ཐོག་མའི་བཟོ་དུས། Fri 04 Aug 2017 | 16:46

༧དགའ་ལྡན་ཁྲི་ཐོག་བརྒྱ་དང་བཞི་པ།

དྲ་འཇུག་པ།
ཚད་གཞི།
(0 འོས་འཕེན།)

༄༅། །བློ་གྲོས་བཟང་པོའི་མེ་ལོང་གཅིག་གིས་གཞུང་བརྒྱའི་མདུད་རྒྱ་བསལ་བར་བྱེད། །
རྗེས་བརྩེ་གསེར་གྱི་ཐག་པ་རེ་ལ་ཀུན་སྣང་གསར་བའི་བདེ་དགའ་རྒྱས། །
ཐུབ་བསྟན་འཛིན་མའི་ས་ཁྱོན་འདི་ནས་མཁྱེན་རབ་འཕྲུལ་གྱིས་བརྒལ་བ་གང་། །
གདུལ་བྱ་རྒྱ་མཚོའི་གཙུག་སྐྱེས་རྩེ་ན་གདོད་མའི་འོད་ཀྱི་དབང་པོ་ཉིད། །
༧སྐྱབས་རྗེ་དམ་པ་༧རྗེ་བཙུན་བློ་བཟང་བསྟན་འཛིན་དཔལ་བཟང་པོ་མཆོག་༧འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་རིན་པོ་ཆེའི་གསེར་ཁྲིར་མངའ་གསོལ་བྱུང་བར་གུས་སློབ་སེར་བྱེས་རིག་མཛོད་ཀྱི་ལས་བྱེད་ཡོངས་ནས་དགའ་དད་སྤྲོ་གསུམ་གྱིས་གུས་ཕྱག་གི་བརྩེགས་མ་སྔོན་དུ་བཏང་སྟེ་བཀྲ་ཤིས་བདེ་ལེགས་གྲངས་མེད་ཞུ། ༢༠༡༧ .༠༨.༠༤

 

ཤོག་ངོས་འདི་ཐེངས་ 565 བཀླགས་འདུག མཐའ་མའི་བསྐྱར་བཅོས། Sun 19 Aug 2018 | 19:15
རིག་མཛོད་རྩོམ་སྒྲིག་པ།

དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག།  iPad,iPhone & iPod Touch སོགས་ཀྱི་ནང་དུ་ཐུགས་འདོད་ལྟར་ཕབ་ལེན་དང་གཟིགས་ཀློག་གནང་རོགས། 

དྲ་ཚིགས།: www.serajeyrigzodchenmo.org གློག་འཕྲིན་ཁ་བྱང་། serajeyrigzodchenmo@gmail.com