ང་རང་ཚོས་བྱམས་བརྩེ་རྩ་བར་གྱུར་པའི་ཆོས་དང་རིག་གཞུང་ལ་བདག་པོ་བརྒྱབ་སྟེ་ཉར་ཚགས་བྱས་པ་འདི་བོད་རང་ཉིད་ལ་ཁེ་ཕན་ཡོད་པར་མ་ཟད། འཛམ་གླིང་གི་མི་སྤྱིའི་ངོས་ནས་བཤད་ནའང་ཕན་ཐོགས་ཡོད་པ་ཞིག་ཡིན།

རྟེན་འབྱུང་གི་ལྟ་བ་ནི་མིའི་རྣམ་དཔྱོད་ཀྱི་རྩལ་ལས་གྲུབ་པ་སྟོན་པ་ཐུབ་པའི་དབང་པོས་བཀའ་གནང་ཡོད། མདོར་ན་མིའི་རྣམ་དཔྱོད་ཀྱི་རྩལ་ལས་ཐོན་པ་ཞིག་ཡིན་སྟབས། ཇི་ཙམ་བསམ་བློ་བཏང་བ་དེ་ཙམ་གྱིས་མིའི་རྣམ་དཔྱོད་ཀྱི་སྒོ་འབྱེད་པར་ཕན་ཐོགས་ཆེན་པོ་ཡོད་ལ། ཆབ་སྲིད་དང༌། དཔལ་འབྱོར། འཕྲོད་བསྟེན་སོགས་གང་གི་ཐད་རྟེན་འབྱུང་གི་ལྟ་བ་འདི་ཧ་ཅང་ཕན་ཐོགས་ཡོད་ལུགས་དང༌། སེམས་བཟང་པོ་བྱེད་དགོས་ལུགས་གཙོ་བོ་དེ་གཉིས་ཤོད་ཀྱི་ཡོད། དེ་ནི་ནང་ཆོས་ཀྱི་སྙིང་པོ་ཡིན་ལ། ཆོས་ལ་དད་པ་མེད་མཁན་གྱི་མིའི་བློ་ལའང་འཚམས་པོ་ཡོད་པ་ཡིན། 

དུས་ཀྱི་སྟོན་པ་མཆོག

བོད་པའི་མིང་འབྲི་སྟངས་ལ་དོ་སྣང་བྱེད་དགོས། ཁ་ཤས་ཀྱིས་ཕྱི་རྒྱལ་གྱི་ལུགས་སྲོལ་བྱས་ཏེ་སོ་སོའི་མིང་དེ་སྔོན་ལ་བྲིས་པ་དང་། ཁྱིམ་ཚང་གི་མིང་མཇུག་ཏུ་བྲིས་པ་དེ་ཁྱད་མཚར་པོ་ཞིག་འདུག །དབྱིན་ཇི་ཡིན་ན་གནས་ཚུལ་ཐ་དད་རེད། བོད་ཡིག་ནང་ལ་འབྲི་སྲོལ་མེད་པའི་དེང་སང་གི་གནས་ཚུལ་གསར་པ་ཞིག་ཡིན་ན། གཞན་ནས་དཔེ་བླངས་ན་མ་འགྲིག་པ་གང་ཡང་མེད། ང་ཚོ་བོད་ཡིག་རང་གི་ནང་ལ་འབྲི་སྲོལ་སྔར་ནས་ཡོད་བཞིན་པ་དེ་དག་ཕར་བཞག་ནས་དབྱིན་ཇིའི་ལས་ཟློས་བྱེད་ཀྱིན་བསྡད་ན་སྙིང་པོ་གང་ཡང་མེད།

དུས་ཀྱི་སྟོན་པ་ཆེན་པོའི་གསུང་།

ལེའུ་དང་པོའི་འགྲེལ་པ་མཛད་པ་པོ། དཔལ་ལྡན་ཆོས་གྲགས།
ལེའུ་ཕྱི་མ་གསུམ་གྱི་འགྲེལ་པ་མཛད་པ་པོ། སློབ་དཔོན་ལྷ་དབང་བློ།
བརྗོད་བྱ། རྟོག་གེའི་ཚིག་དོན་བརྒྱད།
རིག་མཛོད་འཕྲུལ་དེབ་ཨང་། SJRB-0417
ཡིག་ཆའི་རྣམ་པ། PDF མ་ཕྱིའི་པར་རྩ། སྡེ་དགེའི་ཤིང་པར།
ཤོག་གྲངས། 1113 ལྗིད་ཚད། 4.7MB
དཔེ་བསྡུར་དང་ཞུ་དག་པ། བློ་བཟང་བརྩོན་འགྲུས་དང་བསྟན་པ་ཆོས་དར།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། སྨྲ་བ་ཆེན་པོ་སློབ་དཔོན་ལྷ་དབང་བློ་མཆོག་ནི། རྒྱལ་བའི་བསྟན་པ་ལ་རབ་ཏུ་བྱུང་ནས་བློ་རིག་ཤིན་ཏུ་རྣོ་ཞིང་རྒྱལ་བའི་གསུང་རབ་དག་ལ་གོམས་པ་ཆེ་བ་ཞིག་ཡིན། དཔལ་ལྡན་ཆོས་གྲགས་པ་དང་དངོས་སུ་མཇལ། སློབ་དཔོན་ཆོས་གྲགས་ལས་ཚད་མ་སྡེ་བདུན་གསན། སློབ་དཔོན་ཆོས་གྲགས་ཀྱིས་རྟགས་ཀྱི་རྣམ་གཞག་གལ་ཆེ་ཞིང་རྟོགས་དཀའ་བར་གཟིགས་ནས་རང་དོན་ལེའུ་ལ་འགྲེལ་པ་མཛད། དེའི་ཁ་སྐོང་གི་ཚུལ་དུ་སློབ་དཔོན་ལྷ་དབང་བློ་ལ་རྣམ་འགྲེལ་ལེའུ་ཕྱི་མ་གསུམ་གྱི་འགྲེལ་བ་རྩོམ་དགོས་པར་བཀའ་གནང་བ་ལྟར། ཁོང་གིས་ཀྱང་ལེའུ་ཕྱི་མ་གསུམ་གྱི་འགྲེལ་བ་བརྩམས་ཏེ་སློབ་དཔོན་ཆོས་གྲགས་ལ་ཐེངས་གསུམ་ཕུལ་བས། དང་པོ་ཆུས་བཀྲུས། གཉིས་པ་མེར་བསྲེགས། གསུམ་པར་ཕུལ་བ་ལ་ཚིག་ཟུར་དང་འཕྲོས་དོན་མེད་ཀྱང་དངོས་ཟིན་ཙམ་བྱུང་བས། ལེའུ་དང་བོ་ལ་རང་འགྲེལ་དང་། ལྷ་དབང་བློའི་དེའི་ཁ་སྐོང་ལེའུ་ཕྱི་མ་གསུམ་གྱི་འགྲེལ་བ་བཅས་བསྡོམས་པ་ལ་ཚད་མ་སྟོང་ཕྲག་བཅུ་གཉིས་པ་ཟེར། ཁོང་གི་སློབ་མ་གྲགས་ཆེ་བ་སློབ་དཔོན་ཤཱཀྱ་བློ་སོགས་བྱུང་།

མཛད་པ་པོ། རྒྱལ་བ་རྡོ་རྗེ་འཆང་།
བརྗོད་བྱ། ཟབ་མོ་གསང་བ་སྔགས་ཀྱི་ཆོས་སྐོར།
རིག་མཛོད་འཕྲུལ་དེབ་ཨང་། SJRB-0424
ཡིག་ཆའི་རྣམ་པ། PDF མ་ཕྱིའི་པར་རྩ། བཀྲས་ལྷུན་ཤིང་པར།
ཤོག་གྲངས། 186 ལྗིད་ཚད། 1.3MB
དཔེ་བསྡུར་དང་ཞུ་དག་པ། བློ་བཟང་ཆོས་རྒྱལ།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། སྤྱིར་གསང་སྔགས་ཀྱི་རྒྱུད་གསུང་ཚུལ་ནི། ལྷོ་ཕྱོགས་དཔལ་ལྡན་འབྲས་སྤུངས་མཆོད་རྟེན་དང༌། ནུབ་ཕྱོགས་ཨཽ་ཌི་ཡཱ་ནའི་གླིང་སོགས་སུ་འབྲས་བུ་གསང་སྔགས་རྡོ་རྗེ་ཐེག་པའི་རྒྱུད་ཆེན་རྣམ་པ་བཞི་གསུངས་པ་དེ་ཡང་འགྲེལ་ཆེན་དྲི་མེད་འོད་ལས། ས་ག་ཟླ་བའི་ཚེས་བཅོ་ལྔའི་ཉིན་བཅོམ་ལྡན་འདས་ཤཱཀྱ་ཐུབ་པ་མངོན་པར་རྫོགས་པར་སངས་རྒྱས་ནས་ཆོས་ཀྱི་འཁོར་ལོ་བསྐོར་ཞིང་ཐེག་པ་གསུམ་སྟོན་པར་མཛད་དེ། བཅུ་གཉིས་པ་ནག་པའི་ཉ་ལ་ཤྲཱི་དྷ་ཎ་ཀ་ཊ་ཀར་ཆོས་དབྱིངས་གསུང་གི་དབང་ཕྱུག་གི་དཀྱིལ་འཁོར་གསུངས་སོ། །

མཛད་པ་པོ། སློབ་དཔོན་པདྨ་པཱ་ཎི་སོགས།
བརྗོད་བྱ། སྒྲུབ་ཐབས་སོགས།
རིག་མཛོད་འཕྲུལ་དེབ་ཨང་། SJRB-0423
ཡིག་ཆའི་རྣམ་པ། PDF མ་ཕྱིའི་པར་རྩ། སྡེ་དགེའི་ཤིང་པར།
ཤོག་གྲངས། 94 ལྗིད་ཚད། 927KB
དཔེ་བསྡུར་དང་ཞུ་དག་པ། བསྟན་པ་ཆོས་དར།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། སྟོན་པ་བཅོམ་ལྡན་འདས་ཀྱི་བཀའི་དགོངས་འགྲེལ་དུ་བརྩམས་པའི་རྒྱ་གར་གྱི་མཁས་པ་སློབ་དཔོན་པདྨ་པཱ་ཎི་དང་། སློབ་དཔོན་ཀུན་དུ་བཟང་པོ། སློབ་དཔོན་འགྲོ་བཟངས་སྙིང་པོ་རྣམས་ཀྱིས་མཛད་པའི་བསྟན་བཅོས་མང་པོ་ཞིག་ཡོད་པའི་ཁོངས་ནས། འདིར་གཤིན་རྗེ་གཤེད་དགྲ་ནག་གི་བཀའ་འགྲེལ་དང་། དེའི་སྒྲུབ་ཐབས་སོགས་གཤིན་རྗེ་གཤེད་ཀྱི་ཆོས་སྐོར་ཟུར་དུ་བཏོང་ནས་སྒྲིག་པ་ཞིག་ཡིན།