འཇམ་མགོན་ྋརྒྱལ་བའི་ྋརྒྱལ་ཚབ་དགའ་ལྡན་ཁྲི་ཐོག་བརྒྱ་དང་བཞི་པ་ྋརྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གི་ཞལ་སྔ་ནས། ཕྱི་ལོ་ ༢༠༢༢ ཟླ་ ༡༢ ཚེས་ ༤ ཉིན་སེར་བྱེས་མཁས་སྙན་གྲྭ་ཚང་དུ་གསུང་ཆོས་དངོས་སུ་དབུ་ཚུགས།
དེ་ཡང་གསུང་ཆོས་གནང་རྒྱུའི་རྩ་འགྲེལ་གྱི་གཞུང་ཁག་ནི། རྗེ་བཙུན་བྱམས་པ་མགོན་པོའི་གསུང་ཕར་ཕྱིན་གྱི་རྩ་བ་བསྟན་བཅོས་མངོན་པར་རྟོགས་པའི་རྒྱན། དེའི་འགྲེལ་པ་སློབ་དཔོན་སེངྒེ་བཟང་པོའི་གསུང་འགྲེལ་པ་དོན་གསལ། འཇམ་མགོན་བླ་མ་ཙོང་ཁ་པ་ཆེན་པོ་གསུང་ལེགས་བཤད་གསེར་གྱི་ཕྲེང་བ་བཅས་སྦྲགས་ནས་གསུང་གནང་མཛད་རྒྱུ་བཅས་གསུང་ཆོས་གསལ་བསྒྲགས་སུ་འཁོད་པ་ལྟར་ཡིན།
དེ་ཡང་བརྗོད་བྱའི་དོན་ནི། ཡུམ་རྒྱས་འབྲིང་བསྡུས་གསུམ་གྱི་བསྡུས་དོན་ཤེར་ཕྱིན་གྱི་གཞུང་སྦས་དོན་མངོན་པར་རྟོགས་པའི་རིམ་པ་རྣམས་གསལ་བར་སྟོན་པའི་རྩ་འགྲེལ་གྱི་གཞུང་གལ་གནད་ཆེ་བ་ཁག་ཡིན།
༢༠༢༢ ཟླ་ ༡༢ ཚེས་ ༤ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་པས།