-
མདུན་ངོས།
-
གཅེས་ཉར་ཡིག་ཚགས།
- སེར་བྱེས་རིག་མཛོད་ཆེན་མོ།
དཔེ་ཨང་། JN1ZKPK0001
སེར་བྱེས་རིག་མཛོད་ཆེན་མོ།
དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་ (laptop, iPad, iPod iPhone & Android) སོགས་ཀྱི་ནང་དུ་ཐུགས་འདོད་ལྟར་ཕབ་ལེན་དང་གཟིགས་ཀློག་གནང་རོགས།
དྲ་ཚིགས།: www.serajeyrigzodchenmo.org གློག་འཕྲིན་ཁ་བྱང་། serajeyrigzodchenmo@gmail.com
རྩིས་གཞུང་འཇམ་དཔལ་དགྱེས་པའི་མཆོད་སྤྲིན།
དེབ་ཨང་། RNSG205101
རིག་གནས། ༼རྩིས་རིག༽
སྤྱིའི་ཨང་། ༡༦༦
མཚན་བྱང་། རྩིས་གཞུང་འཇམ་དཔལ་དགྱེས་པའི་མཆོད་སྤྲིན།
བརྗོད་བྱ། ཟླ་ཉིའི་འཛིན་དང་དབུགས་སྒང་སོགས།
མཛད་པ་པོ། ཤེས་རབ་ཆོས་འཕེལ།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
ཚོད་ལྟ། བསྐྱར་ཞིབ་བྱས་མེད།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཨ་ཁུ་ཤེས་རབ་ཆོས་འཕེལ་ལམ་ཤེས་རབ་ཨོཾ་ཆོས་ནི། དུས་རབས་ཉི་ཤུ་པའི་སྟོད་ཙམ་ལ་བླ་བྲང་བཀྲ་ཤིས་འཁྱིལ་གྱི་ཉེ་འགྲམ་དུ་སྐུ་འཁྲུངས། ཆུང་དུས་ནས་རབ་ཏུ་བྱུང་སྟེ་བླ་བྲང་བཀྲ་ཤིས་འཁྱིལ་གྱི་དུས་འཁོར་གྲྭ་ཚང་དུ་ཞུགས། ལོ་རབས་བརྒྱད་ཅུ་པ་ནས། བོད་ཀྱི་སྐད་ཡིག་སོགས་ཉམས་པ་སླར་གསོའི་ཕྱོགས་སུ་མཛད་རྗེས་བསྐྱངས། ལྷག་པར་དུ་བོད་ཡུལ་དུ་པ་ཎི་པའི་ཁྲིད་རྒྱུན་ཆད་ཡོད་པ་ལ། དེ་ཉིད་སླར་གསོའི་ཆེད་དུ། གྲྭ་ཤག་སོགས་ཡོ་ཆས་གང་ཡོད་བཙོངས་ཤིང་། འཕགས་ཡུལ་དུ་ཕེབས་ཏེ་ཝཱ་ར་ཎ་སིའི་བོད་ཀྱི་མཐོ་སློབ་ཏུ་། རྒྱ་གར་གྱི་མཁས་པ་ཞིག་ལ་ཡོན་ཕུལ་ཏེ། པ་ཎི་པའི་ཁྲིད་རྒྱུན་ཞུས། ཕྱིར་བོད་དུ་ཕེབས་ཏེ་པ་ཎི་པའི་ཁྲིད་རྒྱུན་སྤེལ། ད་ལན་དྲ་ཚིགས་ཀྱི་རྒྱ་རྩིས་ཀྱི་ཚན་པར་གནས་ཟིན་ཕྱིར། མཁས་དབང་དམ་པ་ཁོང་གི་གསུང་རྩོམ། རྒྱ་རྩིས་ཀྱི་བསྟན་བཅོས་ལས་ཚན་པ་ཐུང་ངུ་ཞིག་རྩོམ་སྒྲིག་བྱས་པ་ཡིན།
