སྒྲ་ཨང་། H-ADA203072
སྟོན་པ་འཇིག་རྟེན་དབང་ཕྱུག [བླང་དོར་བཀའ་སློབ།] སྤྱིའི་ཨང་། ༡༣༣
རྣམ་པ། MP3 རྣམ་གྲངས། 2 ཆེ་ཆུང་། 102.8 MB
ཁྲིད་ཚན། མོན་གྷོ་འདོད་རྒུ་གླིང་གཞིས་ལས་ཁང་སོགས་ཀྱི་བཀའ་སློབ།
འཁྲིད་མཁན། སྟོན་པ་འཇིག་རྟེན་དབང་ཕྱུག
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ ༠༦།༠༤ ལ་གསར་སྒྲིག་བྱས།
༢༠༡༩ ལོའི་ཟླ་དགུ་པའི་ཚེས་ཉེར་དགུ་ལ་བསྐྱར་སྒྲིག་བྱས།
གདམས་པ་རིན་ཆེན་དང་པོ། མི་རིང་བར་མི་རྣམས་ཀྱིས་ཆོས་ལུགས་ཡོངས་སུ་འདོར་སྲིད་པའི་བསམ་བློ་འཁོར་མཁན་ཡང་ཡོད། ང་རང་དེའི་གྲས་སུ་མེད། དེ་ལས་ལྡོག་སྟེ་དད་པ་ནི་བཟང་ཕྱོགས་ཀྱི་སྟོབས་ཤུགས་ཤིག་ཡིན་ཞིང་། ཕན་ཐོགས་ཧ་ཅང་ཆེན་པོ་ཞིག་ཏུ་འགྱུར་ཐུབ་པར་ངས་ཡིད་ཆེས་བྱེད་ཀྱི་ཡོད། ང་ཚོའི་འཕྲལ་གྱི་ལུས་པོའི་འཚོ་གནས་ལས་བརྒལ་ཏེ་ཆོས་ལུགས་ཀྱིས་འགྲོ་བ་མིའི་མི་ཚེའི་གོ་རྟོགས་སྤེལ་བའི་སྒོ་ནས་རྐྱེན་ངན་འཕྲད་བཞིན་པ་རྣམས་ལ་རེ་བ་དང་སྟོབས་ཤུགས་སྦྱིན་གྱི་ཡོད། འཛམ་གླིང་ནང་གི་རླབས་ཆེན་ཆོས་ལུགས་ཁག་གི་རིན་ཐང་ནི་ངོས་ནས་དོན་དམ་པའི་ཆོས་ལུགས་ཀྱི་མཛའ་འབྲེལ་ལ་ཁ་ཕྱོགས་པ་ཞེས་པའི་སྔོན་གྱི་དཔེ་དེབ་ཞིག་གི་ནང་གོ་བསྡུར་གང་འཚམ་རྒྱས་པོ་བྱས་ཟིན་པའི་བརྗོད་གཞི་ཞིག་ཡིན། ཡིན་ནའང་མི་རྣམས་ཀྱི་དབར་མཛའ་མཐུན་སྐྲུན་པ་དང་། ལམ་སྟོན་དང་སེམས་གསོ་བྱེད་པ། མི་རྣམས་ཀྱིས་མིག་དཔེར་བཟུང་ནས་འབད་པར་འོས་པའི་མི་ཚེ་བཟང་པོ་ཞིག་གི་འཆར་སྣང་སྐྲུན་པ་བཅས་ཀྱི་དེའི་ཕན་ཡོན་ཆ་ཚང་ལ་བསམ་བློ་བཏང་ན། ངའི་བསམ་པར་ཆོས་ལུགས་ནི་སེམས་དོན་རིག་པའི་མེ་ཚེར་མེད་དུ་མི་རུང་བ་ཞིག་རེད་བསམ་གྱི་མི་འདུག |