ཐོག་མའི་བཟོ་དུས། Wed 13 May 2015 | 17:04

བྱང་རྩེ་ཆོས་རྗེ་རིན་པོ་ཆེར་གྱ་སྟོན་བཤམས།

དྲ་འཇུག་པ།
ཚད་གཞི།
(0 འོས་འཕེན།)

སེར་བྱེས་གྲྭ་ཚང་གིས་བྱང་རྩེ་ཆོས་རྗེ་རིན་པོ་མཆོག་དགུང་གྲངས་བརྒྱད་ཅུར་ཕེབས་པར་བརྟན་བཞུགས་ཕུལ།
༢༠༡༥ ལོའི་ཕྱི་ཟླ་༥ཚེས་༡༣ སྐུའི་བླ་གཟའ་སྟེ་རེས་གཟའ་ལྷག་པ་འབྱུང་འཕྲོད་དགེ་བའི་ཉིན་དང་བསྟུན། སེར་བྱེས་གཙང་བྱང་རྩེ་ཆོས་རྗེ་རིན་པོ་ཆེ་རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་དགུང་གྲངས་བརྒྱད་ཅུར་ཕེབས་པའི་དགའ་སྟོན་རྟེན་འབྲེལ་དང་། སྐྱབས་རྗེ་མཆོག་སྐུ་ཚེ་ཞབས་པད་ཡུན་དུ་བརྟན་པའི་སླད་དུ། སེར་བྱེས་གྲྭ་ཚང་དུ་བརྟན་བཞུགས་དང་མཆོད་འབུལ་བསྙེན་བཀུར་རྒྱ་ཆེར་ཞུས་སོང་།
དེ་ཡང་ཞོགས་ཀའི་ཆུ་ཚོད་༦:༣༠ སྟེང་གྲྭ་ཚང་གི་རྒྱལ་སྲས་བླ་སྤྲུལ་བཀའ་རབ་འབྱམས་དགེ་བཤེས་དགེ་འདུན་དམངས་དང་བཅས་པ་གྲྭ་ཚང་གི་གཙུག་ལག་ཁང་དུ་འཛོམས་ཏེ། ཐོག་མར་སྐྱབས་རྗེ་མཆོག་ལ་བརྟན་བཞུགས་དང་། དེ་རྗེས་བྱང་རྩེ་ཆོས་རྗེ་རིན་པོ་དབུ་བཞུགས་ཐོག་༧གོང་ས་༧སྐྱབས་མགོན་ཐམས་ཅད་མཁྱེན་པ་མཆོག་གི་སྐུ་ཚེ་ཞབས་པད་བསྐལ་བརྒྱར་བརྟན་པ་དང་། རླབས་ཆེན་གྱི་ཐུགས་ཀྱི་བཞེད་དགོངས་ལྷུན་གྱིས་འགྲུབ་པ་སོགས་ཀྱི་ཆེད་དུ་དམིགས། ཉིན་དེར་ཚོགས་ཐེངས་བཞི་བྱས་ཏེ་རྗེ་རིན་པོ་ཆེའི་གསུང་དྲང་ངེས་ལེགས་བཤད་སྙིང་པོ་དག་སྒྲོག་གསུངས་གནང་སོང་ལ། གོ་སྒྲིག་ཚོགས་ཆུང་ནས་དགེ་འདུན་དམངས་ལ་བསྙེན་བཀུར་གསོལ་ཇ། ཉིན་གུང་བཞེས་ལག །དགོངས་དྲོ་ཞལ་ལག་སོགས་གྲ་སྒྲིག་ཕུན་སུམ་ཚོགས་པ་གནང་འདུག

ཤོག་ངོས་འདི་ཐེངས་ 158 བཀླགས་འདུག མཐའ་མའི་བསྐྱར་བཅོས། Sun 19 Aug 2018 | 18:02
རིག་མཛོད་རྩོམ་སྒྲིག་པ།

དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག།  iPad,iPhone & iPod Touch སོགས་ཀྱི་ནང་དུ་ཐུགས་འདོད་ལྟར་ཕབ་ལེན་དང་གཟིགས་ཀློག་གནང་རོགས། 

དྲ་ཚིགས།: www.serajeyrigzodchenmo.org གློག་འཕྲིན་ཁ་བྱང་། serajeyrigzodchenmo@gmail.com