གནས་འཕྲིན་གཞན།

གནས་འཕྲིན་གཞན། (29)

དྲ་ཐོག་འཇུག་དུས། 2022 ལོའི་ཟླ་བ། Oct ཚེས། 21 རེས་གཟའ། Fri

ཨ་རུ་ན་ཅལ་མངའ་སྡེའི་བློན་ཆེན་སེ་རར་ཕེབས་པ།

དྲ་འཇུག་པ།

ཕྱི་ལོ་༢༠༢༢ ཟླ་༡༠ ཚེས་༢༠ཉིན་ཨ་རུ་ན་ཅལ་མངའ་སྡེའི་བློན་ཆེན་པདྨ་མཁའ་འགྲོ་མཆོག་དང་འབྲེལ་ཡོད་དཔོན་རིག་ཁག་གཅིག་བཅས་སེར་བྱེས་མཁས་སྙན་གྲྭ་ཚང་དུ་གནས་གཟིགས་བསྐྱངས།

དེ་ཡང་ཉེར་ཆར་སེར་བྱེས་མཁས་སྙན་གྲྭ་ཚང་དང་མེ་སོར་གཙུག་ལག་སློབ་གཉེར་ཁང་གི་བར་ཉེ་བའི་གཙུག་ལག་རབ་འབྱམས་པ་འཛུལ་ཞུགས་ཀྱི་གྲོས་ཆོད་བཞག་པ་ལྟར། སེར་བྱེས་གྲྭ་ཚང་དུ་བསླབ་གཞི་ཁག་གསུམ་གྱི་ཐོག་ཆེད་སྦྱོང་ཉེ་བའི་གཙུག་ལག་རབ་འབྱམས་དབུ་འཛུགས་བྱ་རྒྱུའི་མཛད་སྒོའི་སྐུ་མགྲོན་དུ་གདན་འདྲེན་ཞུས་དོན་ལྟར། རྒྱ་གར་བྱང་ཤར་ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་པདྨ་མཁའ་འགྲོ་ (Shri honourable Pema Khando) མཆོག་དང་། མེ་སོར་རྒྱལ་པོ་ HE Yaduveer Krishnadatta Chamaraja མེ་སོར་གཙུག་ལག་སློབ་གཉེར་ཁང་གི་ཉེ་བའི་རིགས་བདག་ཆེན་མོ་སྐུ་ཞབས་ Shri Prof G Hemantha Kumar བཅས་ཆེད་ཕེབས་གནང་བའི་སྐབས། གྲྭ་ཚང་གི་དབུ་ཆོས་རྣམ་གསུམ་དང་ཕྱག་མཛོད་རྣམ་པ་བཅས་ནས་ཕེབས་བསུ་གཟབ་རྒྱས་ཀྱི་སྣེ་ལེན་དང་འབྲེལ་སེར་བྱེས་མཁས་སྙན་གྲྭ་ཚང་དུ་ཆིབས་བསྒྱུར་གནང་།
དེའི་དགོང་མོར་ཆོས་རར་གཟིགས་སྐོར་གནང་བ་དང་། ཕྱི་ཚེས་༢༡སྔ་དྲོར་སེར་བྱེས་འབྲིང་རིམ་སློབ་གྲྭ་རྒྱ་གར་གཞུང་འབྲེལ་སློབ་གྲྭར་ངོས་བཞེས་ཐོབ་ནས་མི་ལོ་༢༥འཁོར་བའི་དུས་དྲན་མཛད་སྒོ་དང་། དེའི་ཉིན་རྒྱབ་ཆེད་སྦྱོང་ཉེ་བའི་གཙུག་ལག་རབ་འབྱམས་ཀྱི་དབུ་འཛུགས་མཛད་སྒོའི་སྐུ་མགྲོན་གཙོ་བོར་ཆིབས་བསྒྱུར་བསྐྱངས།
སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༢༢ ཟླ་ ༡༠ ཚེས་ ༡༤ ལ། [དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་དང་སྦྲེལ་སྣེ་མཉམ་སྦྱར་བྱེད་དགོས།]

ངོ་ཤོག 1 ནས་ 10