡིན། ཁོ་ཚོའི་ཚོང་ལེགས་འགྲུབ་བྱུང་དུས། མཛུབ་དཀྲིས་དང་ཆུ་ཚོད་གོང་ཆེན་བཏགས་ནས་རྫིག་མདོག་སྟོན་ལ། བོད་ནང་དུ་ཚོང་པ་ཚོས་རྣ་ལོང་གོང་ཆེན་འདོགས། དུས་ཡུན་རིང་པོའི་ཁྲོད་ནས་རྣ་ལོང་གིས་རྣ་གཤག་པ་ཙམ་ལས་དགོས་པ་གཞན་ཅི་ཡང་མེད་པ་སྨོས་ཅི་དགོས། |