དེབ་ཨང་།  DTCT000031
དེང་རྩོམ། ༼དཔྱད་བརྗོད།༽
སྤྱིའི་ཨང་། ༡༩༩
ཁ་བྱང་། རྩིས་རིག་དཔྱད་བརྗོད།
ཕྱོགས་སྒྲིག་མཁན། རིག་མཛོད་རྩོམ་སྒྲིག་པ།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།

གསལ་བཤད་མདོར་བསྡུས།

འཕྲུལ་དེབ་འདི་ནི་རྩིས་རིག་དཔྱད་བརྗོད་ཀྱི་ཚན་པར་དཀར་ཆག་གི་འབྲེལ་སྣེ་མཐུད་རྒྱུ་སོགས་ལ་འཕྲུལ་དེབ་ཅིག་མ་བྱུང་ཐབས་མེད་ཀྱིས། རྩོམ་སྒྲིག་པས་རྩིས་རིག་གི་སྐོར་ཉུང་ངུ་ཞིག་གཞན་ལས་བཏུས་ཏེ་ཕྱོགས་བསྒྲིགས་ཀྱིས་རྩོམ་སྒྲིག་བྱས་པ་ཡིན་ལ། མཁྱེན་ལྡན་རྩོམ་པ་པོ་དག་གིས་རྗེས་ཕྱོགས་འདིའི་སྐོར་གྱི་བརྩམས་ཆོས་གང་མང་ཞིག་ང་ཚོར་མཁོ་སྤྲོད་གནང་རྒྱུ་མཁྱེན།

ཕབ་ལེན།   PDF  ཕབ་ལེན།    EPUB  ཕབ་ལེན།

དེབ་ཨང་།  TBK145001
ཐོར་བུ།  ༼དཀར་ཆག༽
སྤྱིའི་ཨང་། ༡༧༨
མཚན་བྱང་། རྗེ་ཙོང་ཁ་པའི་གསུང་འབུམ་གྱི་དཀར་ཆག
ཕྱོགས་སྒྲིག་པ། རིག་མཛོད་རྩོམ་སྒྲིག་པ།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ལོའི་ཟླ་བདུན་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

རྗེ་ཙོང་ཁ་པ་བློ་བཟང་གྲགས་པ། མདོ་སྨད་ཙོང་ཁའི་ཡུལ་དུ་འཁྲུངས། དགུང་ལོ་གསུམ་པར་རྗེ་ཀརྨ་པ་རོལ་བའི་རྡོ་རྗེ་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ལ་ཀུན་དགའ་སྙིང་པོ་དང་། དགུང་ལོ་བདུན་པར་ཆོས་རྗེ་དོན་གྲུབ་རིན་ཆེན་ལས་དགེ་ཚུལ་གྱི་སྡོམ་པ་བཞེས་ཏེ་མཚན་ལ་བློ་བཟང་གྲགས་པ་གསོལ། དགུང་ལོ་བཅུ་བདུན་པར་སློབ་གཉེར་གྱི་ཆེད་དུ་དབུས་སུ་ཕེབས། དགུང་ལོ་སོ་དྲུག་གི་སྐབས་འཁོར་དག་པ་རྣམ་བརྒྱད་དང་བཅས་འོལ་ཁར་སྒྲུབ་པ་གཙོ་བོར་མཛད། དགུང་ལོ་སོ་བདུན་པར་རྫིང་ཕྱིའི་བྱམས་པ་ཞིག་གསོ་མཛད། དགུང་ལོ་སོ་དགུ་པར་གཉལ་གྱི་ལུང་རར་ཆོས་འཁོར་བསྐོར། དགུང་ལོ་ང་གཉིས་ཀྱི་སྐབས་ཆོ་འཕྲུལ་སྨོན་ལམ་ཆེན་མོ་བཙུགས། དགུང་ལོ་ང་གསུམ་གྱི་སྐབས་དགའ་ལྡན་དགོན་པ་བཏབ། དགུང་ལོ་ང་དགུའི་སྐབས། དགའ་ལྡན་དུ་སྟག་རྩེའི་སྒྲུབ་མཆོད་སྤེལ། སློབ་མ་གྲགས་ཆེ་བ། རྒྱལ་ཚབ་དར་མ་རིན་ཆེན་སོགས་མང་དུ་བྱུང་། ༡༤༡༩ ལོར་སྐུ་གཤེགས། གསུང་རྩོམ་ལ། བྱང་ཆུབ་ལམ་རིམ་སོགས་པོ་ཏི་བཅུ་དགུ་བཞུགས།

ཕབ་ལེན།   PDF  ཕབ་ལེན།    EPUB  ཕབ་ལེན།

དེབ་ཨང་།  TBCZ624002
ཐོར་བུ། ༼ ཆོས་སྤྱོད། ༽
སྤྱིའི་ཨང་། ༣༢
མཚན་བྱང་། དཀོན་མཆོག་རྗེས་དྲན་ཡོན་སྦྱོང་དང་བཅས།
མཛད་པ་པོ། སྟོན་པ་བཅོམ་ལྡན་འདས།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བཞི་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

སྟོན་པ་བཅོམ་ལྡན་འདས། སྟོན་པ་ཐུགས་རྗེ་ཅན་དེ་ཉིད་ཀྱིས་དང་པོར་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསྐལ་པ་གྲངས་མེད་གསུམ་ལ་ཚོགས་བསགས། མཐར་མངོན་པར་རྗོགས་པར་སངས་རྒྱས་ཏེ་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་ནས་འགྲོ་བའི་དོན་རྒྱུན་ཆད་མེད་པར་མཛད། དེ་ཡང་ཐེག་པ་ཆེ་ཆུང་གི་གདུལ་བྱ་ཐུན་མོང་ལ་ཡོངས་སུ་གྲགས་པའི་མཛད་པ་བཅུ་གཉིས་ནི། རྒྱུད་བླ་མ་ལས། སྐྱེ་བ་མངོན་པར་སྐྱེ་བ་དང་། །དགའ་ལྡན་གནས་ནས་འཕོ་བ་དང་། །ལྷུམས་སུ་འཇུག་དང་བལྟམས་པ་དང་། །བཟོ་ཡི་གནས་ལ་མཁས་པ་དང་། །བཙུན་མོའི་འཁོར་དགྱེས་རོལ་བ་དང་། །ངེས་འབྱུང་དཀའ་བ་སྤྱོད་པ་དང་། །བྱང་ཆུབ་སྙིང་པོར་གཤེགས་པ་དང་། །བདུད་སྡེ་འཇོམས་དང་རྫོགས་པར་ནི། །བྱང་ཆུབ་ཆོས་ཀྱི་འཁོར་ལོ་དང་། །མྱ་ངན་འདས་པར་གཤེགས་མཛད་རྣམས། །ཡོངས་སུ་མ་དག་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །ཞེས་པ་ལྟར་རོ།

ཕབ་ལེན།   PDF   ཕབ་ལེན།    EPUB  ཕབ་ལེན།

དེབ་ཨང་།  RNSG205101
རིག་གནས། ༼རྩིས་རིག༽
སྤྱིའི་ཨང་། ༡༦༦
མཚན་བྱང་། རྩིས་གཞུང་འཇམ་དཔལ་དགྱེས་པའི་མཆོད་སྤྲིན།
བརྗོད་བྱ། ཟླ་ཉིའི་འཛིན་དང་དབུགས་སྒང་སོགས།
མཛད་པ་པོ། ཤེས་རབ་ཆོས་འཕེལ།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
ཚོད་ལྟ། བསྐྱར་ཞིབ་བྱས་མེད།
༢༠༡༥ ལོའི་ཟླ་བདུན་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

ཨ་ཁུ་ཤེས་རབ་ཆོས་འཕེལ་ལམ་ཤེས་རབ་ཨོཾ་ཆོས་ནི། དུས་རབས་ཉི་ཤུ་པའི་སྟོད་ཙམ་ལ་བླ་བྲང་བཀྲ་ཤིས་འཁྱིལ་གྱི་ཉེ་འགྲམ་དུ་སྐུ་འཁྲུངས། ཆུང་དུས་ནས་རབ་ཏུ་བྱུང་སྟེ་བླ་བྲང་བཀྲ་ཤིས་འཁྱིལ་གྱི་དུས་འཁོར་གྲྭ་ཚང་དུ་ཞུགས། ལོ་རབས་བརྒྱད་ཅུ་པ་ནས། བོད་ཀྱི་སྐད་ཡིག་སོགས་ཉམས་པ་སླར་གསོའི་ཕྱོགས་སུ་མཛད་རྗེས་བསྐྱངས། ལྷག་པར་དུ་བོད་ཡུལ་དུ་པ་ཎི་པའི་ཁྲིད་རྒྱུན་ཆད་ཡོད་པ་ལ། དེ་ཉིད་སླར་གསོའི་ཆེད་དུ། གྲྭ་ཤག་སོགས་ཡོ་ཆས་གང་ཡོད་བཙོངས་ཤིང་། འཕགས་ཡུལ་དུ་ཕེབས་ཏེ་ཝཱ་ར་ཎ་སིའི་བོད་ཀྱི་མཐོ་སློབ་ཏུ་། རྒྱ་གར་གྱི་མཁས་པ་ཞིག་ལ་ཡོན་ཕུལ་ཏེ། པ་ཎི་པའི་ཁྲིད་རྒྱུན་ཞུས། ཕྱིར་བོད་དུ་ཕེབས་ཏེ་པ་ཎི་པའི་ཁྲིད་རྒྱུན་སྤེལ། ད་ལན་དྲ་ཚིགས་ཀྱི་རྒྱ་རྩིས་ཀྱི་ཚན་པར་གནས་ཟིན་ཕྱིར། མཁས་དབང་དམ་པ་ཁོང་གི་གསུང་རྩོམ། རྒྱ་རྩིས་ཀྱི་བསྟན་བཅོས་ལས་ཚན་པ་ཐུང་ངུ་ཞིག་རྩོམ་སྒྲིག་བྱས་པ་ཡིན།

ཕབ་ལེན།   PDF  ཕབ་ལེན།    EPUB  ཕབ་ལེན།

དེབ་ཨང་།  RNE128001 
རིག་གནས། [སྡེབ་སྦྱོར།]
སྤྱིའི་ཨང་། ༤༠
མཚན་བྱང་། སྡེབ་སྦྱོར་ཡིད་བཞིན་ནོར་བུ།
མཛད་པ་པོ། ས་པཎ་ཀུན་དགའ་རྒྱལ་མཚན། [༡༡༨༢ - ༡༢༥༡]
བརྗོད་བྱ། ཡིག་སྡེབ།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

ས་སྐྱ་པཎ་ཆེན་ཀུན་དགའ་རྒྱལ་མཚན། ས་སྐྱར་འཁྲུངས། ཁུ་བོ་གྲགས་པ་རྒྱལ་མཚན་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ལ་ཀུན་དགའ་རྒྱལ་མཚན་གསོལ། དགུང་ལོ་ཆུང་དུས་ནས་ཐུན་མོང་དང་ཐུན་མོང་མ་ཡིན་པའི་རིག་པའི་གནས་ལ་སྦྱངས་པ་གནང་པས་འཆད་ཉན་དང་ལག་ལེན་འཁྱོལ་ཐུབ་པའི་མཁས་པར་གྱུར། རྒྱ་གར་གྱི་མུ་སྟེགས་པའི་མཁས་པ་འཕྲོག་བྱེད་དགའ་བོ་རྩོད་པས་བཏུལ་ནས་རལ་བ་བྲེགས། དགུང་ལོ་ཉེར་གསུམ་པར་ཁ་ཆེ་པཎ་ཆེན་ཤཱཀྱ་ཤྲཱི་བྷ་དྲ་ལས་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉེར་ལྔའི་སྐབས་ས་སྐྱའི་གདན་སའི་ཁྲིར་ཕེབས། སྐལ་ལྡན་གྱི་བུ་སློབ་མང་དུ་བསྐྱངས། དགུང་ལོ་རེ་གཉིས་པར་སོག་རྒྱལ་གྱིས་གདན་ཞུས་ལྟར་ལང་གྲུར་ཕེབས། ཁོང་ནི་ས་སྐྱ་གོང་མ་ལྔའི་ནང་གི་བཞི་པ་ཡིན། ༡༢༥༡ ལོར་ལང་གྲུར་སྐུ་གཤེགས། གསུང་རྩོམ་ལ་པོད་གསུམ་བཞུགས།

ཁྱེད་ཀྱིས་འཚོལ་བཞིན་པའི་གནད་དོན་གྱི་ལས་རིམ་དེ་ད་ལྟ་ཆ་ཚང་བ་ཞིག་གྲུབ་མེད་པས་དགོངས་སེལ་ཞུ། སླད་མར་གང་མགྱོགས་ཁྱེད་ཀྱི་ཐུགས་རེ་བཞིན་འགྲུབ་ཐུབ་པའི་རེ་བ་ཡོད། ཁྱེད་ཀྱིས་ང་ཚོའི་དྲ་རྒྱར་ཕེབས་ནས་ཐུགས་སྣང་གནང་བར་བཀའ་དྲིན་ཆེ།