སེར་བྱེས་མཁས་སྙན་གྲྭ་ཚང་གི་སློབ་གཉེར་བའི་སློབ་ཚན་དང་རྒྱུགས་སྤྲོད་ཁག
དྲ་འཇུག་པ། སེར་བྱེས་རིག་མཛོད་ཆེན་མོ།| སེར་བྱེས་མཁས་སྙན་གྲྭ་ཚང་གི་རྒྱུགས་སྤྲོད་ཁོངས་སུ་ཡོད་པའི་འཛིན་གྲྭ་སོ་སོའི་སློབ་ཚན་དང་རྒྱུགས་སྤྲོད་ཁག | ||||
|---|---|---|---|---|
| རྣམ་གྲངས། | འཛིན་གྲའི་སྡེ་ཚན། | སློབ་ཚན་དང་རྩོད་རྒྱུགས། | བློ་རྒྱུགས། | ཟུར་སྦྱོང་སློབ་ཚན། |
| ༠༡ | བཀའ་རམས་འཛིན་གྲྭ། | མཛོད་གནས་ལྔ་པ་ནས་བརྒྱད་པའི་བར། | འདུལ་བ་མདོ་རྩ་བ། བྱ་སྡོམ། གོང་དཀར་སྡོམ། བཀའ་སྡོམ། མཛོད་རྩ་བ། རྣམ་འགྲེལ་རྩ་བ་ལེའུ་གཉིས་པ། | ཐུའུ་བཀྭན་གྲུབ་མཐའ་ལས་དགེ་ལུགས་པའི་གྲུབ་མཐའ་འབྱུང་ཚུལ་ཆ་ཚང་དང་། རྣམ་ཐར་དད་པའི་འཇུག་ངོགས། དག་ཆ་ནོར་བཅོས། |
| ༠༢ | མཛོད་འཛིན་གྲྭ། | མཛོད་གནས་དང་པོ་ནས་བཞི་པའི་བར། | འདུལ་བ་མདོ་རྩ་བ། བྱ་སྡོམ། གོང་དཀར་སྡོམ། བཀའ་སྡོམ། མཛོད་རྩ་བ། རྣམ་འགྲེལ་རྩ་བ་ལེའུ་གཉིས་པ། | ཐུའུ་བཀྭན་གྲུབ་མཐའ་ལས་དགེ་ལུགས་པའི་གྲུབ་མཐའ་འབྱུང་ཚུལ་ཆ་ཚང་དང་། རྣམ་ཐར་དད་པའི་འཇུག་ངོགས། དག་ཆ་ནོར་བཅོས། |
| ༠༣ | འདུལ་རྙིང་འཛིན་གྲྭ། | ཞུ་བ་སྤྱིར་བསྟན་ནས་གཞི་སྨད་རྫོགས་མཚམས་བར། | འདུལ་བ་མདོ་རྩ་བ། བྱ་སྡོམ། གོང་དཀར་སྡོམ། བཀའ་སྡོམ། མཛོད་རྩ་བ། རྣམ་འགྲེལ་རྩ་བ་ལེའུ་གཉིས་པ། | ཐུའུ་བཀྭན་གྲུབ་མཐའ་ལས་དགེ་ལུགས་པའི་གྲུབ་མཐའ་འབྱུང་ཚུལ་ཆ་ཚང་དང་། ཡོངས་འཛིན་ཡེ་ཤེས་རྒྱལ་མཚན་གྱིས་སྟོན་པའི་རྣམ་ཐར། དག་ཆ་ནོར་བཅོས། |
| ༠༤ | འདུལ་གསར་འཛིན་གྲྭ། ཀ | འདུལ་བ་མཚོ་ཊཱིཀ་སྤང་ལྟུང་ནས་གཞི་སྟོད་རྫོགས་མཚམས་བར། | འདུལ་བ་མདོ་རྩ་བ། བྱ་སྡོམ། གོང་དཀར་སྡོམ། བཀའ་སྡོམ། མཛོད་རྩ་བ། རྣམ་འགྲེལ་རྩ་བ་ལེའུ་གཉིས་པ། | ཐུའུ་བཀྭན་གྲུབ་མཐའ་ལས་དགེ་ལུགས་པའི་གྲུབ་མཐའ་འབྱུང་ཚུལ་ཆ་ཚང་དང་། རྣམ་ཐར་དད་པའི་འཇུག་ངོགས། |
| ༠༥ | འདུལ་གསར་འཛིན་གྲྭ། ཁ | འདུལ་བ་མཚོ་ཊཱིཀ་དབུ་ནས་ལྷག་མ་རྫོགས་མཚམས་བར། | འདུལ་བ་མདོ་རྩ་བ། བྱ་སྡོམ། གོང་དཀར་སྡོམ། བཀའ་སྡོམ། མཛོད་རྩ་བ། རྣམ་འགྲེལ་རྩ་བ་ལེའུ་གཉིས་པ། | རྣམ་ཐར་དད་པའི་འཇུག་ངོགས། དག་ཆ་ནོར་བཅོས། |
| ༠༦ | དབུ་རྙིང་འཛིན་གྲྭ། ཀ | དགོངས་པ་རབ་གསལ་ཚད་འགོག་ནས་རྫོགས་མཚམས་བར། | དབུ་མ་རྩ་བ་ཤེས་རབ། དབུ་མ་ལ་འཇུག་པ། འཇུག་ཊཱིཀ་གསལ་བའི་མེ་ལོང་། དྲང་ངེས་ལེགས་བཤད་སྙིང་པོའི་དབུ་མའི་སྐོར་ཆ་ཚང་། རྣམ་འགྲེལ་རྩ་བ་ལེའུ་གཉིས་པ། | དག་ཡིག་ངག་སྒྲོན་དང་། རྟེན་འབྲེལ་བསྟོད་པ། དག་ཆ་ནོར་བཅོས། |
| ༠༧ | དབུ་རྙིང་འཛིན་གྲྭ། ཁ | དགོངས་པ་རབ་གསལ་དབུ་ནས་བདེན་གཉིས་རྫོགས་མཚམས་བར། | དབུ་མ་རྩ་བ་ཤེས་རབ། དབུ་མ་ལ་འཇུག་པ། འཇུག་ཊཱིཀ་གསལ་བའི་མེ་ལོང་། དྲང་ངེས་ལེགས་བཤད་སྙིང་པོའི་དབུ་མའི་སྐོར་ཆ་ཚང་། རྣམ་འགྲེལ་རྩ་བ་ལེའུ་གཉིས་པ། | རྒྱལ་བ་བསྐལ་བཟངརྒྱ་མཚོས་མཛད་པའི་འཕགས་བསྟོད་དང་། དུས་གསུམ་དང་། དངོས་པོ་བདག་གཞན། དག་ཆ་ནོར་བཅོས། |
| ༠༨ | དབུ་གསར་འཛིན་གྲྭ། ཀ | དབུ་མའི་སྤྱི་དོན་ཐལ་ཟློག་ནས་རྫོགས་མཚམས་བར། | དབུ་མའི་སྤྱི་དོན་ཐར་ཟློག་ནས་རྫོགས་མཚམས་བར། དབུ་མ་ལ་འཇུག་པ། འཇུག་ཊཱིཀ་གསལ་བའི་མེ་ལོང་། དྲང་ངེས་ལེགས་བཤད་སྙིང་པོའི་དབུ་མའི་སྐོར་ཆ་ཚང་། རྣམ་འགྲེལ་རྩ་བ་ལེའུ་གཉིས་པ། | གཞུང་སྒེར་ལ་སྙན་ཞུ་འབུལ་སྟངས་དང་། ཆོས་སྲིད་གང་རུང་ཐོག་རྩོམ་ཡིག་ཡིག་ཕྲེང་ཉེར་ལྔ་ལས་མི་ཉུང་བ་འབྲི་དགོས། དག་ཆ་ནོར་བཅོས། |
| ༠༩ | དབུ་གསར་འཛིན་གྲྭ། ཁ | དབུ་མའི་སྤྱི་དོན་དབུ་ནས་དགག་བྱ་རྫོགས་མཚམས་བར། | དབུ་མའི་སྤྱི་དོན་དབུ་ནས་དགག་བྱ་རྫོགས་མཚམས་བར། དབུ་མ་ལ་འཇུག་པ། འཇུག་ཊཱིཀ་གསལ་བའི་མེ་ལོང་། དྲང་ངེས་ལེགས་བཤད་སྙིང་པོའི་དབུ་མའི་སྐོར་ཆ་ཚང་། རྣམ་འགྲེལ་རྩ་བ་ལེའུ་གཉིས་པ། | གཞུང་སྒེར་ལ་སྙན་ཞུ་འབུལ་སྟངས་དང་། ཆོས་སྲིད་གང་རུང་ཐོག་རྩོམ་ཡིག་ཡིག་ཕྲེང་ཉེར་ལྔ་ལས་མི་ཉུང་བ་འབྲི་དགོས། དག་ཆ་ནོར་བཅོས། |
| ༡༠ | ཕར་ཕྱིན་འཛིན་གྲྭ། ཀ | ཕར་ཕྱིན་སྐབས་ལྔ་པ་ནས་བརྒྱད་པའི་བར། | འགྲེལ་བ་དོན་གསལ་ཆ་ཚང་།མདོ་སྡེ་རྒྱན།རྣམ་རྩ་ལེའུ་དང་པོ།མངོན་རྟོགས་རྒྱན།ལེགས་བཤད་སྙིང་པོའི་སེམས་ཙམ་པ་དང་རང་རྒྱུད་པ། | རྟགས་འཇུག་རྩ་འགྲེལ་དང་། བྲ་ཏིའི་རྟགས་འཇུག །དག་ཆ་ནོར་བཅོས། |
| ༡༡ | ཕར་ཕྱིན་འཛིན་གྲྭ། ཁ | ཕར་ཕྱིན་སྐབས་བཞི་པ་ཆ་ཚང་། | འགྲེལ་བ་དོན་གསལ་ཆ་ཚང་། མདོ་སྡེ་རྒྱན། རྣམ་རྩ་ལེའུ་དང་པོ། མངོན་རྟོགས་རྒྱན། ལེགས་བཤད་སྙིང་པོའི་སེམས་ཙམ་པ་དང་རང་རྒྱུད་པ། | རྟགས་འཇུག་རྩ་འགྲེལ་དང་།བྲ་ཏིའི་རྟགས་འཇུག།དག་ཆ་ནོར་བཅོས། |
| ༡༢ | ཟུར་རྙིང་འཛིན་གྲྭ། གོང་མ། | ཀུན་གཞི། ཕར་ཕྱིན་སྐབས་གཉིས་པ་དང་གསུམ་པ། | འགྲེལ་བ་དོན་གསལ་སྐབས་གསུམ་པ་བར། མདོ་སྡེ་རྒྱན། རྣམ་རྩ་ལེའུ་དང་པོ། མངོན་རྟོགས་རྒྱན། ཀུན་གཞིའི་རྩ་བ། ལེགས་བཤད་སྙིང་པོའི་སེམས་ཙམ་བར། | སུམ་ཅུ་པའི་རྩ་འགྲེལ། བྲ་ཏིའི་སུམ་རྟགས། |
| ༡༣ | ཟུར་རྙིང་འཛིན་གྲྭ། འོག་མ། | བསམ་གཟུགས། རྟེན་འབྲེལ། དགེ་འདུན་ཉི་ཤུ། | འགྲེལ་བ་དོན་གསལ་སྐབས་གསུམ་པ་བར།མདོ་སྡེ་རྒྱན།རྣམ་རྩ་ལེའུ་དང་པོ།མངོན་རྟོགས་རྒྱན།ཀུན་གཞིའི་རྩ་བ།ལེགས་བཤད་སྙིང་པོའི་སེམས་ཙམ་བར། | སུམ་ཅུ་པའི་རྩ་འགྲེལ།བྲ་ཏིའི་སུམ་རྟགས། |
| ༡༤ | ཟུར་གསར་འཛིན་གྲྭ། | དྲང་ངེས་དབུ་ནས་སེམས་ཙམ་རྫོགས་མཚམས་བར། ས་ལམ་ཆེན་མོ། | འགྲེལ་བ་དོན་གསལ་སྐབས་གསུམ་པ་བར།རྣམ་རྩ་ལེའུ་དང་པོ།མངོན་རྟོགས་རྒྱན།ལེགས་བཤད་སྙིང་པོའི་སེམས་ཙམ་བར། | རྟགས་འཇུག་དཀའ་གནད་གསལ་བའི་མེ་ལོང་། |
| ༡༥ | གཞུང་རྙིང་འཛིན་གྲྭ། | སེམས་བསྐྱེད་ནས་རིགས་བར། | སྐབས་དང་པོའི་སྤྱི་དོན་སེམས་བསྐྱེད་ནས་རྫོགས་མཚམས་བར། མངོན་རྟོགས་རྒྱན། འགྲེལ་བ་དོན་གསལ་སྐབས་དང་པོ། རྣམ་རྩ་ལེའུ་དང་པོ། རྒྱུད་བླ་མ། | ལེགས་བཤད་ལྗོན་དབང་རྩ་འགྲེལ། ཡིག་གཟུགས། |
| ༡༦ | གཞུང་གསར་འཛིན་གྲྭ། | སྐབས་དང་པོ་སྤྱི་དོན་དབུ་ནས་ཟློས་སྤོང་བར། | སྐབས་དང་པོའི་སྤྱི་དོན་དབུ་ནས་ཟློས་སྤོང་བར། མངོན་རྟོགས་རྒྱན། འགྲེལ་བ་དོན་གསལ་སྐབས་དང་པོ། རྣམ་རྩ་ལེའུ་དང་པོ། | ལེགས་བཤད་ལྗོན་དབང་རྩ་འགྲེལ། ཡིག་གཟུགས། |
| ༡༧ | བསྡུས་ཆེན་འཛིན་གྲྭ། | གྲུབ་དོན་ས་གསུམ། | ཆོས་སྤྱོད་རབ་གསལ་སོགས། | ཡིག་གཟུགས། |
| ༡༨ | བསྡུས་འབྲིང་འཛིན་གྲྭ། | བློ་རིག་དང་རྟགས་རིགས། | ཆོས་སྤྱོད་རབ་གསལ་སོགས། | ཡིག་གཟུགས། |
| ༡༩ | བསྡུས་ཆུང་འཛིན་གྲྭ། | བསྡུས་གྲྭ་གསུམ། | ཆོས་སྤྱོད་རབ་གསལ་སོགས། | ཡིག་གཟུགས། |
| གོང་འཁོད་ཀྱི་བསྡུས་གྲྭ་གསུམ་ལས་གཞན་པའི་འཛིན་གྲྭ་སོ་སོའི་སློབ་ཚན་དང་རྒྱུགས་སྤྲོད་ཀྱི་རིམ་པ་ཁག །སེར་བྱེས་གཙུག་ལག་སློབ་གཉེར་འཛིན་སྐྱོང་ལྷན་ཚོགས་ཀྱི་སྒྲིག་གཞི་བཞིན་བཅུག་ཡོད། སྒྲིག་བཟོ་བ། དགེ་བཤེས་སྐལ་བཟང་ཐར་འདོད་ཀྱིས་༢༠༢༤-༠༥-༢༥ ལ། | ||||
| རྣམ་གྲངས། | ཚན་རིག་འཛིན་གྲའི་སྡེ་ཚན། | ཚན་རིག་སློབ་ཚན། | ལོ་འཁོར་རྒྱུགས་སྤྲོད། | |
| ༠༡ | ལྟ་གྲུབ་འཛིན་གྲྭ། | ལྟ་གྲུབ། | ཕྱི་ཟླ་༡༡པའི་ནང་ལྟ་གྲུབ་རྒྱུགས་སྤྲོད། | |
| ༠༢ | དངོས་ཁམས་འཛིན་གྲྭ། | དངོས་ཁམས་ཚན་རིག | ཕྱི་ཟླ་༡༡པའི་ནང་དངོས་ཁམས་ཚན་རིག་རྒྱུགས་སྤྲོད། | |
| ༠༣ | སྐྱེ་དངོས་འཛིན་གྲྭ། | སྐྱེ་དངོས་ཚན་རིག | ཕྱི་ཟླ་༡༡པའི་ནང་སྐྱེ་དངོས་ཚན་རིག་རྒྱུགས་སྤྲོད། | |
| ༠༤ | དབང་རྩ་འཛིན་གྲྭ། | དབང་རྩ་ཚན་རིག | ཕྱི་ཟླ་༡༡པའི་ནང་དབང་རྩའི་ཚན་རིག་རྒྱུགས་སྤྲོད། | |
| གོང་འཁོད་ཀྱི་འཛིན་གྲྭ་སོ་སོའི་སློབ་ཚན་དང་རྒྱུགས་སྤྲོད་ཀྱི་རིམ་པ་ཁག །སེར་བྱེས་ཚན་རིག་སྡེ་ཚན་གྱི་གཏན་འབེབས་བཞིན་བཅུག་ཡོད། སྒྲིག་བཟོ་བ། དགེ་བཤེས་སྐལ་བཟང་ཐར་འདོད་ཀྱིས་༢༠༢༤-༠༨-༢༤ ལ། | ||||
ཚིགས་སྔ་མའི་བསླབ་སྡོམ་འབོགས་ཆོག་མཛད།
དྲ་འཇུག་པ། རིག་མཛོད་རྩོམ་སྒྲིག་པ།
ཕྱི་ལོ་༢༠༢༤ཟླ་༨ཚེས་༡༤དང་༡༥བཅས་ཉིན་གྲངས་གཉིས་ཀྱི་རིང་། གདན་ས་ཆེན་པོ་སེ་ར་ཐེག་ཆེན་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་དུ། ྋའཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་ྋརྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་གི་ཞལ་སྔ་ནས་གཙོས་མཛད། བསྟེན་མཁས་ཀྱི་ཡོན་ཏན་གཉིས་དང་ལྡན་པའི་འདུལ་བ་འཛིན་པ་མཁན་སློབ་གྲངས་ཚང་བའི་དབུས་སུ། སེ་ར་བྱེས་སྨད་གཉིས་ནས་དགེ་ཚུལ་གསར་དུ་བསྒྲུབ་མཁན་གྲངས་༡༧༥ ལ་དམ་པའི་ཆོས་འདུལ་བ་ལས་བྱུང་བ་བཞིན་བསླབ་ཚིགས་སྔ་མའི་སྡོམ་པ་འབོགས་ཆོག་གནང་།
དབུ་མ་དགོངས་པ་རབ་གསལ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། རྗེ་བློ་བཟང་གྲགས་པ།
བརྗོད་བྱ། ཟབ་མོ་དབུ་མའི་ལྟ་བའི་སྐོར།
རིག་མཛོད་འཕྲུལ་དེབ་ཨང་། SJRB-0191
ཡིག་ཆའི་རྣམ་པ། PDF ཤོག་གྲངས། 572 ལྗིད་ཚད། 2.6MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༤ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། རྗེ་ཙོང་ཁ་པ་བློ་བཟང་གྲགས་པ། ཕྱི་ལོ་༡༣༥༧ ལོར་མདོ་སྨད་ཙོང་ཁའི་ཡུལ་དུ་འཁྲུངས། དགུང་ལོ་གསུམ་པར་རྗེ་ཀརྨ་པ་རོལ་བའི་རྡོ་རྗེ་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ལ་ཀུན་དགའ་སྙིང་པོ་དང་། དགུང་ལོ་བདུན་པར་ཆོས་རྗེ་དོན་གྲུབ་རིན་ཆེན་ལས་དགེ་ཚུལ་གྱི་སྡོམ་པ་བཞེས་ཏེ་མཚན་ལ་བློ་བཟང་གྲགས་པ་གསོལ། དགུང་ལོ་བཅུ་བདུན་པར་སློབ་གཉེར་གྱི་ཆེད་དུ་དབུས་སུ་ཕེབས། དགུང་ལོ་སོ་དྲུག་གི་སྐབས་འཁོར་དག་པ་རྣམ་བརྒྱད་དང་བཅས་འོལ་ཁར་སྒྲུབ་པ་གཙོ་བོར་མཛད། དགུང་ལོ་སོ་བདུན་པར་རྫིང་ཕྱིའི་བྱམས་པ་ཞིག་གསོ་མཛད། དགུང་ལོ་སོ་དགུ་པར་གཉལ་གྱི་ལུང་རར་ཆོས་འཁོར་བསྐོར། དགུང་ལོ་ང་གཉིས་ཀྱི་སྐབས་ཆོ་འཕྲུལ་སྨོན་ལམ་ཆེན་མོ་བཙུགས། དགུང་ལོ་ང་གསུམ་གྱི་སྐབས་དགའ་ལྡན་དགོན་པ་བཏབ། དགུང་ལོ་ང་དགུའི་སྐབས། དགའ་ལྡན་དུ་སྟག་རྩེའི་སྒྲུབ་མཆོད་སྤེལ། སློབ་མ་གྲགས་ཆེ་བ། རྒྱལ་ཚབ་དར་མ་རིན་ཆེན་སོགས་མང་དུ་བྱུང་། ༡༤༡༩ ལོར་སྐུ་གཤེགས། གསུང་རྩོམ་ལ། བྱང་ཆུབ་ལམ་རིམ་སོགས་པོ་ཏི་བཅུ་དགུ་བཞུགས།
བསླབ་བཏུས་ཟིན་བྲིས།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། འཇམ་དབྱངས་ཆོས་རྗེ་བཀྲ་ཤིས་དཔལ་ལྡན།
བརྗོད་བྱ། བསླབ་བཏུས་དོགས་གནད་ཟིན་བྲིས།
ཡོང་ཁུངས། འབར་ཞུན་འཕྲུལ་དེབ།
རིག་མཛོད་འཕྲུལ་དེབ་ཨང་། SJRB-0175
ཡིག་ཆའི་རྣམ་པ། PDF ཤོག་གྲངས། 50 ལྗིད་ཚད། 498KB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།
གསལ་བཤད་མདོར་བསྡུས། འཕྲུལ་དེབ་འདིའི་རྩོམ་གྱི་ཡོང་ཁུངས་དེབ་ཏུ་གསལ་བ་ལྟར་དང་། འདི་གའི་དྲ་ཚིགས་སུ་བཀོད་པའི་འཕྲུལ་དེབ་ཀྱི་གྲངས་ཐོ་ལེན་ཕྱིར་ཁ་ཤོག་གི་རྗེས་སུ་ཤོག་ངོས་གཅིག་གསར་སྣོན་བྱས་པ་ལས་གཞན་རྩོམ་ཡིག་ལ་བཟོ་བཅོས་དང་འཕྲི་སྣོན་གང་ཡང་བྱས་མེད་པར་རང་སོར་བཞག་ཡོད།
འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པའི་རྣམ་ཐར།
དྲ་འཇུག་པ། རིག་མཛོད་རྩོམ་སྒྲིག་པ།འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་མཆོག་ནི། འཇམ་མགོན་བླ་མ་ཙོང་ཁ་བ་ཆེན་པོའི་དངོས་སློབ་འཕྲིན་ལས་ནམ་མཁའ་དང་མཉམ་པའི་བུ་ཆེན་བཞིའི་ཡ་གྱལ་རྗེ་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པ་མཆོག་ནི། སྔོན་ཆོས་རྒྱལ་ཁྲི་སྲོང་ལྡེ་བཙན་གྱི་དུས་སུ། མི་ཉག་གི་ས་ནས་རྣམ་ཐོས་ཀྱི་སྤྲུལ་བ་གྷ་བ་རྡོ་རྗེ་གཞོན་ནུ་བོད་ཀྱི་བདེ་སྐྱིད་སྤེལ་བར་སྤྱན་དྲངས་པར་གྲགས་པའི་གདུང་རྒྱུད། འོ་བརྒྱད་ཤར་པ་དགེ་བསྙེན་ཞེས་པ་མི་དབང་གྲགས་པ་རྒྱལ་མཚན་གྱི་དྲུང་ཡིག་དང་གསོལ་དཔོན་གཉིས་ཀ་ཡིན་པ་དེ་ལ་སྲས་གསུམ་བྱུང་བ་ལས་ཆུང་བ་ནི་སློབ་དཔོན་བཀྲ་ཤིས་དཔལ་ལྡན་པ་འདི་ཉིད་ཡིན་ལ། ཕྱི་ལོ་ ༡༣༧༩ རབ་བྱུང་དྲུག་པ་དོན་གྲུབ་ཅེས་པ་ས་མོ་ལུག་ལ་བསམ་ཡས་སུ་སྐུ་འཁྲུངས། གང་ཉིད་ཀྱིས་སྐུ་གཞོན་ནུའི་དུས་སུ་འཇམ་དབྱངས་དཀར་པོའི་བསྙེན་པ་ཞིག་མཛད་པས་མནལ་ལམ་དུ་གཙུག་ལག་ཁང་གི་ནང་དུ་འཇམ་དབྱངས་དཀར་པོ་གསུམ་བཞུགས་པའི་དབུས་མ་དེས་བདག་ལ་བྱིན་གྱིས་བརླབས་སོ་སྙམ་པ་བྱུང་ཞིང་། དེ་ནས་བཟུང་མཁྱེན་རབ་ཀྱི་ཀློང་བརྡོལ་བའི་ཚུལ་བསྟན།
རབ་ཏུ་བྱུང་སྟེ་གསན་བསམ་མཛད་པའི་ཚུལ། སྐུ་ནར་སོན་པ་ན་རྩེད་ཐང་དུ་རབ་ཏུ་བྱུང་ཞིང་གྲལ་འཛིན་མཛད། བསམ་ཡས་མགོན་རྩེ་རུ་བཞུགས་ཏེ་ལེགས་བཤད་གསེར་ཕྲེང་ཐུགས་འཛིན་མཛད། གསང་ཕུར་གཉལ་རྒོད་རིན་ཆེན་བསམ་འགྲུབ་དང་ལྡན་མ་དཀོན་མཆོག་སེངྒེ་གཉིས་ལ་ཕར་ཕྱིན་དང་ཚད་མ་གསན། སྐྱོར་མོ་ལུང་དུ་མཁན་ཆེན་དཀའ་བཞི་པ་ལ་འདུལ་བ་དང་མངོན་པ་གསན་པ་སོགས་ཐོས་པ་ཆེས་ཤིན་ཏུ་རྒྱ་ཆེར་མཛད་པས་འཛམ་གླིང་མཁས་པ་ཡོངས་ལ་ཅོ་འདྲི་ནུས་པའི་མཁས་གྲུབ་གཉིས་ལྡན་གྱི་སྐྱེས་བུ་དམ་པར་གྱུར། དགའ་ལྡན་དུ་རྗེ་རིན་པོ་ཆེ་ལ་ཕ་རྒྱུད་གསང་བ་འདུས་པ་དང་མ་རྒྱུད་འཁོར་ལོ་སྡོམ་པའི་གསུང་ཆོས་གསན་སྐབས་ཉིན་རེ་བཞིན་འཇམ་དབྱངས་ཆོས་རྗེས་གསུང་ཆོས་གནང་བ་རྣམས་ཚོགས་མང་དབུས་སུ་བརྩི་བཞག་གི་ཚུལ་དུ་ཐུགས་ཐོག་ནས་བསྐྱར་དགོས་ཤིང་། ཉིན་གཅིག་རྗེ་ཙོང་ཁ་པ་ཆེན་པོས་མངོན་བརྗོད་ཀྱི་རྒྱུད་ཤོག་མདའ་ཚད་མ་མང་པོ་དྲངས་ནས་རྒྱུད་སྡེ་བཞི་བདེ་དགྱེས་དུས་འཁོར་དང་བཅས་པའི་བཤད་པ་ཞིབ་རྒྱས་མཛད་ཚེ། འཇམ་དབྱངས་ཆོས་རྗེས་འབྲུ་སྣོན་དང་བཅས་ཚོགས་པའི་དབུས་སུ་བསྐྱར་པས་དེར་འདུས་ཀྱི་མཁས་པའི་ཚོགས་རྣམས་ཀྱི་ཡིད་ཀྱི་བརྟན་པ་ཅིག་ཅར་འཕྲོག་པས་མཁས་པའི་མཚན་སྙན་ཡོངས་སུ་གྲགས། རྗེ་རིན་པོ་ཆེས་པོ་ཏི་བརྒྱ་བློ་ལ་ཤོང་གསུངས་པས། པོ་ཏི་བརྒྱ་འཆད་པར་ཐུགས་དམ་བཅས་ནས་ཤེར་ཕྱིན་སྟོང་ཕྲག་ཉི་ཤུ་ལྔ་བ། འཕགས་པ་བརྒྱད་སྟོང་བ། ཡོན་ཏན་རིན་པོ་ཆེ་སྡུད་པ། རྡོ་རྗེ་གཅོད་པ། ཤེས་རབ་སྙིང་པོ། མདོ་སྡེ་དགོངས་པ་ངེས་འགྲེལ། སཱ་ལུ་ལྗང་བའི་མདོ། རྟེན་འབྲེལ་གྱི་མདོ། སོ་སོར་ཐར་བའི་མདོ། མདོ་སྡེ་ས་བཅུ་བ་སོགས་པོ་ཏི་བརྒྱ་དང་སུམ་ཅུའི་ཚིག་དོན་མ་ལུས་པ་ཐུགས་ལ་བཟུང་། གསུང་ཆོས་ནམ་ཚུགས་སུ་མདོ་ཕྱོགས་ཀྱི་པོད་བརྒྱད་བརྒྱད་རང་རང་གི་འགྲེལ་བ་བོད་ཊཱིཀ་རེ་དང་སྦྱར་ནས་གསུངས་ཤིང་། མདོསྔགས་ལ་གསན་རྒྱ་དང་མཁྱེན་རྒྱ་ཧ་ཅང་ཆེ་ལ་རྡོ་རྗེ་འཇིགས་བྱེད་གཅིག་བུ་ལ་ཡང་བསམ་ཡས་ཀྱི་བླ་མ་སངས་རྒྱས་སྐྱབས་ཀྱི་དྲུང་དུ། འཇིགས་བྱེད་བཅུ་གསུམ་པ་དང་ཞེ་དགུ་མ་རོ་ལངས་བརྒྱད་བསྐོར་སོགས་ཀྱི་དབང་དང་བཤད་ཁྲིད་སོགས་ཆོས་ཚན་བརྒྱད་ཅུ་གསན། དེ་ལྟར་མཁྱེན་རབ་སོགས་ལ་དགོངས་ནས་རྗེ་རིནཔོ་ཆེ་ཉིད་ཀྱིས་མཁན་པོ། འདུལ་བ་འཛིན་པས་ལས་སློབ། རྒྱལ་ཚབ་རིན་པོ་ཆེས་གསང་སྟོན་མཛད་ནས་བསྙེན་པར་རྫོགས།
ཆོས་སྡེ་ཕྱག་འདེབས་མཛད་པའི་ཚུལ། འཇམ་མགོན་ཙོང་ཁ་པ་ཆེན་པོས། འཇམ་དབྱངས་ཆོས་རྗེ་ཉིད་ལ་མདོ་སྔགས་གཞུང་ལུགས་རྒྱ་མཚོའི་འཆད་ཉན་འདི་དག་མི་ནུབ་པར་སྲིད་པ་ཇི་སྲིད་བར་ཕྱོགས་ཀུན་ཏུ་དར་རྒྱས་འབྱུང་སླད་དགོན་སྡེ་ཆེན་པོ་ཞིག་ཐོབ་དང་མ་ལས་བུ་དགའ་བ་འོང་ཞེས་བཀའ་བསྩལ། རབ་བྱུང་བདུན་པ་ཤིང་རྟ་ལོ་དེའི་དབྱར་གནས་ལ་རྗེ་ཙོང་ཁ་པ་ཆེན་པོ་མི་དབང་གྲགས་པ་རྒྱལ་མཚན་གྱིས་གདན་ཞུས་ལྟར་འོན་བཀྲ་ཤིས་དོ་ཁར་ཕེབས་བཞུགས་སྐབས། ཆོས་རྗེ་དང་ཆོས་རྒྱལ་ནམ་མཁའ་བཟང་པོ་མཆོད་ཡོན་གཉིས་ལ་ཆོས་སྡེ་འདེབས་དགོས་པའི་བཀའ་སྔ་ཕྱིར་ཕེབས་པ་ཞལ་གྱིས་བཞེས། ཆོས་རྗེ་རང་གི་མནལ་ལམ་དུ་ཡང་ལྷ་གནམ་སྡེ་དཀར་པོ་ཡིན་ཟེར་བ་ཞིག་གིས་དགོན་པའི་ཡུལ་བསྟན་ཏེ་འདིར་ཁྱོད་ཀྱིས་དགོན་པ་ཐོབ་ཅིག་ངས་བཙུན་པ་སྟོང་ཕྲག་ལྔ་འབུལ་ཟེར། དེ་ཀའི་མོད་ལ་དན་འབག་ནས་ཡར་ལ་བྱོན་པས་ལོངས་སྤྱོད་ཀྱི་ཆུ་ཡིན་ཟེར་བའི་རྫིང་བུ་མང་པོ་འདུག་པ་གཟིགས་ཤིང་། ཁྱད་པར་གླང་ཆེན་རི་གདོང་དུ་རྫིང་བུ་མང་པོའི་འགྲམ་ན་རྗེ་རིན་པོ་ཆེ་བཞུགས་ནས། འདི་རྣམས་ཐོས་བསམ་གྱི་རྫིང་བུ་ཡིན་པས་ཐུངས་གསུངས། དགའ་ནས་ངོམས་པར་འཐུང་བས་ཆུ་རྣམས་སྔར་ལས་ཆེས་ཆེར་འཕེལ་བའི་རྨིས་ལྟས་ཡ་མཚན་པ་ཅན་བྱུང་། དེའི་ཕྱི་ཉིན་ཉེ་གནས་སེངྒེ་རྡོ་རྗེ་ཁྲིད་ནས་བྱོན་ཏེ་རྨི་ལམ་གྱི་གནས་འདི་ཡིན་ཞེས་བསྟན། དེ་ནས་ནུབ་གཅིག་མནལ་ལམ་དུ་ཆུ་ཆེན་པོ་ཞིག་གི་འགྲམ་དུ་སྐྱེ་བོ་དཔག་མེད་ཆུ་ལས་མ་ཐར་བར་འདུག་པས། ཐུགས་སྙིང་རྗེ་ཆེན་པོས་ཆུ་ལ་འཆོངས་པས་ཕར་འགྲམ་དུ་སླེབས་བྱུང་། ཟམ་པ་གཅིག་བཙུགས་པས། སྐྱེ་བོ་དཔག་མེད་ཉེས་མེད་དུ་ཐོན་པ་རྨིས་པ་སོགས་ཕྱི་ནང་གི་རྟེན་འགྲིགས། ཁམས་གསུམ་འདྲེན་པའི་ཆོས་སྡེ་ཁྱད་པར་ཅན་ཚུགས་པའི་ཐུགས་ངེས་སུ་འཁྲུངས། རྗེ་ཙོང་ཁ་པ་ཆེན་པོས་ཀྱང་དགའ་ལྡན་འགོག་པ་རིར་གཏེར་ནས་བཞེས་པའི་གཏེར་དུང་ཁྱད་འཕགས་དགོན་པའི་རྟེན་གྱི་གཙོ་བོར་གནང་། ཕྱི་ལོ་ ༡༤༡༦ རབ་བྱུང་བདུན་པ་མེ་སྤྲེལ་ལོ་ཆོས་རྗེ་ཉིད་དགུང་ལོ་སོ་བརྒྱད་བཞེས་པའི་ལོ་དེར་དཔལ་ལྡན་འབྲས་དཀར་སྤུངས་པ་ཕྱག་བཏབ། དེ་དུས་རྨང་འདིང་བའི་ལྟོ་འཕྱེའི་ཐིག་སོགས་མདོ་རྒྱུད་ལས་གསུངས་པ་བཞིན་འཇམ་མགོན་བླ་མས་ཞལ་བཀོད་གནང་བ་ལྟར་དགོན་པའི་གནས་གཞི་བཏིང་། དེ་མཚམས་ནས་སློབ་ཚོགས་སྤྱི་དང་ལྷག་པར་གཞིས་ཀ་སྣེའུ་རྫོང་ནས་ཐུགས་ཁུར་བསྐྱེད་དེ། འདུ་ཁང་ཆེན་མོ་དང་། སྔགས་ཁང་སོགས་བཞེངས། རྗེ་ཉིད་འབྲས་སྤུངས་སུ་ཆིབས་བསྐྱོད་མཛད་དེ་དཔལ་ལྡན་འབྲས་སྤུངས་ཀྱི་གཙུག་ལག་ཁང་རྟེན་དང་བརྟེན་པ་བཅས་ལ་རབ་གནས་བྱིན་རླབས་གནང་། དགོན་སྡེ་འདི་ཉིད་ཕྱག་བཏབ་སྟེ་རྒྱལ་བས་དུས་འཁོར་གསུངས་པའི་གནས་རྒྱ་གར་དཔལ་ལྡན་འབྲས་སྤུངས་དང་གཉིས་སུ་མེད་པར་བསྙད་དེ་དཔལ་ལྡན་འབྲས་སྤུངས་ཞེས་མཚན་གསོལ་ཅིང་། དགོན་མ་ལས་བུ་དགའ་བ་འོང་བར་ལུང་བསྟན་པ་ལྟར། གྲྭ་སྐྱིལ་ཤིན་ཏུ་ཆེ་བ་འདུས་པའི་སྤྱི་བླ་མཁན་པོའི་གདན་སར་ཆོས་རྗེ་རང་བཞུགས་ནས། འཆད་ཉན་གྱི་སློབ་དཔོན་སོ་སོར་བསྐོས་པས་གྲྭ་ཚང་སོ་སོར་ཆགས།
སྒྲུབ་པ་ཉམས་བཞེས་དང་ཆོས་འཁོར་སྐོར་བའི་ཚུལ། སྤྱིར་ན་གཞུང་ལུགས་ཀྱི་པོ་ཏི་ཆེན་མོ་བརྒྱ་དང་སུམ་ཅུ་ལ་ཐུགས་བཤད་མཛད། རིམ་གཉིས་ཀྱི་ཐུགས་དམ་ཉམས་བཞེས་སུ་གསང་འདུས་འཕགས་ལུགས། བདེ་མཆོག་ལཱུ་ནག་དྲིལ་གསུམ། དམར་ནག་འཇིགས་གསུམ། མི་གཡོ་བ། སྒྲོལ་མ་སོགས་ཡི་དམ་གྱི་ལྷ་མང་པོའི་བསྙེན་པ་རྒྱུན་དུ་མཛད། ཞག་རེ་ལ་ཨ་ར་པ་ཙ་ཚར་སྟོང་ཕྲག་གཉིས་དང་། འཇམ་དཔལ་མཚན་བརྗོད་ཚར་གསུམ་རེ། མ་ཎི་ཡིག་དྲུག་ཁྲི་ཚོ་གཉིས་རེ་བཟླས་པས་ཕྱིས་སུ་ཡིག་དྲུག་དུང་ཕྱུར་གཉིས་ལྷག་ལོངས། དེར་མ་ཟད་ལྷ་དང་བླ་མའི་ཞལ་གཟིགས་ཀྱང་འཇམ་དབྱངས་ཀླུ་སྒྲུབ་ཞི་བ་འཚོ་རྗེ་རིན་པོ་ཆེ་རྣམས་ཀྱི་གཟིགས་སྣང་ངོ་མཚར་བརྒྱུད་མར་བྱུང་། འཕྲལ་གྱི་མཛད་སྤྱོད་ལས་བྱུང་བའི་ཕྱག་རྫས་དངོས་པོ་ཆ་གསུམ་དུ་བགོས་ནས། ཆ་གཅིག་གིས་གསུང་རབ་དང་རྟེན་གསུམ་བཞེངས། ཆ་གཅིག་གིས་ནད་པར་སྨན་སྦྱིན་དང་ངན་སློང་ལ་སྦྱིན་གཏོང་མཛད། ཆ་གཅིག་གིས་སྐུའི་ཉེ་འཁོར་གྱི་ཡོ་བྱད་དང་སློབ་མ་སྐྱོང་བར་མཛད་པ་སོགས། མེ་སྤྲེལ་ནས་ས་མོ་སྦྲུལ་གྱི་བར་ལོ་ངོ་སོ་བཞི་ལ་དཔལ་ལྡན་འབྲས་སྤུངས་སུ་མདོ་སྔགས་ཀྱི་ཆོས་འཁོར་རྒྱ་ཆེར་བསྐོར་ནས་གདུལ་བྱ་མཐའ་ཡས་པ་སྨིན་གྲོལ་གྱི་ལམ་ལ་བཀོད་པར་མཛད། ས་འབྲུག་གི་དགུན་ཆོས་ཀྱི་མཇུག་ལ། རྩེ་ཁ་བས་གདན་དྲངས་ནས་ཞག་ཤས་བཞུགས། སླར་འབྲས་སྤུངས་སུ་ཕེབས་ནས་བསླབ་བཏུས་ཀྱི་བརྩོན་འགྲུས་ལེའུའི་མཇུག་ཆོས་ཐུན་གཉིས་ཀྱིས་རྫོགས་པར་མཛད་ལ། དེ་ནི་བརྩོན་འགྲུས་མཐར་ཕྱིན་ཞེས་པའི་དོན་ཏེ། སྐུ་ཚེ་དེ་ལ་འབྲས་སྤུངས་སུ་ཆོས་འཁོར་བསྐོར་བའི་ཐ་མར་བྱུང་སྣང༌།
སྐུ་མྱ་ངན་ལས་འདས་པའི་ཚུལ། དེ་ནས་རབ་བྱུང་བརྒྱད་པ་ས་སྦྲུལ་ལོའི་བོད་ཟླ་གཉིས་པའི་མཇུག་ཏུ་ནུབ་གཅིག་མནལ་ལམ་དུ། རྗེ་རིན་པོ་ཆེ་ཕེབས་ནས་རྗེ་བཙུན་འཇམ་པའི་དབྱངས་ཀྱི་ཕྱག་དྲིལ་ཡིན་གསུངས་བ་ཞིག་གནང༌། ད་ཁྱོད་ངོ་གཉིས་སྡོད་གསུང་བ་ཞིག་རྨིས་པ་དྲུང་འཁོར་བ་རྣམས་ལ་གསུངས་པས། ཁོང་རྣམས་ཟླ་བ་དང་ལོ་གང་ཡིན་ལ་མ་དྲན་ཡང་དོན་ལ་ཟླ་བ་ཡིན་སྣང༌། དེ་ནས་མྱ་ངན་ལས་འདའ་བའི་ལྟས་བྱུང་བ་ན་གཟིམ་ཆུང་དུ་ཕེབས་ཏེ་ཞབས་གཉིས་སྐྱིལ་ཀྲུང་དང་ཕྱག་གཉིས་མཉམ་བཞག་མཛད་ནས་ཐུགས་དམ་ལ་ཐུགས་གཏད་པས་སྐུ་སྨད་ནས་དྲོད་ཡར་ལ་རིམ་གྱིས་སྡུད་པའི་ཚེ་རྗེ་བཙུན་འཇམ་དབྱངས་ཀྱི་ཞལ་གཟིགས་བྲིས་སྐུ་དེ་སྐུ་མདུན་དུ་སྤྱན་དྲངས། རྗེ་བཙུན་ཕེབས་ཡོད་ལགས་ཞུས་པས་སྤྱན་གྱིས་ནི་མ་གཟིགས། དབུ་དུད་པ་ཞིག་མཛད། ཅུང་ཞིག་ལོན་པ་ན་ད་མི་དགོངས་པར་འདུག་སྙམ་ནས་བྲིས་སྐུ་དེ་སྐུ་རྒྱབ་གཡོན་ཕྱོགས་སུ་གདན་དྲངས་པས་ཇི་ལྟར་སྤྱན་དྲངས་པ་ལྟར་བྲིས་སྐུ་ལ་སྤྱན་གདངས་ཏེ་ཨོག་སྐོ་སྐུ་དཔུང་གཡོན་པའི་སྟེང་དུ་བཞག་ནས་ཞག་འགའ་བཞུགས་པས་ཕལ་ཆེར་གྱིས་སྐུའི་གཟི་མདངས་ལ་དཔགས་ནས་འཁྲུལ་པའང་སྐྱེས། དེ་ནས་ས་མོ་སྦྲུལ་ལོ་དེའི་ཟླ་བ་བཞི་པ་ས་ག་ཟླ་བའི་ཚེས་བཅོ་བརྒྱད་ལ་དགའ་ལྡན་ཆོས་ཀྱི་ཕོ་བྲང་མི་ཕམ་རྒྱལ་བའི་མདུན་སར་རྗེ་འཇམ་དཔལ་སྙིང་པོའི་ཞབས་དྲུང་དུ་ཕེབས་སོ། །
གསུང་ལས་འཁྲུངས་པའི་སློབ་མའི་སྐོར། མཁས་པ་མུས་སྲད་པ། ཉན་སྟོན་ཤཱཀྱ་རྒྱལ་མཚན། གྲྭ་ཆུང་ཡོན་ཏན་རྒྱ་མཚོ། སློབ་དཔོན་སྒ་ལེབ་སྟག་ལེབ་སོགས་སྡེ་སྣོད་འཛིན་པ་མང་དུ་བྱོན།
གང་ཉིད་ཀྱིས་བརྩམས་ཆོས་སྐོར། རྗེ་ཐམས་ཅད་མཁྱེན་པའི་གསང་བའི་རྣམ་ཐར་གསོལ་འདེབས། ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཚང་ལ་མ་ནོར་བ་ལས་དང་པོ་པས་ཉམས་སུ་བླང་བདེ་བ། རྗེས་རྭ་སྒྲེང་དུ་བསླབ་བཏུས་གསུངས་པའི་ཟིན་བྲིས།ཟབ་ལམ་གཏུམ་མོའི་གཞུང་ཁྲིད། ཉིད་ཀྱི་རྒྱུན་གྱི་ཁ་ཏོན་མཛད་རྒྱུར་འཇམ་དབྱངས་ལ་བསྟོད་པ། དུས་འཁོར་རྒྱུད་འགྲེལ་གྱི་བརྡ་ཆད། བདེ་མཆོག་ཉུང་ངུའི་རྒྱུད་ལ་ལེའུ་ང་གཅིག་ཡོད་པའི་ལེའུ་དང་པོའི་རྒྱུད་དོན་མདོར་བསྟན། རྒྱུད་ཀྱི་རྒྱལ་པོ་དཔལ་གསང་བ་འདུས་པའི་རྫོགས་རིམ་རིམ་ལྔ་གདན་རྫོགས་ཀྱི་དམར་ཁྲིད། གསང་འདུས་རིམ་ལྔ་གདན་རྫོགས་ཀྱི་དམར་ཁྲིད་ཁྲིད་ཡིག་ལ་མི་གསལ་བ་རྣམས་བརྗེད་བྱང་བྲིས་པ། གསང་འདུས་རིམ་ལྔ་གདན་རྫོགས་ཀྱི་ཁྲིད་ཡིག གསང་འདུས་རིམ་ལྔ་གསལ་སྒྲོན་གྱི་སྐབས་སུ་ཉེ་བར་མཁོ་བ་འགའ་ཞིག་བརྗོད་པ་ལ་སོགས་པ་མང་དུ་ཡོད་དོ། །
སྐུ་གདུང་གི་སྐོར། བཤད་གྲྭ་ཡུན་རིང་དུ་གནས་པའི་རྟེན་འབྲེལ་དུ་དངུལ་གྱི་མཆོད་རྟེན་ནང་ན་མ་ཉམས་པར་བཞུགས་ཏེ་ཆོས་གྲྭ་ཆེན་པོ་དཔལ་ལྡན་འབྲས་སྤུངས་ཀྱི་གཙུག་ལག་ཁང་ན་བསོད་ནམས་ཀྱི་ཞིང་དུ་བཞུགས་སོ།། །།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༢༤ ཟླ་ ༨ ཚེས་ ༢༡ ལ། [དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་དང་སྦྲེལ་སྣེ་མཉམ་སྦྱར་བྱེད་དགོས།]
དབུ་ཚད་སྐོར་གྱི་དྲིས་ལན་རྟོག་གེའི་བཞད་སྒྲ།
དྲ་འཇུག་པ། སེར་བྱེས་རིག་མཛོད་ཆེན་མོ།
གསུང་ལན་གནང་བ་པོ། དགེ་བཤེས་ཟླ་བ་ཚེ་རིང་།
བརྗོད་བྱ། དབུ་ཚད་སྐོར་གྱི་དྲི་བ་དྲིས་ལན།
ཡོང་ཁུངས། འབར་ཞུན་འཕྲུལ་དེབ།
རིག་མཛོད་འཕྲུལ་དེབ་ཨང་། SJRB-0203
ཡིག་ཆའི་རྣམ་པ། PDF ཤོག་གྲངས། 70 ལྗིད་ཚད། 557KB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།
གསལ་བཤད་མདོར་བསྡུས། འཕྲུལ་དེབ་འདིའི་རྩོམ་གྱི་ཡོང་ཁུངས་དེབ་ཏུ་གསལ་བ་ལྟར་དང་། འདི་གའི་དྲ་ཚིགས་སུ་བཀོད་པའི་འཕྲུལ་དེབ་ཀྱི་གྲངས་ཐོ་ལེན་ཕྱིར་ཁ་ཤོག་གི་རྗེས་སུ་ཤོག་ངོས་གཅིག་གསར་སྣོན་བྱས་པ་ལས་གཞན་རྩོམ་ཡིག་ལ་བཟོ་བཅོས་དང་འཕྲི་སྣོན་གང་ཡང་བྱས་མེད་པར་རང་སོར་བཞག་ཡོད།
ཅོ་ནེ་བླ་མའི་གསུང་མགུར།
དྲ་འཇུག་པ། སེར་བྱེས་རིག་མཛོད་ཆེན་མོ།
མཛད་པ་པོ། ཅོ་ནེ་བླ་མ་བློ་བཟང་རྒྱ་མཚོའི་སྤྲིན།
བརྗོད་བྱ། གསུང་མགུར་སྣ་ཚོགས།
ཡོང་ཁུངས། འབར་ཞུན་འཕྲུལ་དེབ།
རིག་མཛོད་འཕྲུལ་དེབ་ཨང་། SJRB-0342
ཡིག་ཆའི་རྣམ་པ། PDF ཤོག་གྲངས། 213 ལྗིད་ཚད། 1.2MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།
གསལ་བཤད་མདོར་བསྡུས། འཕྲུལ་དེབ་འདིའི་རྩོམ་གྱི་ཡོང་ཁུངས་དེབ་ཏུ་གསལ་བ་ལྟར་དང་། འདི་གའི་དྲ་ཚིགས་སུ་བཀོད་པའི་འཕྲུལ་དེབ་ཀྱི་གྲངས་ཐོ་ལེན་ཕྱིར་ཁ་ཤོག་གི་རྗེས་སུ་ཤོག་ངོས་གཅིག་གསར་སྣོན་བྱས་པ་ལས་གཞན་རྩོམ་ཡིག་ལ་བཟོ་བཅོས་དང་འཕྲི་སྣོན་གང་ཡང་བྱས་མེད་པར་རང་སོར་བཞག་ཡོད།།
དག་ཡིག་མཁས་པ་དགའ་སྐྱེད་ཀྱི་རྩ་འགྲེལ།
དྲ་འཇུག་པ། སེར་བྱེས་རིག་མཛོད་ཆེན་མོ།
རྩོམ་པ་པོ། ཛམ་ཐང་བ་ལྕགས་མདའ།
བརྗོད་བྱ། དག་ཡིག་སོགས་ཀྱི་སྐོར།
ཡོང་ཁུངས། འབར་ཞུན་འཕྲུལ་དེབ།
རིག་མཛོད་འཕྲུལ་དེབ་ཨང་། SJRB-0078
ཡིག་ཆའི་རྣམ་པ། PDF ཤོག་གྲངས། 137 ལྗིད་ཚད། 882KB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།
གསལ་བཤད་མདོར་བསྡུས། འཕྲུལ་དེབ་འདིའི་རྩོམ་གྱི་ཡོང་ཁུངས་དེབ་ཏུ་གསལ་བ་ལྟར་དང་། འདི་གའི་དྲ་ཚིགས་སུ་བཀོད་པའི་འཕྲུལ་དེབ་ཀྱི་གྲངས་ཐོ་ལེན་ཕྱིར་ཁ་ཤོག་གི་རྗེས་སུ་ཤོག་ངོས་གཅིག་གསར་སྣོན་བྱས་པ་ལས་གཞན་རྩོམ་ཡིག་ལ་བཟོ་བཅོས་དང་འཕྲི་སྣོན་གང་ཡང་བྱས་མེད་པར་རང་སོར་བཞག་ཡོད།
རྗེ་བཙུན་པའི་དོན་བདུན་ཅུ་བོད་རྒྱ་ཤན་སྦྱར།
དྲ་འཇུག་པ། སེར་བྱེས་རིག་མཛོད་ཆེན་མོ།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན།
བརྗོད་བྱ། རྗེ་བཙུན་པའི་དོན་བདུན་ཅུ་བོད་རྒྱ་ཤན་སྦྱར།
རིག་མཛོད་འཕྲུལ་དེབ་ཨང་། SJRB-0190
ཡིག་ཆའི་རྣམ་པ། PDF ཤོག་གྲངས། 122 ལྗིད་ཚད། 1MB
སྒྱུར་པ་པོ། སེར་བྱེས་རྒྱ་སྐད་སྐད་སྒྱུར་སྡེ་ཚན།
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༧ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༤ ཟླ་བརྒྱད་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོ་མཆོག་ནི། ཕྱི་ལོ་༡༤༦༩ ལོར་ཉང་སྟོད་དུ་སྐུ་འཁྲུངས། དགུང་ལོ་བདུན་པར་གནས་རྙིང་ཆོས་རྗེ་ཀུན་དགའ་བདེ་ལེགས་རིན་ཆེན་ལས་དགེ་བསྙེན་གྱི་སྡོམ་པ་ཞུས། པཎ་ཆེན་ཡེ་ཤེས་རྩེ་མོ་སོགས་བསྟེན་ནས་གཞུང་ཆེན་ལ་གསན་སྦྱོང་མཛད། དགུང་ལོ་ཉེར་གསུམ་པར་བཀྲ་ཤིས་ལྷུན་པོའི་དགེ་བསྐོས་མཛད། དཔལ་འཁོར་བདེ་ཆེན་སོགས་སུ་གྲྭ་སྐོར་གནང་། རྗེ་ཤེས་རབ་བཟང་པོ་སོགས་ལས་བསྙེན་རྫོགས་བསྒྲུབས། དགུང་ལོ་ཉེར་བདུན་པར་གཙང་དུ་མདོ་སྔགས་ཀྱི་ཆོས་འཁོར་བསྐོར། དགུང་ལོ་ཞེ་གསུམ་པར་སེར་བྱེས་མཁས་སྙན་གྲྭ་ཚང་གི་མཁན་པོ་མཛད། དགུང་ལོ་ང་ལྔ་པར་སྟག་རྩེ་རིན་ཆེན་སྒང་གི་མཁན་པོ་གནང་། དགུང་ལོ་རེ་དགུ་པར་སེ་རའི་མཁན་ཁྲིར་ཕེབས་ཏེ་འཆད་ཉན་ལེགས་པར་བསྐྱངས། ༡༥༤༤ ལོར་ཞི་བར་གཤེགས་སོ། །བཀའ་རྩོམ་གྱི་སྐོར་ལ། སེར་བྱེས་གྲྭ་ཚང་གི་རྗེ་བཙུན་པའི་གསུང་འབུམ་དཔེ་བསྡུར་མའི་རྩོམ་སྒྲིག་པས་ལེགས་བསྒྲིགས་བྱས་པའི་དཔེ་གཟུགས་གླེགས་བམ་བཅོ་ལྔ་བཞུགས།
ཚད་མ་རྣམ་པར་ངེས་པའི་ཊཱིཀ་ཚིག་དོན་རབ་གསལ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། བུ་སྟོན་ཐམས་ཅད་མཁྱེན་པ།
བརྗོད་བྱ། ཚད་མ་རིག་པའི་སྐོར།
རིག་མཛོད་འཕྲུལ་དེབ་ཨང་། SJRB-0449
མ་ཕྱིའི་པར་རྩ། ཞོལ་ཤིང་པར་ལ་གཞི་བཅོལ་བ་ཡིན།
ཡིག་ཆའི་རྣམ་པ། PDF ཤོག་གྲངས། 747 ལྗིད་ཚད། 3.3MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། བུ་སྟོན་རིན་ཆེན་གྲུབ་ནི། ཕྱི་ལོ་ ༡༢༩༠ ལོར་གཙང་གི་ཤབ་སྨད་སྒོམ་གནས་ཞེས་པར་སྐུ་འཁྲུངས། དགུང་ལོ་ལྔ་ནས་ཡི་གེའི་སྦྱོར་ཀློག་སྦྱངས། དགུང་ལོ་བརྒྱད་པར་གསང་སྔགས་རྙིང་མའི་ཆོས་སྐོར་རྣམས་གསན། གསོ་རིག་སྨན་དཔྱད་སོགས་ལའང་སྦྱང་བརྩོན་གནང་། དགུང་ལོ་བཅོ་བརྒྱད་པར་དགེ་ཚུལ་གྱི་སྡོམ་པ་དང་། དགུང་ལོ་ཉེར་གསུམ་པར་བསྙེན་རྫོགས་ཀྱི་སྡོམ་པ་མནོས། སྒྲ་ཙནྡྲ་པ་སོགས་དང་། སྙན་ངག །སྡེབ་སྦྱོར། མངོན་བརྗོད་སོགས་ལ་སྦྱངས་ཤིང་། སྐད་རིགས་དུ་མ་མཁྱེན་པའི་ལོ་ཙཱ་བར་གྱུར། བླ་མ་གང་མང་ལས་གཞུང་དང་གཞུང་འགྲེལ་དང་། ཟབ་ཆོས་མན་ངག་སོགས་མང་པོ་གསན། དགུང་ལོ་སོ་གཅིག་པར་ཞ་ལུ་ཆོས་སྡེའི་གདན་ས་བཟུང་། སྣར་ཐང་གི་བསྟན་འགྱུར་ལ་ཞུས་དག་དང་དཀར་ཆག་བསྒྲིགས། སོག་པོའི་གོང་མས་རྒྱ་ནག་ཏུ་གདན་དྲངས་ཀྱང་མ་ཕེབས། སྒྲ་དང་གསང་སྔགས་ཀྱི་གཞུང་མང་པོ་འཕྲོ་བསྒྱུར་དང་གཞི་བསྒྱུར་མཛད། སློབ་མ་ལ། སྒྲ་ཚད་པ་རིན་ཆེན་རྣམ་རྒྱལ་སོགས་མང་དུ་བྱུང་། ༡༣༦༤ ལོར་སྐུ་གཤེགས། ཁོང་གི་གསུང་རྩོམ་ལ་པོད་ཉེར་དྲུག་བཞུགས། བོད་ཀྱི་མཁས་པའི་ཁྲོད་དུ་ཆོས་རྗེ་བུ་སྟོན་ནམ་བུ་སྟོན་ཐམས་ཅད་མཁྱེན་པ་ཞེས་གྲགས།
| PDF ཕབ་ལེན། |
|---|
དེ་ལས་མང་བ།...
དཔའ་བོ་གཙུག་ལག་ཕྲེང་བའི་རྣམ་ཐར།
དྲ་འཇུག་པ། རིག་མཛོད་རྩོམ་སྒྲིག་པ།མི་ཕམ་ཆོས་ཀྱི་རྒྱལ་པོ་དོན་ཐམས་ཅད་ཡོངས་སུ་གྲུབ་པའམ་ཡོངས་གྲགས་སུ་དཔའ་བོ་གཙུག་ལག་ཕྲེང་བ་མཆོག་ནི། རབ་བྱུང་བརྒྱད་པའི་ཤིང་ཕོ་བྱི་བ་ཕྱི་ལོ་༡༥༠༤ ལ། ལྷ་ས་སྙེ་ཐང་སྒང་རྒྱུད་དུ་གནས་པའི་གཉགས་ཀྱི་རུས་རྒྱུད། ཡབ་བླ་མ་དར་དང་། ཡུམ་ལམ་རྙེད་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། ས་འབྲུག་ཕྱི་ལོ་༡༥༠༨ ལོ་དགུང་ལོ་ལྔ་པར་དཔའ་བོ་སྐུ་ཕྲེང་དང་པོ་ཆོས་དབང་ལྷུན་གྲུབ་ཀྱི་སྐུ་སྐྱེར་ངོས་འཛིན་ཞུས་ཏེ། ལྷོ་བྲག་གྲོ་བོ་ལུང་དགོན་པའི་གདན་སར་གདན་དྲངས། བླ་མ་རྟོགས་ལྡན་དགེ་འདུན་རྒྱ་མཚོ་དགེ་རྒན་དུ་བསྟེན་ནས་བོད་ཡིག་འབྲི་ཀློག་སོགས་ལ་སྦྱང་བརྩོན་མཛད།
ཆུ་སྤྲེལ་ཕྱི་ལོ་༡༥༡༢ ལོ་དགུང་ལོ་དགུ་པ་ལ། ཀརྨ་ཞྭ་དམར་སྐུ་ཕྲེང་བཞི་པ་ཆོས་ཀྱི་གྲགས་པའི་དྲུང་ནས་དགེ་བསྙེན་དང་། བླ་མ་རྟོགས་ལྡན་དགེ་འདུན་རྒྱ་མཚོ་ཡེ་ཤེས་ལས་རབ་བྱུང་དགེ་ཚུལ་དུ་བསྒྲུབས་ཏེ། དཔལ་མི་ཕམ་ཆོས་ཀྱི་རྒྱལ་པོ་དོན་ཐམས་ཅད་ཡོངས་སུ་གྲུབ་པ་ཞེས་པའི་མཚན་གསོལ། མཁན་པོའི་དྲུང་ནས་ཕྱག་ཆེན་ལྷན་སྐྱེས་སྦྱོར་སོགས་བཀའ་ཆོས་དུ་མ་གསན་པར་མཛད། ལོ་དེའི་རྒྱལ་ཟླའི་ཚེས་ལྔ་པར་གདན་ས་ཐུབ་ཆེན་དུ་རྗེ་བཙུན་ཀརྨ་ཕྲིན་ལས་པ་མཇལ་ནས་ཐོག་མའི་ཆོས་འབྲེལ་གསན་པར་མཛད།
ཤིང་ཁྱི་ཕྱི་ལོ་༡༥༡༤ ལོ་དགུང་ལོ་བཅུ་གཅིག་པར་སྙུག་ལ་པཎ་ཆེན་ངག་དབང་གྲགས་པ་ཟླ་བ་གསུམ་ཙམ་བསྟེན་ནས། བཀའ་གདམས་གླེགས་བམ་དང་ལྷ་བཞིའི་རྗེས་གནང་སོགས་ཟབ་ཆོས་མང་པོ་གསན།
ཤིང་ཕག་ཕྱི་ལོ་༡༥༡༥ ལོ་དགུང་ལོ་བཅུ་གཉིས་པར་ཡེར་པ་ལྷ་རི་སྙིང་པོའི་མགུལ་དུ་ཕེབས་ནས། དྭགས་པོ་པཎྜི་ཏ་ཆོས་རྒྱལ་བསྟན་པའི་རྒྱལ་མཚན་གྱི་དྲུང་ནས། འདུལ་བ་ལུང་དང་། དུས་ཀྱི་འཁོར་ལོ། རྡོ་རྗེ་ཕྲེང་བ། སྒྲུབ་ཐབས་རྒྱ་མཚོ། ཕྱག་ཆེན། ནཱ་རོ་ཆོས་དྲུག་སོགས་གསང་སྔགས་གསར་རྙིང་གི་དབང་ཆོས་མང་པོ་དང་། རྩིས་ཀྱི་དཀའ་གནད་སོགས་གསན་བཞེས་གནང་། ཡང་ལོ་དེར་དབུས་སྨྱོན་ཧེ་རུ་ཀ་ཀུན་དགའ་བཟང་བོའི་དྲུང་ནས་ཕྱག་ཆེན་མ་རིག་མུན་སེལ་དང་། འབའ་ར་ཆོས་དྲུག་སོགས་ཀྱི་ཟབ་གནད་བཀའ་ཁྲིད་རྣམས་གསན་ཞིང་། གྲུབ་ཆེན་པས་སྤྲུལ་སྐུ་ཀུན་བཟང་འཛམ་གླིང་ཉི་ཟླ་ལྟར་གྲགས་པ་ཞེས་མཚན་གསོལ། གཞན་ཡང་སེམས་དཔའ་ཆེན་པོ་བློ་གྲོས་དབང་ཕྱུག །མཁས་གྲུབ་སངས་བློ་བ། སྨྲ་བའི་དབང་པོ་འཆི་མེད་དཔལ་བཟང་། བྱ་འཇམ་དབྱངས་བཀྲ་ཤིས་རྣམ་རྒྱལ་རྣམས་ལས་ཆོས་དང་རིག་གཞུང་ཅི་རིགས་པ་གསན།
ས་ཡོས་ཕྱི་ལོ་༡༥༡༩ ལོ་སྨྱུག་ལ་ལེགས་བཤད་གླིང་དུ་ཕེབས་ནས། མཁས་དབང་ཀརྨ་ཕྲིན་ལས་པའི་དྲུང་དུ་བསྡུས་གྲྭ་ནས་བཟུང་བཀའ་པོད་ལྔ་སོགས་མདོ་སྔགས་གཞུང་ཆེན་རིག་གནས་དང་བཅས་པར་དཔྱིས་ཕྱིན་པར་སྦྱངས་ཤིང་། དོ་ཧ་དང་སེམས་འགྲེལ་སོགས་ཟབ་ཆོས་དུ་མ་གསན་བཞེས་མཛད། ཞར་དུ་མཁྱེན་རབ་རྣམ་རྒྱལ་ལས་སྒྲ་དང་སུམ་རྟགས་སོགས་བསླབ་པར་གནང་།
མེ་ཁྱི་ཕྱི་ལོ་༡༥༢༦ ལོ་མཁན་པོ་ཞ་ལུ་ལོ་ཆེན་ཆོས་སྐྱོང་བཟང་པོ་དང་། ལས་སློབ་ཆོས་གྲུབ་སེང་གེ །གསང་སྟོན་པ་ནམ་མཁའ་དཔལ་ལྡན་སོགས་དད་པའི་དགེ་འདུན་གྱི་ཚོགས་ལས་བསྙེན་རྫོགས་ཀྱི་སྡོམ་པ་བཞེས་ཤིང་། མཁན་སློབ་གཉིས་ལས་བཀའ་ཆོས་དུ་མ་གསན།
མེ་ཕག་ཕྱི་ལོ་༡༥༢༧ ལོ་ལྷོ་གྲོ་བོ་ལུང་དུ་ཕེབས་ནས། ཨོ་རྒྱན་བདེ་ཆེན་རྩེའི་གཟིམ་ཁང་དུ་ལོ་གསུམ་རིང་སྐུ་མཚམས་འདག་སྦྱར་གནང་སྟེ་ཨཥྚའི་བསྙེན་ཆེན་བསྐྱལ་བར་མཛད་པས་ལྷོངས་ཀྱི་རྣམ་པ་ཅི་རིགས་བྱུང་བ་དག་རོ་སྙོམས་ཀྱི་ལམ་དུ་གཏོང་བར་གནང་། ལྕགས་སྟག་ཟླ་བ་དང་པོར་སྐུ་མཚམས་ལས་བཞེངས་ནས། ལེགས་བཤད་གླིང་དུ་རྗེ་ཕྲིན་ལས་པའི་ཞབས་དྲུང་དུ་ཕེབས་ནས། རྗེ་ཉིད་ཀྱི་བཀའ་འབུམ་གྱི་གཙོས་ཆོས་བཀའ་ལྷག་མ་རྣམས་གསན་པར་མཛད་དེ། བྱ་གཏང་དུ་རི་ཁྲོད་འགྲིམ་སྟེ་རྩེ་གཅིག་སྒྲུབ་པ་བྱེད་པའི་གནང་བར་ཞུ་བ་ཕུལ་ཀྱང་། བསྟན་འགྲོའི་དོན་ལ་གཞོལ་དགོས་པའི་སྐུལ་ལྕག་གནང་། སླར་ལྷོ་བྲག་ཏུ་ཕེབས་ནས་གཉའ་གཉར་དབེན་པར་སྒྲུབ་པ་ཉམས་བཞེས་མཛད།
ལྕགས་ཡོས་ཕྱི་ལོ་༡༥༣༡ ལོ་དགུང་ལོ་ཉེར་དགུ་པར་ཀོང་ཡུལ་ཟིང་པོ་འབུམ་པ་སྒང་དུ་ཕེབས་ནས། རྒྱལ་དབང་ཀརྨ་པ་ཀུན་མཁྱེན་མི་བསྐྱོད་རྡོ་རྗེ་དང་མཇལ་ཞིང་། དང་ཐོག་བྱང་སྡོམ་ལུགས་གཉིས་ཀ་གནང་ནས། དཔལ་གཙུག་ལག་ཕྲེང་བ་ཞེས་པའི་མཚན་གསོལ། ཕག་མོའི་སྒོ་ནས་བདུད་རྩི་རིལ་བུ་སྒྲུབ་ཏུ་བཅུག་པས་གྲུབ་སྟེ་མཉེས་པར་གྱུར། ཞལ་མཇལ་བ་ནས་བཟུང་ནཱ་རོ་ཆོས་དྲུག་དང་། ཕྱག་ཆེན་ལྷན་སྐྱེས་སྦྱོར། ཨུ་རྒྱན་བསྙེན་སྒྲུབ། དྲིལ་བུ་རིམ་ལྔ། རས་ཆུང་སྙན་བརྒྱུད། ནག་རྒྱལ་ཕག་གསུམ་གྱི་བསྐྱེད་རྫོགས། དུས་ཀྱི་འཁོར་ལོའི་དབུས་རྒྱུད་སྡེ་བཞིའི་དབང་བཀའ་རྫོགས་པར་གནང་ནས་རྡོ་རྗེ་ཐེག་པའི་བསྟན་པ་གཏད་པར་མཛད། དབུ་ཚད་འདུལ་མངོན་ཕར་ཕྱིན་དང་། ནང་བརྟག་རྒྱུད་གསུམ་སོགས་མདོ་སྔགས་རིག་གནས་དང་བཅས་པའི་ཟབ་ཆོས་མཐའ་དག་གསན་སྦྱངས་མཛད་དེ། དམ་ཆོས་དགོངས་པ་གཅིག་པའི་ཀར་ཊཱིཀ་ཆེན་མོར་རྗེའི་གསུང་ཕེབས་ལྟར་དཀའ་གནད་ཟིན་བྲིས་བཏབ་པར་མཛད། ཤེས་བྱ་རིག་གནས་ཀུན་ལ་མཁས་པ་ཕུལ་དུ་ཕྱིན་ཏེ་དཔའ་བོ་གཙུག་ལག་ཕྲེང་བ་ཞེས་སྙན་པའི་གྲགས་པ་རབ་ཏུ་འབར།
ཆུ་སྦྲུལ་ཕྱི་ལོ་༡༥༣༣ ལོ་ཟླ་བ་དགུ་པ་ནས་བཟུང་། མེ་བྱ་ཕྱི་ལོ་༡༥༣༧ ལོ་ཟླ་བ་བཞི་པའི་བར་ལོ་ལྔའི་བར་དུ་སྒར་ཆེན་གྱི་ཀློག་པའི་གནས་བརྟན་གྱི་སློབ་དཔོན་གནང་། དེ་ནས་བཀའ་ཁྲོལ་ནས། སྡེ་སྣོད་འཛིན་པ་ཕྱོགས་ཀྱི་གླང་པོ་ལ་ཀློག་གྲྭའི་སློབ་དཔོན་དུ་བསྐོས་ནས། སྡེ་སྣོད་འཛིན་པ་ཚུལ་ཁྲིམས་དབང་ཕྱུག་ལས་རྒྱལ་བའི་བཀའ་འགྱུར་ཡོངས་རྫོགས་ཀྱི་བཀླག་ལུང་གསན་པར་མཛད།
ས་ཕག་ཕྱི་ལོ་༡༥༣༨ ལོ་དགུང་ལོ་སོ་བདུན་ནས་བཟུང་ཙ་རིའི་གནས་ནང་རོང་ཆུང་དུ་ཟླ་བ་དྲུག །གཞུ་གྲུ་བཞི་མཁའ་འགྲོའི་གསང་ཕུག་ཏུ་ཟླ་བ་ཕྱེད་གཉིས། མཁའ་རོའི་གསང་ཕུག་ཏུ་ཟླ་བ་གཉིས། མཚོ་དཀར་པདྨ་ཁྱུང་རྫོང་དུ་ལོ་གསུམ་བཅས་སྒོམ་སྒྲུབ་མཛད་པས་གྲུབ་པའི་རྒྱལ་ཐབས་ལ་དབང་འབྱོར། ཞྭ་དམར་དཀོན་མཆོག་འབངས་དང་། རྒྱལ་ཚབ་གྲགས་པ་དཔལ་འབྱོར། དཔལ་ཁང་ལོ་ཙཱ་སོགས་ལ་ཟབ་ཆོས་ཅི་རིགས་སྩལ་བ་དང་། གྲོ་བོ་ལུང་གི་སྐུ་མཁར་ལ་རྒྱ་ཕིབས་དང་གསེར་ཐོག་སྒྲོན། རྒྱལ་དབང་མི་བསྐྱོད་ཞབས་ཀྱི་བཀའ་བཞིན་ཀརྨ་རིག་འཛིན་སྒྲུབ་མཆོག་སྡེའི་གྲྭ་ཚང་སོགས་བསྟན་པའི་གཞི་མ་དགེ་འདུན་གྱི་སྡེ་དུ་མ་གསར་འཛུགས་གནང་། རྒྱལ་དབང་མཆོག་ཡར་སྟོད་ར་མོར་དགོངས་པ་ཆོས་དབྱིངས་སུ་མནལ་བའི་སྐུ་གདུང་མཚུར་ཕུར་གདན་དྲངས་ཏེ་ཞུགས་འབུལ་སོགས་དགོངས་རྫོགས་སྒྲུབ་ཅིང་། ཞྭ་དམར་ལྔ་པ་རྒྱལ་ཚབ་ཏུ་མངལ་གསོལ། གྲོ་བོ་ལུང་དུ་སངས་རྒྱས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་རྟེན་དང་བརྟེན་པ་གསར་བཞེངས་དང་། སྲས་མཁར་གཙང་ཁང་དུ་སྟོན་པ་སངས་རྒྱས་རབས་བདུན། མར་པ་ལོ་ཙཱ་དང་བཀའ་བརྒྱུད་གསེར་ཕྲེང་སོགས་བཞེངས་པ་བཅས་རྟེན་རྙིང་པ་ཞིག་གསོ་དང་གསར་བཞེངས་མང་པོ་མཛད། ཞྭ་དམར་ལྔ་པ་དང་། རྒྱལ་ཚབ་གྲགས་པ་དོན་གྲུབ་རྣམ་གཉིས་ཁམས་སུ་རྒྱལ་དབང་དགུ་པ་དབང་ཕྱུག་རྡོ་རྗེ་གདན་འདྲེན་དུ་ཕེབས་ཚེ། དབུས་གཙང་དྭགས་ཀོང་ཕྱོགས་ཀྱི་བསྟན་པ་འཛིན་སྐྱོང་སྤེལ་གསུམ་ཟླ་མེད་པ་མཛད། རབ་བྱུང་དགུ་པའི་མེ་སྤྲེལ་ཕྱི་ལོ་༡༥༣༦ ལོ་དགུང་ལོ་སོ་གསུམ་པར་《རྩིས་ཀྱི་བསྟན་བཅོས་རིན་ཆེན་གཏེར་མཛོད།》རྟོག་པ་ཕྱི་མའི་ལེའུ་གཉིས་བརྩམས་ཤིང་། ལྕགས་བྱི་ཕྱི་ལོ་༡༥༤༠ ལོ་དགུང་ལོ་སོ་བདུན་པར་མཇུག་རྫོགས་པར་བརྩམས་གྲུབ། རབ་བྱུང་དགུ་པའི་ཤིང་སྦྲུལ་ཕྱི་ལོ་༡༥༤༤ ལོ་དགུང་ལོ་ཞེ་གཉིས་པར་《ཆོས་འབྱུང་མཁས་པའི་དགའ་སྟོན།》རྩོམ་པའི་དབུ་བཙུགས་ཏེ། རབ་བྱུང་དགུ་པའི་ཤིང་ཕོ་བྱི་བ་ཕྱི་ལོ་༡༥༦༤ ལོ་དགུང་ལོ་དྲུག་ཅུ་རེ་གཅིག་པར་མཇུག་ཡོངས་སུ་རྫོགས་པར་བརྩམས་གྲུབ་ཅིང་། ས་ལུག་ཕྱི་ལོ་༡༥༥༩ ལོར་《སྤྱོད་འཇུག་གི་འགྲེལ་ཆེན》རྩོམ་འགོ་བཟུང་ནས། ཆུ་ཁྱི་ཕྱི་ལོ་༡༥༦༢ ལོར་མཇུག་ཡོངས་སུ་རྫོགས་པར་བརྩམས་གྲུབ། གཞན་ཡང་གསུང་རྩོམ་མང་དུ་མཛད།
མེ་སྟག་ཕྱི་ལོ་༡༥༦༦ ལོ་ཟླ་བ་གསུམ་པར་གར་དབང་དཀོན་མཆོག་ཡན་ལག་གིས་རྒྱལ་དབང་སྤྲུལ་པ་སྐུ་ཡབ་སྲས་ལྷན་རྒྱས་གྲོ་བོ་ལུང་དུ་གདན་སར་ཕེབས་ཤིང་། རྗེ་དགུ་པ་དང་རྒྱལ་ཚབ་བཞི་པར་ཞྭ་དམར་པས་མཁན་པོ་དང་། རྗེ་དཔའ་བོ་མཆོག་གིས་ལས་སློབ་གནང་སྟེ་དད་པའི་དགེ་འདུན་བཅུ་ཚོགས་ཀྱི་དབུས་སུ་རབ་བྱུང་སྒྲུབ་པར་མཛད་དེ། སྒྲོལ་དཀར་གྱི་དབང་གི་ཐོགས་དྲངས། ཐབས་གྲོལ་གྱི་གདམས་པའི་བར་ཟབ་ཆོས་མཐའ་ཡས་པ་སྩལ་བས་གདུལ་བྱ་བགྲང་བ་ལས་འདས་པ་སྨིན་གྲོལ་ལ་འགོད་པར་མཛད་དོ། །
རབ་བྱུང་དགུ་པའི་མེ་སྟག་ཕྱི་ལོ་༡༥༦༦ ལོ་ཟླ་བ་བཅུ་པའི་ཚེས་བཅུ་དྲུག་སྟེ་དགུང་ལོ་དྲུག་ཅུ་རེ་གསུམ་ཐོག་གཟུགས་སྐུའི་བཀོད་པ་བསྡུས།
གང་གི་སློབ་མ་གྲགས་ཆེ་བ། ཀརྨ་པ་དབང་ཕྱུག་རྡོ་རྗེ། ཐམས་ཅད་མཁྱེན་པ་དཀོན་ཡན་ལག །གྲགས་པ་དཔལ་འབྱོར་དང་། གྲགས་པ་དོན་གྲུབ་སྟེ་རྒྱལ་ཚབ་སྐུ་གོང་འོག་གཉིས། ཀརྨ་ཕྲིན་ལས་གཉིས་པ། འབྲི་སྟག་དང་གྲུབ་ཆེན་ཀརྨ་པཀྴིའི་གདུང་བརྒྱུད། ཏྲེ་ཆེ་ཆུང་། འཇམ་དབྱངས་དོན་དཔལ་བཟང་། མཁན་ཆེན་ལེགས་པ་དོན་གྲུབ། གྲུབ་ཆེན་དངོས་གྲུབ་བཟང་པོ་སོགས་ཡིན།
གང་གི་གསུང་རྩོམ་ནི། <<སྤྱོད་འཇུག་འགྲེལ་ཆེན>>དང་། <<རྩིས་ཀྱི་བསྟན་བཅོས>><<ཕག་མོའི་རྣམ་བཤད་ཆེན་མོ>><<གསོ་བ་རིག་པའི་རྒྱུད་བཞིའི་རྣམ་བཤད>><<སྨན་དཔྱད་ཟིན་བྲིས་སྙིང་པོ་བསྡུས་པ>><<རྡོ་ཞུན་གསལ་སྒྲོན>><<རྩིས་གཞུང་རིན་ཆེན་གཏེར་མཛོད>><<ཆོས་འབྱུང་མཁས་པའི་དགའ་སྟོན>>སོགས་མང་དུ་མཆིས། <<ཆོས་འབྱུང་མཁས་པའི་དགའ་སྟོན>>ནི་རབ་བྱུང་དགུ་པའི་ཤིང་སྦྲུལ་༡༥༤༥ལོར་བརྩམ་འགོ་བཙུགས་ཏེ་ལོ་ངོ་ཉི་ཤུ་རྩ་གཅིག་རིང་ཡོངས་སུ་ཆ་ཚང་བར་མཛད། དེང་གི་ཆར་དངོས་སུ་ཡོད་པ་དེབ་ཕྲེང་བཅུ་བཞི་ཙམ་མཆིས། སླད་མར་འཚོལ་ཞིབ་དགོས་པ་ཁག་ནི་དཀར་ཆག་གསར་རྙིང་གཉིས་ཕན་ཚུན་བསྡུར་ན་གསལ་བར་ཤེས་རྟོགས་ཐུབ་བོ། །
དཔྱད་གཞིའི་ཡིག་ཆ་ཁག་ནི། དགེ་སློང་གཙུག་ལག་ཕྲེང་བ་རང་ཉིད་ཀྱི་རྟོགས་པ་བརྗོད་པ་འཁྲུལ་བའི་བཞིན་རས་འཆར་བའི་མེ་ལོང་། རང་ཚུལ་གསལ་བར་བྱེད་པ་བདེན་པའི་ཡི་གེ རང་གི་རྟོགས་བརྗོད་མིག་འཁྲུལ་གྱི་རང་བཞིན་གསལ་བྱེད། ཀམ་ཚང་ཆོས་འབྱུང་བཅས་སོ།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༢༤ ཟླ་ ༧ ཚེས་ ༢༩ ལ། [དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་དང་སྦྲེལ་སྣེ་མཉམ་སྦྱར་བྱེད་དགོས།]
མངོན་རྟོགས་རྒྱན་གྱི་མཆན་འགྲེལ་པུཎྚ་རི་ཀའི་དོ་ཤལ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། འཇུ་མི་ཕམ་རྣམ་རྒྱལ་རྒྱ་མཚོ།
བརྗོད་བྱ། དོན་མངོན་པར་རྟོགས་པའི་སྐོར།
རིག་མཛོད་འཕྲུལ་དེབ་ཨང་། SJRB-0448
མ་ཕྱིའི་པར་རྩ། ཞི་ཆེན་ཤིང་པར་ལ་གཞི་བཅོལ་བ་ཡིན།
ཡིག་ཆའི་རྣམ་པ། PDF
ཤོག་གྲངས། 266 ལྗིད་ཚད། 1.6MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་མཆོག་ནི། ༡༨༤༡ལོར་ཁམས་སྡེ་དགེའི་ཉེ་འདབས་ཡབ་མགོན་པོ་དར་རྒྱས་དང་། ཡུམ་སྲོང་ཆུང་གཉིས་ཀྱི་སྲས་སུ་འཁྲུངས། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད། འཇམ་དབྱངས་མཁྱེན་བརྩེ་དབང་པོ་དང་། དབང་ཆེན་དགྱེས་རབ་རྡོ་རྗེ། དཔལ་སྤྲུལ་འཇིགས་མེད་ཆོས་དབང་སོགས་ལས་ཐུན་མོང་དང་ཐུན་མོང་མ་ཡིན་པའི་གཙུག་ལག་སྦྱངས་པ་མཐར་ཕྱིན་པར་མཛད། མདོ་སྔགས་གཞུང་ལུགས་ཀྱི་དཔྱད་འགྲེལ་བཤད་པ་སོགས་མང་དུ་མཆིས་ཤིང་། ཁྱད་པར་དུ་བཟོ་དང་། གསོ་བ། རྩིས་རིག་བཅས་ལ་ཕུལ་དུ་བྱུང་བའི་ཕྱག་རྗེས་ཆེན་པོ་བཞག །རྗེ་འདིའི་སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་དང་། གཏེར་སྟོན་བསོད་རྒྱལ། ཀཿ ཐོག་སི་ཏུ་ཆོས་ཀྱི་རྒྱ་མཚོ་སོགས་མཁས་པ་མང་དུ་བྱུང་། ༡༩༡༢དགུང་ལོ་རེ་བདུན་པར་འཇུ་རི་ཁྲོད་དུ་དགོངས་པ་ཆོས་དབྱིངས་སུ་ཐིམ། ཁོང་གི་གསུང་རྩོམ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།
འཇུག་འགྲེལ་ཟླ་བའི་ཞལ་ལུང་དྲི་མེད་ཤེལ་ཕྲེང་།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། འཇུ་མི་ཕམ་རྣམ་རྒྱལ་རྒྱ་མཚོ།
བརྗོད་བྱ། ཟབ་མོ་དབུ་མའི་ལྟ་བའི་སྐོར།
རིག་མཛོད་འཕྲུལ་དེབ་ཨང་། SJRB-0447
མ་ཕྱིའི་པར་རྩ། ཤིང་པར་དཔེ་རྙིང་ཞིག་ལ་གཞི་བཅོལ་བ་ཡིན།
ཡིག་ཆའི་རྣམ་པ། PDF
ཤོག་གྲངས། 261 ལྗིད་ཚད། 1.6MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་མཆོག་ནི། ༡༨༤༡ལོར་ཁམས་སྡེ་དགེའི་ཉེ་འདབས་ཡབ་མགོན་པོ་དར་རྒྱས་དང་། ཡུམ་སྲོང་ཆུང་གཉིས་ཀྱི་སྲས་སུ་འཁྲུངས། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད། འཇམ་དབྱངས་མཁྱེན་བརྩེ་དབང་པོ་དང་། དབང་ཆེན་དགྱེས་རབ་རྡོ་རྗེ། དཔལ་སྤྲུལ་འཇིགས་མེད་ཆོས་དབང་སོགས་ལས་ཐུན་མོང་དང་ཐུན་མོང་མ་ཡིན་པའི་གཙུག་ལག་སྦྱངས་པ་མཐར་ཕྱིན་པར་མཛད། མདོ་སྔགས་གཞུང་ལུགས་ཀྱི་དཔྱད་འགྲེལ་བཤད་པ་སོགས་མང་དུ་མཆིས་ཤིང་། ཁྱད་པར་དུ་བཟོ་དང་། གསོ་བ། རྩིས་རིག་བཅས་ལ་ཕུལ་དུ་བྱུང་བའི་ཕྱག་རྗེས་ཆེན་པོ་བཞག །རྗེ་འདིའི་སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་དང་། གཏེར་སྟོན་བསོད་རྒྱལ། ཀཿ ཐོག་སི་ཏུ་ཆོས་ཀྱི་རྒྱ་མཚོ་སོགས་མཁས་པ་མང་དུ་བྱུང་། ༡༩༡༢དགུང་ལོ་རེ་བདུན་པར་འཇུ་རི་ཁྲོད་དུ་དགོངས་པ་ཆོས་དབྱིངས་སུ་ཐིམ། ཁོང་གི་གསུང་རྩོམ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།
| PDF ཕབ་ལེན། |
|---|
ཁྲིད་གཞུང་། རྗེ་བཙུན་པའི་རྟེན་འབྲེལ་སྤྱི་དོན། [ད]
དྲ་འཇུག་པ། སེར་བྱེས་རིག་མཛོད་ཆེན་མོ།ཁྲིད་གཞུང་། རྗེ་བཙུན་པའི་རྟེན་འབྲེལ་སྤྱི་དོན།
བརྗོད་བྱ། རྟེན་འབྲེལ་གྱི་སྐོར།
འཁྲིད་མཁན། དགེ་བཤེས་བློ་བཟང་ལེགས་བཤད།
རིག་མཛོད་སྒྲ་སྤྱིའི་ཨང་། SJRA-0778
སྒྲའི་རྣམ་པ། MP3 གྲངས་ཀ 30 ལྗིད་ཚད། 1.26GB
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༢༤ ཟླ་ ༧ ཚེས་ ༢༢ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་བློ་བཟང་ལེགས་བཤད་ནི། ཕྱི་ལོ་༡༩༦༩ ལོར་གཙང་ངམ་རིང་དུ་འཁྲུངས། ༡༩༩༢ ལོར་བཙན་བྱོལ་དུ་འབྱོར། ༡༩༩༣ ལོར་སེར་བྱེས་གྲྭ་ཚང་གི་ཆོས་སྒོར་ཞུགས་ནས་གཞུང་ཆེན་ཁག་ལ་སློབ་གཉེར་གནང་། ༢༠༠༨ ལོར་དགེ་ལུགས་རྒྱུགས་སྤྲོད་ཕེབས་ནས་ ༢༠༡༤ ལོར་དགེ་བཤེས་ལྷ་རམས་ཀྱི་དམ་འཇོག་གནང་། ༢༠༡༥ ལོར་དཔལ་ལྡན་སྨད་རྒྱུད་གྲྭ་ཚང་གི་ཆོས་ཐོག་འགྲིམས་ནས་གསང་སྔགས་ཀྱི་སློབ་གཉེར་གནང་། ད་ལྟར་སེར་བྱེས་མཁས་སྙན་གྲྭ་ཚང་གི་དཔེ་ཁྲིད་དགེ་རྒན་བྱེད་མུས་ཡིན་པ་བཅས་ཀྱི་ལོ་རྒྱུས་སྙིང་བསྡུས་སུ།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས་༢༠༢༡ཟླ་༦ཚེས་༢༤ཉིན།
ཁྲིད་མཚམས་ངོ་སྤྲོད།
