མཛད་པ་པོ། པཎ་ཆེན་བསོད་ནམས་གྲགས་པ།
བརྗོད་བྱ། བཀའ་གདམས་གསར་རྙིང་གི་ཆོས་འབྱུང་།
རིག་མཛོད་འཕྲུལ་དེབ་ཨང་། SJRB-0493
མ་ཕྱི། སེར་གཙུག་གྱི་དཔེ་ལྟར།
ཡིག་ཆའི་རྣམ་པ། PDF
ཤོག་གྲངས། 267 ལྗིད་ཚད། 2MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཁྲི་ཆེན་བཅོ་ལྔ་པ་པཎ་ཆེན་བསོད་ནམས་གྲགས་པ་མཆོག་ནི། ཕྱི་ལོ་༡༤༧༨ལ་ལྷོ་ཁའི་རྩེད་ཐང་ཆོས་གྲྭ་ཆེན་པོ་དང་ཉེ་བར་སྐུ་འཁྲུངས། རྩེད་ཐང་དགོན་གྱི་ཆོས་གྲྭར་ཞུགས་ཏེ་འབྲི་ཀློག་སོགས་སྦྱངས། མཁས་གྲུབ་བསོད་ནམས་བཀྲ་ཤིས་ལས་རབ་ཏུ་བྱུང་སྟེ་མཚན་བསོད་ནམས་གྲགས་པར་གསོལ། གསང་ཕུར་གཞུང་ཆེན་སློབ་གཉེར་གནང་ཞིང་རྩེད་ཐང་ཆོས་སྡེ་དང་གཡའ་བཟང་དགོན་གཉིས་སུ་ཕར་ཕྱིན་དང་རྣམ་འགྲེལ་གྱི་གྲྭ་སྐོར་མཛད། དགུང་ལོ་བཅུ་དྲུག་པར་སེར་བྱེས་གྲྭ་ཚང་དུ་ཞུགས་ནས་ཀུན་མཁྱེན་དོན་ཡོད་དཔལ་ལྡན་དང་། གཉལ་སྟོན་དཔལ་འབྱོར་ལྷུན་གྲུབ་སོགས་བསྟེན་ཏེ་གཞུང་ཆེན་བཀའ་པོད་ལྔ་སོགས་ལ་སློབ་གཉེར་དཔྱིས་ཕྱིན་པར་གནང་ཞིང་མདོ་སྔགསཀྱི་ཆོས་རྒྱུན་གང་མང་གསན། ཕྱི་ལོ་༡༥༠༨ལོ་ནས་རྒྱུད་སྟོད་གྲྭ་ཚང་དུ་དཔལ་གསང་བ་འདུས་པ་སོགས་ལ་སློབ་གཉེར་གནང་། དགུང་ལོ་སོ་བཞིའི་སྐབས་རྒྱུད་སྟོད་གྲྭ་ཚང་གི་སློབ་དཔོན་གྱི་ཁྲིར་ཕེབས་ཤིང་ལོ་བཅུ་གསུམ་གྱི་རིང་རྒྱུད་ཀྱི་འཆད་ཉན་མཛད། དགུང་ལོ་ཞེ་བདུན་པར་འབྲས་སྤུངས་བློ་གསལ་གླིང་གི་སློབ་དཔོན་གྱི་ཁྲིར་བཞུགས། དེ་རྗེས་དགའ་ལྡན་ཤར་རྩེ་གྲྭ་ཚང་གི་མཁན་པོར་ཡང་ཕེབས། དགུང་ལོ་ང་གཉིས་པ་ཕྱི་ལོ་༡༥༢༩ལོ་ནས་དགའ་ལྡན་གསེར་ཁྲི་ལོ་བརྒྱད་ཀྱི་རིང་བསྐྱངས། དགུང་ལོ་རེ་དྲུག་པར་འབྲས་སྤུངས་ཚོགས་ཆེན་གྱི་ཁྲིར་ཕེབས། ཕྱི་ལོ་༡༥༤༦ལོ་ནས་སེ་ར་ཐེག་ཆེན་གླིང་གི་ཁྲིར་ཕེབས་ཏེ་ཆོས་སྲིད་གཉིས་ཀྱིས་བསྐྱངས། སློབ་མའི་གཙོ་བོ་༸རྒྱལ་བ་བསོད་ནམས་རྒྱ་མཚོ་སོགས་མང་དུ་བྱུང་། ཕྱི་ལོ་༡༥༥༤དགུང་ལོ་དོན་བདུན་པར་འབྲས་སྤུངས་གཟིམས་ཁང་གོང་དུ་ཞི་བར་གཤེགས། གསུང་རྩོམ་ལ། མདོ་སྔགས་སོགས་ཀྱི་བསྟན་བཅོས་མང་དུ་བཞུགས། སྐུ་ཕྲེང་རིམ་པར་བྱོན་པ་རྣམས་ལ་མངའ་རིས་སྤྲུལ་སྐུ་རིན་པོ་ཆེ་ཞུ།
འཕྲུལ་དེབ་འདིར། ཇོ་བོ་རྗེ་ནས་བཀའ་གདམས་རིན་པོ་ཆེ་དབུ་བརྙེས་ཤིང་དར་རྒྱས་བྱུང་ཚུལ་དང་། རྗེ་ཡབ་སྲས་ཀྱི་རིང་ལུགས་སྐྱོང་བའི་གདན་ས་ཆེན་པོ་ཁག་དང་གསང་ཆེན་རྒྱུད་གྲྭ་སྟོད་སྨད་སོགས་ཀྱི་ཆོས་གྲྭ་ཁག་གསར་འདེབས་དང་དར་རྒྱས་བྱུང་བའི་སྐོར་བཞུགས།

མཛད་པ་པོ། དཔའ་བོ་གཙུག་ལག་ཕྲེང་བ།
བརྗོད་བྱ། རྒྱ་གར་དང་བོད་དུ་ཆོས་བྱུང་ཚུལ།
རིག་མཛོད་འཕྲུལ་དེབ་ཨང་། SJRB-0496
མ་ཕྱི། མི་རིགས་དཔེ་སྐྲུན་ཁང་གི་དཔེ་ལྟར་བསྒྲིགས།
ཡིག་ཆའི་རྣམ་པ། PDF
ཤོག་གྲངས། 960 ལྗིད་ཚད། 5.1MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གཞུང་འདིའི་མཛད་པ་པོ་དཔའ་བོ་གཙུག་ལག་ཕྲེང་བ་ནི། རབ་བྱུང་བརྒྱད་པའི་ཤིང་བྱི་ཕྱི་ལོ་༡༥༠༤ལ་སྙེ་ཐང་ཕྱོགས་སུ་འཁྲུངས། དགུང་ལོ་ལྔ་པར་དཔའ་བོ་སྐུ་ཕྲེང་དང་པོ་ཆོས་དབང་ལྷུན་གྲུབ་ཀྱི་སྐུ་སྐྱེར་ངོས་འཛིན་ཞུས། བླ་མ་རྟོགས་ལྡན་དགེ་འདུན་རྒྱ་མཚོ་ལས་འབྲི་ཀློག་སོགས་སྦྱངས། དགུང་ལོ་དགུ་པ་ལ་དགེ་བསྙེན་དང་རབ་བྱུང་དགེ་ཚུལ་དུ་བསྒྲུབས། དགུང་ལོ་བཅུ་གཉིས་པར་ནཱ་རོ་ཆོས་དྲུག་སོགས་གསང་སྔགས་གསར་རྙིང་གི་དབང་ཆོས་མང་པོ་དང་ཕྱག་ཆེན་མ་རིག་མུན་སེལ་སོགས་ཀྱི་ཟབ་གནད་བཀའ་ཁྲིད་གསན། ཕྱི་ལོ་༡༥༢༦ལོར་ཞ་ལུ་ལོ་ཆེན་ཆོས་སྐྱོང་བཟང་པོ་ལས་བསྙེན་པར་རྫོགས། དགུང་ལོ་ཉེར་དགུ་པར་རྒྱལ་དབང་ཀརྨ་པ་ཀུན་མཁྱེན་མི་བསྐྱོད་རྡོ་རྗེ་དང་མཇལ་ཞིང་། ནཱ་རོ་ཆོས་དྲུག་དང་། ཕྱག་ཆེན་ལྷན་ཅིག་སྐྱེས་སྦྱོར། དུས་ཀྱི་འཁོར་ལོའི་དབུས་རྒྱུད་སྡེ་བཞིའི་དབང་བཀའ་རྫོགས་པར་གསན་ནས་རྡོ་རྗེ་ཐེག་པའི་བསྟན་པ་རྫོགས་པར་མཇལ། དབུ་ཚད་འདུལ་མངོན་ཕར་ཕྱིན་དང་། ནང་བརྟག་རྒྱུད་གསུམ་སོགས་མདོ་སྔགས་རིག་གནས་དང་བཅས་པའི་ཟབ་ཆོས་མཐའ་དག་གསན་སྦྱང་མཛད་དེ། ཤེས་བྱ་རིག་གནས་ཀུན་ལ་མཁས་པ་ཕུལ་དུ་ཕྱིན་ཏེ་དཔའ་བོ་གཙུག་ལག་ཕྲེང་བ་ཞེས་སྙན་པའི་གྲགས་པ་འབར། ཕྱི་ལོ་༡༥༣༣ལོ་ནས་ལོ་མང་པོར་སྒར་ཆེན་གྱི་ཀློག་པའི་གནས་བརྟན་གྱི་སློབ་དཔོན་གནང་། དགུང་ལོ་སོ་བདུན་ནས་བཟུང་ཙ་རི་སོགས་སུ་ལོ་ངོ་དུ་མར་སྒོམ་སྒྲུབ་མཛད། ཞྭ་དམར་དཀོན་མཆོག་འབངས་དང་། དཔལ་ཁང་ལོ་ཙཱ་བ། ཀརྨ་པ་དབང་ཕྱུག་རྡོ་རྗེ་སོགས་སློབ་མ་མང་དུ་བསྐྱངས། བསྟན་པའི་གཞི་མ་དགེ་འདུན་གྱི་སྡེ་དུ་མ་གསར་འཛུགས་མཛད། རྟེན་རྙིང་ཞིག་གསོ་དང་གསར་བཞེངས་མཛད་པ་སོགས་བསྟན་པ་འཁོར་ལོ་གསུམ་གྱིས་སྐྱོང་བར་མཛད། མཐར་དགུང་ལོ་རེ་གསུམ་ཕྱི་ལོ་༡༥༦༦ལོར་གཟུགས་སྐུའི་བཀོད་པ་བསྡུས། སྤྱོད་འཇུག་འགྲེལ་ཆེན་དང་། རྩིས་ཀྱི་བསྟན་བཅོས། གསོ་བ་རིག་པའི་རྒྱུད་བཞིའི་རྣམ་བཤད། ཆོས་འབྱུང་མཁས་པའི་དགའ་སྟོན་སོགས་གསུང་རྩོམ་པོད་བཞི་བཞུགས།
འཕྲུལ་དེབ་འདིར་ཆོས་འབྱུང་མཁས་པའི་དགའ་སྟོན་གྱི་ཡན་ལག་དང་པོ་འཇིག་རྟེན་གྱི་ཁམས་སྤྱིར་བསྟན་པ་དང་། ཡན་ལག་གཉིས་པ་རྒྱ་གར་གྱི་སྐབས་ཀྱི་ལེའུ་ཆ་ཚང་། ཡན་ལག་གསུམ་པ་བོད་ཀྱི་སྐབས་ཀྱི་ལེའུ་དྲུག་པ་ཡན་ཆད་བཅས་བཞུགས།

མཛད་པ་པོ། དཔའ་བོ་གཙུག་ལག་ཕྲེང་བ།
བརྗོད་བྱ། རྒྱ་གར་དང་བོད་དུ་ཆོས་བྱུང་ཚུལ།
རིག་མཛོད་འཕྲུལ་དེབ་ཨང་། SJRB-0497
མ་ཕྱི། མི་རིགས་དཔེ་སྐྲུན་ཁང་གི་དཔེ་ལྟར་བསྒྲིགས།
ཡིག་ཆའི་རྣམ་པ། PDF
ཤོག་གྲངས། 1048 ལྗིད་ཚད། 5.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གཞུང་འདིའི་མཛད་པ་པོ་དཔའ་བོ་གཙུག་ལག་ཕྲེང་བ་ནི། རབ་བྱུང་བརྒྱད་པའི་ཤིང་བྱི་ཕྱི་ལོ་༡༥༠༤ལ་སྙེ་ཐང་ཕྱོགས་སུ་འཁྲུངས། དགུང་ལོ་ལྔ་པར་དཔའ་བོ་སྐུ་ཕྲེང་དང་པོ་ཆོས་དབང་ལྷུན་གྲུབ་ཀྱི་སྐུ་སྐྱེར་ངོས་འཛིན་ཞུས། བླ་མ་རྟོགས་ལྡན་དགེ་འདུན་རྒྱ་མཚོ་ལས་འབྲི་ཀློག་སོགས་སྦྱངས། དགུང་ལོ་དགུ་པ་ལ་དགེ་བསྙེན་དང་རབ་བྱུང་དགེ་ཚུལ་དུ་བསྒྲུབས། དགུང་ལོ་བཅུ་གཉིས་པར་ནཱ་རོ་ཆོས་དྲུག་སོགས་གསང་སྔགས་གསར་རྙིང་གི་དབང་ཆོས་མང་པོ་དང་ཕྱག་ཆེན་མ་རིག་མུན་སེལ་སོགས་ཀྱི་ཟབ་གནད་བཀའ་ཁྲིད་གསན། ཕྱི་ལོ་༡༥༢༦ལོར་ཞ་ལུ་ལོ་ཆེན་ཆོས་སྐྱོང་བཟང་པོ་ལས་བསྙེན་པར་རྫོགས། དགུང་ལོ་ཉེར་དགུ་པར་རྒྱལ་དབང་ཀརྨ་པ་ཀུན་མཁྱེན་མི་བསྐྱོད་རྡོ་རྗེ་དང་མཇལ་ཞིང་། ནཱ་རོ་ཆོས་དྲུག་དང་། ཕྱག་ཆེན་ལྷན་ཅིག་སྐྱེས་སྦྱོར། དུས་ཀྱི་འཁོར་ལོའི་དབུས་རྒྱུད་སྡེ་བཞིའི་དབང་བཀའ་རྫོགས་པར་གསན་ནས་རྡོ་རྗེ་ཐེག་པའི་བསྟན་པ་རྫོགས་པར་མཇལ། དབུ་ཚད་འདུལ་མངོན་ཕར་ཕྱིན་དང་། ནང་བརྟག་རྒྱུད་གསུམ་སོགས་མདོ་སྔགས་རིག་གནས་དང་བཅས་པའི་ཟབ་ཆོས་མཐའ་དག་གསན་སྦྱང་མཛད་དེ། ཤེས་བྱ་རིག་གནས་ཀུན་ལ་མཁས་པ་ཕུལ་དུ་ཕྱིན་ཏེ་དཔའ་བོ་གཙུག་ལག་ཕྲེང་བ་ཞེས་སྙན་པའི་གྲགས་པ་འབར། ཕྱི་ལོ་༡༥༣༣ལོ་ནས་ལོ་མང་པོར་སྒར་ཆེན་གྱི་ཀློག་པའི་གནས་བརྟན་གྱི་སློབ་དཔོན་གནང་། དགུང་ལོ་སོ་བདུན་ནས་བཟུང་ཙ་རི་སོགས་སུ་ལོ་ངོ་དུ་མར་སྒོམ་སྒྲུབ་མཛད། ཞྭ་དམར་དཀོན་མཆོག་འབངས་དང་། དཔལ་ཁང་ལོ་ཙཱ་བ། ཀརྨ་པ་དབང་ཕྱུག་རྡོ་རྗེ་སོགས་སློབ་མ་མང་དུ་བསྐྱངས། བསྟན་པའི་གཞི་མ་དགེ་འདུན་གྱི་སྡེ་དུ་མ་གསར་འཛུགས་མཛད། རྟེན་རྙིང་ཞིག་གསོ་དང་གསར་བཞེངས་མཛད་པ་སོགས་བསྟན་པ་འཁོར་ལོ་གསུམ་གྱིས་སྐྱོང་བར་མཛད། མཐར་དགུང་ལོ་རེ་གསུམ་ཕྱི་ལོ་༡༥༦༦ལོར་གཟུགས་སྐུའི་བཀོད་པ་བསྡུས། སྤྱོད་འཇུག་འགྲེལ་ཆེན་དང་། རྩིས་ཀྱི་བསྟན་བཅོས། གསོ་བ་རིག་པའི་རྒྱུད་བཞིའི་རྣམ་བཤད། ཆོས་འབྱུང་མཁས་པའི་དགའ་སྟོན་སོགས་གསུང་རྩོམ་པོད་བཞི་བཞུགས།
འཕྲུལ་དེབ་འདིར་ཆོས་འབྱུང་མཁས་པའི་དགའ་སྟོན་གྱི་ཡན་ལག་གསུམ་པ་བོད་ཀྱི་སྐབས་ཀྱི་ལེའུ་བདུན་པ་མན་ཆད་དང་། ཡན་ལག་བཞི་པ་དང་ཡན་ལག་ལྔ་པ་ཆ་ཚང་བར་བཞུགས།

མཛད་པ་པོ། དགེ་བཤེས་ཚུལ་ཁྲིམས་ཆོས་འཕེལ།
བརྗོད་བྱ། སེར་བྱེས་གྲྭ་ཚང་གི་ཆོས་འབྱུང་།
རིག་མཛོད་འཕྲུལ་དེབ་ཨང་། SJRB-0484
ཡིག་ཆའི་རྣམ་པ། PDF
ཤོག་གྲངས། 634 ལྗིད་ཚད། 5MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༥ ལོའི་ཟླ་བཅུ་གཅིག་པར་སྒྲིག་སྦྱོར་བྱས།
ངོ་སྤྲོད་མདོར་བསྡུས། སེར་བྱེས་གྲྭ་ཚང་གི་ཆོས་འབྱུང་འདི་ལ་ལེའུ་ཉེར་དགུ་ཡོད་པ་ལས་ལེའུ་བཅུ་དགུ་པ་ཡན་གྱིས་གླེགས་བམ་སྟོད་ཆ་འདི་གྲུབ་ཅིང་། འདིར་སྟོན་པ་བཀའ་དྲིན་ཅན་དང་རྗེས་འཇུག་འཕགས་ཡུལ་གྱི་མཁས་པ་འགའ་ཤས་ཀྱི་རྣམ་ཐར། བོད་གངས་ཅན་ལྗོངས་ཀྱི་ཆོས་བརྒྱུད་ཆེན་པོ་ཁག་གི་བྱུང་བ། རྗེ་བླ་མ་ཙོང་ཁ་པ་ཆེན་པོ་དང་དགའ་ལྡན་ཁྲི་རབས་རིམ་བྱོན། ༸རྒྱལ་བ་༸པཎ་ཆེན་རྣམ་གཉིས་སོགས་ཀྱི་མཛད་རྣམ་དང་། གདན་ས་ཆེན་པོ་སེ་ར་ཐེག་པ་ཆེན་པོའི་གླིང་དང་སེ་ར་ཐེག་ཆེན་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་ཕྱག་བཏབ་ཚུལ། སེ་ར་ཐེག་ཆེན་གླིང་གི་ཁྲི་རབས་མདོར་བསྡུས་དང་། སེར་བྱེས་གྲྭ་ཚང་ཕྱག་འདེབས་པ་པོ་ཀུན་མཁྱེན་བློ་གྲོས་རིན་ཆེན་སེང་གེ་ནས་མཁན་རབས་དོན་བཞི་པ་ཏྲེ་ཧོར་བློ་བཟང་དཔལ་ལྡན་བར་གྱི་མཁན་རབས་རིན་བྱོན་གྱི་མཛད་རྣམ། གྲྭ་ཚང་གཏོར་སྒྲུབ་སྐབས་ཀྱི་ཚོགས་གཏམ། གྲྭ་ཚང་གི་ཞལ་འདོན་ཆོས་སྤྱོད་ཀྱི་རིམ་པའི་རྩ་ཚིག །ཐུན་མོང་མ་ཡིན་པའི་དབྱངས་ཡིག་བཅས་བཞུགས།

མཛད་པ་པོ། དགེ་བཤེས་ཚུལ་ཁྲིམས་ཆོས་འཕེལ།
བརྗོད་བྱ། སེར་བྱེས་གྲྭ་ཚང་གི་ཆོས་འབྱུང་།
རིག་མཛོད་འཕྲུལ་དེབ་ཨང་། SJRB-0485
ཡིག་ཆའི་རྣམ་པ། PDF
ཤོག་གྲངས། 604 ལྗིད་ཚད། 4.8MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༥ ལོའི་ཟླ་བཅུ་གཅིག་པར་སྒྲིག་སྦྱོར་བྱས།
ངོ་སྤྲོད་མདོར་བསྡུས། སེར་བྱེས་གྲྭ་ཚང་གི་ཆོས་འབྱུང་ལ་ལེའུ་ཉེར་དགུ་ཡོད་པ་ལས་ལེའུ་ཉི་ཤུ་པ་མན་ཆད་ཀྱིས་གླེགས་བམ་སྨད་ཆ་འདི་གྲུབ་ཅིང་། འདིར་སེར་བྱེས་མཁས་སྙན་གྲྭ་ཚང་ནས་དགའ་ལྡན་གསེར་ཁྲི་ལ་ཕེབས་པ་དང་ཤར་བྱང་གི་ཆོས་རྗེ་ཇི་བྱུང་། རྒྱུད་སྨད་མཁན་ཟུར་གནང་མཁན་ཁག་ཅིག་བཅས་ཀྱི་མཛད་རྣམ་དང་། མཚན་སྙན་ཆེ་བའི་བདག་ཉིད་ཆེན་པོ་ཁག་ཅིག་གི་མཛད་རྣམ། འཛིན་གྲྭ་སོ་སོའི་ལོ་ཡུན་དང་རྩོད་གཞུང་། ཁང་ཚན་སོ་སོའི་ལོ་རྒྱུས། གྲྭ་ཚང་གི་ཚོགས་གཏམ་ཆེན་མོ་བཅས་དང་། རྒྱ་གར་འཕགས་པའི་ཡུལ་དུ་དང་པོ་སྦག་སར་སློབ་གཉེར་གནང་ཚུལ་དང་ལྷོ་ཕྱོགས་སྦེལ་ཀོབ་གཞིས་ཆགས་སུ་གནས་སྤོ་དང་དེར་གཙུག་ལག་ཁང་སྔ་ཕྱི་རྟེན་བརྟེན་པ་གསར་བཞེངས་སོགས་འཛུགས་བསྐྲུན་གྱི་སྐོར། སེར་བྱེས་འབྲིང་རིམ་སློབ་གྲྭ་དང་ནད་འཕྲོད་ལྟ་སྐྱོང་ཚོགས་པ། དཔེ་མཛོད་ཁང་གི་ལོ་རྒྱུས་སྙིང་བསྡུས་བཅས་བཞུགས།