-
མདུན་ངོས།
-
འཕྲིན་གསར།
- འཚམས་འདྲི་སོགས།
འཚམས་འདྲི་སོགས། (33)
༸གོང་ས་མཆོག་དགུང་གྲངས་༨༦ལ་ཕེབས་པའི་སྐུའི་འཁྲུངས་སྐར་འཚམས་འདྲི།
དྲ་འཇུག་པ། རིག་མཛོད་རྩོམ་སྒྲིག་པ།
འགྲོ་ཁམས་རྒྱ་མཚོའི་རྗེས་སུ་སོང་བ་བརྩེ་འཛུམ་འོ་མའི་ཐིགས་པ་ཡིས། །
སྙིང་ལ་བདུད་རྩིའི་མཆོད་སྦྱིན་རབ་འགྱེད་རབ་དཀར་ལང་ཚོ་རྫོགས་པའི་དཔྱིད། །
ཞི་བསིལ་ཆ་ཤས་ཀུན་ནས་ཡོངས་གང་སྔོན་མེད་རྒྱུ་སྐར་བྱེ་བའི་བདག །
འཇིག་རྟེན་མིག་འབྱེད་ལྷན་ནེ་ལྷང་ངེར་བསྐལ་པའི་སྲིད་དུ་གནས་གྱུར་ཅིག །
རྒྱལ་བ་ཐམས་ཅད་ཀྱི་མཁྱེན་བརྩེ་གཅིག་ཏུ་འདུས་པའི་རང་གཟུགས་གསུམ་ལྡན་ངུར་སྨྲིག་འཛིན་པའི་རྣམ་པར་རོལ་པ། འཇིག་རྟེན་ཞི་བདེའི་ལམ་སྟོན་པ་ཆེན་པོ། ༸སྤྱི་ནོར་ ༸གོང་ས་ ༸སྐྱབས་མགོན་ ༸རྒྱལ་བའི་དབང་པོ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་ཕྱི་ལུགས་ལྟར་གྱི་དགུང་གྲངས་ ༨༦ ལ་ཕེབས་པའི་སྐུའི་འཁྲུངས་སྐར་གྱི་དུས་ཚེས་བཟང་པོར། སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས་དགའ་དད་སྤྲོ་གསུམ་གྱིས་འཚམས་འདྲིའི་བཀྲ་ཤིས་བདེ་ལེགས་གྲངས་མེད་ཞུ།
ཕྱི་ལོ་ ༢༠༢༡ ཟླ་ ༧ ཚེས་ ༦ ཉིན།
དེ་ལས་མང་བ།...
དགེ་བའི་བཤེས་གཉེན་ཆེན་པོ་རྒན་ངག་དབང་སངས་རྒྱས་མཆོག་རྒྱུད་སྨད་བླ་མ་དབུ་མཛད་ཀྱི་ཁྲིར་ཕེབས།
དྲ་འཇུག་པ། རིག་མཛོད་རྩོམ་སྒྲིག་པ།༧སྤྱི་ནོར་༧གོང་ས་༧སྐྱབས་མགོན་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་བཀའ་རྟགས་ཕྱག་རྒྱའི་རི་མོ་སྤྱི་བོའི་མཛེས་རྒྱན་དུ་ཇི་ལྟར་ཕེབས་པ་ལྟར། མདོ་སྔགས་གཞུང་ལུགས་རབ་འབྱམས་སྨྲ་བ་ལ་འགྲན་པའི་ཟླ་དང་བྲལ་བའི་མཁས་པའི་དབང་པོ། ཡོངས་ཀྱི་དགེ་བའི་བཤེས་གཉེན་སེར་བྱེས་དགེ་བཤེས་ལྷ་རམས་པ་རྗེ་བཙུན་ངག་དབང་སངས་རྒྱས་དཔལ་བཟང་པོ་མཆོག །གསང་ཆེན་རྒྱུད་སྡེ་རྒྱ་མཚོའི་མཛོད་འཛིན་དཔལ་ལྡན་སྨད་རྒྱུད་གྲྭ་ཚང་གི་བླ་མ་དབུ་མཛད་ཀྱི་བཞུགས་ཁྲིར་མངའ་གསོལ་མཛད་པའི་དུས་བཟང་ལ་བཀྲ་ཤིས་རྟེན་འབྲེལ་ཞུ་བ་དང་། མཛད་བཟང་དབྱར་གྱི་མཚོ་ལྟར་འཕེལ་བའི་སྨོན་འདུན་གྲངས་མེད་ཞུ།
༢༠༢༡།༠༣།༡༧ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།
༢༠༢༡ ལོ་གསར་འཚམས་འདྲི།
དྲ་འཇུག་པ། རིག་མཛོད་རྩོམ་སྒྲིག་པ།བཀྲ་ཤིས་གང་ཞིག་བླང་དོར་བློ་མིག་དྲི་མེད་རིགས་པས་འབྱེད། །
བཀྲ་ཤིས་གང་ཞིག་རང་གཞན་རིས་མེད་ཕན་བདེའི་ལམ་དུ་འཇུག །
བཀྲ་ཤིས་གང་ཞིག་སྣོད་བཅུད་དོ་སྙོམས་རྒུད་ཚོགས་ངང་གིས་ཞི། །
བཀྲ་ཤིས་གང་ཞིག་འཇིག་རྟེན་སྐྱེ་དགུའི་བདེ་སྐྱིད་རྩ་བ་ཚུགས། །
བོད་རྒྱལ་ལོ་ ༢༡༤༨ རབ་བྱུང་བཅུ་བདུན་པའི་བགྲང་བྱ་ ༣༥ པ་ལྕགས་མོ་གླང་ལོའི་གནམ་ལོ་གསར་ཚེས་ལ་བཀྲ་ཤིས་བདེ་ལེགས་ཞུ་དང་ཆབས་ཅིག །འཛམ་གླིང་ཡངས་པའི་སྐྱེ་འགྲོ་མཐའ་དག་རང་དབང་ཞི་བདེའི་དཔལ་ལ་རོལ་བའི་སྨོན་འདུན་གྲངས་མེད་ཞུ།
༢༠༢༡།༠༢།༡༢ལ་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས།
