མཛད་པ་པོ། སེར་བྱེས་ལྷ་རམས་པ་འཇམ་དཔལ་བློ་ཤེས།
བརྗོད་བྱ། ཐར་ལམ་གསལ་བྱེད་ཀྱི་ས་བཅད་དང་དོགས་གནས།
རིག་མཛོད་འཕྲུལ་དེབ་ཨང་། SJRB-0323
ཡིག་ཆའི་རྣམ་པ། PDF
ཤོག་གྲངས། 177 ལྗིད་ཚད། 1.6MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བདུན་པར་རྩོམ་སྒྲིག་བྱས།
༢༠༢༣ ཟླ་བཞི་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་ལྷ་རམས་པ་དགེ་བཤེས་འཇམ་དཔལ་བློ་ཤེས་ནི་ཁམས་ཀློང་ཐང་སྒྲོལ་མ་ལྷ་ཁང་དང་ཉེ་བའི་སར་ཡབ་མགོན་པོ་རྡོ་རྗེ་དང་ཡུམ་དགེ་རྩེ་གཉིས་ཀྱི་སྲས་སུ་ཕྱི་ལོ་༡༩༦༨ ལོར་སྐུ་འཁྲུངས། སྒྲོལ་མ་ལྷ་ཁང་དུ་ཚོགས་ཞུགས་མཛད། རྫ་སེར་ཤུལ་དགོན་དུ་ཕེབས་ནས་སློབ་གཉེར་གྱི་དབུ་བཙུགས། རྒྱ་གར་དུ་ཕེབས་ཤིང་སེར་བྱེས་མཁས་སྙན་གྲྭ་ཚང་དུ་གཞུང་ཆེན་པོད་ལྔའི་སློབ་གཉེར་ལ་མི་ལོ་ཉི་ཤུ་ལྷག་གི་རིང་ལྟོ་སྐྱ་གོས་ཧྲུལ་གྱིས་སློབ་གཉེར་རྡོ་རུས་ཐུག་པ་གནང་། རིགས་པ་སྨྲ་བའི་ཁྱུ་མཆོག་ཏུ་གྱུར་ཅིང་སྙན་པའི་གྲགས་པ་ཕྱོགས་ཀུན་ཏུ་རྒྱས། སླར་བོད་དུ་ཕེབས་ཏེ་སེར་ཤུལ་དགོན་མཐོ་རིམ་ནང་བསྟན་སློབ་གླིང་དུ་དགེ་རྒན་ཆེན་མོའི་ཕྱག་ལས་གནང་། སློབ་གླིང་གི་སྒྲིག་འཛུགས་ཚགས་ཆུད་དང་། སློབ་གཉེར་བ་དགེ་འདུན་བརྒྱ་ཕྲག་དུ་མར་གཞུང་ཆེན་ཁག་གི་དཔེ་ཁྲིད་གནང་། ཁོང་རང་གིས་གཞུང་ཆེན་དཔེ་ཁྲིད་གནང་བ་སྒྲ་འཇུག་ཉར་ཚགས་བྱས་པ་ཆུ་ཚོད་ལྔ་བརྒྱ་དང་ལྔ་བཅུ་ལྷག་ཡོད་པ་ཕྱི་རབས་པ་རྣམས་ལ་ཆོས་ཀྱི་སྐྱེས་སུ་འཇོག་པར་མཛད། ནང་ཆོས་ངོ་སྤྲོད་དང་སྤྱི་ཚོགས་བསླབ་བྱ་སོགས་གནད་ལ་ཁེལ་ཞིང་རུས་ལ་ཟུག་པའི་བཀའ་སློབ་ལམ་སྟོན་སྔ་ན་མེད་པ་གནང་། མདོ་ཁམས་འཇང་དགུན་ཆོས་དང་གངས་ལྗོངས་མཁས་པའི་ལྷན་ཚོགས་གཉིས་ཀྱི་ཚོགས་གཙོའི་འགན་བཞེས་པ་སོགས་ཆོས་དང་རིག་གཞུང་ལ་སྨན་པའི་ཕྱག་ལས་གནང་བཞིན་དུ་ཕྱི་ལོ་༢༠༡༩ ལོར་དགུང་ལོ་ལྔ་བཅུ་རྩ་གྲངས་ལ་དགོངས་པ་ཞི་དབྱིངས་སུ་གཏད།

མཛད་པ་པོ། ཀུན་མཁྱེན་འཇིགས་མེད་དབང་པོ། [༡༧༢༨-༡༧༩༡]
བརྗོད་བྱ། འཕགས་མཆོག་འཇིག་རྟེན་དབང་ཕྱུག་ལ་བསྟོད་ཅིང་གསོལ་བ་འདེབས་པ།
རིག་མཛོད་འཕྲུལ་དེབ་ཨང་། SJRB-0235
ཡིག་ཆའི་རྣམ་པ། PDF
ཤོག་གྲངས། 35 ལྗིད་ཚད། 930KB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༨ ཟླ་དྲུག་པར་གསར་དུ་བསྒྲིགས།
༢༠༢༣ ཟླ་བཞི་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
ཀུན་མཁྱེན་འཇིགས་མེད་དབང་པོ་ནི། ཕྱི་ལོ་༡༧༢༨ ལོར་སྣང་རའི་གསེར་ཁང་དང་ཉེ་བའི་སྡེ་ཆེན་གྲམ་པ་ནང་དུ་སྐུ་འཁྲུངས། མཁའ་སྤྱོད་གྲུབ་ཆེན་པ་བྱོན་ནས་ཀུན་མཁྱེན་འཇམ་དབྱངས་བཞད་པའི་ཐུགས་ཀྱི་སྤྲུལ་པ་ཡིན་པར་ལུང་བསྟན་ཅིང་སྐུ་སྲུང་མཛད། དགུང་ལོ་ལྔའི་སྟེང་ཏོག་ནོར་བུ་རྒྱལ་མཚན་ལས་དགེ་བསྙེན་དང་། དྲུག་པ་ལ་དགེ་ཕྱུག་ཆོས་རྗེ་ལས་རབ་ཏུ་བྱུང་། དགུང་ལོ་བདུན་ནས་བཟུང་ཁུ་བོ་སྟོང་འཁོར་རིན་པོ་ཆེའི་དྲུང་དུ་བཅར་ཏེ་ཟབ་ཆོས་མང་དུ་གསན། དགུང་ལོ་བཅུ་གསུམ་པར་སྟོང་འཁོར་རིན་པོ་ཆེ་བསོད་ནམས་རྒྱ་མཚོ་ལས་དགེ་ཚུལ་བསྒྲུབས། དགུང་གྲངས་བཅུ་དྲུག་པར་བླ་བྲང་བཀྲ་ཤིས་འཁྱིལ་དུ་གདན་འདྲེན་ཞུས། དགུང་ལོ་ཉེར་ལྔའི་སྐབས་དབུས་སུ་ཕེབས། རྒྱལ་དབང་བདུན་པ་མཆོག་དང་པཎ་ཆེན་སྐུ་ཕྲེང་དྲུག་པ་སོགས་ལ་གཏུགས། དགུང་ལོ་སོ་གཉིས་པར་གདན་སར་ཕེབས། གདན་སར་དཔར་བརྐོ་ཐོག་མར་བཙུགས་པ་དང་། དུས་འཁོར་གྲྭ་ཚང་དང་གསོ་རིག་གྲྭ་ཚང་གསར་དུ་བསྐྲུན། དགོན་ལུང་བྱམས་པ་གླིང་སོགས་ཀྱི་ཁྲིར་བཞུགས། སློབ་མ་གྲགས་ཆེ་བ་མཁན་ཆེན་དགེ་འདུན་རྒྱ་མཚོ་སོགས་བྱུང་། ཕྱི་ལོ་༡༧༩༡ ལོར་སྐུ་གཤེགས། གསུང་རྩོམ་ལ་པོད་བཅུ་ཕྲག་ལོངས་པ་བཞུགས། །

མཛད་པ་པོ། པཎ་ཆེན་བློ་བཟང་ཆོས་རྒྱན།
བརྗོད་བྱ། དཔལ་རྡོ་རྗེ་འཇིགས་བྱེད་ཀྱི་སྒྲུབ་ཐབས་སོགས།
རིག་མཛོད་འཕྲུལ་དེབ་ཨང་། SJRB-0236
ཡིག་ཆའི་རྣམ་པ། PDF
ཤོག་གྲངས། 208 ལྗིད་ཚད། 1.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདིར། པཎ་ཆེན་སྐུ་ཕྲེང་བཞི་པ་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱིས་མཛད་པའི་རྡོ་རྗེ་འཇིགས་བྱེད་ལ་བརྟེན་པའི་བླ་མའི་རྣལ་འབྱོར་ཉམས་སུ་ལེན་ཚུལ། བསྟན་པ་སྤྱི་དང་རྒྱུད་སྡེ་བཞིའི་རྣམ་གཞག་ཟིན་བྲིས། འཇིགས་བྱེད་བསྐྱེད་རིམ་དངོས་གྲུབ་ཀྱི་སྙེ་མ། འཇིགས་བྱེད་དཔའ་གཅིག་གི་དཀྱིལ་ཆོག་བདུད་དཔུང་འཇོམས་པ། འཇིགས་བྱེད་དཔའ་གཅིག་རོ་ལངས་བརྒྱད་བསྐོར་ཞེ་དགུ་མ་བཅས་ཀྱི་སྒྲུབ་ཐབས་ངག་འདོན་ཇི་ལྟར་བྱ་བ། འཇིགས་བྱེད་ཀྱི་དབང་ཆོག་དང་བུམ་བསྐྱེད་ཟུར་འདེབས། འཇིགས་བྱེད་ཀྱི་སའི་ཆོ་ག་སོགས་ལག་ལེན་སྙིང་པོར་དྲིལ་བ། འཇིགས་བྱེད་ཀྱི་དབང་དྲག་གི་སྦྱིན་སྲེགས་བྱ་ཚུལ་ལག་ལེན་དུ་དྲིལ་བ། འཇིགས་བྱེད་ལ་བརྟེན་པའི་ཚོགས་ཀྱི་འཁོར་ལོའི་ཆོ་ག །འཇིགས་བྱེད་ཀྱི་རྒྱས་པའི་སྦྱིན་སྲེག་བྱེད་ཚུལ་གྱི་ཆོག་བསྒྲིགས་བཅས་འཇིགས་བྱེད་ཀྱི་སྐོར་ཆོས་ཚན་བཅུ་ལྷན་དུ་བཞུགས།

མཛད་པ་པོ། པཎ་ཆེན་བློ་བཟང་ཆོས་རྒྱན།
བརྗོད་བྱ། གསང་བ་འདུས་པའི་རིམ་གཉིས།
རིག་མཛོད་འཕྲུལ་དེབ་ཨང་། SJRB-0361
ཡིག་ཆའི་རྣམ་པ། PDF
ཤོག་གྲངས། 315 ལྗིད་ཚད། 1.9MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདིར། པཎ་ཆེན་སྐུ་ཕྲེང་བཞི་པ་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱིས་མཛད་པའི་དཔལ་གསང་བ་འདུས་པའི་བླ་མའི་རྣལ་འབྱོར་དང་མངོན་པར་རྟོགས་པ་བསྡུས་པ་དང་། དཔལ་གསང་བ་འདུས་པའི་བསྐྱེད་རིམ་གྱི་རྣམ་བཤད་དངོས་གྲུབ་ཀྱི་རྒྱ་མཚོའི་སྙིང་པོ་དང་། དཔལ་གསང་བ་འདུས་པའི་གདམས་ངག་རིམ་ལྔ་གསལ་སྒྲོན་གྱི་སྙིང་པོའི་གནད་ཀུན་བསྡུས་པ་ཟབ་དོན་གསལ་བའི་ཉི་མ་བཅས་ཆོས་ཚན་གསུམ་ལྷན་དུ་བཞུགས་ཡོད།

རྩ་བ་མཛད་པ་པོ། རྗེ་ཙོང་ཁ་པ།
མཆན་འདེབས་པ་པོ། བ་སོ་ལྷ་དབང་ཆོས་ཀྱི་རྒྱལ་མཚན་སོགས།
བརྗོད་བྱ། སྐྱེས་བུ་གསུམ་གྱི་ལམ་རིམ་ལས་ཞི་ལྷག་ཡན།
རིག་མཛོད་འཕྲུལ་དེབ་ཨང་། SJRB-0259
རྣམ་པ། PDF ཤོག་གྲངས། 793 ལྗིད་ཚད། 5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་རབ་འདི་ནི་རྗེ་ཙོང་ཁ་པས་མཛད་པའི་བྱང་ཆུབ་ལམ་གྱི་རིམ་པ་ལ་བ་སོ་ལྷ་དབང་ཆོས་ཀྱི་རྒྱལ་མཚན་(༡༥༣༧-༡༦༠༥)གྱིས་མཛད་པའི་ལམ་རིམ་གྱི་མཆན་དང་། གུང་རུ་ཆོས་ཀྱི་འབྱུང་གནས་ཀྱི་གསུང་རྒྱུན་ལམ་རིམ་གྱི་མཆན། ཀུན་མཁྱེན་འཇམ་དབྱངས་བཞད་(༡༦༤༨-༡༧༢༡)པས་མཛད་པའི་ལམ་རིམ་གྱི་མཆན། པྲ་སྟི་དགེ་བཤེས་རིན་ཆེན་དོན་གྲུབ་(༡༦༧༡-༡༧༣༧)ཀྱིས་མཛད་པའི་ལྷག་མཐོང་ཆེན་མོའི་མཆན་བཅས་མཆན་བཞི་མཉམ་སྦྲགས་ཀྱིས་གྲུབ་པ་ཞིག་ཡིན། པོད་འདིའི་པར་གཞི་ཐོག་མ་ནི་ཕྱི་ལོ་༡༨༠༢ལོར་ཚེ་མཆོག་གླིང་དུ་གསར་བསྐྲུན་བྱས་པ་དང་། རྗེས་སུ་པར་གཞི་དེར་ཞུས་དག་གནང་སྟེ་ཕྱི་ལོ་༡༨༤༢ལོར་པར་གཞི་གཉིས་པ་དང་། སླར་ཡང་ཕྱི་ལོ་༡༩༤༦ལོར་ཞོལ་པར་ཁང་ཆེན་མོར་པར་གཞི་གཉིས་པ་གཞིར་བཞག་གིས་པར་གཞི་གསུམ་པ་གསར་དུ་བསྐྲུན། ཡང་ཕྱི་ལོ་༡༩༧༢ལོར་ལྡི་ལི་གསར་པར་པར་གཞི་གསུམ་པ་གཞིར་བཞག་གིས་འཕྲུལ་པར་དུ་བཏབ་ཅིང་། འདིར་པར་གཞི་གསུམ་པ་ལྟར་གྱི་འཕྲུལ་དེབ་གཞིར་བཟུང་ཞིང་དེའི་རྗེས་སུ་བཙན་བྱོལ་ཁྲོད་བྱུང་བའི་པར་གཞི་གསར་པ་འགའ་ལའང་བསྡུར་ནས་འཕྲུལ་དེབ་ཏུ་གསར་བཟོ་བྱས་པ་ཡིན།