རྒྱུད་སྨད་མཁན་པོ་དགེ་བཤེས་བློ་བཟང་དབང་འདུས་ནི། བོད་དུ་སྐུ་འཁྲུངས་ཤིང་། འཕགས་ཡུལ་དུ་ཕེབས་ཏེ། སེར་བྱེས་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་སློབ་གཉེར་དང་། དགེ་བཤེས་ལྷ་རམས་པའི་དམ་འཇོག་གྲྭ་སྐོར་གནང་། གྲྭ་ཚང་གི་སློབ་གཉེར་དགེ་རྒན་དང་། གྲྭ་ཚང་གི་དགེ་བསྐོས་གནང་ཞིང་། རྒྱུན་དུ་སློབ་གཉེར་བ་རྣམས་གཙོ་བྱས་ཏེ་ཕྱི་ནང་གི་དོན་གཉེར་ཅན་གང་མང་ལ་དཔེ་ཁྲིད་སོགས་གནང་མུར་ཕྱི་ལོ་༢༠༡༦ ལོའི་ཟླ་༨ ཚེས་ ༡༧ དཔལ་ལྡན་སྨད་རྒྱུད་གྲྭ་ཚང་གི་བླ་མ་དབུ་མཛད་ཀྱི་ཕྱག་རྟགས་ཕེབས་འབྱོར་བྱུང་བ་ལྟར། ཕྱི་ཟླ་ ༩ ཚེས་ ༦ ཉིན་དཔལ་ལྡན་སྨད་རྒྱུད་གྲྭ་ཚང་དུ་བླ་མ་དབུ་མཛད་ཀྱི་མཛད་འགན་དངོས་སུ་བཞེས་པ་དང་། ༢༠༡༧ ལོའི་ ༡༠ ཚེས་ ༡༩ ཉིན་དཔལ་ལྡན་སྨད་རྒྱུད་གྲྭ་ཚང་གི་མཁན་ཁྲིར་མངའ་གསོལ་ཏེ་མཁན་པོའི་མཛད་ཁུར་བཞེས། [རྩོམ་སྒྲིག་པའི་ལག་ཏུ་རྣམ་ཐར་རྒྱས་པ་མ་བྱུང་བས་གང་ཤེས་འདི་ཙམ་ལས་འབྲི་ཐབས་མ་བྱུང་ཡང་རྗེས་སུ་ཁ་གསབ་བྱེད་ངེས།]
༢༠༢༠.༡༠.༠༧ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་བསྒྲིགས་བྱས།
དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་[སེར་བྱེས་རིག་མཛོད་ཆེན་མོ་ལས་དྲངས་]ཞེས་རྩོམ་ཁུངས་ཁ་གསལ་འགོད་དགོས།
