ཐོག་མའི་བཟོ་དུས། Mon 04 Feb 2019 | 08:50

ལོ་གསར་གྱི་ཤིས་ཚིག

དྲ་འཇུག་པ།
ཚད་གཞི།
(0 འོས་འཕེན།)

༈གནམ་ལོ་གསར་པའི་ནང་ལ་བཀྲ་ཤིས་བདེ་ལེགས་ཕུན་སུམ་ཚོགས་པར་ཤོག

ལོ༵་ལེགས་སྙེ་མའི་རྦ་རླབས་གས༵ར་པ་ས་ཆེན་ཡངས་པའི་བྲང་ལ་འཐབ། །

བརྩེ་ཆེན་ནོར་གྱི་བློ་གྲོས་བཟ༵ང་པོ་སྐྱེ་དགུའི་སྙིང་གི་རྩེ་ན་འཁོར། །

རིག་འཛིན་ཚེ་ཡི་བྱིན་རླབས་འོད་བརྒྱ་དམ་པའི་ཞབས་ཀྱི་པདྨོས་འཐུངས། །

སྡེ་བཞིའི་རིན་ཆེན་གསེར་གྱི་ཐུར་མས་རབ་འབྱམས་ཞིང་ལ་རེག་པར་ཤོག །

ཅེས་བོད་རྒྱལ་ལོ་ ༢༡༤༦ རབ་གནས་ས་ཕག་ལོའི་གནམ་ལོ་གསར་ཚེས་ལ་སེམས་ཅན་སྐྱེ་འགྲོ་ཡོངས་ལ་ནད་མེད་བདེ་སྐྱིད་ཡོང་བ་དང་འཛམ་གླིང་ཡངས་པའི་ཁྱོན་ལ་ཞི་བདེའི་དཔལ་བཟང་རྒྱས་པའི་སྨོན་འདུན་ཞུ་བ་ཡིན།
༢༠༡༩།༠༢།༠༤ ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།

ཤོག་ངོས་འདི་ཐེངས་ 543 བཀླགས་འདུག མཐའ་མའི་བསྐྱར་བཅོས། Mon 04 Feb 2019 | 10:52
རིག་མཛོད་རྩོམ་སྒྲིག་པ།

དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག།  iPad,iPhone & iPod Touch སོགས་ཀྱི་ནང་དུ་ཐུགས་འདོད་ལྟར་ཕབ་ལེན་དང་གཟིགས་ཀློག་གནང་རོགས། 

དྲ་ཚིགས།: www.serajeyrigzodchenmo.org གློག་འཕྲིན་ཁ་བྱང་། serajeyrigzodchenmo@gmail.com