-
མདུན་ངོས།
-
འཕྲིན་གསར།
-
འཚམས་འདྲི་སོགས།
- ཁང་སེར་རིན་པོ་ཆེ་མཆོག་རྒྱུད་སྟོད་གྲྭ་ཚང་གི་མཁན་ཁྲིར་ཕེབས་པ་ལ་འཚམ་འདྲི་ཞུ།
ཁང་སེར་རིན་པོ་ཆེ་མཆོག་རྒྱུད་སྟོད་གྲྭ་ཚང་གི་མཁན་ཁྲིར་ཕེབས་པ་ལ་འཚམ་འདྲི་ཞུ།
དྲ་འཇུག་པ། རིག་མཛོད་རྩོམ་སྒྲིག་པ།
༸སྤྱི་ནོར་༸གོང་ས་སྐྱབས་༸མགོན་ཆེན་པོ་མཆོག་གི་བཀའ་དགོངས་གཙུག་ཏུ་བཀུར་ཏེ། མཁས་བཙུན་བཟང་གསུམ་གྱི་ཡོན་ཏན་དུ་མས་རབ་ཏུ་བརྒྱན་པའི་བསྟན་པའི་གསལ་བྱེད་སེར་བྱེས་ཧར་གདོང་ཚོགས་ཆེན་སྤྲུལ་སྐུ་ཁང་སེར་རིན་པོ་ཆེ་༸རྗེ་བཙུན་བསྟན་འཛིན་ཚུལ་ཁྲིམས་དཔལ་ལྡན་དཔལ་བཟང་པོ་མཆོག་ནས། གསང་ཆེན་རིག་པ་འཛིན་པའི་སྡེ་ཆེན་པོ་དཔལ་ལྡན་རྒྱུད་སྟོད་གྲྭ་ཚང་གི་བླ་མ་དབུ་མཛད་ཀྱི་མཛད་ཁུར་ལེགས་པར་གྲུབ་སྟེ། ཕྱི་ལོ་ ༢༠༢༦ ཟླ་ ༣ ཚེས་ ༢ ཉིན། གསང་ཆེན་ར་མོ་ཆེ་གཉིས་པ་དཔལ་ལྡན་རྒྱུད་སྟོད་གྲྭ་ཚང་གི་མཁན་རབས་བརྒྱ་དང་ཉེར་དགུ་པར་ཁྲིར་བཞུགས་མངའ་གསོལ་མཛད་པར་སྒོ་གསུམ་གུས་པས་འཚམ་འདྲི་བཀྲ་ཤིས་བདེ་ལེགས་གྲངས་མེད་ཞུ་བ་དང་། སླད་མར་ཡང་། བསྟན་འགྲོའི་དོན་དུ་སྐུ་ཚེ་མི་ཤིགས་རྡོ་རྗེའི་ཁྲི་འཕང་མཐོན་པོར་རྟག་ཏུ་བརྟན་ཅིང་། མཛད་འཕྲིན་ནམ་མཁའི་མཐའ་དང་མཉམ་པར་འཇུག་པའི་གསོལ་བ་སྨོན་ལམ་ལན་བརྒྱར་འདེབས་པ་ལགས་སོ། །
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།
༢༠༢༦ ལོའི་ཟླ་༣ ཚེས་ ༢ ལ།
རིག་མཛོད་རྩོམ་སྒྲིག་པ།
དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་(Laptop, iPad, iPod iPhone & Android) གང་ཡིན་ཐོག་ཏུ་རང་རང་གི་ཐུགས་འདོད་ལྟར་ཕབ་ལེན་དང་གསན་གཟིགས་གནང་རོགས།
དྲ་ཚིགས།: www.serajeyrigzodchenmo.org ཡིག་འབྲེལ་དྲ་བྱང་། serajeyrigzodchenmo@gmail.com
གསར་ཤོས་དག ། རིག་མཛོད་རྩོམ་སྒྲིག་པ།
- བོད་རྒྱལ་ལོ་༢༡༥༣རབ་གནས་མེ་རྟ་ལོའི་གནམ་ལོ་གསར་ཚེས་ལ་བཀྲ་ཤིས་བདེ་ལེགས།
- སེར་བྱེས་ཚྭ་བ་བྲག་རི་རིན་པོ་ཆེ་དགོངས་པ་གཞན་དོན་དུ་གཤེགས་པར་མྱ་ངན་ཞུ།
- ༢༠༢༥ ལོའི་དགེ་ལྡན་ལྔ་མཆོད་ཆེན་མོ།
- རྗེ་བླ་མ་ལ་གསོལ་བ་འདེབས་པའི་ཚིགས་སུ་བཅད་པ།
- ྋསྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་བྱེས་ཀྱི་གདན་ས་ཆེན་པོ་འབྲས་སྤུངས་སྒོ་མང་གྲྭ་ཚང་དུ་ཞབས་སོར་བདེ་བར་འཁོད།
