མཛད་པ་པོ། ཅོ་ནེ་བླ་མ་བློ་བཟང་རྒྱ་མཚོའི་སྤྲིན།
བརྗོད་བྱ། གསུང་མགུར་སྣ་ཚོགས།
ཡོང་ཁུངས། འབར་ཞུན་འཕྲུལ་དེབ།
རིག་མཛོད་འཕྲུལ་དེབ་ཨང་། SJRB-0342
ཡིག་ཆའི་རྣམ་པ། PDF ཤོག་གྲངས། 213 ལྗིད་ཚད། 1.2MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།
གསལ་བཤད་མདོར་བསྡུས། འཕྲུལ་དེབ་འདིའི་རྩོམ་གྱི་ཡོང་ཁུངས་དེབ་ཏུ་གསལ་བ་ལྟར་དང་། འདི་གའི་དྲ་ཚིགས་སུ་བཀོད་པའི་འཕྲུལ་དེབ་ཀྱི་གྲངས་ཐོ་ལེན་ཕྱིར་ཁ་ཤོག་གི་རྗེས་སུ་ཤོག་ངོས་གཅིག་གསར་སྣོན་བྱས་པ་ལས་གཞན་རྩོམ་ཡིག་ལ་བཟོ་བཅོས་དང་འཕྲི་སྣོན་གང་ཡང་བྱས་མེད་པར་རང་སོར་བཞག་ཡོད།།

མཛད་པ་པོ། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ།
བརྗོད་བྱ། གསང་སྔགས་སྒྲུབ་ཐབས་ཀྱི་སྐོར།
རིག་མཛོད་འཕྲུལ་དེབ་ཨང་། SJRB-0441
ཡིག་ཆའི་རྣམ་པ། PDF
ཤོག་གྲངས། 176 ལྗིད་ཚད། 2.1MB
རྩོམ་སྒྲིག་ཁང་། རིག་མཛོད་ཆེན་མོ།
༢༠༢༤ ཟླ་བ་དྲུག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་མཆོག་ནི། ཕྱི་ལོ་ ༡༨༤༡ ལོར་མདོ་ཁམས་སྡེ་དགེའི་ཉེ་འདབས་སུ་ཡབ་མགོན་པོ་དར་རྒྱས་དང་། ཡུམ་སྲོང་ཆུང་གཉིས་ཀྱི་སྲས་སུ་འཁྲུངས། དགུང་ལོ་དྲུག་ཙམ་ནས་ཡབ་དང་ཞང་པོའི་དྲུང་ནས་ཡི་གེའི་འབྲི་ཀློག་དང་། རྩིས་དཀར་ནག་གི་སྔོན་འགྲོ་དང་གཞུང་ཆེན་བློ་འཛིན་སོགས་ལ་གཞོལ། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད་ཅིང་། སྐུ་ཚེ་ཧྲིལ་པོར་འཆད་རྩོད་རྩོམ་གསུམ་གྱི་བྱ་བས་བསྟན་འགྲོའི་དོན་ཆེན་སྒྲུབ་པར་མཛད། བཟོ་དང་། གསོ་བ། རྩིས་རིག་བཅས་ལ་ཕུལ་བྱུང་གི་ཕྱག་རྗེས་ཆེན་པོ་བཞག །མདོ་དབུས་ཁམས་གསུམ་དུ་མཁས་པའི་གྲགས་པས་ཁྱབ། རྗེ་འདིའི་དངོས་སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་དང་། གཏེར་སྟོན་བསོད་རྒྱལ། ཀཿ ཐོག་སི་ཏུ་ཆོས་ཀྱི་རྒྱ་མཚོ་སོགས་མཁས་པ་མང་དུ་བྱུང་། དགུང་ལོ་རེ་བདུན་པར་འཇུ་རི་ཁྲོད་དུ་དགོངས་པ་ཆོས་དབྱིངས་སུ་ཐིམ།
ཁོང་གི་གསུང་རྩོམ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།

མཛད་པ་པོ། ཏཱ་ར་ནཱ་ཐ།
བརྗོད་བྱ། ལམ་གྱི་རིམ་པ།
རིག་མཛོད་འཕྲུལ་དེབ་ཨང་། SJRB-0438
ཡིག་ཆའི་རྣམ་པ། PDF མ་ཕྱིའི་པར་རྩ། འཛམ་ཐང་དཔེ་རིང་།
ཤོག་གྲངས། 160 ལྗིད་ཚད། 1.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཕྲུལ་དེབ་འདི་རུ། ཇོ་ནང་ཀུན་མཁྱེན་ཏཱ་ར་ནཱ་ཐས་མཛད་པའི་རྒྱལ་བའི་བསྟན་པ་ལ་འཇུག་པའི་རིམ་པ་སྐྱེས་བུ་གསུམ་གྱི་མན་ངག་གི་ཁྲིད་ཡིག་བདུད་རྩིའི་ཉིང་ཁུ་ཞེས་བྱ་བ། ལམ་གྱི་རྩ་བ་དགེ་བའི་བཤེས་གཉེན་བསྟེན་པ་དང་། དལ་འབྱོར་རྙེད་དཀའ་བ་སོགས་ནས་སྟོང་ཉིད་སྙིང་རྗེའི་སྙིང་པོ་ཅན་སྒོམ་པའི་བར་དམིགས་སྐོར་དྲུག་ཅུ་རེ་བཞི་དང་། རྒྱུན་གྱི་ཉམས་ལེན་དང་དེ་དག་གི་གེགས་སེལ་བོགས་འདོན་དུ་ཐུན་བཞི། དེ་ལས་འབྲས་བུ་བླ་ན་མེད་པའི་བྱང་ཆུབ་འགྲུབ་ཚུལ་བཅས་ཚིག་ཉུང་དོན་འདུས་གོ་སླ་བ་གཙོ་བོར་མཛད་དེ་བསྟན་ཅིང་། ཡང་སེམས་བསྐྱེད་ཀྱི་ཆོ་ག་དང་བྱང་སྡོམ་ལེན་པའི་ཆོ་ག །ལམ་རིམ་བླ་མ་བརྒྱུད་པའི་གསོལ་འདེབས་དང་ཆོས་ཀྱི་ཁུངས་བསྟན་པ་བཅས་དང་། ཡང་ཐེག་པ་ཆེན་པོའི་བློ་སྦྱོང་དོན་བདུན་མའི་ཁྲིད་ཡིག་ཏཱ་ར་ནཱ་ཐ་ཉིད་ཀྱིས་མཛད་པ་བཅས་མཉམ་དུ་བཞུགས།

མཛད་པ་པོ། རྒྱལ་ཚབ་རིན་པོ་ཆེ་དང་གུང་ཐང་བསྟན་པའི་སྒྲོན་མེ།
བརྗོད་བྱ། གཞུང་ཆེན་ལྔའི་དོན་བསྡུས་པ།
རིག་མཛོད་འཕྲུལ་དེབ་ཨང་། SJRB-0437
ཡིག་ཆའི་རྣམ་པ། PDF
མ་ཕྱིའི་པར་རྩ། བཀྲིས་ལྷུན་དང་ཞོལ་པར་མ།
ཤོག་གྲངས། 509 ལྗིད་ཚད། 3MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདིར་རྒྱལ་ཚབ་དར་མ་རིན་ཆེན་གྱིས་མཛད་པའི་ཚད་མ་རྣམ་འགྲེལ་གྱི་བསྡུས་དོན་ཐར་ལམ་གྱི་ཉིན་བྱེད་དང་། མངོན་པར་རྟོགས་པའི་རྒྱན་གྱི་བསྡུས་དོན་རིན་པོ་ཆེའི་ཕྲེང་བ། དབུ་མ་ལ་འཇུག་པའི་བསྡུས་དོན་བཅས་དང་། ཁྲི་གུང་ཐང་དཀོན་མཆོག་བསྟན་པའི་སྒྲོན་མེས་མཛད་པའི་ཆོས་མངོན་པ་མཛོད་ཀྱི་བསྡུས་དོན་ཆོས་མངོན་རྒྱ་མཚོར་འཇུག་པའི་གྲུ་གཟིངས་དང་འདུལ་བ་རྒྱ་མཚོའི་དཀའ་གནད་མདོར་བསྡུས་པ་ནོར་བུའི་ཕྲེང་བ་བཅས་ལྷན་དུ་བཞུགས།

མཛད་པ་པོ། སྟག་ཕུ་གར་གྱི་དབང་པོ་སོགས།
བརྗོད་བྱ། སྒྲོལ་མའི་ལས་ཚོགས་སྐོར།
རིག་མཛོད་འཕྲུལ་དེབ་ཨང་། SJRB-0429
ཡིག་ཆའི་རྣམ་པ། PDF མ་ཕྱིའི་པར་རྩ། ཤེས་རིག་པར་འཕྲུལ་པར།
ཤོག་གྲངས། 391 ལྗིད་ཚད། 2.9MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་གསུམ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། སྒྲོལ་མ་ཙིཏྟ་མ་ཎིའི་ཆོས་སྐོར་འདི་ནི། རྗེའི་དངོས་སློབ་གོ་ཤྲཱི་དཔལ་ལྡན་དོན་གྲུབ་ནས་བརྒྱུད་པའི་ནགས་ཤོད་སྟག་ཕུ་བའི་སྐྱེ་བའི་ཕྲེང་འཛིན་པ་བློ་གྲོས་རྒྱ་མཚོའམ་བློ་བཟང་བསྟན་པའི་རྒྱལ་མཚན་གྱིས་རྗེ་བཙུན་མ་ལྷག་པའི་ལྷ་མཆོག་ཡི་དམ་དུ་བསྟེན་པར་མཛད་པས། ཞལ་མཇལ་དང་གསུང་གི་སྣང་བ་གསལ་པོ་བྱུང་། དེའི་ཡང་སྤྲུལ་བློ་བཟང་ཆོས་ཀྱི་དབང་ཕྱུག་གམ་གར་གྱི་དབང་པོས་ཀྱང་འདིའི་ཆོས་སྐོར་རྣམས་རྗེ་བཙུན་སྒྲོལ་མ་ཉིད་ཀྱིས་མི་དང་མི་འཕྲད་པ་བཞིན་བསྐྱེད་རྫོགས་ཀྱི་ཟབ་ཆོས་མང་དུ་གསན་ཞིང་། རྗེ་བཙུན་མ་ཉིད་ཀྱི་ཞལ་གསུང་ཤ་སྟག་ཡིན་པར་བརྟེན་བྱིན་རླབས་ཀྱི་ཚན་ཁ་ཆེ་ཞིང་། ཙིཏྟ་མ་ཎིའི་ཆོས་སྐོར་འདིའི་ཟབ་གནད་རྣམས་ཀྱང་རྗེ་བདག་ཉིད་ཆེན་པོའི་དགོངས་གཞི་དང་མཐུན་ཞིང་། བོད་ཀྱི་མཐའ་དབུས་ཡུལ་གྲུ་ཀུན་ཏུ་སྐྱེས་ཆེན་དམ་པ་མང་པོས་ཐུགས་དམ་ཉམས་བཞེས་དང་། ལྷག་པར་དུ་དགེ་ལྡན་པའི་སྐྱེས་ཆེན་དག་གིས་ཕྱག་ལེན་གཙིགས་ཆེར་མཛད། རྒྱལ་བའི་ཡོངས་འཛིན་ཁྲི་བྱང་རྡོ་རྗེ་འཆང་ཆེན་པོས། འདིའི་ཆོས་སྐོར་གྱི་ཡིག་ཆ་དུ་མ་མཛད་དེ། ལས་ཚོགས་འདི་ཉིད་ཕྱོགས་བསྒྲིགས་ཀྱང་མཛད་པ་བཅས་ཡིན།