མཛད་པ་པོ། འཇིགས་མེད་དམ་ཆོས་རྒྱ་མཚོ།
བརྗོད་བྱ། མདོའི་དྲང་ངེས་དོན་གྱི་རྣམ་གཞག
རིག་མཛོད་འཕྲུལ་དེབ་ཨང་། SJRB-0351
ཡིག་ཆའི་རྣམ་པ། PDF
ལྗིད་ཚད། 2.5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༡ ཟླ་ ༡ ཚེས་ ༣༠ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གནས་ལྔ་ཀུན་གཟིགས་པཎྜིཏ་རྗེ་འཇིགས་མེད་དམ་ཆོས་རྒྱ་མཚོ་ནི། རབ་བྱུང་བཅོ་ལྔ་པའི་ས་ཁྱི་སྤྱི་ལོ་ ༡༨༩༨ ལོར་མདོ་སྨད་རེབ་གོང་འགར་རྩེ་ཉིན་ནམ་ཨ་བར་དུ་གྲགས་པའི་འབྲོག་སྡེར་ཡབ་དགེ་འདུན་བསོད་ནམས་དང་ཡུམ་སྒྲོལ་མ་སྐྱིད་གཉིས་ཀྱི་སྲས་སུ་སྐུ་འཁྲུངས། རེབ་གོང་སྐྱབས་མགོན་ཤར་ཐམས་ཅད་མཁྱེན་པ་བློ་བཟང་སྐལ་ལྡན་བསྟན་པའི་རྒྱལ་མཚན་དང་ཞྭ་དམར་པཎྜིཏ་རྣམ་གཉིས་ཀྱིས་གྲུབ་དབང་འཇིགས་མེད་བསམ་གཏན་གྱི་སྤྲུལ་སྐུར་ངེས་འཛིན་མཛད། དགུང་ལོ་བདུན་པར་ཞྭ་དམར་པཎྜིཏ་ལས་རབ་ཏུ་བྱུང་སྟེ་མཚན་ལ་འཇིགས་མེད་དམ་ཆོས་རྒྱ་མཚོར་གསོལ། དགུང་ལོ་བརྒྱད་པར་གཅན་ཚའི་བྲག་ལུང་དགོན་དུ་ཕེབས་ཏེ་ཞྭ་དམར་པ་ལས་དགེ་ལྡན་པའི་ཟབ་ཆོས་དང་ཁྱད་པར་དུ་རྡོ་རྗེ་འཇིགས་བྱེད་ལྷ་བཅུ་གསུམ་མའི་དབང་མནོས། བཅུ་པར་སྐུ་འབུམ་དུ་རྒྱལ་དབང་བཅུ་གསུམ་པ་དང་མཇལ་ནས་བཀའ་ཆོས་གསན། དེ་ནས་རིམ་བཞིན་ཡོངས་འཛིན་བློ་བཟང་དཔལ་ལྡན་སོགས་བཤེས་གཉེན་དུ་མ་བསྟེན་ནས་མདོ་སྔགས་རིག་གནས་མ་ལུས་པ་མཁས་པར་སྦྱངས་ནས་གནས་ལྔ་ཀུན་གཟིགས་འཇིགས་མེད་པཎྜིཏ་ཞེས་གྲགས་པ་ཀུན་ལ་ཁྱབ། དགུང་ལོ་སུམ་ཅུ་པར་རོང་བོ་དགོན་ཆེན་གྱི་ཁྲིར་བཞུགས་ཏེ་ཟབ་རྒྱས་ཆོས་འཁོར་བསྐོར་བ་དང་། སྐྱབས་མགོན་བདུན་པ་ཆེན་པོའི་རིགས་ཀྱི་ཅོད་པན་དུ་དབང་བསྐུར། གསུང་རྩོམ་ལ་ལམ་སྔགས་ཚིགས་བཅད་མ་དང་། རྟོགས་བདུན་འགྲེལ་ཆེན། དྲང་ངེས་འཇུག་ངོགས་སོགས་པོ་ཏི་ཉི་ཤུ་ཉེ་བར་བརྩམས་ཤིང་། ཞྭ་དམར་སྤྲུལ་སྐུ་དང་། མཁས་དབང་ཚེ་ཏན་ཞབས་དྲུང་། རྗེ་ཤར་གདོང་རིན་པོ་ཆེ་སོགས་བུ་སློབ་མང་དུ་བསྐྱངས་ཏེ་བསྟན་འགྲོའི་དོན་རྒྱ་ཆེར་མཛད། མཐར་དགུང་ལོ་ཞེ་དགུ་བ་རབ་བྱུང་བཅུ་དྲུག་པའི་མེ་ཁྱི་སྤྱི་ལོ་ ༡༩༤༦ ལོར་སྐུ་མྱ་ངན་ལས་འདས་པའི་ཚུལ་བསྟན་ཏོ།།

མཛད་པ་པོ། འཇིགས་མེད་དམ་ཆོས་རྒྱ་མཚོ།
བརྗོད་བྱ། མདོའི་དྲང་ངེས་དོན་གྱི་རྣམ་གཞག
རིག་མཛོད་འཕྲུལ་དེབ་ཨང་། SJRB-0350
ཡིག་ཆའི་རྣམ་པ། PDF
ལྗིད་ཚད། 2.9MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༡ ཟླ་ ༡ ཚེས་ ༣༠ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གནས་ལྔ་ཀུན་གཟིགས་པཎྜིཏ་རྗེ་འཇིགས་མེད་དམ་ཆོས་རྒྱ་མཚོ་ནི། རབ་བྱུང་བཅོ་ལྔ་པའི་ས་ཁྱི་སྤྱི་ལོ་ ༡༨༩༨ ལོར་མདོ་སྨད་རེབ་གོང་འགར་རྩེ་ཉིན་ནམ་ཨ་བར་དུ་གྲགས་པའི་འབྲོག་སྡེར་ཡབ་དགེ་འདུན་བསོད་ནམས་དང་ཡུམ་སྒྲོལ་མ་སྐྱིད་གཉིས་ཀྱི་སྲས་སུ་སྐུ་འཁྲུངས། རེབ་གོང་སྐྱབས་མགོན་ཤར་ཐམས་ཅད་མཁྱེན་པ་བློ་བཟང་སྐལ་ལྡན་བསྟན་པའི་རྒྱལ་མཚན་དང་ཞྭ་དམར་པཎྜིཏ་རྣམ་གཉིས་ཀྱིས་གྲུབ་དབང་འཇིགས་མེད་བསམ་གཏན་གྱི་སྤྲུལ་སྐུར་ངེས་འཛིན་མཛད། དགུང་ལོ་བདུན་པར་ཞྭ་དམར་པཎྜིཏ་ལས་རབ་ཏུ་བྱུང་སྟེ་མཚན་ལ་འཇིགས་མེད་དམ་ཆོས་རྒྱ་མཚོར་གསོལ། དགུང་ལོ་བརྒྱད་པར་གཅན་ཚའི་བྲག་ལུང་དགོན་དུ་ཕེབས་ཏེ་ཞྭ་དམར་པ་ལས་དགེ་ལྡན་པའི་ཟབ་ཆོས་དང་ཁྱད་པར་དུ་རྡོ་རྗེ་འཇིགས་བྱེད་ལྷ་བཅུ་གསུམ་མའི་དབང་མནོས། བཅུ་པར་སྐུ་འབུམ་དུ་རྒྱལ་དབང་བཅུ་གསུམ་པ་དང་མཇལ་ནས་བཀའ་ཆོས་གསན། དེ་ནས་རིམ་བཞིན་ཡོངས་འཛིན་བློ་བཟང་དཔལ་ལྡན་སོགས་བཤེས་གཉེན་དུ་མ་བསྟེན་ནས་མདོ་སྔགས་རིག་གནས་མ་ལུས་པ་མཁས་པར་སྦྱངས་ནས་གནས་ལྔ་ཀུན་གཟིགས་འཇིགས་མེད་པཎྜིཏ་ཞེས་གྲགས་པ་ཀུན་ལ་ཁྱབ། དགུང་ལོ་སུམ་ཅུ་པར་རོང་བོ་དགོན་ཆེན་གྱི་ཁྲིར་བཞུགས་ཏེ་ཟབ་རྒྱས་ཆོས་འཁོར་བསྐོར་བ་དང་། སྐྱབས་མགོན་བདུན་པ་ཆེན་པོའི་རིགས་ཀྱི་ཅོད་པན་དུ་དབང་བསྐུར། གསུང་རྩོམ་ལ་ལམ་སྔགས་ཚིགས་བཅད་མ་དང་། རྟོགས་བདུན་འགྲེལ་ཆེན། དྲང་ངེས་འཇུག་ངོགས་སོགས་པོ་ཏི་ཉི་ཤུ་ཉེ་བར་བརྩམས་ཤིང་། ཞྭ་དམར་སྤྲུལ་སྐུ་དང་། མཁས་དབང་ཚེ་ཏན་ཞབས་དྲུང་། རྗེ་ཤར་གདོང་རིན་པོ་ཆེ་སོགས་བུ་སློབ་མང་དུ་བསྐྱངས་ཏེ་བསྟན་འགྲོའི་དོན་རྒྱ་ཆེར་མཛད། མཐར་དགུང་ལོ་ཞེ་དགུ་བ་རབ་བྱུང་བཅུ་དྲུག་པའི་མེ་ཁྱི་སྤྱི་ལོ་ ༡༩༤༦ ལོར་སྐུ་མྱ་ངན་ལས་འདས་པའི་ཚུལ་བསྟན་ཏོ།།

མཚན་བྱང་། དྲང་ངེས་ཟིན་བྲིས་བློ་གསལ་སྒྲོན་མེ།
མཛད་པ་པོ། མཁན་ཟུར་བློ་བཟང་དབང་ཕྱུག
བརྗོད་བྱ། དྲང་བ་དང་ངེས་པའི་དོན།
རིག་མཛོད་འཕྲུལ་དེབ་ཨང་། SJRB-0268
ཡིག་ཆའི་རྣམ་པ། PDF
ལྗིད་ཚད། 1.3MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ཟླ་བདུན་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༡༠ ཚེས་ ༧ ལ་བསྐྱར་དུ་རྩོམ་སྒྲིག་བྱས།

གསལ་བཤད་མདོར་བསྡུས།

སེར་བྱེས་མཁན་ཟུར་རིན་པོ་ཆེ་རྗེ་བཙུན་བློ་བཟང་དབང་ཕྱུག་ནི། ༡༩༠༡ ལོར་དཀར་མཛེས་སུ་སྐུ་འཁྲུངས། དགུང་གྲངས་བདུན་དུ་ཕེབས་པ་ན་དཀར་མཛེས་མཚན་ཉིད་གྲྭ་ཚང་དུ་སྒྲིག་ཞུགས་མཛད། དགུང་གྲངས་བཅོ་ལྔ་པར་དབུས་སུ་ཕེབས་ཏེ་སེར་བྱེས་མཁས་སྙན་གྲྭ་ཚང་གི་ཆོས་སྒོར་ཞུགས། གཞུང་ཆེན་ལ་ཐུགས་གཉེར་གནང་། དགུང་གྲངས་ཉེར་ལྔའི་སྐབས་བསྙེན་རྫོགས་ཀྱི་སྡོམ་པ་ཞུས། ༡༩༣༩ ལོར་དགེ་འདུན་འདུས་པའི་དབུས་སུ་ལྷ་རམས་པའི་དམ་འཇོག་གནང་། དགུང་གྲངས་ང་བཞི་པར་༧གོང་ས་༧སྐྱབས་མགོན་ཆེན་པོ་མཆོག་གིས་སེར་བྱེས་མཁས་སྙན་གྲྭ་ཚང་གི་མཁན་པོར་དམིགས་བསལ་གྱིས་བསྐོ་བཞག་སྩལ། ༡༩༥༩ ལོར་སྦག་ས་ཆོས་སྒར་དུ་མཁན་པོ་གསར་པ་མ་ཕེབས་བར་མཁན་པོའི་ལས་འཁུར་གནང་། ༡༩༧༩ ལོར་དགོངས་པ་ཆོས་དབྱིངས་སུ་ཐིམ་ཚུལ་མཛད།

ཕབ་ལེན།   PDF  ཕབ་ལེན།

མཛད་པ་པོ། བཙུན་ཆོས་ཀྱི་རྒྱལ་མཚན།
བརྗོད་བྱ། དྲང་བ་དང་ངེས་པའི་དོན།
རིག་མཛོད་འཕྲུལ་དེབ་ཨང་། SJRB-0066
ཡིག་ཆའི་རྣམ་པ། PDF
ལྗིད་ཚད། 1.1MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༦ ཟླ་བཞི་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༡༠ ཚེས་ ༧ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྗེ་བཙུན་ཆོས་ཀྱི་རྒྱལ་མཚན་དཔལ་བཟང་པོ་མཆོག་ནི། ཕྱི་ལོ་༡༤༦༩ ལོར་ཉང་སྟོད་དུ་སྐུ་འཁྲུངས། དགུང་ལོ་བདུན་པར་གནས་རྙིང་ཆོས་རྗེ་ཀུན་དགའ་བདེ་ལེགས་རིན་ཆེན་ལས་དགེ་བསྙེན་གྱི་སྡོམ་པ་ཞུས། པཎ་ཆེན་ཡེ་ཤེས་རྩེ་མོ་སོགས་བསྟེན་ནས་གཞུང་ཆེན་ལ་གསན་སྦྱོང་མཛད། དགུང་ལོ་ཉེར་གསུམ་པར་བཀྲ་ཤིས་ལྷུན་པོའི་དགེ་བསྐོས་མཛད། དཔལ་འཁོར་བདེ་ཆེན་སོགས་སུ་གྲྭ་སྐོར་གནང་། རྗེ་ཤེས་རབ་བཟང་པོ་སོགས་ལས་བསྙེན་རྫོགས་བསྒྲུབས། དགུང་ལོ་ཉེར་བདུན་པར་གཙང་དུ་མདོ་སྔགས་ཀྱི་ཆོས་འཁོར་བསྐོར། དགུང་ལོ་ཞེ་གསུམ་པར་སེར་བྱེས་མཁས་སྙན་གྲྭ་ཚང་གི་མཁན་པོ་མཛད། དགུང་ལོ་ང་ལྔ་པར་སྟག་རྩེ་རིན་ཆེན་སྒང་གི་མཁན་པོ་གནང་། དགུང་ལོ་རེ་དགུ་པར་སེ་རའི་མཁན་ཁྲིར་ཕེབས་ཏེ་འཆད་ཉན་ལེགས་པར་བསྐྱངས། ༡༥༤༤ ལོར་ཞི་བར་གཤེགས་སོ། །བཀའ་རྩོམ་གྱི་སྐོར་ལ། སེར་བྱེས་གྲྭ་ཚང་གི་རྗེ་བཙུན་པའི་གསུང་འབུམ་དཔེ་བསྡུར་མའི་རྩོམ་སྒྲིག་པས་ལེགས་བསྒྲིགས་བྱས་པའི་དཔེ་གཟུགས་གླེགས་བམ་བཅོ་ལྔ་བཞུགས།

ཕབ་ལེན། PDF ཕབ་ལེན།

མཛད་པ་པོ། རྗེ་བློ་བཟང་གྲགས་པ།
བརྗོད་བྱ། མདོ་ཡི་དྲང་དོན་དང་ངེས་དོན་གྱི་རྣམ་གཞག
རིག་མཛོད་འཕྲུལ་དེབ་ཨང་། SJRB-0089
ཡིག་ཆའི་རྣམ་པ། PDF
ལྗིད་ཚད། 1.4MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༧ ཟླ་བ་གསུམ་པར་གསར་དུ་རྩོམ་སྒྲིག་བྱས།
༢༠༢༠ ཟླ་ ༡༠ ཚེས་ ༧ ལ་བསྐྱར་དུ་རྩོམ་སྒྲིག་བྱས།
མཛད་པ་པོ་ངོ་སྤྲོད་མདོར་བསྡུས།
རྗེ་ཙོང་ཁ་པ་བློ་བཟང་གྲགས་པ། ཕྱི་ལོ་༡༣༥༧ ལོར་མདོ་སྨད་ཙོང་ཁའི་ཡུལ་དུ་འཁྲུངས། དགུང་ལོ་གསུམ་པར་རྗེ་ཀརྨ་པ་རོལ་བའི་རྡོ་རྗེ་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ལ་ཀུན་དགའ་སྙིང་པོ་དང་། དགུང་ལོ་བདུན་པར་ཆོས་རྗེ་དོན་གྲུབ་རིན་ཆེན་ལས་དགེ་ཚུལ་གྱི་སྡོམ་པ་བཞེས་ཏེ་མཚན་ལ་བློ་བཟང་གྲགས་པ་གསོལ། དགུང་ལོ་བཅུ་བདུན་པར་སློབ་གཉེར་གྱི་ཆེད་དུ་དབུས་སུ་ཕེབས། དགུང་ལོ་སོ་དྲུག་གི་སྐབས་འཁོར་དག་པ་རྣམ་བརྒྱད་དང་བཅས་འོལ་ཁར་སྒྲུབ་པ་གཙོ་བོར་མཛད། དགུང་ལོ་སོ་བདུན་པར་རྫིང་ཕྱིའི་བྱམས་པ་ཞིག་གསོ་མཛད། དགུང་ལོ་སོ་དགུ་པར་གཉལ་གྱི་ལུང་རར་ཆོས་འཁོར་བསྐོར། དགུང་ལོ་ང་གཉིས་ཀྱི་སྐབས་ཆོ་འཕྲུལ་སྨོན་ལམ་ཆེན་མོ་བཙུགས། དགུང་ལོ་ང་གསུམ་གྱི་སྐབས་དགའ་ལྡན་དགོན་པ་བཏབ། དགུང་ལོ་ང་དགུའི་སྐབས། དགའ་ལྡན་དུ་སྟག་རྩེའི་སྒྲུབ་མཆོད་སྤེལ། གསུང་རྩོམ་ལ། རྩ་ཤེའི་ཊཱིཀ་ཆེན་སོགས་ལྟ་བའི་ལེགས་བཤད་ཆེན་པོ་ལྔ་དང་། ལེགས་བཤད་གསེར་ཕྲེང་། ལམ་རིམ་སྔགས་རིམ་གཉིས། རིམ་ལྔ་གསལ་སྒྲོན་སོགས་སྲིད་ན་འགྲན་ཟླ་བྲལ་བའི་ལེགས་བཤད་པོ་ཏི་ཆེན་པོ་བཅུ་དགུ་བཞུགས། རྒྱལ་ཚབ་དར་མ་རིན་ཆེན་དང་མཁས་གྲུབ་དགེ་ལེགས་དཔལ་བཟང་སོགས་སློབ་མ་གྲགས་ཆེ་བ་བརྒྱ་དང་བཞི་བཅུ་ལྷག་བྱོན། དགུང་གྲངས་ ༦༣ པ་ཕྱི་ལོ་ ༡༤༡༩ ལོར་སྐུ་གཤེགས།

ཕབ་ལེན།   PDF  ཕབ་ལེན།