-
མདུན་ངོས།
-
སྒྲ་རིག་པ།
-
བོད།
- སུམ་རྟགས།
སུམ་རྟགས། (7)
གསེར་ཏོག་སུམ་རྟགས།
དྲ་འཇུག་པ། རིག་མཛོད་རྩོམ་སྒྲིག་པ།
དེབ་ཨང་། RNDTS1940008
རིག་གནས། [སྒྲ་རིག་པ།]
སྤྱིའི་ཨང་། ༣༢༦
མཚན་བྱང་། སུམ་རྟགས་མཆན་འགྲེལ་ངོ་མཚར་འཕྲུལ་གྱི་ལྡེ་མིག
མཛད་པ་པོ། གསེར་ཏོག་བློ་བཟང་ཚུལ་ཁྲིམས་རྒྱ་མཚོ། [༡༨༤༥-༡༩༡༥]
བརྗོད་བྱ། བོད་ཀྱི་བརྡ་སྤྲོད་པའི་རྣམ་གཞག
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༨ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསེར་ཏོག་བློ་བཟང་ཚུལ་ཁྲིམས་རྒྱ་མཚོ་ནི། ཕྱི་ལོ ༡༨༤༥ ལོར་ཙོང་ཆུའི་ཉེ་འགྲམ་ཨར་ཆ་ཞེས་པར་སྐུ་འཁྲུངས། དགུང་ལོ་གསུམ་པར་སྐུ་གོང་མའི་ཡང་སྲིད་དུ་ངོས་འཛིན་མཛད། རྗེ་གསེར་ཁང་བ་ལས་དགེ་བསྙེན་གྱི་སྡོམ་པ་མནོས། ལོ་དེར་གསེར་ཏོག་དགོན་དུ་གདན་སར་བཀོད། དགུང་ལོ་ལྔ་པ་ནས་ཡི་གེ་སྦྱོར་ཀློག་སོགས་ལ་སྦྱངས། དགུང་ལོ་བདུན་པར་དགེ་ཚུལ་གྱི་སྡོམ་པ་མནོས། དགུང་ལོ་བརྒྱད་པར་སྐུ་འབུམ་དགོན་དུ་ཆོས་ཞུགས་དང་། བསྡུས་གྲྭ་སོགས་གསན་བསམ་གནང་། དགུང་ལོ་ཉི་ཤུའི་སྐབས་བསྙེན་པར་རྫོགས། དགུང་ལོ་ཉེར་གཅིག་པར་རྒྱུད་པ་གྲྭ་ཚང་གི་ཆོས་སྒོར་ཞུགས། དགུང་ལོ་ཉེར་གཉིས་པར་རྒྱུད་པ་མཁན་པོའི་ཁྲི་ལ་ཕེབས། གྲུབ་དབང་འཇིགས་མེད་བསམ་གཏན་སོགས་ལས་ཆོས་བཀའ་གསན། དགུང་ལོ་ཉེར་བདུན་པར་སྐུ་འབུམ་དགོན་པའི་ཁྲི་ལ་ཕེབས། ཁྲི་ཟུར་ནས་ཁལ་ཁ་སོགས་སུ་ཆོས་ཀྱི་འཁོར་ལོ་བསྐོར་བར་མཛད། དགུང་ལོ་སོ་བདུན་ལ་བྱ་ཁྱུང་དགོན་པའི་ཁྲི་ལ་ཕེབས། སྐུ་འབུམ་སོགས་སུ་རྟེན་དང་བརྟེན་པ་མང་དུ་བཞེངས། དགུང་ལོ་དོན་གཅིག་ལ་ཕེབས་པ་ཕྱི་ལོ་ ༡༩༡༥ ལོར་སྐུ་གཤེགས། གསུང་རྩོམ་ལ། པོད་འབྲིང་པོ་ཏི་བཅུ་ཙམ་བཞུགས།
| PDF ཕབ་ལེན། |
|---|
དེ་ལས་མང་བ།...
བརྡ་སྤྲོད་གཞུང་ལ་འཇུག་པའི་ཉམས་སྣང་།
དྲ་འཇུག་པ། རིག་མཛོད་རྩོམ་སྒྲིག་པ།
དེབ་ཨང་། RNDTS204010
རིག་གནས། ༼སྒྲ་རིག་པ།༽
སྤྱིའི་ཨང་། ༣༠༧
མཚན་བྱང་། བོད་ཀྱི་བརྡ་སྤྲོད་གཞུང་ལ་འཇུག་པའི་ལམ་སྟོན་ཟླ་བ་གང་བའི་ཉམས་སྣང་།
མཛད་པ་པོ། བཀྲ་ཐང་འཇམ་དཔལ་ཡེ་ཤེས་རྒྱལ་མཚན། ༼ ༡༩༤༧- ༽
བརྗོད་བྱ། བོད་ཀྱི་བརྡའི་རྣམ་གཞག
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༧ ལོའི་ཟླ་བཅུ་གཉིས་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདིའི་པར་རྩ་དོ་བདག་གཞན་གྱིས་གནང་འབྱོར་བྱུང་བ་ལྟར་རྩོམ་སྒྲིག་བྱས་པ་ཡིན་ལ་རྩོམ་པ་པོའི་ལོ་རྒྱུས་འཕྲུལ་དེབ་ཏུ་གསལ་བ་ལྟར་དང་། དོ་བདག་གི་པར་རྩ་སོར་བཞག་བྱས་པ་ལས་འདི་ག་རྩོམ་སྒྲིག་ཁང་ནས་ཞུས་དག་བཏང་མེད།
སུམ་ཅུ་པ་དང་རྟགས་ཀྱི་འཇུག་པ།
དྲ་འཇུག་པ། རིག་མཛོད་རྩོམ་སྒྲིག་པ།
དེབ་ཨང་། RNDTS071002
རིག་གནས། ༼སྒྲ་རིག་པ།༽
སྤྱིའི་ཨང་། ༢༡
མཚན་བྱང་། སུམ་ཅུ་པ་དང་རྟགས་ཀྱི་འཇུག་པ།
མཛད་པ་པོ། སློབ་དཔོན་ཐོན་མི།
བརྗོད་བྱ། བོད་ཀྱི་བརྡའི་རྣམ་གཞག
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༧ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
སློབ་དཔོན་ཐོན་མི་ནི། ཕྱི་ལོ་༦༡༩ ལོར་འཁྲུངས། དགུང་ལོ་བཅོ་ལྔ་པར་རྒྱལ་པོ་སྲོང་བཙན་སྒམ་པོས་རྒྱ་གར་དུ་མངགས་ནས་ལོ་ངོ་བདུན་གྱི་རིང་དུ་བྲམ་ཟེ་ལི་བྱིན་ཀ་ར་དང་ལྷ་རིག་པའི་སེང་གེ་སོགས་བསྟེན་ནས་ཐུན་མོང་དང་ཐུན་མོང་མ་ཡིན་པའི་རིག་གནས་ལ་སྦྱངས་པ་དཔྱིས་ཕྱིན་པ་མཛད་ནས་བོད་དུ་ཕེབས། སྐུ་མཁར་མ་རུར་མཚམས་ལ་བཞུགས་ནས་རྒྱ་ཡིག་ལྔ་བཅུ་ཐམ་པ་ལས་བོད་ཡིག་སུམ་ཅུ་གཏན་ལ་ཕབ་སྟེ་དབྱངས་བཞི་དང་གསལ་བྱེད་སུམ་ཅུའི་བདག་ཉིད་ཅན་གྱི་བོད་ཀྱི་ཡིག་གཟུགས་གསར་བཟོ་ལེགས་པར་མཛད། མཛངས་མི་བདུན་གྱི་བཞི་པ་དང་། གསུང་རྩོམ་ནི། སུམ་ཅུ་པ་སོགས་གཞུང་བརྒྱད་མཛད་པར་གྲགས་ལ། བསྒྱུར་རྩོམ་ནི་སྤྱན་རས་གཟིགས་ཀྱི་མདོ་རྒྱུད་ཉེར་གཅིག་སོགས་ཡོད། འདས་ལོ་མི་གསལ།
སི་ཏུའི་སུམ་རྟགས་འགྲེལ་ཆེན།
དྲ་འཇུག་པ། རིག་མཛོད་རྩོམ་སྒྲིག་པ།
དེབ་ཨང་། RNDTS179004
རིག་གནས། ༼སྒྲ་རིག་པ།༽
སྤྱིའི་ཨང་། ༢༧
མཚན་བྱང་། སུམ་རྟགས་ཀྱི་རྣམ་བཤད་མཁས་པའི་མགུལ་རྒྱན་མུ་ཏིག་ཕྲེང་མཛེས།
མཛད་པ་པོ། སི་ཏུ་པཎ་ཆེན་གཙུག་ལག་ཆོས་ཀྱི་སྣང་བ། ༼༡༦༩༩-༡༧༧༤༽
བརྗོད་བྱ། བོད་ཀྱི་བརྡའི་རྣམ་གཞག
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༧ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
སི་ཏུ་པཎ་ཆེན་གཙུག་ལག་ཆོས་ཀྱི་སྣང་བ་ནི། ༡༦༩༩ ལོར་འཁྲུངས། དགུང་ལོ་ཆུང་དུས་ནས་སི་ཏུ་སྐུ་གོང་མའི་ཡང་སྲིད་དུ་ངོས་འཛིན་མཛད། ཡབ་ཀྱིས་ཡི་གེའི་སྦྱོར་ཀློག་བསླབས། ཞྭ་དམར་བརྒྱད་པ་དཀོན་མཆོག་རྣམ་རྒྱལ་གྱི་མདུན་ནས་དགེ་ཚུལ་གྱི་སྡོམ་པ་བཞེས། བལ་ཡུལ་སོགས་ཡུལ་ཁམས་མང་པོར་ཆོས་འཁོར་བསྐོར། ཞྭ་དམར་བརྒྱད་པའི་མདུན་ནས་དགེ་སློང་གི་སྡོམ་པ་མནོས། རྒྱལ་བ་བསྐལ་བཟང་རྒྱ་མཚོ་སོགས་བོད་ཀྱི་ཆོས་བརྒྱུད་རིས་མེད་ཀྱི་མཁས་པ་མང་པོ་སློབ་དཔོན་དུ་བསྟེན། ཐུན་མོང་གི་རིག་གནས་ཀུན་ལ་མཁས་པའི་ཡང་རྩེར་སོན། སྔར་བསྒྱུར་ལ་འགྱུར་བཅོས་དང་། སྔོན་མེད་རྣམས་གསར་བསྒྱུར་མཛད། དཔལ་སྤུངས་དགོན་པ་གསར་འདེབས་མཛད། ༡༧༧༤ ལོར་སྐུ་གཤེགས། ཁོང་གི་གསུང་རྩོམ་ལ་པོ་ཏི་བཅུ་བཞི་ཡོད།
པྲ་སྟིའི་སུམ་རྟགས་འགྲེལ་པ་སོགས།
དྲ་འཇུག་པ། རིག་མཛོད་རྩོམ་སྒྲིག་པ།
དེབ་ཨང་། RNDTS175203
རིག་གནས། ༼སྒྲ་རིག་པ།༽
སྤྱིའི་ཨང་། ༡༨ དཀར་ཆག
མཚན་བྱང་། སུམ་ཅུ་པའི་འགྲེལ་པ་ཀུན་བཟང་དགོངས་རྒྱན་སོགས།
མཛད་པ་པོ། པྲ་སྟི་རིན་ཆེན་དོན་འགྲུབ། དབྱངས་ཅན་གྲུབ་པའི་རྡོ་རྗེ།
བརྗོད་བྱ། བོད་ཀྱི་བརྡའི་རྣམ་གཞག
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༧ ལོའི་ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
པྲ་སྟི་རིན་ཆེན་དོན་འགྲུབ་ནི། དུས་རབས་བཅུ་བདུན་པའི་སྨད་ཙམ་ལ་སྐུ་འཁྲུངས། གཞོན་དུས་ནས་སེར་བྱེས་གྲྭ་ཚང་དུ་ཆོས་ཞུགས་གནང་ཞིང་གཞུང་ཆེན་ལ་སློབ་གཉེར་མཛད་དེ་དགེ་བཤེས་ཀྱི་མཚན་རྟགས་བཞེས། ཞོགས་དོན་ཡོད་མཁས་གྲུབ་སོགས་བསྟེན་ནས་མདོ་སྔགས་ཀྱི་ཟབ་ཆོས་གང་མང་ལ་གསན་བསམ་གནང་། འཇམ་དབྱངས་དཀར་པོའི་ཞལ་གཟིགས་བྱུང་བས་པྲ་ཏི་འཇམ་དབྱངས་དཀར་པོ་ཞེས་ཀྱང་གྲགས་པར་བཤད། ཁོང་གི་གསུང་རྩོམ་ལ། པོད་གཅིག་བཞུགས་སོ། །
ཨ་ཀྱཱ་ཡོངས་འཛིན་བློ་བཟང་དོན་གྲུབ་བམ་དབྱངས་ཅན་དགའ་བའི་བློ་གྲོས་ནི། ཕྱི་ལོ་ ༡༧༤༠ ལོར་སྐུ་འཁྲུངས། དགུང་ལོ་བདུན་པར་རབ་ཏུ་བྱུང་། དགུང་ལོ་ཉེར་བདུན་སྐབས་དབུས་སུ་ཕེབས་ཏེ་གཞུང་ཆེན་ལ་སློབ་གཉེར་གནང་། རྫོང་ནང་དགོན་པ་སོགས་ཕྱག་བཏབ། བྱ་ཁྱུང་དགོན་གྱི་ཁྲིར་ཕེབས། སྐུ་འབུམ་བླ་མ་ཨ་ཀྱཱ་ཡེ་ཤེས་བསྐལ་བཟང་མཁས་གྲུབ་རྒྱ་མཚོའི་ཡོངས་འཛིན་མཛད་པས་ཡོངས་གྲགས་སུ་ཨ་ཀྱཱ་ཡོངས་འཛིན་དུ་གྲགས། ཕྱི་ལོ་ ༡༨༢༧ ལོར་སྐུ་གཤེགས། ཁོང་གི་གསུང་རྩོམ་ལ་པོད་འབྲིང་གཉིས་ཙམ་བཞུགས།
ལེགས་བཤད་ལྗོན་དབང་རྩ་འགྲེལ་སོགས།
དྲ་འཇུག་པ། རིག་མཛོད་རྩོམ་སྒྲིག་པ།
དེབ་ཨང་། RNDTS190005
རིག་གནས། ༼སྒྲ་རིག་པ།༽
སྤྱིའི་ཨང་། ༣༩ དཀར་ཆག
མཚན་བྱང་། ལེགས་བཤད་ལྗོན་དབང་དང་དཀའ་གནད་གསལ་མེ་རྩ་འགྲེལ།
མཛད་པ་པོ། དབྱངས་ཅན་གྲུབ་པའི་རྡོ་རྗེ། དཀྱིལ་གྲྭ་དཀའ་ཆེན་པདྨ།
བརྗོད་བྱ། བོད་ཀྱི་བརྡའི་རྣམ་གཞག
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༧ ལོའི་ཟླ་བཅུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
དབྱངས་ཅན་གྲུབ་པའི་རྡོ་རྗེ་ནི། ཕྱི་ལོ་༡༨༠༩ལོར་གཙང་དུ་ཡབ་བཀྲ་ཤིས་ཀྱི་སྲས་སུ་སྐུ་འཁྲུངས། དགུང་ལོ་བཅུ་གཉིས་པར་དགེ་བསྙེན་དང་དགེ་ཚུལ་གྱི་སྡོམ་པ་མནོས། དགུང་ལོ་བཅུ་དགུ་པ་ནས་དངུལ་ཆུ་དྷརྨ་བྷ་དྲའི་ཞབས་ཞུ་མཛད་དེ། སྒྲ་སོགས་ཐུན་མོང་གི་རིག་གནས་དང་མདོ་སྔགས་ཀྱི་གཞུང་ལ་སྦྱངས་པ་གནང་། དགུང་ལོ་རེ་གཅིག་པར་ས་སྐྱ་སོགས་སུ་ཕེབས་ཏེ། བླ་ཆེན་མང་པོར་ཟབ་ཆོས་གང་མང་ཕུལ། དགུང་ལོ་དོན་དགུ་པ་༡༨༨༧ ལོར་སྐུ་གཤེགས། གསུང་རྩོམ་ལ་པོ་ཏི་གསུམ་བཞུགས།
དཀྱིལ་གྲྭ་དཀའ་ཆེན་པདྨའམ་ལུང་རིགས་མི་ཕམ་རྡོ་རྗེ་ནི། ཕྱི་ལོ་ ༡༩༡༤ ལོར་སྐུ་འཁྲུངས། དགུང་ལོ་བདུན་པར་དགེ་ཚུལ་གྱི་སྡོམ་པ་བཞེས། དགུང་ལོ་སོ་གཉིས་པར་བཀྲ་ཤིས་ལྷུན་པོར་དཀའ་ཆེན་གྱི་མཚན་རྟགས་བཞེས། སློབ་ཕྲུག་སྟོང་ལ་ཉེ་བར་སློབ་ཁྲིད་དང་གཞུང་ཆེན་གྱི་དཔེ་ཁྲིད་གནང་། དགུང་ལོ་ལྔ་བཅུ་པ་ཕྱི་ལོ་༡༩༦༣ལོའི་སྐུ་གཤེགས།
