ཕྱོགས་སྒྲིག་པ། རིག་མཛོད་རྩོམ་སྒྲིག་པ།
རིག་མཛོད་འཕྲུལ་དེབ་ཨང་། SJRB-0338
ཡིག་ཆའི་རྣམ་པ། PDF
ལྗིད་ཚད། 2.6MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༦ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༢ ལོའི་ཟླ་དགུ་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདིར་དད་ལྡན་དོན་གཉེར་ཅན་དག་གི་ཞལ་འདོན་སོགས་ཀྱི་ཆེད་དུ། འདི་ག་རྩོམ་སྒྲིག་པས་དཔལ་རྡོ་རྗེ་འཇིགས་བྱེད་དཔའ་བོ་གཅིག་པའི་སྒྲུབ་ཐབས་ཕྱག་ལེན་མི་འདྲ་བ་ཁ་ཤས་དང་རྩ་རྒྱུད་རྒྱུད་རྟོག་བདུན་པ། བདག་འཇུག་བསྙེན་ཡིག་དང་སྦྱིན་སྲེག་སྦྱང་ཆོག་སོགས་ཕྱོགས་བསྒྲིགས་ཀྱིས་རྩོམ་སྒྲིག་བྱས་ཡོད།

མཛད་པ་པོ། སློབ་དཔོན་མཐོ་བཙུན་གྲུབ་རྗེ་དང་སློབ་དཔོན་བདེ་བྱེད་བདག་པོ།
བརྗོད་བྱ། སྟོན་པ་བཅོམ་ལྡན་འདས་ལ་བསྟོད་པ།
རིག་མཛོད་འཕྲུལ་དེབ་ཨང་། SJRB-0106
ཡིག་ཆའི་རྣམ་པ། PDF
ལྗིད་ཚད། 435KB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༢ ལོའི་ཟླ་བརྒྱད་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདིར་རྒྱ་གར་གྱི་སློབ་དཔོན་མཐོ་བཙུན་གྲུབ་རྗེ་དང་སློབ་དཔོན་བདེ་བྱེད་བདག་པོ་གཉིས་ཀྱིས་མཛད་པའི་སངས་རྒྱས་བཅོམ་ལྡན་འདས་ལ་བསྟོད་པ་ཁྱད་པར་དུ་འཕགས་པའི་བསྟོད་པ་དང་། ལྷ་ལས་ཕུལ་དུ་བྱུང་བར་བསྟོད་པ་གཉིས་བསྡུས་ཡོད། སློབ་དཔོན་འདི་གཉིས་སྐུ་མཆེད་ཡིན་ཞིང་། ཐོག་མར་ཕྱི་རོལ་མུ་སྟེགས་པའི་ཆོས་ལ་དད་མཁན་ཡིན་ཀྱང་ཕྱིས་སུ་ནང་པའི་བསྟན་པ་དང་སྟོན་པ་ལ་དད་ནས་ནང་པར་གྱུར་ཅིང་། གཅེན་གཅུང་གཉིས་ཀས་སྟོན་པ་ཐུགས་རྗེ་ཅན་ཉིད་ཕྱི་རོལ་རིག་བྱེད་ཀྱི་གཞུང་དུ་གྲགས་པའི་ལྷ་ཆེན་པོ་སོགས་དང་མཚུངས་བསྡུར་གྱི་ལམ་ནས་སངས་རྒྱས་བཅོམ་ལྡན་འདས་ཀྱི་ཁྱད་པར་དུ་འཕགས་པའི་ཆེ་བ་བརྗོད་པའི་སྒོ་ནས་བསྟོད་པ་མཛད་པ་ཡིན། བསྟོད་པ་འདི་གཉིས་ལ་རྒྱ་གར་གྱི་སློབ་དཔོན་ཤེས་རབ་གོ་ཆས་བརྩམས་པའི་འགྲེལ་པ་ཡོད་ལ། རྩ་འགྲེལ་གཉིས་ཀ་སྡེ་དགེའི་བསྟན་འགྱུར་གྱི་པོད་[ཀ]པའི་བསྟོད་ཚོགས་ནང་དུ་བཞུགས།

མཛད་པ་པོ། གུང་ཐང་དཀོན་མཆོག་བསྟན་པའི་སྒྲོན་མེ།
བརྗོད་བྱ། མདོ་སྔགས་ཀྱི་གཞུང་ལ་སློབ་གཉེར་བྱེད་ཚུལ།
རིག་མཛོད་འཕྲུལ་དེབ་ཨང་། SJRB-0279
ཡིག་ཆའི་རྣམ་པ། PDF
དེབ་ཀྱི་ལྗིད་ཚད། 356KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་དང་པོར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། གུང་ཐང་དཀོན་མཆོག་བསྟན་པའི་སྒྲོན་མེ་མཆོག་ནི། ༡༧༦༢ལོར་མདོ་སྨད་མཛོད་དགེ་སྨད་དུ་འཁྲུངས། དགུང་ལོ་ལྔའི་སྐབས་གུང་ཐང་སྐུ་གོང་མའི་ཡང་སྲིད་དུ་ངོས་འཛིན་གནང་། དགུང་ལོ་བདུན་གྱི་སྐབས་བཀྲ་ཤིས་འཁྱིལ་དུ་གདན་དྲངས་ཏེ་ཆོས་སྒོར་ཞུགས་ཤིང་། ལོ་ལྔའི་རིང་ཡི་གེ་འབྲི་ཀློག་སོགས་སྦྱངས། དགུང་ལོ་བཅུ་བདུན་གྱི་སྐབས་དབུས་སུ་སློབ་གཉེར་ལ་བྱོན་ནས་འབྲས་སྤུངས་སྒོ་མང་གྲྭ་ཚང་དུ་ཆོས་ཞུགས་ཀྱིས་གཞུང་གསར་ནས་དབུ་ཚུགས་ཏེ། ལོ་དགུའི་རིང་གཞུང་ཆེན་སློབ་གཉེར་དང་གསན་སྦྱོང་མཛད། དགུང་ལོ་ཉེར་གཅིག་གི་སྐབས་རྒྱལ་བ་འཇམ་དཔལ་རྒྱ་མཚོ་ལས་དགེ་སློང་གི་སྡོམ་པ་ཞུས། དབུས་སུ་བཞུགས་རིང་མདོ་སྔགས་ཀྱི་ཆོས་རྒྱུན་སྔར་མ་གསན་པ་མང་པོ་ཞིག་གསན། དགུང་ལོ་ཉེར་ལྔའི་སྐབས་ལྷ་རམས་པའི་གྲྭ་སྐོར་དམ་བཅའ་མཛད། དགུང་ལོ་སོ་གཅིག་གི་སྐབས་བླ་བྲང་བཀྲ་ཤིས་འཁྱིལ་གྱི་ཚོགས་ཆེན་གྱི་ཁྲིར་ཕེབས། མདོ་སྨད་ཀྱི་ཆོས་སྡེ་མང་པོར་ཆོས་རྒྱུན་འཆད་སྤེལ་སོགས་གནང་། སློབ་མ་ལ་སྐྱེས་ཆེན་དམ་པ་མང་པོ་བྱུང་། ༡༨༢༣ ལོར་སྐུ་གཤེགས། གསུང་རྩོམ་ལ། པོད་བརྒྱད་བཞུགས།

མཛད་པ་པོ། སེར་སྔགས་བླ་ཟུར་ཤཱི་ལའི་མིང་ཅན།
བརྗོད་བྱ། སྒྲུབ་ཐབས་སོགས།
རིག་མཛོད་འཕྲུལ་དེབ་ཨང་། SJRB-0243
ཡིག་ཆའི་རྣམ་པ། PDF
ལྗིད་ཚད། 768KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་གསུམ་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ལྷའི་བུ་བློ་གྲོས་བརྟན་པ་ཞེས་བྱ་བ་ཞིག་གི་ཆེད་དུ། བརྒྱ་བྱིན་གྱིས་སྟོན་པ་བཅོམ་ལྡན་འདས་ལ་ཞུས་པ་ན། བཅོམ་ལྡན་ཀྱིས་གཙུག་ཏོར་རྣམ་པར་རྒྱལ་མའི་གཟུངས་ཕན་ཡོན་དང་བཅས་པ་བཀའ་སྩལ་བ་ཡིན་ལ། བློ་གྲོས་བརྟན་པས་ཉིན་བདུན་གྱི་བར་དུ་ཉིན་མཚན་དུས་དྲུག་ཏུ་གཟུངས་འདི་ལ་བརྩོན་པར་བྱས་པས། ངན་འགྲོ་ལས་ཡོངས་སུ་ཐར། ཚེ་ཞག་བདུན་ལས་མེད་པ་ཡང་རིང་དུ་གྱུར་པ་ཡིན་ནོ། །སྒྲུབ་ཐབས་འདི་ནི་སེར་སྔགས་བླ་ཟུར་ཤཱི་ལའི་མིང་ཅན་གྱིས་རྒྱལ་དབང་གི་གསུང་གཞིར་བཞག་སྟེ། བླ་བརྒྱུད་དང་ཤིས་བརྗོད་གསར་དུ་བསྣན་ཏེ་ཆོག་སྒྲིག་མཛད་པ་ཡིན་ལ། རྒྱུན་འཁྱེར་ཚོགས་འདོན་གྱི་ཆོ་གའང་འདི་ཉིད་ཡིན་ནོ། །

མཛད་པ་པོ། རྟ་ཚག་ཡེ་ཤེས་བློ་བཟང་།
བརྗོད་བྱ། དཔེ་སྣ་ཚོགས་དང་འབྲེལ་ཏེ་མི་རྟག་པའི་ངང་ཚུལ་སྟོན་པ།
རིག་མཛོད་འཕྲུལ་དེབ་ཨང་། SJRB-0231
ཡིག་ཆའི་རྣམ་པ། PDF
ལྗིད་ཚད། 325KB
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོའི་རྩོམ་སྒྲིག་པ།
༢༠༡༥ ལོའི་ཟླ་གདུན་པར་གསར་དུ་རྩོམ་སྒྲིག་བྱས།
༢༠༢༢ ཟླ་ ༧ ཚེས་ ༡༨ ལ་བསྐྱར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། རྟ་ཚག་ཡེ་ཤེས་བློ་བཟང་ནི། ཕྱི་ལོ་ ༡༧༦༠ ལོར་སྤོ་བོ་མལ་ཇོའི་གྲོང་དུ་སྐུ་འཁྲུངས། དགུང་ལོ་ལྔ་པར་རྗེ་དྲུང་བློ་བཟང་དཔལ་ལྡན་རྒྱལ་མཚན་གྱི་ཡང་སྲིད་དུ་ངོས་འཛིན་མཛད་དེ་གདན་ས་དཔའ་ཤོད་དགོན་དུ་གདན་དྲངས། དགུང་ལོ་བརྒྱད་པར་མཁན་ཆེན་དཔལ་ལྡན་སྙན་གྲགས་ལས་དགེ་བསྙེན་དང་། ལྕང་སྐྱ་ཡེ་ཤེས་བསྟན་པའི་སྒྲོན་མེ་ལས་དགེ་ཚུལ་གྱི་སྡོམ་པ་བཞེས། སོག་ཡུལ་དོ་ལོ་ནོར་དུ་ལོ་བཅུ་རིང་བཞུགས་ཏེ་དཔལ་ལྡན་གྲགས་པ་ཡོངས་འཛིན་དུ་བསྟེན་ནས་གཞུང་ལུགས་དག་ལ་གསན་སྦྱངས་མཛད། དགུང་ལོ་བཅོ་ལྔ་པར་ཤར་རྩེ་མཁན་པོ་བློ་བཟང་འཇམ་དཔལ་ཡོངས་འཛིན་དུ་བསྟེན་ནས་ལམ་རིམ་བཅས་ཆོས་མང་དུ་གསན། དགུང་ལོ་ཉེར་གསུམ་པར་དབུས་སུ་ཕེབས་ནས་འབྲས་སྤུངས་སྒོ་མང་གྲྭ་ཚང་དུ་ཞུགས་ཏེ་ལོ་བརྒྱད་རིང་གཞུང་བཀའ་པོད་ལྔ་ལ་ཐོས་བསམ་མཛད། སྲིད་སྐྱོང་གི་ལས་འགན་ཡང་བཞེས། ལྷ་སར་ཀུན་བདེ་གླིང་ཞེས་པའི་གདན་ས་གསར་དུ་བཏབ། རྒྱལ་བ་ལུང་རྟོགས་རྒྱ་མཚོ་ངོས་འཛིན་གནང་། ཕྱི་ལོ་ ༡༨༡༠ ལོར་སྐུ་གཤེགས། ཁོང་གི་གསུང་རྩོམ་ལ་པོད་གཉིས་བཞུགས།