ཐོག་མའི་བཟོ་དུས། Thu 19 Feb 2015 | 14:59

སྤྲིན་གྱི་བཞོན་པའི་རྟོགས་བརྗོད།

དྲ་འཇུག་པ།
ཚད་གཞི།
(0 འོས་འཕེན།)

tbhnt333301དེབ་ཨང་།  TBNT333301
ཐོར་བུ། ༼ རྣམ་ཐར་སོགས། ༽
སྤྱིའི་ཨང་། ༡༣༤
མཚན་བྱང་། སྤྲིན་གྱི་བཞོན་པའི་རྟོགས་བརྗོད།
མཛད་པ་པོ། སྲས་ཟླ་བའི་དབང་པོ།
བརྗོད་བྱ། བྱང་ཆུབ་སེམས་དཔའི་སྐྱེས་པའི་རབས།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

སྤྲིན་བཞོན་རྟོགས་བརྗོད་ནི། རྟོགས་བརྗོད་དཔག་བསམ་འཁྲི་ཤིང་གི་ཡལ་འདབ་མཐའ་མ་སྟེ། ཡལ་འདབ་བརྒྱ་དང་བརྒྱད་པ་དེ་ཡིན། གསུང་རྒྱུན་ལ། རྒྱལ་པོ་དགེ་བའི་དབང་པོས་སྲས་ཀྱི་སྙན་ངག་གི་རྩོམ་རྩལ་དེ་གཞན་ལ་ངོམ་ཕྱིར་ཡལ་འདབ་མཐའ་མ་དེ་སྲས་ཀྱི་བགོ་སྐལ་དུ་བཞག་སྟེ་སྲས་ཟླ་བའི་དབང་པོ་ལ་རྩོམ་དུ་བཅུག་པར་གྲགས་ཤིང་། སྲས་ནི་ཡབ་ལས་ཀྱང་སྙན་ངག་མཁན་ཆེན་པོ་ཞིག་ཡིན་པའི་བཤད་སྲོལ་ཡོད། བསྟན་བཅོས་འདི། སྡེ་དགེ་བསྟན་འགྱུར་གྱི་པོད་༼ཁེ༽ནང་དུ་བཞུགས། རྒྱ་གར་གྱི་སྙན་ངག་པ་ལབྡྷ་ཀ་ར་དང་། བོད་ཀྱི་ལོ་ཙཱ་བ་དགེ་སློང་ཤོང་སྟོན་རྡོ་རྗེ་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ་ཡིན་ནོ། །

ཕབ་ལེན།   PDF  ཕབ་ལེན    EPUB  ཕབ་ལེན།

ཤོག་ངོས་འདི་ཐེངས་ 285 བཀླགས་འདུག
སེར་བྱེས་རིག་མཛོད་ཆེན་མོ།

དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག།  iPad,iPhone & iPod Touch སོགས་ཀྱི་ནང་དུ་ཐུགས་འདོད་ལྟར་ཕབ་ལེན་དང་གཟིགས་ཀློག་གནང་རོགས། 

དྲ་ཚིགས།: www.serajeyrigzodchenmo.org གློག་འཕྲིན་ཁ་བྱང་། serajeyrigzodchenmo@gmail.com