ཐོག་མའི་བཟོ་དུས། Thu 04 Jun 2015 | 17:01

སྒྲ་བརྙན་ཕབ་ལེན་དངོས་སུ་དབུ་བཙུགས།

དྲ་འཇུག་པ།
ཚད་གཞི།
(0 འོས་འཕེན།)

སེར་བྱེས་གྲྭ་ཚང་གི་སྒྲ་ལེན་ཁང་ལེགས་པར་གྲུབ་སྟེ་སྒྲ་བརྙན་ཕབ་ལེན་དངོས་སུ་འགོ་བཙུགས།
༢༠༡༥་ལོའི་ཕྱི་ཟླ་༦ པའི་ཚེས་༤ ཉིན་སྔ་དྲོའི་ཆུ་ཚོད་བརྒྱད་པའི་སྟེང་། སྒྲ་བརྙན་ཕབ་ལེན་དངོས་སུ་དབུ་བཙུགས་སོང་། སེར་བྱེས་གྲྭ་ཚང་གི་སྒྲ་བརྙན་ཕབ་ལེན་ཁང་ནི། གྲྭ་ཚང་གི་ཆོས་རའི་ཐོག་ཁར་ཡོད་ལ། གྲྭ་ཚང་གི་ཤེས་ཡོན་སྡེ་ཚན་ཁག་གིས་བོད་ཀྱི་རིག་གཞུང་ལ་མོས་པ་དང་ཤེས་འདོད་ཅན་རྣམས་ཀྱིས་ཆ་འཕྲིན་སོགས་བརྒྱུད། མཁས་དབང་དང་དམ་པ་རྣམས་ཀྱི་བཀའ་སློབ་དང་གསུང་བཤད། འཆད་ཁྲིད་སོགས་ལས་སླ་བོར་གསན་གཟིགས་ཡོང་ཆེད་དུ་ཐད་གཏོང་དང་ཕབ་ལེན་བྱེད་ས་ཞིག་ཡིན། ད་ལྟ་ཕབ་ལེན་ཁང་གི་བཟོ་བཀོད་ལེགས་པར་ཡོངས་སུ་གྲུབ་སྟེ་སྒྲ་བརྙན་ཕབ་ལེན་བྱེད་འགོ་དངོས་སུ་བརྩམས།

ཤོག་ངོས་འདི་ཐེངས་ 297 བཀླགས་འདུག མཐའ་མའི་བསྐྱར་བཅོས། Sun 19 Aug 2018 | 16:20
རིག་མཛོད་རྩོམ་སྒྲིག་པ།

དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག།  iPad,iPhone & iPod Touch སོགས་ཀྱི་ནང་དུ་ཐུགས་འདོད་ལྟར་ཕབ་ལེན་དང་གཟིགས་ཀློག་གནང་རོགས། 

དྲ་ཚིགས།: www.serajeyrigzodchenmo.org གློག་འཕྲིན་ཁ་བྱང་། serajeyrigzodchenmo@gmail.com