-
མདུན་ངོས།
-
འཕྲིན་གསར།
-
ཆོས་ཕྱོགས་ཀྱི་གནས་འཕྲིན་གཞན།
- ༢༠༢༥ ལོའི་དགེ་ལྡན་ལྔ་མཆོད་ཆེན་མོ།
༢༠༢༥ ལོའི་དགེ་ལྡན་ལྔ་མཆོད་ཆེན་མོ།
དྲ་འཇུག་པ། རིག་མཛོད་རྩོམ་སྒྲིག་པ།༄༅། །རྒྱལ་བ་ཐམས་ཅད་ཀྱི་མཁྱེན་བརྩེ་གཅིག་ཏུ་འདུས་པའི་ངོ་བོ། མཐའ་ཡས་པའི་འགྲོ་བ་རྣམས་ཀྱི་འདྲེན་པ་གཅིག་བུ། རྒྱལ་བའི་བསྟན་པ་འཛིན་སྐྱོང་སྤེལ་བར་མཛད་པ་རྣམས་ཀྱི་གཙུག་ན་མངོན་པར་མཐོ་བ། ཆོས་ཀྱི་རྒྱལ་པོ་འཇམ་མགོན་བླ་མ་ཙོང་ཁ་པ་ཆེན་པོ་ཞེས་ཡོངས་སུ་གྲགས་པ་དེ་ཉིད་ཀྱིས་འཁོར་རྒྱལ་སྲས་རྒྱ་མཚོའི་ཚོགས་དང་བཅས་ཏེ་བོད་གངས་རིའི་ལྗོངས་སུ་རྒྱལ་བའི་བསྟན་པ་ཐོས་བསམ་སྒོམ་གསུམ་འཆད་རྩོད་རྩོམ་གསུམ་གྱི་སྒོ་ནས་ཉིན་མོ་ལྟར་གསལ་བར་བྱས་ཏེ་བཞུགས་བཞིན་པ་ལས། སྐུ་དངོས་ཀྱིས་གདུལ་བར་བྱ་བའི་གངས་རིའི་ལྗོངས་ཀྱི་འགྲོ་བ་རྣམས་ཀྱི་དོན་རེ་ཞིག་མཛད་གྲུབ་པ་ན། དགུང་ལོ་རེ་གསུམ་བཞེས་པ་བོད་རབ་བྱུང་བདུན་པའི་ས་མོ་ཕག་༼ཕྱི་ལོ་༡༤༡༩ལོ། ༽ཟླ་༡༠པའི་ཚེས་༢༥ཉིན། འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་གི་གཟིམ་ཁང་འོད་གསལ་སྦུག་ཏུ་ལོངས་སྤྱོད་རྫོགས་སྐུ་མངོན་དུ་མཛད་པའི་ཚུལ་བསྟན་ཏེ་མི་ལོ་༦༠༦འཁོར་བའི་དུས་ཚེས་ཁྱད་པར་ཅན་དགའ་ལྡན་ལྔ་མཆོད་ཆེན་མོའི་དུས་དྲན་ཉིན་རྗེ་བླ་མའི་མཛད་པ་ལ་རྗེས་དྲན་དང་། ཚེ་རབས་ཀྱི་ཕྲེང་བར་རྗེས་སུ་འཛིན་པ་དང་། རང་གཞན་གྱི་དགེ་རྩ་ཅི་མཆིས་བྱང་ཆུབ་ཆེན་པོའི་རྒྱུར་བསྔོ་བ་ལགས། དགེ་ལྡན་ལྔ་མཆོད་ཆེན་མོ་ངོ་སྤྲོད།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།
ཕྱི་ལོ་ ༢༠༢༥ ཟླ་ ༡༢ ཚེས་ ༡༤ ལ།
རིག་མཛོད་རྩོམ་སྒྲིག་པ།
དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་(Laptop, iPad, iPod iPhone & Android) གང་ཡིན་ཐོག་ཏུ་རང་རང་གི་ཐུགས་འདོད་ལྟར་ཕབ་ལེན་དང་གསན་གཟིགས་གནང་རོགས།
དྲ་ཚིགས།: www.serajeyrigzodchenmo.org ཡིག་འབྲེལ་དྲ་བྱང་། serajeyrigzodchenmo@gmail.com
གསར་ཤོས་དག ། རིག་མཛོད་རྩོམ་སྒྲིག་པ།
- རྗེ་བླ་མ་ལ་གསོལ་བ་འདེབས་པའི་ཚིགས་སུ་བཅད་པ།
- ྋསྤྱི་ནོར་ྋགོང་ས་ྋསྐྱབས་མགོན་ཆེན་པོ་མཆོག་བྱེས་ཀྱི་གདན་ས་ཆེན་པོ་འབྲས་སྤུངས་སྒོ་མང་གྲྭ་ཚང་དུ་ཞབས་སོར་བདེ་བར་འཁོད།
- སྒྲ་མཛོད་ཀྱི་གསལ་བཤད།
- ༸དཔལ་ས་སྐྱ་གོང་མ་ཁྲི་ཆེན་རྡོ་རྗེ་འཆང་ཆེན་པོ་མཆོག་ནས་སེ་ར་ཚོགས་ཆེན་དུ་བཀའ་སློབ་གནང་བ།
- ཁྲིད་གཞུང་། སྤྱོད་འཇུག་ཆེན་མོ་དང་བློ་སྦྱོང་ཉི་མའི་འོད་ཟེར།
