རྒྱུད་སྡེ་སྤྱི། (18)
གསང་སྔགས་ལམ་གྱི་བསྡུས་དོན་བདུད་རྩིའི་སྙིང་པོ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། ཀིརྟི་སྐུ་ཕྲེང་བརྒྱད་པ་བློ་བཟང་འཕྲིན་ལས།
བརྗོད་བྱ། གསང་སྔགས།
རིག་མཛོད་འཕྲུལ་དེབ་ཨང་། SJRB-0015
ཡིག་ཆའི་རྣམ་པ། PDF
ཤོག་གྲངས། 75 ལྗིད་ཚད། 807KB
གསར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༣ ཟླ་ ༢ ཚེས་ ༤ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཀིརྟི་སྐུ་ཕྲེང་བརྒྱད་པ་བློ་བཟང་འཕྲིན་ལས་དཀོན་མཆོག་བསྟན་པ་རྒྱ་མཚོ་མཆོག་ནི། ཕྱི་ལོ་༡༨༤༩ལོར་ཡབ་གཏེར་སྟོན་སྔགས་འཆང་བདེ་ཆེན་རྡོ་རྗེ་དང་ཡུམ་ཇོ་མོ་ཐར་གཉིས་ཀྱི་སྲས་སུ་སྐུ་བལྟམས། ༡༨༥༣ལོར་འཇམ་བཞད་སྐུ་ཕྲེང་གསུམ་པ་འཇིགས་མེད་རྒྱ་མཚོ་མཆོག་ནས་ཀིརྟི་སྐུ་གོང་མའི་ཡང་སྤྲུལ་དུ་ངོས་འཛིན་མཛད་དེ་བློ་བཟང་འཕྲིན་ལས་བསྟན་པ་རྒྱ་མཚོ་ཞེས་པའི་མཚན་གསོལ། ༡༨༥༤ལོར་རྗེ་དཀོན་མཆོག་སྨོན་ལམ་གྱི་དྲུང་ནས་དགེ་བསྙེན་གྱི་སྡོམ་པ་བཞེས། ལོ་དེའི་བོད་ཟླ་ལྔ་པའི་ནང་སྟག་ཚང་ལྷ་མོ་བློ་གླིང་དགེ་ལྡན་བཀྲ་ཤིས་འཁྱིལ་གྱི་འདུ་ཁང་ཆེན་མོར་ཁྲི་འཕང་མཐོན་པོར་ཞབས་ཟུང་བཀོད། ༡༨༥༦ལོར་༧རྗེ་དཀོན་མཆོག་སྨོན་ལམ་གྱི་དྲུང་ནས་དགེ་ཚུལ་གྱི་སྡོམ་པ་བཞེས། ཚ་ཁོའི་མ་དགོན་ཀཱ་ལ་རི་བཀྲ་ཤིས་ལྷུན་གྲུབ་གླིང་དུ་གོང་མ་རིམ་བྱོན་གྱི་ཆོས་ཁྲིར་ཞབས་ཟུང་བཀོད། ཧོར་ཚང་ཀིརྟི་དགོན་དུ་ཆོ་འཕྲུལ་སྨོན་ལམ་གསར་འཛུགས་གནང་། དབུ་ཚད་ཕར་ཕྱིན་སོགས་གཞུང་ལུགས་མཐའ་ཡས་པར་ཐོས་བསམ་སྒོམ་གསུམ་མཛད། ༡༨༧༢ལོར་རྗེ་བཙུན་ངག་དབང་ཆོས་འཕེལ་གྱི་དྲུང་ནས་བསྙེན་རྫོགས་ཀྱི་སྡོམ་པ་བཞེས། རྔ་བ་ཀིརྟིའི་དགོན་དགེ་ལྡན་ལེགས་བཤད་གླིང་དུ་གསང་སྔགས་རྒྱུད་པ་གྲྭ་ཚང་དང་སྟག་ཚང་ལྷ་མོར་དུས་འཁོར་གྲྭ་ཚང་གསར་འཛུགས་གནང་། མཐར་རབ་བྱུང་བཅོ་ལྔ་པའི་ཤིང་སྦྲུལ་སྟེ་ཕྱི་ལོ་༡༩༠༥ལོར་ཕྱི་ལུགས་དགུང་ལོ་ང་བདུན་བཞེས་པའི་ཐོག་གཟུགས་སྐུའི་བཀོད་པ་གཞན་དོན་དུ་གཤེགས།
ཁོང་གི་བརྩམས་ཆོས་ནི། གཞུང་ཆེན་མོ་རྣམས་ཀྱི་སྡོམ་ཚིག་དང་། དཀའ་འགྲེལ། མཐའ་དཔྱོད། དོགས་སློང་། དྲིས་ལན། སྙན་རྩོམ། བསྟོད་ཚོགས། བསླབ་བྱ། བསང་ཆོག །སྒྲུབ་ཆོག་བཅས་བཀའ་རྩོམ་པོད་ཆེན་བཅུ་གཉིས་བཞུགས།
དེ་ལས་མང་བ།...
གསང་བ་འདུས་པའི་ཊཱིཀྐ་ཆེན་མོ།
དྲ་འཇུག་པ། རིག་མཛོད་རྩོམ་སྒྲིག་པ།
མཛད་པ་པོ། རྗེ་བཙུན་ཤེས་རབ་སེངྒེ།
བརྗོད་བྱ། བསྐྱེད་རྫོགས་ལམ་གྱི་རིམ་པ།
རིག་མཛོད་འཕྲུལ་དེབ་ཨང་། SJRB-0362
ཡིག་ཆའི་རྣམ་པ། PDF
ཤོག་གྲངས། 813 ལྗིད་ཚད། 3.7MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་༩ ཚེས་ ༥ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རྗེ་ཤེས་རབ་སེངྒེ་མཆོག་ནི། གཙང་སྟོད་དུ་ཡབ་དམ་པ་དམར་པོ་དང་ཡུམ་ཆོས་སྐུ་བཀྲ་ཤིས་རྣམ་གཉིས་ཀྱི་སྲས་སུ་སྐུ་འཁྲུངས། དགུང་ལོ་བཅུ་པ་ལ་སྣར་ཐང་དུ་ཆོས་ཞུགས་མཛད། མཁན་ཆེན་གྲུབ་པ་ཤེས་རབ་ཀྱི་དྲུང་དུ་དགེ་ཚུལ་གྱི་སྡོམ་པ་བཞེས། མཚན་ཤེས་རབ་སེངྒེར་གསོལ། ས་སྐྱའི་མཁས་པ་ཆེན་པོ་གཡག་ཕྲུག་སངས་རྒྱས་དཔལ་སོགས་བསྟེན་ནས་གཞུང་ལུགས་སྦྱངས་པ་མཛད། མཁན་ཆེན་གྲུབ་པ་ཤེས་རབ་ཀྱི་མདུན་ནས་དགེ་སློང་གི་སྡོམ་པ་བཞེས། ཆོས་སྡིངས་སུ་རྗེ་ཙོང་ཁ་པ་ཆེན་པོས་འདུས་པའི་རྒྱུད་སོགས་ངེད་རང་གི་བཤད་སྲོལ་འདི་འཛིན་ཞིང་དར་རྒྱས་བྱེད་ནུས་པ་སུ་ཡོད་ཅེས་བཀའ་ལན་གཅིག་གཉིས་ཕེབས་པ་ལ་མཁས་པ་སུས་ཀྱང་གསུང་ལན་འབུལ་མ་སྤོབས་པའི་ཚེ། རྗེ་ཤེས་རབ་སེང་གེས་ཚོགས་དབུས་ནས་བཞེངས་ཏེ་སྐུ་ཕྱག་དང་བཅས་རྗེ་ཉིད་ཀྱི་དགོངས་པ་དང་མཐུན་པ་བདག་གིས་བགྱིའོ་ཞེས་ཞུས་པས། རྗེ་བདག་ཉིད་ཆེན་པོ་ཤིན་ཏུ་དགྱེས་ཤིང་བྱིན་རླབས་མཛད། ནང་མཆོད་ཀ་པཱ་ལ་གང་བ་དང་། གསང་བ་འདུས་པའི་གསེར་གྱི་བྱིན་རླབས་ཅན། འགྲེལ་པ་བཞི་སྦྲགས། རྒྱུད་ཀྱི་རྣམ་བཤད་གཉིས། བསྐྱེད་རྫོགས་ཀྱི་ཡིག་ཆ་རྣམས་དང་། ཆོས་རྒྱལ་གྱི་ཞལ་འབག་གཏེར་མ། འཆམ་གོས། དབྱུག་ཏོ་ཞགས་པ་བཅས་གནང་ནས་གསང་སྔགས་བླ་ན་མེད་པའི་སྟོན་པར་མངའ་གསོལ། དེ་ནས་བཟུང་རྒྱུད་ཀྱི་འཆད་ཉན་རྒྱ་ཆེར་མཛད་ཅིང་དགུང་ལོ་རེ་གསུམ་ཤིང་གླང་ལོའི་བོད་ཟླ་ལྔ་པའི་ཚེས་ཉེར་ལྔ་ལ་དགའ་ལྡན་རྒྱུད་ཁང་དུ་བདེ་བར་གཤེགས།
| PDF ཕབ་ལེན། |
|---|
བདེ་མཆོག་རྩ་རྒྱུད།
དྲ་འཇུག་པ། སེར་བྱེས་རིག་མཛོད་ཆེན་མོ།
མཛད་པ་པོ། རྒྱལ་བ་རྡོ་རྗེ་འཆང་།
བརྗོད་བྱ། བསྐྱེད་རྫོགས་ལམ་གྱི་རིམ་པའི་སྐོར།
རིག་མཛོད་འཕྲུལ་དེབ་ཨང་། SJRB-0396
ཡིག་ཆའི་རྣམ་པ། PDF
ཤོག་གྲངས། 104 ལྗིད་ཚད། 1MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་ ༩ ཚེས་ ༡ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
དཔལ་འཁོར་ལོ་སྡོམ་པའི་ཆོས་སྐོར་ནི། སྟོན་པ་ཐུབ་དབང་རྡོ་རྗེ་འཆང་གིས་དཔལ་འཁོར་ལོ་སྡོམ་པའི་དབང་དང་རྒྱུད་ཡོངས་སུ་རྫོགས་པ་གསང་བའི་བདག་པོ་ཕྱག་ན་རྡོ་རྗེ་ལ་གནང༌། དེས་གྲུབ་ཆེན་ས་ར་ཧ་ལ་སོགས་པ་ནས་མཁས་གྲུབ་ཁྱུང་པོ་ལྷས་པའི་བར་བླ་བརྒྱུད་གསོལ་འདེབས་ལྟར་བརྒྱུད་པ་མ་ཉམས་པར་གནང་ཞིང་། དེ་ལས་ཆོས་ཀྱི་རྒྱལ་པོ་ཙོང་ཁ་པ་ཆེན་པོས་དངོས་སུ་གསན་པར་མཛད། རྗེ་རིན་པོ་ཆེ་ནས་བརྒྱུད་རིམ་ཕལ་ཆེར་བ་གསང་བ་འདུས་པ་དང་འདྲ་བ་ལ། བདེ་མཆོག་ལཱུ་ཨི་པའི་རིམ་གཉིས་ཀྱི་མན་ངག་རྣམས་ཐང་སག་པ་དངོས་གྲུབ་རྒྱ་མཚོས་འཇམ་དབྱངས་བདེ་བའི་རྡོ་རྗེ་ལ་གནང༌བ་སོགས་ནས་རྗེ་བཙུན་ངག་དབང་བྱམས་པའི་བར་བརྒྱུད་རིམ་གཞན་ཞིག་ཀྱང་ཡོད་པ་བཅས་ཡིན།
| PDF ཕབ་ལེན། |
|---|
དཔལ་རྡོ་རྗེ་འཇིགས་བྱེད་ཀྱི་རྒྱུད་རྟོག་བདུན་དང་རྟོག་གསུམ།
དྲ་འཇུག་པ། སེར་བྱེས་རིག་མཛོད་ཆེན་མོ།
མཛད་པ་པོ། རྒྱལ་བ་རྡོ་རྗེ་འཆང་།
བརྗོད་བྱ། བསྐྱེད་རྫོགས་ལམ་གྱི་རིམ་པའི་སྐོར།
རིག་མཛོད་འཕྲུལ་དེབ་ཨང་། SJRB-0394
ཡིག་ཆའི་རྣམ་པ། PDF
ལྗིད་ཚད། 719KB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་ ༧ ཚེས་ ༡༠ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། དཔལ་རྡོ་རྗེ་འཇིགས་བྱེད་རྒྱུད་ནི། གྲུབ་ཆེན་ལཱ་ལི་ཏས་མཚན་བརྗོད་ཞལ་འདོན་མཛད་པའི་ཚེ། རྡོ་རྗེ་འཇིགས་བྱེད་འཇིགས་པར་བྱེད། །ཅེས་པ་དང༌། གཤིན་རྗེ་གཤེད་པོ་བགེགས་ཀྱི་རྒྱལ། །ཞེས་པ་རྣམས་ཀྱི་དོན་ལ་བསམས་ནས་རྡོ་རྗེ་འཇིགས་བྱེད་ཆེན་པོའི་རྒྱུད་ཡོད་པར་བསམས་ནས་འཕགས་ཡུལ་དུ་རྩད་གཅོད་མཛད་ཀྱང་སྐབས་དེར་རྒྱུད་འདི་འཕགས་ཡུལ་དུ་མ་བཞུགས་པས་མ་རྙེད། ཕྱིས་སུ་ཨྱོན་གྱི་ཡུལ་ན་བཞུགས་པར་མཁྱེན་ནས་དཀའ་ཚེགས་ཆེན་པོས་ཨོ་རྒྱན་གྱི་ཡུལ་དུ་བྱོན་ནས་ཡེ་ཤེས་ཀྱི་མཁའ་འགྲོ་མས་རྗེས་སུ་བཟུང་སྟེ་དཔལ་རྡོ་རྗེ་འཇིགས་བྱེད་ཆེན་པོའི་དབང་དང་གཤིན་རྗེའི་གཤེད་དམར་ནག་གཉིས་ཀྱི་དབང་དང་གདམས་པ་རྣམས་གསན། རྒྱུད་ཀྱི་གླེགས་བམ་གནང་དགོས་པར་གསོལ་བ་བཏབ་པ་ན། ཡེ་ཤེས་ཀྱི་མཁའ་འགྲོ་མས་རྡོ་རྗེ་འཇིགས་བྱེད་ཆེན་པོའི་རྩ་བའི་རྒྱུད་རྒྱས་པ་བསྟན་ཏེ་ཞག་བདུན་གྱི་རིང་ལ་འདིའི་ནང་ནས་གང་བློ་ལ་གཟུང་ཐུབ་པ་རྣམས་ཟུངས། དེ་ལས་མི་ཡོང་ཞེས་རྒྱུད་ཐམས་ཅད་མ་གནང་བ་ན། གྲུབ་ཆེན་གྱིས་ཞག་བདུན་གྱི་རིང་ལ་གླེགས་བམ་ཆེན་པོ་འདི་ནས་མང་པོ་ཞིག་འཛིན་མི་ཐུབ་པས་སྨོན་ལམ་གདབ་པ་གལ་ཆེ་དགོངས་ནས་ཞག་བདུན་གྱི་རིང་རྒྱུད་ཀྱི་གླེགས་བམ་རྣམས་ལ་མཆོད་པ་ཕུལ་ཏེ་ཕྱག་དང་བསྐོར་བ་བྱེད་ཅིང་གསོལ་བ་ཤུགས་དྲག་བཏབ་པ་ན། རྟོག་པ་སུམ་བརྒྱའི་ནང་ནས་དངོས་གྲུབ་ཀྱི་རྟོག་པ་ཞེས་བྱ་བ་དཔལ་རྡོ་རྗེ་འཇིགས་བྱེད་ཆེན་པོའི་རྒྱུད་རྟོག་པ་བདུན་པ་འདི་ཐུགས་ལ་གསལ་བར་ཤར། འདི་ལ་ནོར་འཁྲུལ་དང་ལྷག་ཆད་ཡོད་དམ་མེད་བལྟ་དགོས་དགོངས་པ་ན། དེའི་ཐད་ཀྱི་གླེགས་བམ་རང་ཞལ་བྱེ་ནས་ཐུགས་ལ་གང་ཤར་བ་ཇི་བཞིན་བྱུང༌། དེ་མ་ཐག་གླེགས་བམ་རྣམས་མཁའ་འགྲོ་མ་རྣམས་ཀྱི་གསང་བའི་ཆོས་མཛོད་དུ་བཞུགས་སུ་གསོལ་བའོ། །
| PDF ཕབ་ལེན། |
|---|
གསང་བ་འདུས་པའི་རྩ་རྒྱུད།
དྲ་འཇུག་པ། སེར་བྱེས་རིག་མཛོད་ཆེན་མོ།
མཛད་པ་པོ། རྒྱལ་བ་རྡོ་རྗེ་འཆང་།
བརྗོད་བྱ། བསྐྱེད་རྫོགས་ལམ་གྱི་རིམ་པའི་སྐོར།
རིག་མཛོད་འཕྲུལ་དེབ་ཨང་། SJRB-0395
ཡིག་ཆའི་རྣམ་པ། PDF
ལྗིད་ཚད། 1.3MB
རྩོམ་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་ ༧ ཚེས་ ༢༥ ལ་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། རྒྱུད་ཐམས་ཅད་ཀྱི་རྒྱལ་པོ་དཔལ་གསང་བ་འདུས་པའི་རྒྱུད་ལྷ་ཡུལ་དུ་རྒྱུད་གསུང་ཚུལ་ནི། སློབ་དཔོན་ཀུན་དགའ་སྙིང་བོས། ཁྱབ་འཇུག་ལ་སོགས་པ་རྣམས་ལ་གཞན་འཕྲུལ་དབང་བྱེད་ཀྱི་གནས་སུ་གསུངས་པར་བཞེད། པཎྜི་ཏ་ཨ་ལང་ཀ་ཤས། དགའ་ལྡན་གྱི་གནས་སུ་བཅོམ་ལྡན་འདས་ཀྱི་སྐུའི་འབྱུང་བཞི་ལས་གཞལ་ཡས་ཁང་དུ་སྤྲུལ་ཞིང་། ཕུང་ཁམས་སྐྱེ་མཆེད་རྣམས་ལས་དཀྱིལ་འཁོར་གྱི་ལྷ་ཚོགས་སྤྲུལ་ཏེ། སྐུའི་དཀྱིལ་འཁོར་དུ་གསང་བ་འདུས་པའི་རྒྱུད་གསུངས་པར་བཞེད། མི་ཡུལ་དུ་རྒྱུད་གསུང་ཚུལ་ནི། སྤྲན་ཞེས་གྲགས་པའི་ཡུལ་གྱི་རྒྱལ་པོ་ཨིནྡྲ་བྷུ་ཏིས་མཆོད་པ་དང་བསྙེན་བཀུར་བྱས་ནས། བདག་ཅག་འཁོར་བཅས་ཐམས་ཅད་མཁྱེན་པའི་ལམ་ལ་འགོད་པར་ཞུས་པ་ན། བཅོམ་ལྡན་འདས་ཀྱིས་ཁྱིམ་ནས་ཁྱིམ་མེད་པར་རབ་ཏུ་བྱུང་ལ། བསླབ་པ་གསུམ་ལ་སློབས་ཤིག་ཅེས་གསུངས་སོ། །རྒྱལ་པོས། རྒྱལ་སྲིད་སྐྱོང་དགོས་པས་དེ་མི་ནུས། འདོད་ཡོན་ལ་ལོངས་སྤྱོད་བཞིན་དུ་འཚང་རྒྱ་བའི་ཆོས་ཤིག་གསུངས་པར་འཚལ་ལོ་ཞེས་ཞུས་པས། བཅོམ་ལྡན་འདས་ཀྱིས་འཁོར་ལོས་བསྒྱུར་བའི་ཆ་ལུགས་སུ་མཛད་དེ། དཔལ་གསང་བ་འདུས་པའི་དཀྱིལ་འཁོར་སྤྲུལ་ནས། རྒྱལ་པོ་ཨིནྟྲ་བྷུ་ཏི་ལ་སོགས་པ་སྐལ་བ་དང་ལྡན་པ་རྣམས་ལ་དཔལ་གསང་བ་འདུས་པའི་དཀྱིལ་འཁོར་དུ་བཅུག་ནས་དབང་བསྐུར། རྒྱལ་པོ་འཁོར་དང་བཅས་པ་ལ་གསང་བ་འདུས་པའི་རྒྱུད་བསྟན་ཅིང་ཉམས་སུ་བླངས་པས་མཆོག་གི་དངོས་གྲུབ་ཐོབ་བོ། །
| PDF ཕབ་ལེན། |
|---|
མཁས་གྲུབ་རྗེའི་རྒྱུད་སྡེ་སྤྱི་རྣམ།
དྲ་འཇུག་པ། སེར་བྱེས་རིག་མཛོད་ཆེན་མོ།
མཛད་པ་པོ། མཁས་གྲུབ་དགེ་ལེགས་དཔལ་བཟང་།
བརྗོད་བྱ། རྒྱུད་སྡེ་སྤྱིའི་རྣམ་གཞག
རིག་མཛོད་འཕྲུལ་དེབ་ཨང་། SJRB-0052
ཡིག་ཆའི་རྣམ་པ། PDF
ཤོག་གྲངས། 201 ལྗིད་ཚད། 1.3 MB
གཤིབ་སྡུར་དང་བཟོ་སྒྲིག་པ། སྐལ་བཟང་ཐར་འདོད།
༢༠༡༥ ཟླ་བརྒྱད་པར་གསར་དུ་རྩོམ་སྒྲིག་བྱས།
༢༠༢༠ ཟླ་༧ཚེས་༢༡ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
མཁས་གྲུབ་དགེ་ལེགས་དཔལ་བཟང་ནི། མཁས་གྲུབ་དགེ་ལེགས་དཔལ་བཟང་། ༡༣༨༥ ལོར་ལ་སྟོད་བྱང་གི་ས་ཆའི་ལྡོག་གཞུང་དུ་འཁྲུངས། དགུང་ལོ་བདུན་གྱི་སྐབས་ཆོས་སྒོར་ཞུགས། མཚན་ལ་དགེ་ལེགས་དཔལ་བཟང་གསོལ། རྗེ་བཙུན་རེད་མདའ་བ་སོགས་ལས་གཞུང་ཆེན་ཁག་དང་གསང་སྔགས་ཀྱི་ཆོས་སྐོར་མང་པོ་གསན། དགུང་ལོ་ཉི་ཤུའི་སྐབས་བསྙེན་རྫོགས་ཀྱི་སྡོམ་པ་བཞེས། དགུང་ལོ་ཉེར་གསུམ་གྱི་སྐབས་རྗེ་ཙོང་ཁ་པ་སེ་ར་ཆོས་སྡིངས་སུ་བཞུགས་པ་དང་མཇལ་ཞིང་། མདོ་སྔགས་ཀྱི་ཆོས་རྒྱུན་སྤྱི་དང་ཐུན་མོང་མ་ཡིན་པའི་གདམས་པ་ཡོངས་རྫོགས་གནང་། དགུང་ལོ་ཞེ་བདུན་གྱི་སྐབས་དགའ་ལྡན་གྱི་ཁྲིར་ཕེབས། སློབ་མ་གྲགས་ཆེན་མང་དུ་བྱུང་། ༡༤༣༨ ལོར་སྐུ་གཤེགས། གསུང་རྩོམ་ལ། པོད་ཆེན་བཅུ་གསུམ་ཙམ་བཞུགས།
| 1. འཁྲིད་མཁན། དགེ་བཤེས་མཁས་གྲུབ་ནོར་བཟང་། |
| PDF ཕབ་ལེན། |
|---|