མཛད་པ་པོ། དགེ་བཤེས་ཚུལ་ཁྲིམས་ཆོས་འཕེལ།
བརྗོད་བྱ། སེར་བྱེས་གྲྭ་ཚང་གི་ཆོས་འབྱུང་།
རིག་མཛོད་འཕྲུལ་དེབ་ཨང་། SJRB-0484
ཡིག་ཆའི་རྣམ་པ། PDF
ཤོག་གྲངས། 634 ལྗིད་ཚད། 5MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༥ ལོའི་ཟླ་བཅུ་གཅིག་པར་སྒྲིག་སྦྱོར་བྱས།
ངོ་སྤྲོད་མདོར་བསྡུས། སེར་བྱེས་གྲྭ་ཚང་གི་ཆོས་འབྱུང་འདི་ལ་ལེའུ་ཉེར་དགུ་ཡོད་པ་ལས་ལེའུ་བཅུ་དགུ་པ་ཡན་གྱིས་གླེགས་བམ་སྟོད་ཆ་འདི་གྲུབ་ཅིང་། འདིར་སྟོན་པ་བཀའ་དྲིན་ཅན་དང་རྗེས་འཇུག་འཕགས་ཡུལ་གྱི་མཁས་པ་འགའ་ཤས་ཀྱི་རྣམ་ཐར། བོད་གངས་ཅན་ལྗོངས་ཀྱི་ཆོས་བརྒྱུད་ཆེན་པོ་ཁག་གི་བྱུང་བ། རྗེ་བླ་མ་ཙོང་ཁ་པ་ཆེན་པོ་དང་དགའ་ལྡན་ཁྲི་རབས་རིམ་བྱོན། ༸རྒྱལ་བ་༸པཎ་ཆེན་རྣམ་གཉིས་སོགས་ཀྱི་མཛད་རྣམ་དང་། གདན་ས་ཆེན་པོ་སེ་ར་ཐེག་པ་ཆེན་པོའི་གླིང་དང་སེ་ར་ཐེག་ཆེན་གླིང་གི་ཡ་གྱལ་སེར་བྱེས་མཁས་སྙན་གྲྭ་ཚང་ཕྱག་བཏབ་ཚུལ། སེ་ར་ཐེག་ཆེན་གླིང་གི་ཁྲི་རབས་མདོར་བསྡུས་དང་། སེར་བྱེས་གྲྭ་ཚང་ཕྱག་འདེབས་པ་པོ་ཀུན་མཁྱེན་བློ་གྲོས་རིན་ཆེན་སེང་གེ་ནས་མཁན་རབས་དོན་བཞི་པ་ཏྲེ་ཧོར་བློ་བཟང་དཔལ་ལྡན་བར་གྱི་མཁན་རབས་རིན་བྱོན་གྱི་མཛད་རྣམ། གྲྭ་ཚང་གཏོར་སྒྲུབ་སྐབས་ཀྱི་ཚོགས་གཏམ། གྲྭ་ཚང་གི་ཞལ་འདོན་ཆོས་སྤྱོད་ཀྱི་རིམ་པའི་རྩ་ཚིག །ཐུན་མོང་མ་ཡིན་པའི་དབྱངས་ཡིག་བཅས་བཞུགས།

མཛད་པ་པོ། དགེ་བཤེས་ཚུལ་ཁྲིམས་ཆོས་འཕེལ།
བརྗོད་བྱ། སེར་བྱེས་གྲྭ་ཚང་གི་ཆོས་འབྱུང་།
རིག་མཛོད་འཕྲུལ་དེབ་ཨང་། SJRB-0485
ཡིག་ཆའི་རྣམ་པ། PDF
ཤོག་གྲངས། 604 ལྗིད་ཚད། 4.8MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༥ ལོའི་ཟླ་བཅུ་གཅིག་པར་སྒྲིག་སྦྱོར་བྱས།
ངོ་སྤྲོད་མདོར་བསྡུས། སེར་བྱེས་གྲྭ་ཚང་གི་ཆོས་འབྱུང་ལ་ལེའུ་ཉེར་དགུ་ཡོད་པ་ལས་ལེའུ་ཉི་ཤུ་པ་མན་ཆད་ཀྱིས་གླེགས་བམ་སྨད་ཆ་འདི་གྲུབ་ཅིང་། འདིར་སེར་བྱེས་མཁས་སྙན་གྲྭ་ཚང་ནས་དགའ་ལྡན་གསེར་ཁྲི་ལ་ཕེབས་པ་དང་ཤར་བྱང་གི་ཆོས་རྗེ་ཇི་བྱུང་། རྒྱུད་སྨད་མཁན་ཟུར་གནང་མཁན་ཁག་ཅིག་བཅས་ཀྱི་མཛད་རྣམ་དང་། མཚན་སྙན་ཆེ་བའི་བདག་ཉིད་ཆེན་པོ་ཁག་ཅིག་གི་མཛད་རྣམ། འཛིན་གྲྭ་སོ་སོའི་ལོ་ཡུན་དང་རྩོད་གཞུང་། ཁང་ཚན་སོ་སོའི་ལོ་རྒྱུས། གྲྭ་ཚང་གི་ཚོགས་གཏམ་ཆེན་མོ་བཅས་དང་། རྒྱ་གར་འཕགས་པའི་ཡུལ་དུ་དང་པོ་སྦག་སར་སློབ་གཉེར་གནང་ཚུལ་དང་ལྷོ་ཕྱོགས་སྦེལ་ཀོབ་གཞིས་ཆགས་སུ་གནས་སྤོ་དང་དེར་གཙུག་ལག་ཁང་སྔ་ཕྱི་རྟེན་བརྟེན་པ་གསར་བཞེངས་སོགས་འཛུགས་བསྐྲུན་གྱི་སྐོར། སེར་བྱེས་འབྲིང་རིམ་སློབ་གྲྭ་དང་ནད་འཕྲོད་ལྟ་སྐྱོང་ཚོགས་པ། དཔེ་མཛོད་ཁང་གི་ལོ་རྒྱུས་སྙིང་བསྡུས་བཅས་བཞུགས།

མཛད་པ་པོ། བློ་བཟང་བསམ་གཏན།
བརྗོད་བྱ། རྣམ་རྒྱལ་གྲྭ་ཚང་གི་ཆོས་འབྱུང་།
རིག་མཛོད་འཕྲུལ་དེབ་ཨང་། SJRB-0483
ཡིག་ཆའི་རྣམ་པ། PDF
ཤོག་གྲངས། 256 ལྗིད་ཚད། 29.1MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༥ ལོའི་ཟླ་བཅུ་གཅིག་པར་སྒྲིག་སྦྱོར་བྱས།
ངོ་སྤྲོད་མདོར་བསྡུས། བོད་དུ་གྲྭ་ཚང་འདི་ཉིད་ཕྱག་བཏབ་པ་ནས་ཕྱི་ལོ་༡༩༥༩ ལོ་ཡན་གྱི་གྲྭ་ཚང་དང་འབྲེལ་བའི་ཆོས་སྲིད་ཀྱི་བྱུང་རབས་ཁག་ཅིག་དང་། ༸གོང་ས་མཆོག་རྗེས་འབྲངས་བཅས་རྒྱ་གར་དུ་བཙན་བྱོལ་ལ་འབྱོར་ཚུལ་དང་རྒྱ་གར་དུ་སླར་ཡང་གྲྭ་ཚང་གསར་འཛུགས་བསྐྱངས་ཚུལ། ད་ལྟར་གྱི་ལོ་རིམ་བཅུའི་སློབ་ཚན་སོགས་བསླབ་གཞི་དང་འདོན་ཆ། ལོ་འཁོར་གཅིག་གི་མཛད་རིམ་སོགས་ལས་སུ་བྱ་བའི་རིམ་པ། བཅའ་ཡིག་སྒྲིག་གཞི་སོགས་འཛིན་སྐྱོང་། གཙུག་ལག་ཁང་དང་ལྷ་ཁང་དང་འབྲེལ་བའི་དངོས་བྱུང་ལོ་རྒྱུས་བཅས་གྲྭ་ཚང་འདི་ཉིད་ཀྱི་བཙན་བྱོལ་ནང་གི་བྱུང་བ་དང་གནས་སྟངས། སྐུ་བཅར་ཁག་ཅིག་གི་སྐུ་ཚེའི་ལོ་རྒྱུས། གྲྭ་ཚང་གི་ལོས་རྒྱུས་མཚོན་པའི་སྐུ་པར་ཁག་ཅིག །རྩོམ་པ་པོ་རང་ཉིད་ཀྱི་ལོ་རྒྱུས་མདོར་བསྡུས་བཅས་ལས་གྲུབ་ཡོད།

མཛད་པ་པོ། རྒྱལ་སྲས་ཞི་བ་ལྷ་དང་ཧོར་སྟོན་ནམ་མཁའ་དཔལ།
བརྗོད་བྱ། བྱང་ཆུབ་སེམས་སྦྱོང་གི་གདམས་པ།
རིག་མཛོད་འཕྲུལ་དེབ་ཨང་། SJRB-0481
ཡིག་ཆའི་རྣམ་པ། PDF
ཤོག་གྲངས། 281 ལྗིད་ཚད། 1.8MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༥ ལོའི་ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདི་རུ་རྒྱལ་སྲས་ཆེན་པོ་ཞི་བ་ལྷས་མཛད་པའི་སྤྱོད་འཇུག་ཆེན་མོ་དང་རྗེ་བླ་མ་ཙོང་ཁ་པ་ཆེན་པོའི་དངོས་སློབ་ཧོར་སྟོན་ནམ་མཁའ་དཔལ་གྱིས་མཛད་པའི་བློ་སྦྱོང་ཉི་མའི་འོད་ཟེར་གཉིས་ལྷན་དུ་བཞུགས་ལ། ༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་ཕྱི་ལོ་༢༠༠༣ལོའི་དཔྱིད་ཆོས་སྐབས་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་སྤྱོད་འཇུག་ཆེན་མོ་དང་བློ་སྦྱོང་ཉི་མའི་འོད་ཟེར་སྦྲགས་ནས་བཤད་ལུང་གནང་སྐབས་སྒྲ་འཇུག་ཞུས་པའི་བཀའ་ཆོས་ཀྱི་དྲ་ཐག་དང་མཉམ་སྦྱར་བྱས་ཏེ་གྲུབ་པ་ཞིག་ཡིན་པས་དཔེ་ཆ་ཀློག་པ་དང་མཉམ་དུ་གསུང་ཆོས་ཀྱང་ཉན་བདེ་བ་བཟོས་ཡོད།

མཛད་པ་པོ། ཧོར་སྟོན་ནམ་མཁའ་དཔལ།
བརྗོད་བྱ། བྱང་ཆུབ་སེམས་སྦྱོང་གི་གདམས་པ།
རིག་མཛོད་འཕྲུལ་དེབ་ཨང་། SJRB-0480
ཡིག་ཆའི་རྣམ་པ། PDF
ཤོག་གྲངས། 156 ལྗིད་ཚད། 1.3MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༥ ལོའི་ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདི་ནི། རྗེ་བླ་མ་ཙོང་ཁ་པ་ཆེན་པོའི་དངོས་སློབ་ཧོར་སྟོན་ནམ་མཁའ་དཔལ་གྱིས་མཛད་པའི་ཐེག་པ་ཆེན་པོའི་བློ་སྦྱོང་སྙན་བརྒྱུད་ཆེན་མོའི་རྣམ་བཤད་ཉི་མའི་འོད་ཟེར་ཞེས་བྱ་བ་ཡིན་ལ། གཞུང་འདིར་བྱང་ཆུབ་སེམས་སྦྱོང་གི་གདམས་པ་ཡིད་བཞིན་དབང་གི་རྒྱལ་པོ་ཉིད་གང་ལས་ཇི་ལྟར་བརྒྱུད་པའི་ཁུངས་དང་གདམས་པའི་ཆེ་བའི་ཁྱད་ཆོས་བརྗོད་པ་སྔོན་དུ་འགྲོ་བའི་སྒོ་ནས་ཀུན་རྫོབ་བྱང་ཆུབ་ཀྱི་སེམས་དང་དོན་དམ་བྱང་ཆུབ་ཀྱི་སེམས་གཉིས་ཇི་ལྟར་རྒྱུད་ལ་བསྐྱེད་པའི་ཚུལ་གཞུང་ཉུང་དོན་འདུས་ཁ་གསལ་གོ་བདེའི་སྒོ་ནས་བསྟན་པར་མཛད་ཡོད་པ་དང་། གཞུང་འདིའི་གཤམ་དུ་ཨ་ཀྱཱ་ཡོངས་འཛིན་དབྱངས་ཅན་དགའ་བའི་བློ་གྲོས་ཀྱིས་མཛད་པའི་བློ་སྦྱོང་འདིའི་བརྡ་དོན་བཀྲལ་བའི་གཞུང་ཉུང་ངུ་ཞིག་ཀྱང་ལྷན་སྦྱར་ཞུས་ཡོད།