• 1
  • 2
  • 3
  • 4
  • 5
༧ དགའ་ལྡན་ཁྲི་རིན་པོ་ཆེས་གསུང་ཆོས་གནང་།

ཁ་སང་རེས་གཟའ་ཉི་མའི་ཉིན་སེ་ར་ཐེག་པ་ཆེན་པོའི་གླིང་དུ་༧དགའ་ལྡན་ཁྲི་རིན་པོ་ཆེས་ལམ་གཙོ་རྣམ་གསུམ་གྱི་བཤད་ལུང་དང་སྒྲོལ་དཀར་ཡིད་བཞིན་འཁོར་ལོའི་ཚེ་དབང་གནང་སོང་།ཕྱི་ལོ་༢༠༡༧ལོའི་ཟླ་༡༡་ཚ... རྒྱས་པར་གཟིགས་་་

ལོ་འཁོར་རྩོད་རྒྱུགས་དབུ་འཛུགས་བྱས།

སེར་བྱེས་གྲྭ་ཚང་གི་སློབ་གཉེར་བའི་ལོ་འཁོར་རྒྱུགས་སྤྲོད་རྣམས་ཀྱི་ཡ་གྱལ་རྩོད་རྒྱུགས་དངོས་སུ་དབུ་འཛུགས་བྱས་སོང་།  ཁ་སང་སྟེ་ཕྱི་ལོ་༢༠༡༧ལོའི་ཟླ་༡༠ཚེས་༢༥ནས་ཉིན་རེར་སྔ་དྲོའི་ཆུ་ཚོད་བད... རྒྱས་པར་གཟིགས་་་

རྒྱུད་སྨད་མཁན་ཁྲིར་མངའ་གསོལ།

སེར་བྱེས་དགེ་བཤེས་བློ་བཟང་དབང་འདུས་མཆོག་རྒྱུད་སྨད་གྲྭ་ཚང་གི་མཁན་པོར་ཁྲི་འདོན་བྱས།   དེ་རིང་སྟེ་ཕྱི་ལོ་༢༠༡༧ལོའི་ཕྱི་ཟླ་༡༠ཚེས་༡༩ཉིན་ཡོངས་ཀྱི་དགེ་བའི་བཤེས་གཉེན་ཆེན་པོ་སེར་བྱེས་དག... རྒྱས་པར་གཟིགས་་་

ཡིད་སྐྱོ་བའི་གནས་ཚུལ།

ཞྭ་དཀར་བསྟན་པའི་གཙུག་རྒྱན་༧སྐྱབས་མགོན་རྒྱལ་བ་སྨན་རིའི་ཁྲི་འཛིན་སོ་གསུམ་པ་མཆོག་དགོངས་པ་བོན་དབྱིངས་སུ་ཐིམ་འདུག །ཁ་སང་སྟེ་ཕྱི་ལོ་༢༠༡༧ཟླ་༩ཚེས་༡༤ཕྱི་དྲོའི་ཆུ་ཚོད་༦:༢༥སྟེང་༧ཞྭ་དཀར་བ... རྒྱས་པར་གཟིགས་་་

ལོ་འཁོར་རྒྱུགས་སྤྲོད་དབུ་འཛུགས་བྱས།

སེར་བྱེས་གྲྭ་ཚང་གི་སློབ་གཉེར་བའི་ལོ་འཁོར་རྒྱུགས་སྤྲོད་རྣམས་ཀྱི་ཡ་གྱལ་བློ་རྒྱུགས་དང་ཟུར་སྦྱོང་གི་རྒྱུགས་སྤྲོད་དབུ་འཛུགས་བྱས་སོང་།དེ་རིང་སྟེ་ཕྱི་ལོ་༢༠༡༧ལོའི་ཟླ་༩ཚེས་༨ནས་ཉིན་རེར་... རྒྱས་པར་གཟིགས་་་

ཐོག་མའི་བཟོ་དུས།
Wed, 03/08/2016, 11:11

ཡིད་སྐྱོ་བའི་གནས་ཚུལ།

དྲ་འཇུག་པ།: 

སེར་བྱེས་མཁས་སྙན་གྲྭ་ཚང་གི་མཁན་རབས་དོན་ལྔ་པ་དགེ་འདུན་ཆོས་འཕེལ་མཆོག་གློ་བུར་དུ་དགོངས་པ་རྫོགས་པའི་ཡིད་སྐྱོ་བའི་གནས་ཚུལ་བྱུང་འདུག
late abbot 00          ཕྱི་ཟླ་ ༧ ཚེས་ ༣༡ ཉིན་རེས་གཟའ་ཉི་མའི་ཞོགས་པའི་ཆུ་ཚོད་ ༩།༠༥ ཙམ་གྱི་ཐོག་སེར་བྱེས་མཁས་སྙན་གྲྭ་ཚང་གི་མཁན་རབས་དོན་ལྔ་པ་དགེ་འདུན་ཆོས་འཕེལ་མཆོག་རྒྱ་གར་ལྷོ་ཕྱོགས་མེ་སོར་གྲོང་ཁྱེར་ཝིག་རམ་སྨན་ཁང་(Vikram Hospital)དུ་སྐུ་གཤེགས་ཡོད་པ་དང་། གྲྭ་ཚང་གཉིས་ཀྱི་ཟ་ཁང་དང་ཚོང་ཁང་སོགས་སྒོ་བརྒྱབ་སྟེ་མྱ་ངན་ཞུས་ཡོད་པ་དང་། ཕྱི་ཟླ་༨ ཚེས་༡ སྟེ་རེས་གཟའ་ཟླ་བའི་ཉིན་གྱི་དགོང་དྲོའི་ཆོས་རར་སེར་བྱེས་གྲྭ་ཚང་གི་དགེ་འདུན་ཡོངས་ཀྱིས་རྒྱན་འཇུག་གཉིས་གསུངས་ཏེ་ཐུགས་སྨོན་གནང་སོང་།
    སེར་བྱེས་མཁན་རབས་དོན་ལྔ་པ་དགེ་འདུན་ཆོས་འཕེལ་མཆོག་ནི། ཕྱི་ལོ་༡༩༤༡ ལོར་བོད་དཀར་མཛེས་སུ་སྐུ་འཁྲུངས། ཕྱི་ལོ་༡༩༤༨ལོར་དཀར་མཛེས་དགོན་དུ་སྒྲིག་ཞུགས་གནང་། དགུང་གྲངས་དགུ་པར་འཁྲུངས་གསར་སྐུ་ཕྲེང་ལྔ་པ་བློ་བཟང་དཔལ་ལྡན་ངག་གི་དབང་ཕྱུག་ལས་དགེ་ཚུལ་གྱི་སྡོམ་པ་བླངས། ཕྱི་ལོ་༡༩༥༥ལོར་སེར་བྱེས་མཁས་སྙན་གྲྭ་ཚང་དུ་སྒྲིག་ཞུགས་ཀྱིས་སེར་བྱེས་མཁན་རབས་རེ་དྲུག་པ་རྗེ་བློ་བཟང་དབང་ཕྱུག་མཆོག་དང། རྗེ་བྱམས་པ་བསྟན་བཟང་གཉིས་དགེ་རྒན་དུ་བསྟེན་ཏེ་གཞུང་ཆེན་ལ་སློབ་གཉེར་གནང་། གཞུང་རྙིང་འཛིན་གྲྭའི་སྐབས་སྦྱོར་ལམ་སྔ་རྒོལ་གྱི་རིགས་ཆུང་ཚོགས་ལངས་གནང། ཕྱི་ལོ་༡༩༥༩དུས་འགྱུར་སྐབས་ཁག་ཐེག་རྒན་དགེ་བཤེས་བསྟན་པ་ཉི་མའི་དབུས་དགེ་སློབ་བཅུ་ཕྲག་གཉིས་ལྷག་དང་ལྷན་དུ་སེར་བྱེས་མཁན་ཟུར་རིན་པོ་ཆེ་རྗེ་བློ་བཟང་དབང་ཕྱུག་མཆོག་གི་ཞབས་ཕྱི་ལ་བཅར་ནས་རྒྱ་གར་འཕགས་པའི་ཡུལ་དུ་ཕེབས་ཏེ་སྦག་ས་ཆོས་སྒར་དུ་གཞུང་ཆེན་སློབ་གཉེར་གྱི་འཕྲོ་བསྐྱངས། ཕྱི་ལོ་༡༩༦༠ལོར་ཡོངས་འཛིན་ཁྲི་བྱང་རིན་པོ་ཆེ་ལས་བསྙེན་པར་རྫོགས། མཁན་ཟུར་རིན་པོ་ཆེ་རྗེ་བློ་བཟང་དབང་ཕྱུག་དཔལ་བཟང་པོ་མཆོག་གི་བཀའ་དགོངས་བཞིན་ཟླ་བ་གསུམ་གྱི་རིང་རྗེའི་དྲང་ངེས་ལེགས་བཤད་སྙིང་པོ་ཐུགས་འཛིན་གནང་སྟེ་ཚར་ཉིས་བརྒྱར་བརྒལ་བ་སྐྱོར་སྦྱང་གནང། རྒན་རྟ་དབྱངས་རྒྱལ་མཚན་ལས་ཀྱང་རྗེ་བཙུན་པའི་ཕར་ཕྱིན་སྤྱི་དོན་སོགས་ཀྱི་དཔེ་ཁྲིད་ཞུ་བ་དང་སེར་བྱེས་མཁན་ཟུར་རིན་པོ་ཆེ་རྗེ་བཙུན་བྱམས་པ་ཐེག་མཆོག་ལས་སུམ་རྟགས་ལ་སྦྱང་བརྩོན་གནང་། ཕྱི་ལོ་༡༩༦༩ལོར་སྐབས་དེའི་བྱེས་ཕེབས་ཀྱི་སེ་རའི་དགེ་འདུན་པ་རྣམས་དང་ལྷན་དུ་རྒྱ་གར་ལྷོ་ཕྱོགས་སྦེལ་ཀོབ་ས་གནས་སུ་གནས་སྤར་བ་དང་དེ་གར་མུ་མཐུད་དེ་སྔར་གྱི་གཞུང་ཆེན་སློབ་གཉེར་གྱི་འཕྲོ་བསྐྱངས་ཤིང་། མཁན་ཟུར་རིན་པོ་ཆེའི་རྗེ་བློ་བཟང་དབང་ཕྱུག་མཆོག་གི་མདུན་ནས་སྔགས་ཀྱི་ས་ལམ་དང། རིམ་ལྔ་གསལ་སྒྲོན། དྲང་ངེས་ལེགས་བཤད་སྙིང་པོ་སོགས་ཀྱི་བཀའ་ཁྲིད་དང། རྟ་མགྲིན་ཡང་གསང་གི་བཀའ་དབང་རྣམས་ཞུ། ཕྱི་ལོ་༡༩༧༨ནས་མཁན་ཟུར་རིན་པོ་ཆེ་རྗེ་བློ་བཟང་དབང་ཕྱུག་མཆོག་གི་བཀའ་དགོངས་བཞིན་གསར་བུ་རྣམས་ལ་བསྡུས་གྲྭ་ནས་བཟུང་སྟེ་རིམ་གྱིས་ཕར་ཚད་དང་དབུ་མ། འདུལ་མཛོད་བཅས་གཞུང་ཆེན་ཁག་གི་དཔེ་ཁྲིད་གནང། ཕྱི་ལོ་༡༩༨༢ལོ་ནས་དགེ་ལྡན་གཙུག་ལག་སློབ་གཉེར་ཁང་ཆེན་མོའི་རྒྱུགས་སྤྲོད་རྣམས་རིམ་གྱིས་ཕེབས་ཏེ། ༡༩༩༠་ལོར་ལྷ་རམས་གྲྭ་སྐོར་དང་་དམ་འཇོག་མཛད། སྐྱབས་རྗེ་ཆོས་ལྡན་རིན་པོ་ཆེ་ལས་སྔགས་རིམ་ཆེན་མོ་དང་རིམ་ལྔ་གསལ་སྒྲོན། སྙན་ངག་མེ་ལོང་མ་སོགས་ཀྱི་དཔེ་ཁྲིད་ཀྱང་ཞུས། ཕྱི་ལོ་༡༩༩༠ལོར་གྲྭ་ཚང་རིན་པོ་ཆེ་ནས་ཕྱག་རྟགས་སྩལ་བ་བཞིན་མཆོག་སྤྲུལ་བསྟན་འཛིན་འོད་གསལ་རིན་པོ་ཆེའི་ཡོངས་འཛིན་གནང་། ཕྱི་ལོ་༡༩༩༣ ལོར་སེར་བྱེས་གཙུག་ལག་སློབ་གཉེར་ཁང་ཆེན་མོའི་སློབ་གཉེར་དགེ་རྒན་གནང། ད་ལོའི་ཕྱི་ཟླ་ ༧ ཚེས་ ༡༨ ཉིན་༧གོང་ས་མཆོག་གི་བཀའ་དགོངས་ལྟར། སེར་བྱེས་མཁས་སྙན་གྲྭ་ཚང་གི་མཁན་རབས་དོན་བཞི་པ་རྗེ་བློ་བཟང་བདེ་ལེགས་མཆོག་གི་མཁན་པོའི་ལས་ཡུན་འཁྱོལ་བ་དང་། ཁོང་སེར་བྱེས་གྲྭ་ཚང་གི་མཁན་པོར་བསྐོ་བཞག་གནང་སྟེ་ཁྲི་འདོན་མཛད་ཡོད་པ་རེད། ཡིན་ན་ཡང་ཕྱི་ཟླ་བདུན་པའི་ཚེས་༣༡ཉིན་གྱི་ཞོགས་པའི་ཆུ་ཚོད་ ༩།༠༥ ཙམ་གྱི་སྟེང་རྒྱ་གར་ལྷོ་ཕྱོགས་མེ་སོར་གྲོང་ཁྱེར་ཝིག་རམ་སྨན་ཁང་(Vikram Hospital)དུ་སྐུ་གཤེགས་ཡོད་པ་རེད།

སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་གིས། ༢༠༡༦།༠༨།༠༡ ལ།

དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་སྦྲེལ་སྣེ་མཉམ་སྦྱར་བྱེད་དགོས།

སྦྲེལ་སྣེ།

https://www.serajeyrigzodchenmo.org/latest-news-highlight/item/413-tds0007 

ཤོག་ངོས་འདི་ཐེངས་ 623 བཀླགས་འདུག མཐའ་མའི་བསྐྱར་བཅོས། Tue, 06/09/2016, 13:34
ཚད་གཞི།:
(1 འོས་བླུགས། )
སྤྱི་ཚོགས་འབྲེལ་མཐུད་དྲྭ་གནས་ཁག :