དྲ་ཐོག་འཇུག་དུས། 2022 ལོའི་ཟླ་བ། Nov ཚེས། 13 རེས་གཟའ། Sun

མཁན་ཆེན་དོན་ཡོད་དཔལ་ལྡན།

ཚད་གཞི།
(0 འོས་འཕེན།)

སེར་བྱེས་མཁན་རབས་བཞི་པ་དོན་ཡོད་དཔལ་ལྡན་མཆོག་ནི། ཕྱི་ལོ་ ༡༤༤༥ ལོར་གཙང་མྱང་སྟོད་དུ་སྐུ་འཁྲུངས། སྐུ་ནར་སོན་པ་ན་རྒྱལ་རྩེ་དཔལ་འཁོར་ཆོས་སྡེར་སྒྲིག་ཞུགས་གནང་། དེར་སློབ་དཔོན་བཟོད་པ་དཔལ་འབྱོར་ལས་རྒྱལ་ཚབ་ཆོས་རྗེའི་ཡིག་ཆའི་སྟེང་ནས་གཞུང་ཆེན་མང་པོ་གསན། འདུལ་འཛིན་བློ་གྲོས་སྦས་པ་ལས་བསྙེན་རྫོགས་ཀྱི་སྡོམ་པ་བཞེས།
ཆོས་རྗེ་འཇམ་གྲགས་པ་ལས་ལམ་རིམ་དང་བློ་སྦྱོང་སྐོར་གསན་ཏེ་ཉམས་བཞེས་གནང་། དབུས་སུ་ཕེབས་ཏེ་སེར་བྱེས་གྲྭ་ཚང་དུ་ཆོས་ཞུགས་གནང་ཞིང་གཉལ་སྟོན་དཔལ་འབྱོར་ལྷུན་གྲུབ་སོགས་ལས་དབང་ལུང་མན་ངག་གང་མང་གསན་ཞིང་། ༡༤༨༥ལོར་སེར་བྱེས་གྲྭ་ཚང་གི་སློབ་དཔོན་གྱི་ཁྲིར་ཕེབས། ༡༥༡༧ ལོར་སེ་ར་ཐེག་ཆེན་གླིང་གི་ཁྲི་ཐོག་བཅུ་པར་ཕེབས། དགུང་གྲངས་བརྒྱད་ཅུ་པ་ ༡༥༢༥ ལོར་དགོངས་པ་ཆོས་དབྱིངས་སུ་ཐིམ་ཚུལ་བསྟན།

༢༠༡༥.༠༨.༠༦ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་བསྒྲིགས་བྱས།

དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།

ཤོག་ངོས་འདི་ལ་ཐེངས་ 5011 གཟིགས་འདུག

མཁན་རབས་རིམ་བྱོན།

གྲྭ་ཚང་གི་བྱེད་སྒོ་ཁག