སྒྲ་མཛོད་ཀྱི་གསལ་བཤད།

དཔེ་ཁྲིད་གསན་མཁན་རྣམ་པར་ཆེད་ཞུ། འདི་གའི་དྲ་ཚིགས་ཀྱི་སྒྲ་མཛོད་དུ་ཤོང་ཚད་ཀྱི་དཀའ་ངལ་དང་། ཁྲིད་གཅིག་གི་ཚན་པ་རེ་རེ་ཡང་ ( Inode ) ནང་དུ་གྲངས་ཀའི་གྲས་སུ་ཚུད་འགྲོ་ཞིང་། ( Inode Limits ) ལ་ཚད་གཞི་ཡོད་པས་རྗེས་ཕྱོགས་ཀྱི་བྱ་བར་དཀའ་ངལ་མི་འབྱུང་སླད། སྒྲ་མཛོད་ཕབ་ལེན་གྱི་ནང་དུ་གཉེན་ཆས་ (soundcloud) འདི་ཉོས་ཏེ་དྲ་ཚིགས་སུ་གང་ཡོད་ཀྱི་དཔེ་ཁྲིད་ཚང་མ་མཉེན་ཆས་འདིའི་ནང་དུ་བཞག་ཡོད་ཅིང་། སྒྲ་མཛོད་ཀྱི་ཕབ་ལེན་དང་འབྲེལ་སྣེ་མཐུད་ཡོད་པས། རྣམ་པ་ཚོས་རང་ལ་མཁོ་བའི་དཔེ་ཁྲིད་ཀྱི་རིགས་ཐད་ཀར་གསན་པའམ་རང་མོས་ལྟར་ཕབ་ལེན་ཡང་བྱེད་ཐུབ། རྒྱས་པར་གཟིགས་་་

སྒྲ་མཛོད།

སྒྲ་མཛོད། (755)

དྲ་ཐོག་འཇུག་དུས། 2023 ལོའི་ཟླ་བ། Mar ཚེས། 13 རེས་གཟའ། Mon

ཁྲིད་གཞུང་། དབུ་མ་དགོངས་པ་རབ་གསལ། སྨད་ཆ། [མ]

དྲ་འཇུག་པ།

མཛད་པ་པོ། རྗེ་བློ་བཟང་གྲགས་པ། [༡༣༥༧ - ༡༤༡༩]
བརྗོད་བྱ།
ཟབ་མོ་དབུ་མའི་ལྟ་བ།
འཁྲིད་མཁན།
དགེ་བཤེས་ཡ་མ་དར་རྒྱས།
རིག་མཛོད་སྒྲ་སྤྱིའི་ཨང་།
SJRA-0739
སྒྲའི་རྣམ་པ།
MP3 གྲངས་ཀ 110 ལྗིད་ཚད། 3.61GB
སྒྲ་སྒྲིག་བཟོ་བ།
ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར།
སེར་བྱེས་རིག་མཛོད་ཆེན་མོ།
༢༠༢༣ ཟླ་ ༣ ཚེས་ ༡༣ ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ཡ་མ་དར་རྒྱས་མཆོག་ནི། མདོ་ཁམས་བཀྲ་ཤིས་དར་རྒྱས་དགོན་གྱི་ཉེ་འདབས་སུ་ཕྱི་ལོ་༡༩༧༢ལོར་ཡབ་བྱམས་ཅན་དང་ཡུམ་ཚུལ་ཁྲིམས་སྒྲོལ་མ་གཉིས་ཀྱི་སྲས་སུ་སྐུ་འཁྲུངས། དགུང་ལོ་བརྒྱད་ཀྱི་ཐོག་རྒན་རྡོ་རྗེ་བསམ་འགྲུབ་ཀྱི་དྲུང་ནས་ཡི་གེ་སྦྱོར་ཀློག་འགོ་བཙུགས། དེ་ནས་དར་དགོན་མཁན་ཟུར་རིན་པོ་ཆེ་ཀརྨ་དོན་འགྲུབ་མཆོག་གི་དྲུང་ནས་ཡི་གེ་འབྲི་བ་དང་དཔེ་འཛིན་སྐྱོར་སྦྱང་སོགས་བྱས་ཤིང་མཚན་ཉིད་གཞུང་ལའང་སློབ་སྦྱོང་ཅུང་ཟད་བྱས། ༡༩༨༨ལོར་བཀྲ་ཤིས་དར་རྒྱས་དགོན་དུ་ཞུགས་ནས་དགོན་དེར་རིགས་ཆུང་ཚོགས་ལངས་ཀྱང་མཛད། ༡༩༩༠ལོར་རྒྱ་གར་དུ་ཕེབས་ནས་སེར་བྱེས་མཁས་སྙན་གྲྭ་ཚང་གི་ཆོས་སྒོར་ཞུགས། ༡༩༩༡ལོར་རྒྱུད་སྨད་མཁན་ཟུར་ཨོ་རྒྱན་ཚེ་བརྟན་མཆོག་གི་ཞལ་སྔ་ནས་ཚིགས་སྔ་མ་དགེ་ཚུལ་གྱི་སྡོམ་པ་མནོས། རྗེ་བཙུན་དམ་པ་འཕྲིན་ལས་རྡོ་རྗེ་མཆོག་དང་། མཁན་ཟུར་རིན་པོ་ཆེ་རྗེ་བཙུན་བློ་བཟང་དཔལ་ལྡན་མཆོག་དང་། མཁན་ཟུར་རིན་པོ་ཆེ་རྗེ་བཙུན་བློ་བཟང་ཚེ་རིང་སོགས་དཔལ་ལྡན་བླ་མ་དམ་པ་རྣམས་ཀྱི་ཞབས་ལ་གཏུགས་ཏེ་གཞུང་ཆེན་བཀའ་པོད་རྣམས་ལ་སྦྱང་བརྩོན་ལྷོད་མེད་མཛད། ༡༩༩༢ལོར་ཏྲེ་ཧོར་ཁང་ཚན་དུ་རྟགས་རིགས་ཚོགས་བསགས་དམ་འཇོག་དང་། སླར་ཡང་༢༠༠༢ལོར་དབུ་མའི་ཚོགས་བསགས་དམ་འཇོག་གནང་། ༡༩༩༥སེར་བྱེས་མཁས་སྙན་གྲྭ་ཚང་དུ་རིགས་ཆུང་རིགས་སྔ་རྒོལ་གྱི་ཚོགས་ལངས་མཛད། ལོ་དེར་དཔལ་ལྡན་འབྲས་སྤུངས་སུ་འཇང་དགུན་ཆོས་ལ་འབྲས་རྟགས་ཀྱི་ཐོར་ཆོས་དམ་འཇོག་གནང་། ༡༩༩༦ལོར་༧གོང་ས་༧སྐྱབས་མགོན་ཆེན་པོའི་ཞལ་སྔ་ནས་ཚིགས་ཕྱི་མ་བསྙེན་རྫོགས་ཀྱི་སྡོམ་པ་མནོས། ༢༠༠༡ལོར་སེར་བྱེས་ཏྲེ་ཧོར་ཁང་ཚན་དུ་ ༧གོང་ས་མཆོག་གི་སྤྱན་སྔར་དབུ་མའི་དམ་འཇོག་གནང་། ལོ་དེར་སེར་བྱེས་མཁས་གྲྭ་ཚང་དུ་དབུ་མའི་སྤྱི་དོན་དང་དགོངས་པ་རབ་གསལ་ཆ་ཚང་བའི་ཚོགས་བསགས་དང་དམ་འཇོག་བྱས། ༢༠༡༠ལོར་སེར་བྱེས་གྲྭ་ཚང་དུ་༧གོང་ས་༧སྐྱབས་མགོན་རིན་པོ་ཆེ་མཆོག་གི་སྤྱན་སྔར་རྣམ་འགྲེལ་དམ་འཇོག་གི་གོ་སྐབས་ཐོབ། ལོ་དེར་སེ་ར་བླ་སྤྱིར་འདུལ་བའི་གཞུང་ལ་རིགས་ཆེན་ཚོགས་ལངས་མཛད། ༢༠༠༥ནས་དགེ་ལུགས་རྒྱུགས་སྤྲོད་ཕེབས་ཏེ་སློབ་མཐར་རྩེར་སོན་གྱིས་ལོ་ཐ་མ་བཞི་ལ་ཨང་རིམ་གཉིས་པར་ཐོབ། ༢༠༡༠ལོར་སེར་བྱེས་མཁས་སྙན་གྲྭ་ཚང་དུ་དགེ་བཤེས་ལྷ་རམས་དམ་འཇོག་མཛད། ༢༠༡༡ལོར་གནས་མཆོག་ཝཱར་ཎར་གདན་ས་གསུམ་གྱི་ལྷ་ལྡན་སྨོན་ལམ་ཆེན་མོར་དགེ་བཤེས་ལྷ་རམས་པའི་གྲྭ་སྐོར་དམ་འཇོག་གནང་། དེ་ནས་དཔལ་ལྡན་སྨད་རྒྱུད་གྲྭ་ཚང་དུ་སྔགས་ཀྱི་གསན་བསམ་མཛད་པས་སྔགས་ཀྱི་རྩོད་རྒྱུགས་ཨང་རིམ་གཉིས་པར་ཐོབ། ༢༠༡༣ནས་སེར་བྱེས་མཁས་སྙན་གྲྭ་ཚང་མཆོག་གི་སློབ་གཉེར་རྒན་གྱི་འགན་བཞེས་ལོ་གསུམ་རིང་མཛད། མདོར་ན་ཁོང་གིས་༡༩༩༧ ནས་ད་ལྟའི་བར་དུ་གཞན་གང་དུ་ཡང་མ་ཕེབས་པར་གྲྭ་ཚང་འདིར་བཞུགས་ཏེ་དཔེ་འཁྲིད་རྒན་གྱི་ཐུགས་འགན་བཞེས་དང་བཞེས་མུས་ཡིན་པ་བཅས་ལོ་རྒྱུས་མདོར་བསྡུས་སུ།
ཕྱི་ལོ་༢༠༢༢ཟླ་༩ཚེས་༡༨ལ། སེར་བྱེས་རིག་མཛོད་ཆེན་མོའི་རྩོམ་སྒྲིག་པས་བཏུས་སྒྲིག་བྱས།

ཁྲིད་མཚམས་ཀྱི་དཀར་ཆག |  སེམས་བསྐྱེད་དྲུག་པ། དུམ་བུ་ ༠༡ ནས་ དུམ་བུ་ ༨༧ བར། | སེམས་བསྐྱེད་བདུན་པ། དུམ་བུ་ ༨༨  | ༣ སེམས་བསྐྱེད་བརྒྱད་པ། དུམ་བུ་ ༨༩  | ༤ སེམས་བསྐྱེད་དགུ་པ། དུམ་བུ་ ༩༠  | ༥ སེམས་བསྐྱེད་བཅུ་པ། དུམ་བུ་ ༩༡  | ༦ འབྲས་བུའི་ས་བཤད་པ། དུམ་བུ་ ༩༢ ནས་ ༩༨ བར། | ༧ ལོངས་སྤྱོད་རྫོགས་པའི་སྐུ། དུམ་བུ་ ༩༩ | ༨ ས་བཅུའི་ཡོན་ཏན་བསྟན་པ། དུམ་བུ་ ༡༠༠ ནས་ ༡༠༢ བར། | ༩ སྐུ་དང་ཡོན་ཏན། དུམ་བུ་ ༡༠༣ ནས་ ༡༠༥ བར། | ༡༠ སྟོབས་བཅུ་བསྟན་པ། དུམ་བུ་ ༡༠༦ ནས་ ༡༠༩ བར། | ༡༡ སྤྲུལ་པའི་སྐུ་བཤད་པ། དུམ་བུ་ ༡༡༠

ངོ་ཤོག 5 ནས་ 126