མཚན་བྱང་། རྣམ་བཤད་དགོངས་པ་རབ་གསལ་གྱི་སྙིང་པོའི་ངག་དོན།
མཛད་པ་པོ། མུས་སྲད་པ་ཀུན་མཁྱེན་བློ་གྲོས་རིན་ཆེན་སེང་གེ།
བརྗོད་བྱ། དབུ་མའི་ལྟ་བའི་ཆོས་སྐོར།
རིག་མཛོད་འཕྲུལ་དེབ་ཨང་། SJRB-0469
ཡིག་ཆའི་རྣམ་པ། PDF
ཤོག་གྲངས། 113 ལྗིད་ཚད། 1.2 MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༦ ཟླ་དང་པོར་བསྐྱར་སྒྲིག་བྱས།
ངོ་སྤྲོད་མདོར་བསྡུས། གཞུང་འདིའི་མཛད་པ་པོ་སེར་བྱེས་མཁན་རབས་དང་པོ་ཀུན་མཁྱེན་བློ་གྲོས་རིན་ཆེན་སེང་གེ་མཆོག་ནི། བོད་ལ་སྟོད་ཕྱོགས་སུ་གསང་སྔགས་རྙིང་མའི་གྲུབ་ཐོབ་རྟོགས་ལྡན་ཡོན་ཏན་མགོན་པོའི་སྲས་སུ་འཁྲུངས། ཡབ་རྟོགས་ལྡན་ཡོན་ཏན་མགོན་པོ་དང་། མཉམ་མེད་ནམ་མཁའི་རྣལ་འབྱོར་པ་གཉིས་ལས་སྔ་འགྱུར་ལུགས་ཀྱི་མདོ་རྒྱུད་ཀུན་གྱི་དབང་ལུང་ཁྲིད་མན་ངག་དང་། ལྷག་པར་རྟ་མགྲིན་ཡང་གསང་ལྷ་དགུའི་ཆོས་སྐོར་སོགས་གསན་ཏེ་ཐུགས་ཉམས་སུ་བཞེས། ཕྱིས་སུ་རྗེ་བློ་བཟང་གྲགས་པ་དང་། མཁས་གྲུབ་རྗེ། འཇམ་དབྱངས་ཆོས་རྗེ་སོགས་བསྟེན་ནས་མདོ་སྔགས་ཀྱི་གཞུང་ལ་སློབ་གཉེར་མཐར་ཕྱིན་པ་མཛད། རྗེ་ཙོང་ཁ་པའི་དངོས་སློབ་ཁྲོད་དུ་ཞང་ཞུང་བ་ཆོས་དབང་གྲགས་པ་དང་རྗེ་འདི་པ་རྣམ་གཉིས་ལ་རྣམ་དཔྱོད་ཕུལ་དུ་བྱུང་བའི་མཁས་པ་གཉིས་ཞེས་གྲགས་པ་བྱུང་། འབྲས་སྤུངས་སུ་འཆད་ཉན་གྱི་སློབ་དཔོན་མཛད་སྐབས་རྒྱུ་རྐྱེན་འགའ་ཞིག་གི་རྐྱེན་པས་བཞུགས་སྟབས་མ་བདེ་བར་ཞལ་སློབ་མཁས་པ་བརྒྱ་ཕྲག་ལྷག་དང་ལྷན་ཅིག་སེ་རར་ཕེབས། དེར་སློབ་མ་མང་དུ་བསྐྱངས་ཤིང་དབུ་མའི་ཊཱིཀྐ་སོགས་བསྟན་བཅོས་ཀྱང་མང་དུ་མཛད་པས་ཀུན་མཁྱེན་མུས་སྲད་པ་ཞེས་ཀྱང་གྲགས། གསུང་ལས་སྐྱེས་པའི་སློབ་མ་ཡང་རྗེ་ཙོང་ཁ་པའི་སྐུ་དབོན་ཁྲི་ཆེན་བློ་བཟང་ཉི་མ། གཉལ་སྟོན་དཔལ་འབྱོར་ལྷུན་འགྲུབ། གཙང་སྟོན་ཀུན་དགའ་རྒྱལ་མཚན་སོགས་བསྟན་པའི་ཁུར་ཆེན་འདེགས་བཟོད་པའི་མཁས་གྲུབ་བསམ་གྱིས་མི་ཁྱབ་པ་མང་དུ་བྱོན། གསུང་རྩོམ་མང་པོ་མཛད་ཡོད་འདུག་ཀྱང་འཇུག་འགྲེལ་གསུམ་ལས་གཞན་ལག་སོན་མ་བྱུང་། ཁོང་དགོངས་པ་མྱ་ངན་ལས་འདས་རྗེས་ཁོང་གི་ཞལ་སློབ་རྣམས་རྨང་གཞིར་གྱུར་པའི་སེ་ར་བྱེས་པ་གྲྭ་ཚང་བྱུང་ཞིང་ཀུན་མཁྱེན་ཉིད་སེ་ར་བྱེས་པ་གྲྭ་ཚང་གི་མཁན་རབས་དང་པོར་བརྩི་བ་ཡིན།