མཛད་པ་པོ། པཎ་ཆེན་བསོད་ནམས་གྲགས་པ།
བརྗོད་བྱ། བཀའ་གདམས་གསར་རྙིང་གི་ཆོས་འབྱུང་།
རིག་མཛོད་འཕྲུལ་དེབ་ཨང་། SJRB-0493
མ་ཕྱི། སེར་གཙུག་གྱི་དཔེ་ལྟར།
ཡིག་ཆའི་རྣམ་པ། PDF
ཤོག་གྲངས། 267 ལྗིད་ཚད། 2MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཁྲི་ཆེན་བཅོ་ལྔ་པ་པཎ་ཆེན་བསོད་ནམས་གྲགས་པ་མཆོག་ནི། ཕྱི་ལོ་༡༤༧༨ལ་ལྷོ་ཁའི་རྩེད་ཐང་ཆོས་གྲྭ་ཆེན་པོ་དང་ཉེ་བར་སྐུ་འཁྲུངས། རྩེད་ཐང་དགོན་གྱི་ཆོས་གྲྭར་ཞུགས་ཏེ་འབྲི་ཀློག་སོགས་སྦྱངས། མཁས་གྲུབ་བསོད་ནམས་བཀྲ་ཤིས་ལས་རབ་ཏུ་བྱུང་སྟེ་མཚན་བསོད་ནམས་གྲགས་པར་གསོལ། གསང་ཕུར་གཞུང་ཆེན་སློབ་གཉེར་གནང་ཞིང་རྩེད་ཐང་ཆོས་སྡེ་དང་གཡའ་བཟང་དགོན་གཉིས་སུ་ཕར་ཕྱིན་དང་རྣམ་འགྲེལ་གྱི་གྲྭ་སྐོར་མཛད། དགུང་ལོ་བཅུ་དྲུག་པར་སེར་བྱེས་གྲྭ་ཚང་དུ་ཞུགས་ནས་ཀུན་མཁྱེན་དོན་ཡོད་དཔལ་ལྡན་དང་། གཉལ་སྟོན་དཔལ་འབྱོར་ལྷུན་གྲུབ་སོགས་བསྟེན་ཏེ་གཞུང་ཆེན་བཀའ་པོད་ལྔ་སོགས་ལ་སློབ་གཉེར་དཔྱིས་ཕྱིན་པར་གནང་ཞིང་མདོ་སྔགསཀྱི་ཆོས་རྒྱུན་གང་མང་གསན། ཕྱི་ལོ་༡༥༠༨ལོ་ནས་རྒྱུད་སྟོད་གྲྭ་ཚང་དུ་དཔལ་གསང་བ་འདུས་པ་སོགས་ལ་སློབ་གཉེར་གནང་། དགུང་ལོ་སོ་བཞིའི་སྐབས་རྒྱུད་སྟོད་གྲྭ་ཚང་གི་སློབ་དཔོན་གྱི་ཁྲིར་ཕེབས་ཤིང་ལོ་བཅུ་གསུམ་གྱི་རིང་རྒྱུད་ཀྱི་འཆད་ཉན་མཛད། དགུང་ལོ་ཞེ་བདུན་པར་འབྲས་སྤུངས་བློ་གསལ་གླིང་གི་སློབ་དཔོན་གྱི་ཁྲིར་བཞུགས། དེ་རྗེས་དགའ་ལྡན་ཤར་རྩེ་གྲྭ་ཚང་གི་མཁན་པོར་ཡང་ཕེབས། དགུང་ལོ་ང་གཉིས་པ་ཕྱི་ལོ་༡༥༢༩ལོ་ནས་དགའ་ལྡན་གསེར་ཁྲི་ལོ་བརྒྱད་ཀྱི་རིང་བསྐྱངས། དགུང་ལོ་རེ་དྲུག་པར་འབྲས་སྤུངས་ཚོགས་ཆེན་གྱི་ཁྲིར་ཕེབས། ཕྱི་ལོ་༡༥༤༦ལོ་ནས་སེ་ར་ཐེག་ཆེན་གླིང་གི་ཁྲིར་ཕེབས་ཏེ་ཆོས་སྲིད་གཉིས་ཀྱིས་བསྐྱངས། སློབ་མའི་གཙོ་བོ་༸རྒྱལ་བ་བསོད་ནམས་རྒྱ་མཚོ་སོགས་མང་དུ་བྱུང་། ཕྱི་ལོ་༡༥༥༤དགུང་ལོ་དོན་བདུན་པར་འབྲས་སྤུངས་གཟིམས་ཁང་གོང་དུ་ཞི་བར་གཤེགས། གསུང་རྩོམ་ལ། མདོ་སྔགས་སོགས་ཀྱི་བསྟན་བཅོས་མང་དུ་བཞུགས། སྐུ་ཕྲེང་རིམ་པར་བྱོན་པ་རྣམས་ལ་མངའ་རིས་སྤྲུལ་སྐུ་རིན་པོ་ཆེ་ཞུ།
འཕྲུལ་དེབ་འདིར། ཇོ་བོ་རྗེ་ནས་བཀའ་གདམས་རིན་པོ་ཆེ་དབུ་བརྙེས་ཤིང་དར་རྒྱས་བྱུང་ཚུལ་དང་། རྗེ་ཡབ་སྲས་ཀྱི་རིང་ལུགས་སྐྱོང་བའི་གདན་ས་ཆེན་པོ་ཁག་དང་གསང་ཆེན་རྒྱུད་གྲྭ་སྟོད་སྨད་སོགས་ཀྱི་ཆོས་གྲྭ་ཁག་གསར་འདེབས་དང་དར་རྒྱས་བྱུང་བའི་སྐོར་བཞུགས།

མཛད་པ་པོ། དཔའ་བོ་གཙུག་ལག་ཕྲེང་བ།
བརྗོད་བྱ། རྒྱ་གར་དང་བོད་དུ་ཆོས་བྱུང་ཚུལ།
རིག་མཛོད་འཕྲུལ་དེབ་ཨང་། SJRB-0497
མ་ཕྱི། མི་རིགས་དཔེ་སྐྲུན་ཁང་གི་དཔེ་ལྟར་བསྒྲིགས།
ཡིག་ཆའི་རྣམ་པ། PDF
ཤོག་གྲངས། 1048 ལྗིད་ཚད། 5.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གཞུང་འདིའི་མཛད་པ་པོ་དཔའ་བོ་གཙུག་ལག་ཕྲེང་བ་ནི། རབ་བྱུང་བརྒྱད་པའི་ཤིང་བྱི་ཕྱི་ལོ་༡༥༠༤ལ་སྙེ་ཐང་ཕྱོགས་སུ་འཁྲུངས། དགུང་ལོ་ལྔ་པར་དཔའ་བོ་སྐུ་ཕྲེང་དང་པོ་ཆོས་དབང་ལྷུན་གྲུབ་ཀྱི་སྐུ་སྐྱེར་ངོས་འཛིན་ཞུས། བླ་མ་རྟོགས་ལྡན་དགེ་འདུན་རྒྱ་མཚོ་ལས་འབྲི་ཀློག་སོགས་སྦྱངས། དགུང་ལོ་དགུ་པ་ལ་དགེ་བསྙེན་དང་རབ་བྱུང་དགེ་ཚུལ་དུ་བསྒྲུབས། དགུང་ལོ་བཅུ་གཉིས་པར་ནཱ་རོ་ཆོས་དྲུག་སོགས་གསང་སྔགས་གསར་རྙིང་གི་དབང་ཆོས་མང་པོ་དང་ཕྱག་ཆེན་མ་རིག་མུན་སེལ་སོགས་ཀྱི་ཟབ་གནད་བཀའ་ཁྲིད་གསན། ཕྱི་ལོ་༡༥༢༦ལོར་ཞ་ལུ་ལོ་ཆེན་ཆོས་སྐྱོང་བཟང་པོ་ལས་བསྙེན་པར་རྫོགས། དགུང་ལོ་ཉེར་དགུ་པར་རྒྱལ་དབང་ཀརྨ་པ་ཀུན་མཁྱེན་མི་བསྐྱོད་རྡོ་རྗེ་དང་མཇལ་ཞིང་། ནཱ་རོ་ཆོས་དྲུག་དང་། ཕྱག་ཆེན་ལྷན་ཅིག་སྐྱེས་སྦྱོར། དུས་ཀྱི་འཁོར་ལོའི་དབུས་རྒྱུད་སྡེ་བཞིའི་དབང་བཀའ་རྫོགས་པར་གསན་ནས་རྡོ་རྗེ་ཐེག་པའི་བསྟན་པ་རྫོགས་པར་མཇལ། དབུ་ཚད་འདུལ་མངོན་ཕར་ཕྱིན་དང་། ནང་བརྟག་རྒྱུད་གསུམ་སོགས་མདོ་སྔགས་རིག་གནས་དང་བཅས་པའི་ཟབ་ཆོས་མཐའ་དག་གསན་སྦྱང་མཛད་དེ། ཤེས་བྱ་རིག་གནས་ཀུན་ལ་མཁས་པ་ཕུལ་དུ་ཕྱིན་ཏེ་དཔའ་བོ་གཙུག་ལག་ཕྲེང་བ་ཞེས་སྙན་པའི་གྲགས་པ་འབར། ཕྱི་ལོ་༡༥༣༣ལོ་ནས་ལོ་མང་པོར་སྒར་ཆེན་གྱི་ཀློག་པའི་གནས་བརྟན་གྱི་སློབ་དཔོན་གནང་། དགུང་ལོ་སོ་བདུན་ནས་བཟུང་ཙ་རི་སོགས་སུ་ལོ་ངོ་དུ་མར་སྒོམ་སྒྲུབ་མཛད། ཞྭ་དམར་དཀོན་མཆོག་འབངས་དང་། དཔལ་ཁང་ལོ་ཙཱ་བ། ཀརྨ་པ་དབང་ཕྱུག་རྡོ་རྗེ་སོགས་སློབ་མ་མང་དུ་བསྐྱངས། བསྟན་པའི་གཞི་མ་དགེ་འདུན་གྱི་སྡེ་དུ་མ་གསར་འཛུགས་མཛད། རྟེན་རྙིང་ཞིག་གསོ་དང་གསར་བཞེངས་མཛད་པ་སོགས་བསྟན་པ་འཁོར་ལོ་གསུམ་གྱིས་སྐྱོང་བར་མཛད། མཐར་དགུང་ལོ་རེ་གསུམ་ཕྱི་ལོ་༡༥༦༦ལོར་གཟུགས་སྐུའི་བཀོད་པ་བསྡུས། སྤྱོད་འཇུག་འགྲེལ་ཆེན་དང་། རྩིས་ཀྱི་བསྟན་བཅོས། གསོ་བ་རིག་པའི་རྒྱུད་བཞིའི་རྣམ་བཤད། ཆོས་འབྱུང་མཁས་པའི་དགའ་སྟོན་སོགས་གསུང་རྩོམ་པོད་བཞི་བཞུགས།
འཕྲུལ་དེབ་འདིར་ཆོས་འབྱུང་མཁས་པའི་དགའ་སྟོན་གྱི་ཡན་ལག་གསུམ་པ་བོད་ཀྱི་སྐབས་ཀྱི་ལེའུ་བདུན་པ་མན་ཆད་དང་། ཡན་ལག་བཞི་པ་དང་ཡན་ལག་ལྔ་པ་ཆ་ཚང་བར་བཞུགས།

མཛད་པ་པོ། དཔའ་བོ་གཙུག་ལག་ཕྲེང་བ།
བརྗོད་བྱ། རྒྱ་གར་དང་བོད་དུ་ཆོས་བྱུང་ཚུལ།
རིག་མཛོད་འཕྲུལ་དེབ་ཨང་། SJRB-0496
མ་ཕྱི། མི་རིགས་དཔེ་སྐྲུན་ཁང་གི་དཔེ་ལྟར་བསྒྲིགས།
ཡིག་ཆའི་རྣམ་པ། PDF
ཤོག་གྲངས། 960 ལྗིད་ཚད། 5.1MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གཞུང་འདིའི་མཛད་པ་པོ་དཔའ་བོ་གཙུག་ལག་ཕྲེང་བ་ནི། རབ་བྱུང་བརྒྱད་པའི་ཤིང་བྱི་ཕྱི་ལོ་༡༥༠༤ལ་སྙེ་ཐང་ཕྱོགས་སུ་འཁྲུངས། དགུང་ལོ་ལྔ་པར་དཔའ་བོ་སྐུ་ཕྲེང་དང་པོ་ཆོས་དབང་ལྷུན་གྲུབ་ཀྱི་སྐུ་སྐྱེར་ངོས་འཛིན་ཞུས། བླ་མ་རྟོགས་ལྡན་དགེ་འདུན་རྒྱ་མཚོ་ལས་འབྲི་ཀློག་སོགས་སྦྱངས། དགུང་ལོ་དགུ་པ་ལ་དགེ་བསྙེན་དང་རབ་བྱུང་དགེ་ཚུལ་དུ་བསྒྲུབས། དགུང་ལོ་བཅུ་གཉིས་པར་ནཱ་རོ་ཆོས་དྲུག་སོགས་གསང་སྔགས་གསར་རྙིང་གི་དབང་ཆོས་མང་པོ་དང་ཕྱག་ཆེན་མ་རིག་མུན་སེལ་སོགས་ཀྱི་ཟབ་གནད་བཀའ་ཁྲིད་གསན། ཕྱི་ལོ་༡༥༢༦ལོར་ཞ་ལུ་ལོ་ཆེན་ཆོས་སྐྱོང་བཟང་པོ་ལས་བསྙེན་པར་རྫོགས། དགུང་ལོ་ཉེར་དགུ་པར་རྒྱལ་དབང་ཀརྨ་པ་ཀུན་མཁྱེན་མི་བསྐྱོད་རྡོ་རྗེ་དང་མཇལ་ཞིང་། ནཱ་རོ་ཆོས་དྲུག་དང་། ཕྱག་ཆེན་ལྷན་ཅིག་སྐྱེས་སྦྱོར། དུས་ཀྱི་འཁོར་ལོའི་དབུས་རྒྱུད་སྡེ་བཞིའི་དབང་བཀའ་རྫོགས་པར་གསན་ནས་རྡོ་རྗེ་ཐེག་པའི་བསྟན་པ་རྫོགས་པར་མཇལ། དབུ་ཚད་འདུལ་མངོན་ཕར་ཕྱིན་དང་། ནང་བརྟག་རྒྱུད་གསུམ་སོགས་མདོ་སྔགས་རིག་གནས་དང་བཅས་པའི་ཟབ་ཆོས་མཐའ་དག་གསན་སྦྱང་མཛད་དེ། ཤེས་བྱ་རིག་གནས་ཀུན་ལ་མཁས་པ་ཕུལ་དུ་ཕྱིན་ཏེ་དཔའ་བོ་གཙུག་ལག་ཕྲེང་བ་ཞེས་སྙན་པའི་གྲགས་པ་འབར། ཕྱི་ལོ་༡༥༣༣ལོ་ནས་ལོ་མང་པོར་སྒར་ཆེན་གྱི་ཀློག་པའི་གནས་བརྟན་གྱི་སློབ་དཔོན་གནང་། དགུང་ལོ་སོ་བདུན་ནས་བཟུང་ཙ་རི་སོགས་སུ་ལོ་ངོ་དུ་མར་སྒོམ་སྒྲུབ་མཛད། ཞྭ་དམར་དཀོན་མཆོག་འབངས་དང་། དཔལ་ཁང་ལོ་ཙཱ་བ། ཀརྨ་པ་དབང་ཕྱུག་རྡོ་རྗེ་སོགས་སློབ་མ་མང་དུ་བསྐྱངས། བསྟན་པའི་གཞི་མ་དགེ་འདུན་གྱི་སྡེ་དུ་མ་གསར་འཛུགས་མཛད། རྟེན་རྙིང་ཞིག་གསོ་དང་གསར་བཞེངས་མཛད་པ་སོགས་བསྟན་པ་འཁོར་ལོ་གསུམ་གྱིས་སྐྱོང་བར་མཛད། མཐར་དགུང་ལོ་རེ་གསུམ་ཕྱི་ལོ་༡༥༦༦ལོར་གཟུགས་སྐུའི་བཀོད་པ་བསྡུས། སྤྱོད་འཇུག་འགྲེལ་ཆེན་དང་། རྩིས་ཀྱི་བསྟན་བཅོས། གསོ་བ་རིག་པའི་རྒྱུད་བཞིའི་རྣམ་བཤད། ཆོས་འབྱུང་མཁས་པའི་དགའ་སྟོན་སོགས་གསུང་རྩོམ་པོད་བཞི་བཞུགས།
འཕྲུལ་དེབ་འདིར་ཆོས་འབྱུང་མཁས་པའི་དགའ་སྟོན་གྱི་ཡན་ལག་དང་པོ་འཇིག་རྟེན་གྱི་ཁམས་སྤྱིར་བསྟན་པ་དང་། ཡན་ལག་གཉིས་པ་རྒྱ་གར་གྱི་སྐབས་ཀྱི་ལེའུ་ཆ་ཚང་། ཡན་ལག་གསུམ་པ་བོད་ཀྱི་སྐབས་ཀྱི་ལེའུ་དྲུག་པ་ཡན་ཆད་བཅས་བཞུགས།

མཛད་པ་པོ། གཙང་པཎྜི་ཏ་བློ་བཟང་བསྟན་པ་རྒྱ་མཚོ།
བརྗོད་བྱ། རང་དོན་ལེའུ་དང་གཞན་དོན་ལེའུའི་དཀའ་གནས།
རིག་མཛོད་འཕྲུལ་དེབ་ཨང་། SJRB-0174
ཡིག་ཆའི་རྣམ་པ། PDF
ཤོག་གྲངས། 262 ལྗིད་ཚད། 2.2MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གཞུང་འདིའི་མཛད་པ་པོ་གཙང་སྤྲུལ་བློ་བཟང་བསྟན་པ་རྒྱ་མཚོ་ནི། རབ་བྱུང་བཅུ་གཉིས་པའི་མེ་སྦྲུལ་ཕྱི་ལོ་༡༧༣༧ལ་མདོ་སྨད་ཨ་རིག་ཏུ་འཁྲུངས། རོང་བོའི་དགོན་ཆེན་དུ་བསྡུས་ཚན་རྣམ་འགྲེལ་སོགས་ཞིབ་སྦྱོང་མཛད། དབུས་སུ་ཕེབས་ནས་སེར་བྱེས་བྱ་བྲལ་ཁང་ཚན་དུ་སེར་བྱེས་དཔོན་སློབ་བྱམས་པ་སྨོན་ལམ་པ་སོགས་བསྟེན་ཏེ་གཞུང་ཆེན་བཀའ་པོད་ལྔ་ལ་ཞིབ་སྦྱོང་མཛད་ཅིང་། གྲྭ་སར་ཕེབས་ནས་ཡུན་རིང་མ་སོང་བར་མཁས་པའི་གྲགས་པ་འབར། ༸པཎ་ཆེན་དཔལ་ལྡན་ཡེ་ཤེས་སེ་རར་ཕེབས་སྐབས་ཤིག་མངའ་རིས་དགེ་བཤེས་ཐོགས་མེད་ཞུ་བ་དང་ལྷན་དུ་རྣམ་འགྲེལ་ཚོགས་གླེང་མཛད་པར་༸པཎ་ཆེན་རིན་པོ་ཆེ་ནས་དེ་རིང་ཡིན་ན་ཨ་མདོའི་ཞབས་དྲུང་གིས་ཐོགས་མེད་ཐོགས་བཅས་བྱས་སོང་ཞེས་ཞལ་རྩེད་དང་། འདི་འདྲ་ཞིག་ཁ་དོག་དཀར་དམར་དུ་ཡོད་ཀྱང་ལྷ་རམས་པར་འོས་ཞེས་བསྔགས་བརྗོད་མཛད། དབུ་ཕར་འདུལ་མཛོད་ཀྱི་རྩ་འགྲེལ་ཁག་ལ་སློབ་གཉེར་རྡོ་རུས་ཐུག་པ་གནང་། ཀུན་གཟིགས་༸པཎ་ཆེན་རིན་པོ་ཆེ་དང། བྲག་རི་ངག་དབང་དོན་གྲུབ། ཕུར་བུ་ལྕོག་ངག་དབང་བྱམས་པ། ཀུན་མཁྱེན་འཇིགས་མེད་དབང་པོ་སོགས་ཀྱི་མདུན་དུ་མདོ་རྒྱུད་ཀྱི་དབང་ལུང་མན་ངག་བཀའ་ཆོས་གང་གནང་ཆག་མེད་གསན་ཞིང་། གཞན་ལའང་དཔེ་ཁྲིད་དོགས་གཅོད་རྒྱ་ཆེར་གནང་། སློབ་གཉེར་མཐར་ཕྱིན་ནས་ལྷ་ལྡན་སྨོན་ལམ་ཆེན་མོའི་གྲྭ་སྐོར་དམ་བཅའ་བཞག་ཅིང་། གཞུང་ས་མཆོག་ནས་ལོ་དེའི་ལྷ་རམས་ཨང་དང་པོའི་གཟེངས་བསྟོད་བཀའ་དྲིན་གནང་། ལྷ་རམས་དམ་བཅའ་གྲུབ་འཕྲལ་ཕ་ཡུལ་ཕྱོགས་སུ་ཆིབས་བསྒྱུར་གནང་སྟེ། རབ་བྱུང་བཅུ་གསུམ་པའི་ཤིང་བྱ་ཕྱི་ལོ་༡༧༦༥ལ་གཙང་དགོན་དོན་གྲུབ་རབ་བརྟན་གླིང་ཕྱག་བཏབ། གཞི་གསུམ་གྱི་ཕྱག་ལེན་དང་། བཀའ་པོད་ལྔའི་འཆད་ཉན་སེར་བྱེས་ལྟར་དང་། སྨད་རྒྱུད་གྲྭ་ཚང་གི་ཕྱག་ལེན་ལྟར་གྱི་སྔགས་ཕྱོགས་ཀྱི་འཆད་ཉན་ཡང་ལེགས་པར་བཙུགས། དགོན་པ་ཕྱག་བཏབ་ནས་དགོངས་པ་མ་རྫོགས་བར་ལམ་རིམ་ཆེ་ཆུང་གི་བཤད་ལུང་། གཞུང་ཆེན་བཀའ་པོད་ལྔའི་དཔེ་ཁྲིད་དོགས་གཅོད། རྒྱུད་ཀྱི་རྒྱལ་བོ་དཔལ་གསང་བདེ་གཉིས་ཀྱི་རྩ་འགྲེལ་གྱི་གཙོའི་སྔགས་ཀྱི་གཞུང་དུ་མའི་བཤད་ལུང་ཁྲིད་རྒྱུན། སྒྲ་གསོ་རྩིས་དཀར་ནག་སུམ་རྟགས་སྙན་ངག་སྡེབ་སྦྱོར་སོགས་ཐུན་མོང་རིག་གནས་ཀྱི་གཟབ་ཁྲིད་རྒྱུན་སྐྱོང་། བསྟན་པའི་གཞི་མ་དགེ་ཚུལ་སློང་གི་སྡོམ་པ་འབུལ་བ་སོགས་བསྟན་པ་རིན་པོ་ཆེ་བཤད་སྒྲུབ་གཉིས་ཀྱི་སྒོ་ནས་མི་ཉམས་ཡར་རྒྱས་སུ་འགྲོ་བའི་ཐབས་འབའ་ཞིག་གིས་ཉིན་མཚན་ཡོངས་སུ་འདའ་བར་མཛད། རབ་བྱུང་བཅུ་གསུམ་པའི་ལྕགས་བྱི་ཕྱི་ལོ་༡༧༨༠ལོར་དགོངས་པ་ཆོས་དབྱིངས་སུ་ཐིམ་པའི་ཚུལ་མཛད།

སེར་བྱེས་རིག་མཛོད་རྩོམ་སྒྲིག་པས་བཏུས་བསྒྲིགས་བྱས།