དྲ་ཐོག་འཇུག་དུས། 2022 ལོའི་ཟླ་བ། Oct ཚེས། 16 རེས་གཟའ། Sun

ཁམས་ཚན་ཁག

དྲ་འཇུག་པ།
ཚད་གཞི།
(0 འོས་འཕེན།)

ཁམས་ཚན་ནི་ཕྱོགས་སོ་སོ་ནས་ཕེབས་པའི་སློབ་གཉེར་བ་རྣམས་ལ་ལྟ་སྐྱོང་དང་སྒྲིག་ལམ་ཚགས་ཚུད། སློབ་གཉེར་ཡར་རྒྱས་སོགས་ལ་དམིགས་ཏེ་གྲྭ་པ་རྣམས་ཀྱི་ཡོང་ཁུངས་ས་ཁུལ་ལ་གཞིགས་ནས་ཚན་ཁག་སོ་སོར་བགོས་ཤིང༌། ཁམས་ཚན་དུ་མ་ལས་གྲྭ་ཚང་གཅིག་གྲུབ། སྔར་སེ་འབྲས་དགའ་གསུམ་ལ་ཆ་བཞག་ན། སེ་ར་དགོན་པར་ཁམས་ཚན་སུམ་ཅུ་དང༌། འབྲས་སྤུངས་དགོན་པར་བརྒྱད་ཅུ། དགའ་ལྡན་དགོན་པར་ཉེར་དྲུག་བཅས་ཡོད་པ་ལྟ་བུ་ཡིན་ལ། འདི་ག་སེར་བྱེས་གྲྭ་ཚང་ལ་མཚོན་ན་སྔོན་ཆད་བོད་དུ་ཁམས་ཚན་ཉེར་གཅིག་བྱུང་ཞིང་། ཁམས་ཚན་འདི་དག་ཏུ་བོད་རྒྱ་ཧོར་སོགས་ནས་མི་རིགས་དང་ལུང་ཚན་དབྱེར་མེད་ཀྱི་སློབ་གཉེར་པ་གང་མང་ཞིག་རྒྱུན་མ་ཆད་པར་ཕེབས་མྱོང་ཡོད་པ་དང་། འཕགས་ཡུལ་དུ་བོད་ནས་གསར་འབྱོར་བ་དང་། ཧི་མ་ལ་ཡའི་རི་རྒྱུད་ཀྱི་བོད་རིགས། རུ་སོག་གི་ཡུལ། ཐེ་ཝན། ཀོ་རུ་ཡ། ནུབ་ཕྱོགས་རྒྱལ་ཁབ་སོགས་ནས་ཕེབས་པའི་གྲྭ་པ་སློབ་གཉེར་བ་རྣམས་བཞུགས་སའི་ཁམས་ཚན་བཅུ་གསུམ་ཡོད་དོ། །

སྔོན་ཆད་བོད་དུ་ཡོད་པའི་སེར་བྱེས་གྲྭ་ཚང་གི་ཁམས་ཚན་གྱི་ཐོ།
ཨང་།ཁམས་ཚན།ཨང་།ཁམས་ཚན།ཨང་།ཁམས་ཚན།
༠༡ བསམ་བློ། ༠༨ སྒོམ་སྡེ། ༡༥ ཨེ་པ།
༠༢ ཧར་གདོང་། ༠༩ ལྭ་བ། ༡༦ གཉལ་པ།
༠༣ བྱ་བྲལ། ༡༠ ལྡན་མ། ༡༧ དྭགས་པོ།
༠༤ ཏྲེ་ཧོར། ༡༡ མངའ་རིས། ༡༨ རྩེད་ཐང་།
༠༥ པྲ་སྟི། ༡༢ སྟག་མོ། ༡༩ གུ་གེ །
༠༦ ཚྭ་བ། ༡༣ གཙང་པ། ༢༠ དཔེ་ཐུབ།
༠༧ ལྷོ་པ། ༡༤ རྒྱལ་བྱེད། ༢༡ ཟངས་དཀར།
ང་དགུའི་རྗེས་སུ་འཕགས་ཡུལ་སེར་བྱེས་གྲྭ་ཚང་གི་ཁམས་ཚན་གྱི་ཐོ།
ཨང་།ཁམས་ཚན།ཨང་།ཁམས་ཚན།ཨང་།ཁམས་ཚན།
༠༡ བསམ་བློ། ༠༦ ཚྭ་བ། ༡༡ མངའ་རིས།
༠༢ ཧར་གདོང་། ༠༧ ལྷོ་པ ༡༢ གཙང་པ།
༠༣ བྱ་བྲལ། ༠༨ སྒོམ་སྡེ། ༡༣ དྭགས་པོ།
༠༤ ཏྲེ་ཧོར། ༠༩ ལྭ་བ ༡༤ རྩེད་ཐང་།
༠༥ པྲ་སྟི། ༡༠ ལྡན་མ།   -
ཤོག་ངོས་འདི་ལ་ཐེངས་ 7422 གཟིགས་འདུག
སེར་བྱེས་རིག་མཛོད་ཆེན་མོ།

དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་ (laptop, iPad, iPod iPhone & Android) སོགས་ཀྱི་ནང་དུ་ཐུགས་འདོད་ལྟར་ཕབ་ལེན་དང་གཟིགས་ཀློག་གནང་རོགས། 

དྲ་ཚིགས།: www.serajeyrigzodchenmo.org  གློག་འཕྲིན་ཁ་བྱང་། serajeyrigzodchenmo@gmail.com

སྡེ་ཚན་འདིའི་ནང་དུ་མང་། « གྲྭ་ཚང་གི་ཕྱག་མཛོད་ཀྱི་བྱུང་རིམ།