-
མདུན་ངོས།
-
འཕྲིན་གསར།
- འཚམས་འདྲི་སོགས།

འཚམས་འདྲི་སོགས། (33)
༧གོང་ས་མཆོག་གི་སྐུའི་འཁྲུངས་སྐར་གྱི་ཤིས་ཚིག
དྲ་འཇུག་པ། རིག་མཛོད་རྩོམ་སྒྲིག་པ།གངས་རིའི་སྐྱེ་འགྲོ་གཡང་སར་ལྷགས་སྐབས་བྱམས་བརྩེ་ཕྱག་གིས་གཡས་ནས་བསྐྱོར། །
སྙིམ་པའི་མེ་ཏོག་གཞན་ལ་བྱིན་ཏེ་རང་རིགས་དུཿ ཁའི་གནས་ལས་སྒྲོལ། །
རྗེས་བརྩེ་འོད་ཀྱིས་འགྲོ་བའི་མོས་ཁམས་སྣ་ཚོགས་སྐྱོགས་བརྒྱས་ཐབས་ཀྱིས་དྲངས། །
མཉེས་གཤིན་དྭངས་པས་ས་གསུམ་སྙིང་ལ་ཁྱོད་ནི་སྙིང་གི་ཐིག་ལེ་བཞིན། །
ཞེས་ཚིགས་སུ་བཅད་པའི་དབྱངས་ཀྱིས་མདུན་བསུ་སྟེ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་སྐུའི་འཁྲུངས་སྐར་ལ་འཚམས་འདྲི་བཀྲ་ཤིས་བདེ་ལེགས་གྲངས་མེད་ཞུ།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས་ཟླ་༧ཚེས་༣ལ།
དེ་ལས་མང་བ།...
༸གོང་ས་མཆོག་དགུང་གྲངས་༨༣ལ་ཕེབས་པའི་སྐུའི་འཁྲུངས་སྐར་འཚམས་འདྲི།
དྲ་འཇུག་པ། སེར་བྱེས་རིག་མཛོད་ཆེན་མོ།༄༅།།རིས་མེད་སྟོན་པའི་མཛད་བཟང་མ་ལུས་གོ་ལའི་ཁྱོན་ལ་ཁྱོད་ཀྱིས་སྐྱེལ། །
སྲིད་གསུམ་སྐྱེ་རྒུའི་གཙུག་སྐྱེས་རྒྱ་མཚོ་ཞབས་སེན་ནོར་བུས་བདག་ཏུ་བཟུང་། །
ཟབ་གསལ་གསུང་གི་འགྱུར་ཁུགས་རྣམས་ཀྱང་གསུང་གི་རོལ་མོ་གཅིག་གིས་དྲངས། །
མཚུངས་མེད་བསྟན་དང་སྟོན་པའི་ཁྲོད་ན་ཁྱོད་ནི་སྟོན་པ་ཆེན་པོ་ཉིད། །
༧ལྷར་བཅས་སྲིད་ཞིའི་གཙུག་རྒྱན་༧འཇིག་རྟེན་ཞི་བདེའི་དེད་དཔོན་༧ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག་༧གོང་ས་ལྷ་མིའི་རྣམ་འདྲེན་༧སྐྱབས་མགོན་རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་དགུང་གྲངས་བརྒྱད་ཅུ་གྱ་གསུམ་ལ་ཕེབས་པའི་སྐུའི་འཁྲུངས་སྐར་ལ། གུས་འབངས་སེར་བྱེས་རིག་མཛོད་ཀྱི་ལས་བྱེད་ཡོངས་ནས་དགའ་དད་སྤྲོ་གསུམ་གྱིས་གུས་ཕྱག་གི་བརྩེགས་མ་དང་བཅས་ཏེ་བཀྲ་ཤིས་བདེ་ལེགས་གྲངས་མེད་ཞུ། ༢༠༡༨ .༠༧.༠༥
ལོ་གསར་གྱི་ཤིས་ཚིག
དྲ་འཇུག་པ། རིག་མཛོད་རྩོམ་སྒྲིག་པ།ལོ་གསར་གྱི་ཤིས་ཚིག
བཀྲ་ཤིས་གང་ཞིག་ཁ་བའི་ཡུལ་དུ་རང་དབང་ཉི་མ་མྱུར་དུ་འཆར་ཞིང་སྡེ་བཞིའི་དཔལ་ཡོན་དར་བར་ཤོག །
བཀྲ་ཤིས་གང་ཞིག་འགྲོ་བའི་བདེ་དགའ་དབྱར་གྱི་མཚོ་མོའི་དཔལ་ལ་བསྙེགས་ཤིང་ལུས་སེམས་སྐྱིད་པས་བརྟས་པར་ཤོག །
བཀྲ་ཤིས་གང་ཞིག་དམ་པའི་སྐུ་ཚེ་རྡོ་རྗེའི་ཁམས་སུ་ལེགས་པར་བརྟན་ཅིང་མཛད་བཟང་ཀུན་ལ་ཁྱབ་པར་ཤོག །
བཀྲ་ཤིས་གང་ཞིག་ཡངས་པའི་འཇིག་རྟེན་ཞི་བདེ་དཔལ་གྱིས་ཀུན་ནས་བསྐྱོར་ཞིང་འཚེ་མེད་གཡང་གིས་བསྐྱང་བར་ཤོག །
ཅེས་བོད་རྒྱལ་ལོ་ ༢༡༤༥ རབ་གནས་ས་ཁྱི་ལོའི་གནམ་ལོ་གསར་ཚེས་ལ་ཤ་རུས་གདུང་རྒྱུད་གཅིག་པའི་རང་རིགས་སྤུན་ཟླ་རྣམས་གཙོ་བྱས་པའི་དུས་དང་རྣམ་པ་ཀུན་ཏུ་འདི་ག་རྩོམ་སྒྲིག་ཁང་ལ་རྒྱབ་སྐྱོར་དང་ཐུགས་ཁུར་གནང་མཁན་ཡོངས་ལ་བཀྲ་ཤིས་བདེ་ལེགས་གྲངས་མེད་ཞུ་བ་དང་ཆབས་ཅིག་ལོ་གསར་པའི་ནང་ལ་ཁྱེད་རྣམས་ཀྱི་སྐུ་ལུས་བདེ་ཞིང་བསམ་དོན་ལྷུན་གྱིས་འགྲུབ་པའི་སྨོན་འདུན་ཕུལ་བ་ཡིན།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ༢༠༡༨།༠༢།༠༢ ལ།