དཔེ་ཁྲིད་གསན་མཁན་རྣམ་པར་ཆེད་ཞུ། འདི་གའི་དྲ་ཚིགས་ཀྱི་སྒྲ་མཛོད་དུ་ཤོང་ཚད་ཀྱི་དཀའ་ངལ་དང་། ཁྲིད་གཅིག་གི་ཚན་པ་རེ་རེ་ཡང་ ( Inode ) ནང་དུ་གྲངས་ཀའི་གྲས་སུ་ཚུད་འགྲོ་ཞིང་། ( Inode Limits ) ལ་ཚད་གཞི་ཡོད་པས་རྗེས་ཕྱོགས་ཀྱི་བྱ་བར་དཀའ་ངལ་མི་འབྱུང་སླད། སྒྲ་མཛོད་ཕབ་ལེན་གྱི་ནང་དུ་གཉེན་ཆས་(soundcloud)འདི་ཉོས་ཏེ་དྲ་ཚིགས་སུ་གང་ཡོད་ཀྱི་དཔེ་ཁྲིད་ཚང་མ་མཉེན་ཆས་འདིའི་ནང་དུ་བཞག་ཡོད་ཅིང་།

སྒྲ་མཛོད་ཀྱི་ཕབ་ལེན་ནང་དུ་ཨ་རི་ནས་གཉེན་ཆས་(soundcloud)འདི་ཉོས་ཏེ་དྲ་ཚིགས་སུ་གང་ཡོད་ཀྱི་དཔེ་ཁྲིད་ཚང་མ་མཉེན་ཆས་འདིའི་ནང་དུ་བཞག་ཡོད་ཅིང་། སྒྲ་མཛོད་ཀྱི་ཕབ་ལེན་དང་འབྲེལ་སྣེ་མཐུད་ཡོད་པས། རྣམ་པ་ཚོས་རང་ལ་མཁོ་བའི་དཔེ་ཁྲིད་ཀྱི་རིགས་ཐད་ཀར་གསན་པའམ་རང་མོས་ལྟར་ཕབ་ལེན་ཡང་བྱེད་ཐུབ། ཁ་པར་སོགས་སུ་རིག་མཛོད་ཆེན་མོའི་དྲ་ཚིགས་བརྒྱུད་མི་དགོས་པར་དཔེ་ཁྲིད་སོགས་གསན་འདོད་ཡོད་ཚེ། (SoundCloud)ཡི་མཉེན་ཆས་ཕབ་ལེན་གནང་སྟེ་གསན་ཀྱང་ཆོག །༼འདིའི་སྐོར་གསལ་བསྒྲགས་སྔོན་སོང་ལྟར་ཁ་བྱང་འདི་ལས་གཟིགས་པར་ཞུ། https://www.serajeyrigzodchenmo.org/481-announcement-category/970-sd0003 ༽ གཞན་མཁས་པ་གཞན་ཁུངས་ཀྱི་དཔེ་ཁྲིད་ཕལ་ཆེ་བ་ནི་འདི་ག་གྲྭ་ཚང་གི་དཔེ་ཁྲིད་རྒན་རྣམ་པའི་དཔེ་ཁྲིད་ཡིན་ཞིང་། ཉུང་ཤས་ཤིག་སེར་བྱེས་དཔེ་མཛོད་ནས་ལག་སོན་བྱུང་བ་ལས་གཞན་ཚང་མ་འདི་ག་རྩོམ་སྒྲིག་ཁང་གིས་དོན་གཉེར་ཅན་གྱི་སློབ་གཉེར་བ་སོགས་བརྒྱུད་ནས་འཚོལ་བསྡུ་བྱས་པ་ཡིན་ལ། དཔེ་ཁྲིད་ཚང་མ་སློབ་གཉེར་བ་རྣམས་ཀྱིས་འཛིན་གྲྭའི་དཔེ་ཁྲིད་ཀྱི་སྐབས་སུ་ཐད་ཀར་སྒྲ་ལེན་བྱས་པ་ཡིན་པས། གཞུང་རིལ་པོ་མེད་པ་དང་། གཞུང་ཚན་གཅིག་ལའང་ནང་དུ་ཁ་མ་ཚང་བ། སྒྲ་ལེན་འཕྲུལ་ཆས་ལེགས་པོ་མེད་པས་གསལ་བོ་མེད་པ་དང་། དགེ་རྒན་རྣམ་པས་གྲྭ་ཚང་གི་རྒྱུགས་སྤྲོད་ཀྱི་སྔོན་ཏེ་ཟླ་དྲུག་གི་ནང་དུ་འཛིན་གྲྭ་རེའི་རྩོད་མཚམས་ཁྲིད་ནས་རྫོགས་དགོས་ཤིང་། ཉིན་རེར་འཛིན་གྲྭ་མང་པོར་དཔེ་ཁྲིད་བྱེད་དགོས་པ་དང་། དགེ་རྒན་རྣམ་པར་གྲྭ་ཚང་གི་ཕྱག་ལས་གཞན་ཡང་ཡོད་པ་སོགས་ཀྱིས། ཆེད་གཉེར་གྲ་སྒྲིག་བྱས་ཏེ་འཁྲིད་པ་ལྟ་བུ་ཞིག་ཡིན་མིན་མ་ཤེས་ཀྱང་། སློབ་གཉེར་བ་རྣམས་ལ་ཕན་ཐོགས་ཀྱིན་ཡོད་པ་དངོས་ཡོད་ཡིན་ཞིང། འོད་སྡེར་དུ་ཕབ་སྟེ་སྔོན་མ་ནས་བཀྲམས་ཚར་འདུག་པ་དང་། དཔེ་ཁྲིད་མང་པོ་ཞིག་དྲ་ཚིགས་གཞན་དུ་ལོ་ཤས་སྔོན་ནས་བཞག་འདུག་པ་བཅས་ཀྱིས། ང་ཚོས་རྒན་རྣམ་པར་ཆོག་མཆན་ཙམ་ཡང་མ་ཞུས་པར་དྲ་ཚིགས་སུ་བཞག་པ་ཡིན། དཔེ་ཁྲིད་དག་ལ་བཅད་སྒྲིག་སོགས་བྱ་དགོས་པ་ཡང་མང་པོ་ཞིག་མཐོང་མོད། འདིར་དྲ་ཚིགས་སུ་སྡེ་ཚན་སོ་སོར་དུས་ཡུན་ཐུང་ངུ་ཞིག་གི་ནང་དུ། འཕྲུལ་དེབ་བརྒྱ་ལྷག་རྩོམ་སྒྲིག་བྱེད་དགོས་པ་དང་། སྒྲ་དང་བརྙན་ཡང་བརྒྱ་ཕྲག་ལྷག་གྲ་སྒྲིག་དང་རྩོམ་སྒྲིག་བྱེད་དགོས་པས། ལས་བྱེད་ཉུང་ངུ་ཞིག་ལས་མེད་པའི་ང་ཚོས་སྒྲིག་བཟོ་ཆུང་ངུ་རེ་ལས་བྱེད་མ་ཐུབ་པར་དྲ་ངོས་སུ་འཇོག་དགོས་བྱུང་སོང་ན། དཔེ་ཁྲིད་དགེ་རྒན་རྣམ་པར་སྙིང་ནས་བཟོད་གསོལ་ཞུ་རྒྱུ་དང་། རྗེས་འཆར་རིས་སུ་མ་ཆད་པའི་དམ་པ་དང་མཁས་དབང་རྣམ་པའི་ཁྲིད་ཀྱི་རིགས་གང་མང་དྲ་ཚིགས་སུ་འཇོག་རྒྱུར་འབད་བརྩོན་བྱ་ངེས་ཡིན་ལ། གསན་མཁན་རྣམ་པས་ཀྱང་རླུང་ནང་གི་མར་མེ་ལྟར་གྱུར་པའི་ང་ཚོའི་མི་རིགས་ཀྱི་ལས་དབང་ལ་དགོངས་བཞེས་ཀྱིས་ཁྲིད་གནང་མཁན་རྣམ་པར་རྗེས་སུ་ཡི་རང་དང་ང་ཚོར་རྒྱབ་སྐྱོར་གནང་རྒྱུ་མཁྱེན་མཁྱེན།