མཛད་པ་པོ། ཀོང་པོ་ཡེ་ཤེས་བརྩོན་འགྲུས།
བརྗོད་བྱ། སྐྱེས་བུ་གསུམ་གྱི་ལམ་ལ་བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0257
ཡིག་ཆའི་རྣམ་པ། PDF
ལྗིད་ཚད། 3.2MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༡ ཟླ་ ༡ ཚེས་ ༢༠ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཀོང་པོ་ཡེ་ཤེས་བརྩོན་འགྲུས་ནི། ཕྱི་ལོ་ ༡༧༦༡ ལོར་ཀོང་པོའི་ཡུལ་དུ་སྐུ་འཁྲུངས། དགུང་ལོ་བརྒྱད་པར་ཡབ་ཡུམ་གཉིས་ཀྱིས་ཡི་གེའི་འབྲི་ཀློག་བསླབས། ལོ་དེར་ཀོང་པོ་ཆབ་ནག་རི་བོ་དགའ་ལྡན་དུ་ཕྱག་བྲིས་སློབ་གཉེར་དུ་ལོ་གཅིག་ཙམ་བཞུགས། དགུང་ལོ་དགུ་པར་ལྷ་ལྡན་སྤྲོ་བདེ་ཁང་གསར་དུ་ཕྱག་བྲིས་དང་། རྩིས། ཆོས་སྤྱོད་སོགས་བསླབས་ནས་དགུང་ལོ་བཅོ་ལྔ་བར་བཞུགས། དགུང་ལོ་བཅུ་བདུན་པར་པཎ་ཆེན་དཔལ་ལྡན་ཡེ་ཤེས་ཀྱི་དྲུང་ནས་དགེ་ཚུལ་གྱི་སྡོམ་པ་མནོས། དགུང་ལོ་བཅོ་བརྒྱད་པར་འབྲས་སྤུངས་བློ་གསལ་གླིང་དུ་ཆོས་ཞུགས་མཛད་ནས་གཞུང་ཆེན་པོད་ལྔར་གསན་སྦྱོང་མཛད། དགུང་ལོ་ཉེར་གསུམ་པར་གཙང་པ་མཁན་ཆེན་ཡེ་ཤེས་དཔལ་འབྱོར་ལས་བསྙེན་རྫོགས་བསྒྲུབས། དེ་ནས་དཀའ་ཆེན་ཡེ་ཤེས་རྒྱལ་མཚན་གྱི་ཞབས་ལ་གཏུགས་ཏེ་དབེན་གནས་ཁག་ལ་སྒྲུབ་པ་རྩེ་གཅིག་ཏུ་གཞོལ། དགུང་ལོ་ང་གཅིག་པར་ཀོང་པོ་དགའ་ལྡན་བསམ་གཏན་གླིང་གསར་དུ་ཕྱག་བཏབ་ཅིང་རྒྱུན་དུ་བྱང་ཆུབ་ལམ་རིམ་བཤད་ཁྲིད་གནང་། དགུང་ལོ་ང་གསུམ་པར་ལྷ་སར་ཚེ་ཆོག་གླིང་སྤྲུལ་སྐུར་སྐུ་ཡོན་སྒྲོན་འབུལ་དུ་ལོ་གཅིག་བཞུགས། རྒྱུན་དུ་དབུས་དང་ཀོང་པོ་ཁུལ་དུ་བྱང་ཆུབ་ལམ་རིམ་བཤད་ཁྲིད་དང་སྐུ་མཚམས་ཁོ་ནར་བརྩོན་པ་མཛད། ཕྱི་ལོ་ ༡༨༡༦ ལོར་སྐུ་གཤེགས། གསུང་རྩོམ་ལ། རྟེན་འབྲེལ་བསྟོད་པའི་ཊཱིཀ་དང་། དཀོན་མཆོག་རྗེས་དྲན་གྱི་མདོ་འགྲེལ་སོགས་ཆོས་ཚན་བཅུ་དྲུག་ལོངས་པའི་པོད་གཅིག་བཞུགས།