དྲ་ཐོག་འཇུག་དུས། 2022 ལོའི་ཟླ་བ། Dec ཚེས། 02 རེས་གཟའ། Fri

རྒྱལ་སྤྱིའི་དམ་ཆོས་འདུལ་བའི་བགྲོ་གླེང་ཐེངས་བཞི་པ།

དྲ་འཇུག་པ།
ཚད་གཞི།
(1 འོས་འཕེན། )

ྋསྤྱི་ནོརྋགོང་ས་ྋསྐྱབས་མགོན་ཆེན་པོ་མཆོག་གི་དགོངས་གཞི་ལྟར། སེར་བྱེས་མཁས་སྙན་གྲྭ་ཚང་གི་ཤེས་ཡོན་ལྷན་ཚོགས་ཀྱིས་གོ་སྒྲིག་ཞུས་ཏེ། རང་སྡེ་ནང་པ་ཐུན་མོང་བའི་བརྗོད་གཞི་དམ་པའི་ཆོས་འདུལ་བའི་ཐོག་ནས་གོ་རྟོགས་གོང་འཕེལ་དང་། ཐུགས་མཐུན་ཁྲིམས་གཙང་ཡོང་སླད། རྒྱ་གར་དང་། ཤྲཱི་ལངྐ། ཨིན་ཌོ་ནེ་ཤི་ཡ། ཐེ་ལནྜ། མ་ལེ་ཤི་ཡ། ཐེ་ཝན་བཅས་ནས་འཕགས་པ་གནས་བརྟན་སྡེ་པ་དང་། གཞི་ཐམས་ཅད་ཡོད་པར་སྨྲ་བའི་སྡེ་པ། ཆོས་སྲུང་སྡེ་པ་བཅས་ཀྱི་དགེ་སློང་འདུལ་བ་འཛིན་པ་རྣམས་གདན་འདྲེན་ཞུས་ཏེ། གཉུང་མར་གནས་པའི་གདན་སའི་འདུལ་བ་འཛིན་པ་ཆེན་པོ་རྣམས་དང་ལྷན་དུ་"རྒྱལ་སྤྱིའི་དམ་ཆོས་འདུལ་བའི་བགྲོ་གླེང་"ཞེས་པའི་བརྗོད་གཞིའི་ཐོག །ཕྱི་ལོ་༢༠༢༢ ཟླ་༡༢ པའི་ཚེས་༡ ནས་ ༣ བར་སེར་བྱེས་བཀྲ་ཤིས་ཆོས་གླིང་ཚོགས་ཁང་དུ་འཚོགས་པ་དང་། དེའི་སྐབས་དངོས་སུ་ཚོགས་ཞུགས་པ་རྣམས་དང་། འཛམ་གླིང་གང་སར་དྲ་ཐོག་ཐད་གཟིགས་གནང་མཁན་རྣམས་ལ་བོད་སྐད། དབྱིན་སྐད། རྒྱ་སྐད་བཅས་སྐད་རིགས་གསུམ་གྱི་ཐོག་སྒྲ་སྒྱུར་དང་བཅས་འཚོགས་ཡོད།
༢༠༢༢ ཟླ་ ༡༢ ཚེས་ ༢ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།

ཤོག་ངོས་འདི་ལ་ཐེངས་ 97 གཟིགས་འདུག མཐའ་མའི་བསྐྱར་བཅོས། 2022 ལོའི་ཟླ་བ། Dec ཚེས། 02 རེས་གཟའ། Fri
རིག་མཛོད་རྩོམ་སྒྲིག་པ།

དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་(Laptop, iPad, iPod iPhone & Android) གང་ཡིན་ཐོག་ཏུ་རང་རང་གི་ཐུགས་འདོད་ལྟར་ཕབ་ལེན་དང་གསན་གཟིགས་གནང་རོགས། 

དྲ་ཚིགས།: www.serajeyrigzodchenmo.org  ཡིག་འབྲེལ་དྲ་བྱང་། serajeyrigzodchenmo@gmail.com

སྡེ་ཚན་འདིའི་ནང་དུ་མང་། « དམ་ཆོས་འདུལ་བའི་བགྲོ་གླེང་ཚོགས།