མཛད་པ་པོ། དགེ་བཤེས་བསོད་ནམས་དབང་ལྡན།
བརྗོད་བྱ། དབུ་མའི་ལྟ་བའི་ཆོས་སྐོར།
རིག་མཛོད་འཕྲུལ་དེབ་ཨང་། SJRB-0474
ཡིག་ཆའི་རྣམ་པ། PDF ཤོག་གྲངས། 353 ལྗིད་ཚད། 3.2MB
ཕྱི་ལོ་༢༠༢༥ ཟླ་བ་ལྔ་པར་གསར་དུ་བསྒྲིགས།
ངོ་སྤྲོད་མདོར་བསྡུས། དགེ་བཤེས་ལྷ་རམས་པ་བསོད་ནམས་དབང་ལྡན་མཆོག་ནི། བོད་ཤར་ཕྱོགས་མདོ་ཁམས་བཀྲ་ཤིས་དར་རྒྱས་དགོན་གྱི་ཉེ་འགྲམ་ཕྱི་ལོ་༡༩༨༠ ལོར་ཕ་བསྟན་འཛིན་དབང་འདུས་དང༌། མ་བྱང་ཆུབ་སྒྲོལ་མ་གཉིས་ཀྱི་བུར་སྐྱེས། ལོ་བདུན་པར་ཡི་གེ་འབྲི་ཀློག་སོགས་འགོ་བཙུགས། ༡༩༩༢ ལོར་འཕགས་པའི་ཡུལ་དུ་འབྱོར་ཞིང་སེར་བྱེས་མཁས་སྙན་གྲྭ་ཚང་གི་ཆོས་སྒོར་ཞུགས། འཛིན་གྲྭ་བཅུ་པའི་བར་སེར་བྱེས་འབྲིང་རིམ་སློབ་གྲྭར་སློབ་སྦྱོང་བྱས་ཏེ། རྒྱལ་ཡོངས་འཛིན་རིམ་བཅུ་པའི་རྒྱུགས་སྤྲོད་གྲུབ།
༡༩༩༨ ལོར་ཆོས་གྲྭར་ཞུགས་ཏེ། སློབ་གཉེར་ཚུལ་བཞིན་བགྱིས། ༢༠༡༥ ལོར་དགེ་ལྡན་ལུགས་བཟང་གཙུག་ལག་སློབ་གཉེར་ཁང་ཆེན་མོའི་རྒྱུགས་སྤྲོད་ལ་ཞུགས་ཏེ། ལོ་དྲུག་རིང་རྒྱུགས་སྤྲོད་ལེགས་པར་གྲུབ། ༢༠༢༠ ལོར་རིགས་ཆེན་ཚོགས་ལངས་བྱས་ཏེ། ༢༠༢༡ ལོར་སེར་བྱེས་མཁས་སྙན་གྲྭ་ཚང་དུ་ལྷ་རམས་དགེ་བཤེས་ཀྱི་དམ་འཇོག་དང་གཏོང་སྒོ་སོགས་ལེགས་པར་གྲུབ།
གང་གིས་བརྩམས་གནང་བའི་དཔེ་དེབ་ཁག་ནི། སུམ་རྟགས་དགོངས་འགྲེལ་འདོད་འཇོའི་ནོར། སེར་བྱེས་ཏྲེ་ཧོར་སྒྲིག་སྲོལ་ཤཱཀྱའི་བསྟན་པའི་མཛེས་རྒྱན། བོད་ཀྱི་སྡེབ་སྦྱོར་རིག་པའི་གཞུང་ལུགས། ཆོས་རྗེ་ཤཱཀྱ་བསོད་ནམས་མཆོག་གི་རྣམ་ཐར། དབུ་མ་སུམ་འགྲེལ་སྟོད་ཆ། དབུ་མ་སུམ་འགྲེལ་སྨད་ཆ། དབུ་ཕར་དཀའ་གནད། འདུལ་བ་གནད་བསྡུས། སེར་བྱེས་མཁན་ཟུར་རྗེ་བཙུན་བློ་བཟང་དཔལ་ལྡན་གྱི་རྗེས་དྲན་སྙན་ངག །རྒྱལ་སྤྱིའི་འདུལ་བའི་བགྲོ་གླེང་ཐེངས་དང་གཉིས་ཀྱི་སྐོར་དབྱིན་བོད་ཀྱི་དེབ་གཉིས། རྗེ་བྱམས་མཁས་པའི་རྣམ་ཐར་བཅས་དེབ་གྲངས་བཅུ་ཕྲག་ལྷག་རྩོམ་སྒྲིག་གནང་།
གཞན་ཡང་འཆད་ཁྲིད་དང་། བགྲོ་གླེང་། ཟབ་སྦྱོང་། ལེགས་སྦྱར་དང་པ་ལིའི་རྒྱལ་སྤྱི་དགེ་འདུན་པའི་ཤེས་ཡོན་བརྗེ་ལེན་ལས་འཆར། དེ་བཞིན་སྡིངས་ཆ་འདྲ་མིན་ཐོག་གཏམ་བཤད། མཻ་སོར་གཙུག་ལག་སློབ་གཉེར་ཁང་དང་ཟུང་འབྲེལ་གྱིས་སེར་བྱེས་མཁས་སྙན་གྲྭ་ཚང་གི་ཆེད་སྦྱོང་ཉེ་བའི་གཙུག་ལག་རབ་འབྱམས་པའི་བསླབ་གཞི་ལྷན་ཚོགས་དང་རྒྱུགས་ཞིབ་ལྷན་ཚོགས་ཀྱི་ཚོགས་མི་བྱས་མུས་ཡིན་པ་བཅས་སོ། །

མཛད་པ་པོ། མུས་སྲས་པ་ཀུན་མཁྱེན་བློ་གྲོས་རིན་ཆེན་སེངྒེ།
བརྗོད་བྱ། དབུ་མའི་ལྟ་བའི་ཆོས་སྐོར།
རིག་མཛོད་འཕྲུལ་དེབ་ཨང་། SJRB-0469
ཡིག་ཆའི་རྣམ་པ། PDF པར་གཞི། དཔལ་བརྩེགས་དེབ་གཟུགས།
ཤོག་གྲངས། 116 ལྗིད་ཚད། 1.1 MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༥ ཟླ་གཉིས་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ཀུན་མཁྱེན་བློ་གྲོས་རིན་ཆེན་སེངྒེ་མཆོག་ནི། རབ་བྱུང་བཅུ་བཞིའི་སྨད་ཙམ་ལ་གྲུབ་ཐོབ་རྟོགས་ལྡན་ཡོན་ཏན་མགོན་པོའི་སྲས་སུ་འཁྲུངས། ཡབ་རྟོགས་ལྡན་ཡོན་ཏན་མགོན་པོ་ལས་རྟ་མགྲིན་ཡང་གསང་ལྷ་དགུའི་ཆོས་སྐོར་སོགས་གསན། དབུས་སུ་ཕེབས་ཏེ་རྗེ་བདག་ཉིད་ཆེན་པོ་སོགས་ལས་མདོ་སྔགས་ཞིབ་པར་སྦྱངས། འབྲས་སྤུངས་ནས་ཞལ་སློབ་བརྒྱ་ཕྲག་ལྷག་ཙམ་དང་ལྷན་དུ་སེ་རར་ཕེབས། བྱེས་པ་གྲྭ་ཚང་ཚུགས། དབུ་མའི་ཊཱིཀྐ་སོགས་བསྟན་བཅོས་མང་དུ་བརྩམས་པས་ཀུན་མཁྱེན་མུས་སྲད་པ་གྲགས།
གསུང་སྐྱེས་ཀྱི་སློབ་མ་ཁྲི་ཆེན་བློ་བཟང་ཉི་མ། གཉལ་སྟོན་དཔལ་འབྱོར་ལྷུན་འགྲུབ་སོགས་མང་དུ་བྱོན། དེ་ལྟར་བསྟན་པའི་མཛད་པ་མཐར་ཕྱིན་ཏེ་མཐར་དུས་རབས་བཅོ་ལྔ་པའི་དཀྱིལ་ཙམ་ལ་གཤེགས།

མཛད་པ་པོ། རྗེ་བློ་བཟང་གྲགས་པ།
བརྗོད་བྱ། ཟབ་མོ་དབུ་མའི་ལྟ་བའི་སྐོར།
རིག་མཛོད་འཕྲུལ་དེབ་ཨང་། SJRB-0191
ཡིག་ཆའི་རྣམ་པ། PDF ཤོག་གྲངས། 572 ལྗིད་ཚད། 2.6MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༤ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། རྗེ་ཙོང་ཁ་པ་བློ་བཟང་གྲགས་པ། ཕྱི་ལོ་༡༣༥༧ ལོར་མདོ་སྨད་ཙོང་ཁའི་ཡུལ་དུ་འཁྲུངས། དགུང་ལོ་གསུམ་པར་རྗེ་ཀརྨ་པ་རོལ་བའི་རྡོ་རྗེ་ལས་དགེ་བསྙེན་གྱི་སྡོམ་པ་བཞེས་ཏེ་མཚན་ལ་ཀུན་དགའ་སྙིང་པོ་དང་། དགུང་ལོ་བདུན་པར་ཆོས་རྗེ་དོན་གྲུབ་རིན་ཆེན་ལས་དགེ་ཚུལ་གྱི་སྡོམ་པ་བཞེས་ཏེ་མཚན་ལ་བློ་བཟང་གྲགས་པ་གསོལ། དགུང་ལོ་བཅུ་བདུན་པར་སློབ་གཉེར་གྱི་ཆེད་དུ་དབུས་སུ་ཕེབས། དགུང་ལོ་སོ་དྲུག་གི་སྐབས་འཁོར་དག་པ་རྣམ་བརྒྱད་དང་བཅས་འོལ་ཁར་སྒྲུབ་པ་གཙོ་བོར་མཛད། དགུང་ལོ་སོ་བདུན་པར་རྫིང་ཕྱིའི་བྱམས་པ་ཞིག་གསོ་མཛད། དགུང་ལོ་སོ་དགུ་པར་གཉལ་གྱི་ལུང་རར་ཆོས་འཁོར་བསྐོར། དགུང་ལོ་ང་གཉིས་ཀྱི་སྐབས་ཆོ་འཕྲུལ་སྨོན་ལམ་ཆེན་མོ་བཙུགས། དགུང་ལོ་ང་གསུམ་གྱི་སྐབས་དགའ་ལྡན་དགོན་པ་བཏབ། དགུང་ལོ་ང་དགུའི་སྐབས། དགའ་ལྡན་དུ་སྟག་རྩེའི་སྒྲུབ་མཆོད་སྤེལ། སློབ་མ་གྲགས་ཆེ་བ། རྒྱལ་ཚབ་དར་མ་རིན་ཆེན་སོགས་མང་དུ་བྱུང་། ༡༤༡༩ ལོར་སྐུ་གཤེགས། གསུང་རྩོམ་ལ། བྱང་ཆུབ་ལམ་རིམ་སོགས་པོ་ཏི་བཅུ་དགུ་བཞུགས།

མཛད་པ་པོ། འཇུ་མི་ཕམ་རྣམ་རྒྱལ་རྒྱ་མཚོ།
བརྗོད་བྱ། ཟབ་མོ་དབུ་མའི་ལྟ་བའི་སྐོར།
རིག་མཛོད་འཕྲུལ་དེབ་ཨང་། SJRB-0447
མ་ཕྱིའི་པར་རྩ། ཤིང་པར་དཔེ་རྙིང་ཞིག་ལ་གཞི་བཅོལ་བ་ཡིན།
ཡིག་ཆའི་རྣམ་པ། PDF
ཤོག་གྲངས། 261 ལྗིད་ཚད། 1.6MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་མཆོག་ནི། ༡༨༤༡ལོར་ཁམས་སྡེ་དགེའི་ཉེ་འདབས་ཡབ་མགོན་པོ་དར་རྒྱས་དང་། ཡུམ་སྲོང་ཆུང་གཉིས་ཀྱི་སྲས་སུ་འཁྲུངས། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད། འཇམ་དབྱངས་མཁྱེན་བརྩེ་དབང་པོ་དང་། དབང་ཆེན་དགྱེས་རབ་རྡོ་རྗེ། དཔལ་སྤྲུལ་འཇིགས་མེད་ཆོས་དབང་སོགས་ལས་ཐུན་མོང་དང་ཐུན་མོང་མ་ཡིན་པའི་གཙུག་ལག་སྦྱངས་པ་མཐར་ཕྱིན་པར་མཛད། མདོ་སྔགས་གཞུང་ལུགས་ཀྱི་དཔྱད་འགྲེལ་བཤད་པ་སོགས་མང་དུ་མཆིས་ཤིང་། ཁྱད་པར་དུ་བཟོ་དང་། གསོ་བ། རྩིས་རིག་བཅས་ལ་ཕུལ་དུ་བྱུང་བའི་ཕྱག་རྗེས་ཆེན་པོ་བཞག །རྗེ་འདིའི་སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་དང་། གཏེར་སྟོན་བསོད་རྒྱལ། ཀཿ ཐོག་སི་ཏུ་ཆོས་ཀྱི་རྒྱ་མཚོ་སོགས་མཁས་པ་མང་དུ་བྱུང་། ༡༩༡༢དགུང་ལོ་རེ་བདུན་པར་འཇུ་རི་ཁྲོད་དུ་དགོངས་པ་ཆོས་དབྱིངས་སུ་ཐིམ། ཁོང་གི་གསུང་རྩོམ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།

མཛད་པ་པོ། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ།
བརྗོད་བྱ། ཟབ་མོ་དབུ་མའི་ལྟ་བ།
པར་གཞི། འཇམ་དབྱངས་དྷཱིཿ་ཡིག་སེར་པོའི་དཔེ་སྐྲུན་ཚོགས་པའི་དཔེ་ལྟར་བསྒྲིགས།
རིག་མཛོད་འཕྲུལ་དེབ་ཨང་། SJRB-0443
ཡིག་ཆའི་རྣམ་པ། PDF
ཤོག་གྲངས། 227 ལྗིད་ཚད། 2MB
རྩོམ་སྒྲིག་ཁང་། རིག་མཛོད་ཆེན་མོ།
༢༠༢༤ ཟླ་བ་དྲུག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་མཆོག་ནི། ཕྱི་ལོ་ ༡༨༤༡ ལོར་མདོ་ཁམས་སྡེ་དགེའི་ཉེ་འདབས་སུ་ཡབ་མགོན་པོ་དར་རྒྱས་དང་། ཡུམ་སྲོང་ཆུང་གཉིས་ཀྱི་སྲས་སུ་འཁྲུངས། དགུང་ལོ་དྲུག་ཙམ་ནས་ཡབ་དང་ཞང་པོའི་དྲུང་ནས་ཡི་གེའི་འབྲི་ཀློག་དང་། རྩིས་དཀར་ནག་གི་སྔོན་འགྲོ་དང་གཞུང་ཆེན་བློ་འཛིན་སོགས་ལ་གཞོལ། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད་ཅིང་། སྐུ་ཚེ་ཧྲིལ་པོར་འཆད་རྩོད་རྩོམ་གསུམ་གྱི་བྱ་བས་བསྟན་འགྲོའི་དོན་ཆེན་སྒྲུབ་པར་མཛད། བཟོ་དང་། གསོ་བ། རྩིས་རིག་བཅས་ལ་ཕུལ་བྱུང་གི་ཕྱག་རྗེས་ཆེན་པོ་བཞག །མདོ་དབུས་ཁམས་གསུམ་དུ་མཁས་པའི་གྲགས་པས་ཁྱབ། རྗེ་འདིའི་དངོས་སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་དང་། གཏེར་སྟོན་བསོད་རྒྱལ། ཀཿ ཐོག་སི་ཏུ་ཆོས་ཀྱི་རྒྱ་མཚོ་སོགས་མཁས་པ་མང་དུ་བྱུང་། དགུང་ལོ་རེ་བདུན་པར་འཇུ་རི་ཁྲོད་དུ་དགོངས་པ་ཆོས་དབྱིངས་སུ་ཐིམ། ཁོང་གི་གསུང་རྩོམ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།