རིམ་གཉིས་ཀྱི་ཁྲིད། (18)
གསང་འདུས་འགྲེལ་པ་སྒྲོན་གསལ།
དྲ་འཇུག་པ། རིག་མཛོད་རྩོམ་སྒྲིག་པ།མཛད་པ་པོ། སློབ་དཔོན་ཟླ་བ་གྲགས་པ།
བརྗོད་བྱ། གསང་བ་འདུས་པའི་ལམ་གྱི་གནད།
རིག་མཛོད་འཕྲུལ་དེབ་ཨང་། SJRB-0431
ཡིག་ཆའི་རྣམ་པ། PDF མ་ཕྱིའི་པར་རྩ། སྡེ་དགེའི་ཤིང་པར།
ཤོག་གྲངས། 511 ལྗིད་ཚད། 3.3MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་གསུམ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདི་ནི་རྒྱུད་ཀྱི་རྒྱལ་པོ་དཔལ་གསང་བ་འདུས་པའི་རྩ་རྒྱུད་དུ་འདུས་པའི་རིམ་གཉིས་ཀྱི་ཟབ་གནད་རྣམས་བསྟན་པ་ཤིན་ཏུ་རྟོགས་དཀའ་བ་མཐའ་དྲུག་དང་ཚུལ་བཞིའི་བཤད་པའི་སྒོ་ནས་གསལ་བར་མཛད་པའི་འགྲེལ་པ་སྒྲོན་མ་གསལ་བའམ་ཡོངས་གྲགས་སུ་འགྲེལ་པ་སྒྲོན་གསལ་ཞེས་གྲགས་པ་དེ་ཉིད་ཡིན། འདིའི་མཛད་པ་པོ་ནི་དཔལ་ལྡན་ཟླ་བ་གྲགས་པ་ཡིན་ལ། ཁོང་རྒྱ་གར་ལྷོ་ཕྱོགས་སུ་འཁྲུངས། ལྷོ་ཕྱོགས་ཀྱི་རྒྱུད་དེ་ཉིད་དུ་རབ་ཏུ་བྱུང་། ཆུང་དུས་ནས་རིག་གནས་མཐའ་དག་ལ་མཁས་པར་སྦྱངས། སློབ་དཔོན་ཀླུ་སྒྲུབ་དང་སློབ་དཔོན་སངས་རྒྱས་བསྐྱངས་སོགས་ལས་མདོ་སྔགས་གཉིས་ཆར་སྦྱངས་པ་མཐར་ཕྱིན་པ་མཛད། ན་ལེནྡྲའི་མཁན་པོ་ཡུན་རིང་དུ་མཛད་དེ་བསྟན་པའི་བྱ་བ་རྒྱ་ཆེན་པོ་མཛད། སློབ་མ་གྲགས་ཆེ་བ་རིགས་པའི་ཁུ་བྱུག་ཆེ་བ་སོགས་མང་དུ་བྱུང་། མདོ་སྔགས་གཉིས་ཀྱི་བསྟན་བཅོས་གང་མང་བརྩམས་ཤིང་། བོད་འགྱུར་ལ། མདོ་ཕྱོགས་སྣར་ཐང་བསྟན་འགྱུར་གྱི་ཀྱི་པོད། [འ] [ཡ] གཉིས་དང་། གསང་སྔགས་ཀྱི་སྐོར། སྣར་ཐང་བསྟན་འགྱུར་གྱི་པོད་[ཤ]པ་རྣམས་སུ་བཞུགས།
དེ་ལས་མང་བ།...
པཎ་ཆེན་བློ་བཟང་ཆོས་རྒྱན་གྱི་གསང་འདུས་བསྐྱེད་རྫོགས།
དྲ་འཇུག་པ། རིག་མཛོད་རྩོམ་སྒྲིག་པ།མཛད་པ་པོ། པཎ་ཆེན་བློ་བཟང་ཆོས་རྒྱན།
བརྗོད་བྱ། གསང་བ་འདུས་པའི་རིམ་གཉིས།
རིག་མཛོད་འཕྲུལ་དེབ་ཨང་། SJRB-0361
ཡིག་ཆའི་རྣམ་པ། PDF
ཤོག་གྲངས། 315 ལྗིད་ཚད། 1.9MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདིར། པཎ་ཆེན་སྐུ་ཕྲེང་བཞི་པ་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱིས་མཛད་པའི་དཔལ་གསང་བ་འདུས་པའི་བླ་མའི་རྣལ་འབྱོར་དང་མངོན་པར་རྟོགས་པ་བསྡུས་པ་དང་། དཔལ་གསང་བ་འདུས་པའི་བསྐྱེད་རིམ་གྱི་རྣམ་བཤད་དངོས་གྲུབ་ཀྱི་རྒྱ་མཚོའི་སྙིང་པོ་དང་། དཔལ་གསང་བ་འདུས་པའི་གདམས་ངག་རིམ་ལྔ་གསལ་སྒྲོན་གྱི་སྙིང་པོའི་གནད་ཀུན་བསྡུས་པ་ཟབ་དོན་གསལ་བའི་ཉི་མ་བཅས་ཆོས་ཚན་གསུམ་ལྷན་དུ་བཞུགས་ཡོད།
དངུལ་ཆུའི་འཇིགས་བྱེད་བསྐྱེད་རྫོགས།
དྲ་འཇུག་པ། རིག་མཛོད་རྩོམ་སྒྲིག་པ།མཛད་པ་པོ། དངུལ་ཆུ་དྷརྨ་བྷ་དྲ།
བརྗོད་བྱ། རིམ་གཉིས་ཀྱི་རྣམ་གཞག
རིག་མཛོད་འཕྲུལ་དེབ་ཨང་། SJRB-0410
ཡིག་ཆའི་རྣམ་པ། PDF
ཤོག་གྲངས། 161 ལྗིད་ཚད། 1.1MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༢ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདིར་དངུལ་ཆུ་དྷརྨ་བྷ་དྲས་མཛད་པའི་དཔལ་རྡོ་རྗེ་འཇིགས་བྱེད་ལྷ་བཅུ་གསུམ་མའི་བསྐྱེད་རིམ་གྱི་ཟིན་བྲིས་དྲང་སྲོང་བླ་མའི་ཞལ་ལུང་དང་། དཔལ་རྡོ་རྗེ་འཇིགས་བྱེད་ཀྱི་རིམ་པ་གཉིས་པའི་ལམ་ལ་ཇི་ལྟར་བགྲོད་པའི་ཚུལ་གྱི་ཟིན་བྲིས་གསང་ཆེན་མྱུར་ལམ་གཉིས་ལྷན་དུ་བཞུགས་ཡོད།
སྒོམ་སྡེའི་འཇིགས་བྱེད་བསྐྱེད་རྫོགས།
དྲ་འཇུག་པ། རིག་མཛོད་རྩོམ་སྒྲིག་པ།མཛད་པ་པོ། སྒོམ་སྡེ་ནམ་མཁའ་རྒྱལ་མཚན།
བརྗོད་བྱ། རིམ་གཉིས་ཀྱི་རྣམ་གཞག
རིག་མཛོད་འཕྲུལ་དེབ་ཨང་། SJRB-0409
ཡིག་ཆའི་རྣམ་པ། PDF
ཤོག་གྲངས། 161 ལྗིད་ཚད། 1.1MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༢ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདིར་སེར་བྱེས་མཁན་རབས་བཅུ་གཅིག་པ་སྒོམ་སྡེ་ནམ་མཁའ་རྒྱལ་མཚན་མཆོག་གིས་མཛད་པའི་དཔལ་རྡོ་རྗེ་འཇིགས་བྱེད་ཀྱི་རིམ་གཉིས་ཀྱི་རྣམ་གཞག་རིག་འཛིན་ཀུན་དའི་དགའ་སྟོན་ཞེས་བྱ་བ་བཞུགས་ཤིང་། དཔེ་སྒྲིག་སྐབས་རྒྱུད་སྟོད་གྲྭ་ཚང་གི་ཤིང་པར་གཞིར་བཟུང་ནས་ལག་བྲིས་བྱས་པའི་དཔེ་རིང་ཞིག་ལག་སོན་བྱུང་བ་གཞིར་བཟུང་ནས་བསྒྲིགས་ཤིང་། ལག་བྲིས་མ་དེར་ཆད་ལྷག་བྱུང་བ་འགའ་ཞིག་བཅོས་སྒྲིག་བྱས་ཡོད།
ཁྲི་ཆེན་རྒྱལ་མཚན་སེངྒེའི་དཔའ་གཅིག་བསྐྱེད་རྫོགས།
དྲ་འཇུག་པ། རིག་མཛོད་རྩོམ་སྒྲིག་པ།མཛད་པ་པོ། ཁྲི་ཆེན་རྒྱལ་མཚན་སེངྒེ།
བརྗོད་བྱ། བསྐྱེད་རྫོགས་ཀྱི་རིམ་པ།
རིག་མཛོད་འཕྲུལ་དེབ་ཨང་། SJRB-0402
ཡིག་ཆའི་རྣམ་པ། PDF
ཤོག་གྲངས། 167 ལྗིད་ཚད། 1.2MB
གསར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཁྲི་ཆེན་རྒྱལ་མཚན་སེང་གེ་མཆོག་ནི། རབ་བྱུང་བཅུ་གཅིག་པའི་ས་ཕོ་རྟ་ལོ་སྟེ་སྤྱི་ལོ ༡༦༧༨ ལོར་ད་ལྟའི་ཀན་ལྷོའི་ཀླུ་ཆུ་རྫོང་གི་ཟམ་ཚ་ཞང་ཀ་དེའུ་མགོའི་གྲོང་དུ་ཡབ་ཚེ་རིང་བཀྲ་ཤིས་དང་། ཡུམ་སྙིང་མོ་ལྕགས་གཉིས་ཀྱི་སྲས་སུ་སྐུ་འཁྲུངས། དགུང་ལོ་བཅུ་གཅིག་པར་ཏཱ་དབོན་ཚུལ་ཁྲིམས་སེང་གེ་ལས་རབ་ཏུ་བྱུང་། དམ་པ་དེར་བསྟེན་ནས་ཡི་གེའི་འབྲི་ཀློག་སྦྱངས། དགུང་ལོ་ཉེར་དགུ་པར་དབུས་སུ་ཕེབས་ཏེ་འབྲས་སྤུངས་སྒོ་མང་ཆོས་གྲྭར་བཞུགས། ཀུན་མཁྱེན་དབལ་ཤུལ་ངག་དབང་བརྩོན་འགྲུས་ཀྱི་དྲུང་དུ་བསྡུས་གྲྭའི་བརྩི་བཞག་གསན། པཎ་ཆེན་སྐུ་ཕྲེང་ལྔ་པ་བློ་བཟང་ཡེ་ཤེས་ལས་དགེ་ཚུལ་དང་བསྙེན་རྫོགས་ཀྱི་སྡོམ་པ་མནོས། དགུང་ལོ་སོ་དགུ་པར་སྨོན་ལམ་གྲྭ་སྐོར་མཛད། དེ་ནས་རྒྱུད་སྟོད་ཆོས་གྲྭར་ཞུགས་ཏེ་སྔགས་ལ་སྦྱངས། དགུང་ལོ་ང་ལྔ་པ་ལ་དགའ་ལྡན་གསེར་ཁྲི་རིན་པོ་ཆེར་ཞབས་ཀྱི་པདྨའི་འཁོར་ལོ་བཀོད། གདན་རབས་ང་གསུམ་པ་ཡིན། དགའ་ལྡན་དགོན་དུ་གསེར་དངུལ་སྲང་མང་པོས་བྱང་ཆུབ་མཆོད་རྟེན་བཞེངས། ཚོགས་མཆོད་ལ་དངུལ་ཊཾ་འགྱེད་དང་སྒོ་མང་ལ་སྲང་རེ་ཕུལ། འདུ་ཁང་སྟེང་དུ་གསེར་གྱི་རྒྱལ་མཚན་ཆ་གཅིག་བཞེངས། དགུང་ལོ་བདུན་ཅུ་བར་མདོ་སྨད་དུ་ཕེབས་ཏེ་བླ་བྲང་བཀྲ་ཤིས་འཁྱིལ་དུ་ཀུན་མཁྱེན་སྐུ་ཕྲེང་གཉིས་པ་འཇིགས་མེད་དབང་པོ་དང་མཇལ་འཛོམས་ཀྱིས་ཐུགས་འབྲེལ་ཟབ་པར་གྱུར། རབ་བྱུང་བཅུ་གསུམ་པའི་ས་ཕོ་འབྲུག་ལོ་སྟེ་སྤྱི་ལོ ༡༧༤༨ ལོར་ཆོས་སྡེ་ཆེན་པོ་དགའ་ལྡན་བཤད་སྒྲུབ་པད་དཀར་གྲོལ་བའི་གླིང་ཉིད་གསར་དུ་བཏབ། རབ་བྱུང་བཅུ་གསུམ་པའི་མེ་ཕོ་བྱི་ལོ་སྟེ་སྤྱི་ལོ ༡༧༥༦ ལོར་སྐུ་གཤེགས།
PDF ཕབ་ལེན། |
---|
བདེ་མཆོག་ལཱུ་ཨི་པའི་བསྐྱེད་རིམ།
དྲ་འཇུག་པ། རིག་མཛོད་རྩོམ་སྒྲིག་པ།མཛད་པ་པོ། པཎ་ཆེན་བློ་བཟང་ཆོས་རྒྱན།
བརྗོད་བྱ། བསྐྱེད་པའི་རིམ་པ།
རིག་མཛོད་འཕྲུལ་དེབ་ཨང་། SJRB-0404
ཡིག་ཆའི་རྣམ་པ། PDF
ཤོག་གྲངས། 85 ལྗིད་ཚད། 898KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
པཎ་ཆེན་བློ་བཟང་ཆོས་ཀྱི་རྒྱལ་མཚན་མཆོག་ནི། ཕྱི་ལོ་ ༡༥༧༠ ལོར་གཙང་རོང་དུ་འཁྲུངས། པཎ་ཆེན་སྐུ་ཕྲེང་བཞི་པ། དགུང་ལོ་ཆུང་ངུའི་སྐབས་དབེན་ས་བློ་བཟང་དོན་གྲུབ་ཀྱི་སྤྲུལ་སྐུར་ངོས་འཛིན་མཛད། དགུང་ལོ་བཅུ་གསུམ་གྱི་སྐབས་དགེ་ཚུལ་གྱི་སྡོམ་པ་བཞེས། དགུང་ལོ་བཅུ་བཞིའི་སྐབས་དབེན་དགོན་གྱི་ཁྲི་པ་མཛད། དགུང་ལོ་བཅུ་བདུན་པར་བཀྲ་ཤིས་ལྷུན་པོར་གཞུང་ཆེན་སློབ་གཉེར་དུ་ཕེབས། དགུང་ལོ་སོ་གཅིག་གི་སྐབས་བཀྲ་ཤིས་ལྷུན་པོའི་ཁྲིར་ཕེབས། དགུང་ལོ་ཞེ་བཞིའི་སྐབས་རྒྱལ་བ་ཡོན་ཏན་རྒྱ་མཚོའི་ཡོངས་འཛིན་མཛད། དགུང་ལོ་ཞེ་བདུན་གྱི་སྐབས་སེ་འབྲས་གཉིས་ཀྱི་མཁན་པོ་ལོ་ལྔ་རེ་མཛད། དགུང་ལོ་ལྔ་བཅུ་ང་གཉིས་ཀྱི་སྐབས་རྒྱལ་བའི་ཡང་སྲིད་ངོས་འཛིན་དང་། དགུང་ལོ་ང་ལྔའི་སྐབས་རྒྱལ་བ་བློ་བཟང་རྒྱ་མཚོའི་རབ་བྱུང་གི་མཁན་པོ་དང་། དགུང་ལོ་རེ་བརྒྱད་པར་བསྙེན་རྫོགས་ཀྱི་སྡོམ་པ་ཕུལ། དགུང་ལོ་དོན་བཞིའི་སྐབས་རྒྱ་ནག་གི་རྒྱལ་པོས་པཎ་ཆེན་ཞེས་པའི་མཚན་ཕུལ་ཏེ་གཙུག་ཏུ་བཀུར། སློབ་མ་གྲགས་ཆེ་པ། རྒྱལ་བ་ཡོན་ཏན་རྒྱ་མཚོ་དང། རྒྱལ་དབང་ལྔ་པ་སོགས་མང་དུ་བྱུང་། ༡༦༦༢ ལོར་སྐུ་གཤེགས། གསུང་རྩོམ་ལ་པོ་ཏི་ལྔ་བཞུགས།
PDF ཕབ་ལེན། |
---|