-
མདུན་ངོས།
-
འཕྲིན་གསར།
- ཆོས་ཕྱོགས་ཀྱི་གནས་འཕྲིན་གཞན།
ཆོས་ཕྱོགས་ཀྱི་གནས་འཕྲིན་གཞན། (30)
འབྱུང་བའི་གོད་ཆག་དང་འབྲེལ་བའི་མཆོད་འབུལ་སྨོན་ལམ་ཚོགས།
དྲ་འཇུག་པ། རིག་མཛོད་རྩོམ་སྒྲིག་པ།
ཕྱི་ལོ་༢༠༢༥ཕྱི་ཟླ་དང་པོའི་ཚེས་བརྒྱད་ཀྱི་དགོང་མོར་བྱེས་ཀྱི་གདན་ས་སེར་བྱེས་མཁས་སྙན་གྲྭ་ཚང་གི་མདུན་ཐང་དུ། དབུ་ཆོས་རྣམས་ཀྱི་གཙོར་མཛད་རྒྱལ་སྲས་བླ་སྤྲུལ་ཁག་དང་། བཀའ་རབ་འབྱམས་དགེ་བའི་བཤེས་གཉེན་རྣམས་དང་། དེ་བཞིན་འདུས་མང་ཡོངས་ཀྱིས་བསྔོ་སྨོན་གནང་བ་དེ་ཡང་། ཉེ་ཆར་བོད་ཀྱི་སྟོད་ཕྱོགས་དིང་རི་རྫོང་དང་། ལྷ་རྩེ། ངམ་རིང་། ས་སྐྱ། གཏིང་སྐྱེས། གཞིས་ཀ་རྩེ་བཅས་ས་གནས་ཁག་ཏུ་བྱུང་བའི་གོད་ཆག་ས་ཡོམ་གྱི་གནོད་འཚེ་ཕོག་པའི་ཡིད་སྐྱོའི་གནས་ཚུལ་བྱུང་བར། གདུང་སེམས་མཉམ་སྐྱེ་དང་འབྲེལ། འདས་གསོན་རྣམས་ཀྱི་ཆེད་དུ་མཆོད་འབུལ་སྨོན་ལམ་གནང་།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་༡ཚེས་༩ལ།
དེ་ལས་མང་བ།...
༸གོང་ས་༸སྐྱབས་མགོན་ཆེན་པོ་མཆོག་སྦེལ་ཀོབ་གཞིས་ཆགས་སུ་ཆིབས་བསྒྱུར་བསྐྱངས།
དྲ་འཇུག་པ། རིག་མཛོད་རྩོམ་སྒྲིག་པ།དེ་ཕྱི་ལོ་༢༠༢༥ཟླ་༡ཚེས་༣ཉིན་གཞུང་སྒར་ནས་མཁའ་ལམ་བརྒྱུད་ཕེབས་ཐོན་དང་བཅས་རྒྱ་གར་གྱི་རྒྱལ་ས་ལྡི་ལིར་དང་། ཚེས་༤ཉིན་ལྷོ་ཕྱོགས་འབིང་ལོར་གྲོང་ཁྱེར་བཅས་སུ་བཞུགས་འཇགས་དང་། ཚེས་ལྔ་ཉིན་ཐད་འཕུར་མཁའ་གྲུའི་བརྒྱུད་བོད་མིའི་གཞིས་སྒར་སྦེལ་ཀོབ་གཞིས་ཆགས་སུ་ཆིབས་བསྒྱུར་གནང་ཞིང་། དེའི་སྐབས་སུ་སེར་སྐྱ་མི་མང་ཡོངས་ནས་ལག་ཏུ་མེ་ཏོག་བདུག་སྤོས་མཇལ་དར་སོགས་མཆོད་རྫས་སྣ་ཚོགས་པས་ཕེབས་བསུ་ཟབ་རྒྱས་ཞུས་ནས་ཆོས་སྡེ་ཆེན་པོ་བཀྲ་ཤིས་ལྷུན་པོར་ཞབས་སོར་བདེ་བར་འཁོད།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ཕྱི་ལོ་༢༠༢༥ཟླ་༡ཚེས་༥ལ།
དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་མཆོག་ཆིབས་བསྒྱུར་བསྐྱངས།
དྲ་འཇུག་པ། རིག་མཛོད་རྩོམ་སྒྲིག་པ།དེ་རིང་སྟེ། ཕྱི་ལོ་༢༠༢༥ཟླ་༡ཚེས་༢ཀྱི་ཉིན་ྋའཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཆེན་རྡོ་རྗེ་འཆང་ཆེན་པོ་ྋརྗེ་བཙུན་བློ་བཟང་རྡོ་རྗེ་དཔལ་བཟང་པོ་མཆོག་སེ་ར་ཐེག་ཆེན་གླིང་དུ་ཆིབས་བསྒྱུར་བསྐྱངས་ཤིང་། སེ་རའི་ཚོགས་ཆེན་དུ་བཞུགས་འཇགས་དང་། ཚེས་༣གྱི་སྔ་དྲོར་སེར་བྱེས་མཁས་སྙན་གྲྭ་ཚང་དུ་ཆིབས་བསྒྱུར་བསྐྱངས། དེ་དག་གི་སྐབས་རྣམས་སུ་བླ་སྤྲུལ་དགེ་བའི་བཤེས་གཉེན་འདུས་དམངས་དང་བཅས་པའི་ཕེབས་བསུའི་མཇལ་དར་དཀར་གཙང་དང་མཆོད་རྫས་ཚོགས་ཀྱིས་སྣེ་དྲངས་ཏེ་ཕེབས་བསུ་དང་ཕེབས་སྐྱེལ་གྲ་རྒྱས་བསྟར།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ༢༠༢༥ཟླ་༡ཚེས་༣ལ།
