སྐར་རྩིས།

སྐར་རྩིས། (1)

rnsk175001དེབ་ཨང་།  RNSK175001
རིག་གནས། ༼རྩིས་རིག༽
སྤྱིའི་ཨང་། ༢༦
མཚན་བྱང་། རྩིས་ཀྱི་མན་ངག་ཉིན་མོར་བྱེད་པའི་སྣང་བ།
མཛད་པ་པོ། ལོ་ཆེན་དྷརྨ་ཤྲཱི། ༼ ༡༦༥༤ - ༡༧༡༨ ༽
བརྗོད་བྱ། བསྟན་རྩིས་དང་བྱེད་གྲུབ་ཀྱི་ལྔ་བསྡུས་སོགས།
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་བརྒྱད་པར་གསར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

ལོ་ཆེན་དྷརྨ་ཤྲཱི། གཡོར་པོ་གྲྭ་ནང་གི་དར་རྒྱས་ཆོས་གླིང་དུ་འཁྲུངས། དགུང་ལོ་བཅུ་གསུམ་པར་གཙུག་ཕུད་ཕུལ། དགུང་ལོ་བཅོ་ལྔའི་སྐབས་རྒྱལ་དབང་ལྔ་པ་ལས་རབ་ཏུ་བྱུང་། སློབ་དཔོན་དོན་གྲུབ་དབང་རྒྱལ་སོགས་ལས་ཐུན་མོང་དང་ཐུན་མོང་མ་ཡིན་པའི་རིག་པའི་གནས་རྣམས་ལ་སྦྱངས་པ་དཔྱིས་ཕྱིན་པ་གནང་། སློབ་མ་གྲགས་ཆེ་བ། ས་སྐྱ་བདག་ཆེན་ངག་དབང་ཀུན་དགའ་བཀྲ་ཤིས་སོགས་མང་ངོ་། ༡༧༡༨ ལོར་ཇུན་གར་པས་སྐྱིད་ཆུའི་འགྲམ་དུ་བཀྲོངས། གསུང་རྩོམ་ལ། གསང་བདག་དགོངས་རྒྱན་སོགས་ཆོས་ཚན་བདུན་ཅུ་ལྷག་ཙམ་བཞུགས། ད་ལན་སྐར་རྩིས་ཀྱི་ཚན་པར་དཀར་ཆག་གི་འབྲེལ་སྣེ་མཐུད་རྒྱུ་སོགས་ཀྱི་ཆེད་དུ་འཕྲུལ་དེབ་འདི་གང་མགྱོགས་རྩོམ་སྒྲིག་བྱེད་དགོས་བྱུང་སོང་བས། རྩིས་གཞུང་འདི་ལས་བསྟན་རྩིས་ཀྱི་ཡན་མ་གཏོགས་རྩོམ་སྒྲིག་བྱེད་ཐུབ་མ་སོང་ན། གཟིགས་པ་པོ་རྣམས་ལ་བཟོད་གསོལ་དང་འབྲེལ། རྗེས་སུ་རྩིས་གཞུང་འདི་ཉིད་ཡོངས་རྫོགས་འཕྲུལ་དེབ་ཏུ་རྩོམ་སྒྲིག་བྱས་ཏེ་གཟིགས་པ་པོ་རྣམས་ལ་འབུལ་ཐུབ་པ་བྱེད་ངེས་ཡིན།

ཕབ་ལེན།   PDF  ཕབ་ལེན།    EPUB  ཕབ་ལེན།