སྒྲ་ཨང་།  KADLO2060463
མཁས་པ་གཞན། [ལམ་རིམ་བློ་སྦྱོང་།] སྤྱིའི་ཨང་། ༦༡༣
རྣམ་པ། MP3 རྣམ་གྲངས། 283 ཆེ་ཆུང་། 6.56 GB
ཁྲིད་གཞུང་། སྤྱོད་འཇུག་ཆེན་མོ།
མཛད་པ་པོ། རྒྱལ་སྲས་ཆེན་པོ་ཞི་བ་ལྷ།
བརྗོད་བྱ། བྱང་ཆུབ་སེམས་སྦྱོང་གི་གདམས་པ།
འཁྲིད་མཁན། སངས་རྒྱས་མཉན་པ་རིན་པོ་ཆེ།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བཅུ་པའི་ཚེས་སུམ་ཅུའི་ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
སྐྱབས༌རྗེ༌གྲུབ༌དབང༌སངས༌རྒྱས༌མཉན་པ་རིན༌པོ༌ཆེ་སྐུ་ཕྲེང་བཅུ་པ་མཆོག་ནི། སྤྱི་ལོ་ ༡༩༦༤ ལོར་འབྲུག་ཡུལ་གྱི་ས་གནས་སྤ་གྲོ་སྟག་ཚང་ཞེས་པར་ཡབ་སངས་རྒྱས་ལེགས་པ་དང་། ཡུམ་ཀརྨ་ཚེ་དབང་ཆོས་སྒྲོན་གཉིས་ཀྱི་སྲས་སུ་སྐུ་འཁྲུངས། རྒྱལ་དབང་ཀརྨ་པ་སྐུ་ཕྲེང་བཅུ་དྲུག་པ་མཆོག་གིས་མཉན་པ་རིན་པོ་ཆེ་སྐུ་གོང་མའི་ཡང་སྲིད་དུ་ངོས་འཛིན་གནང་། རྒྱལ་དབང་མཆོག་གིས་ཀརྨ་དཔལ་ལྡན་རང་བྱུང་འཕྲིན་ལས་ཀུན་ཁྱབ་བསྟན་པའི་རྒྱལ་མཚན་དཔལ་བཟང་པོ་ཞེས་མཚན་གསོལ། རུམ་བཏེག་དགོན་པར་གདན་ཞུས་ཀྱིས་དེ་གར་བཞུགས་ཁྲིར་མངའ་གསོལ་དང་གནང་ཏེ། དགུང་ལོ་ལྔ་ནས་ནང་ཆོས་སློབ་གཉེར་གྱི་དབུ་བཙུགས། རྒྱལ་དབང་ཀརྨ་པ་མཆོག་དང་། འབྲི་གུང་མཁྱེན་བརྩེ་རིན་པོ་ཆེ་སོགས་བསྟེན་ནས་དབང་བཀའ་ཕྱག་ཆེན་སོགས་ཟབ་ཆོས་མང་དུ་ཞུས་པ་དང་། དགེ་ཚུལ་གྱི་སྡོམ་པ་སོགས་ཀྱང་མནོས། རུམ་བཏེག་བཤད་སྒྲུབ་ཆོས་འཁོར་གླིང་གི་མཐོ་རིམ་བཤད་གྲྭ་ཆེན་མོ། ཀརྨ་ཤྲཱི་ནཱ་ལནྡཱ་ཆེས་མཐོའི་གཙུག་ལག་སློབ་གཉེར་ཁང་དུ་ལོ་ངོ་བཅུ་ལྷག་ལ་སློབ་གཉེར་གནང་སྟེ་ཨ་ཙ་རྱའི་མཚན་གནས་བཞེས་ཤིང་། མདོ་སྔགས་གཞུང་མན་ངག་དང་བཅས་པར་གསན་བསམ་གནང་། དེ་རྗེས་ལོ་གསུམ་ལྷག་ལ་སློབ་གཉེར་ཁང་དེར་ཁྲིད་སོགས་གནང་སྟེ་བཞུགས་པ་དང་། དེ་ནས་བལ་ཡུལ་གྱི་བན་ཆེན་གདན་སར་བཞུགས་ཏེ་བཤད་གྲྭའི་སློབ་གཉེར་བ་རྣམས་ལ་ཁྲིད་སོགས་གནང་བ་དང་། རྒྱུན་དུ་ཕྱི་ནང་གི་དོན་གཉེར་ཅན་གང་མང་ལ་ཟབ་ཆོས་མང་དུ་སྩོལ་མུར་བཞུགས་པ་ལགས་སོ། །[རྩོམ་སྒྲིག་པས་རྣམ་ཐར་དབྱིན་ཡིག་ལས་བསྒྱུར་བ་ཡིན་པས་སྐྱོན་དང་ནོར་འཁྲུལ་བྱུང་ཡོད་ཚེ་བཟོད་གསོལ་དང་ཡོ་བསྲང་བྱེད་ངེས།]

སྒྲ་ཨང་།  KADLO2060447
མཁས་པ་གཞན། [ལམ་རིམ་བློ་སྦྱོང་།] སྤྱིའི་ཨང་། ༥༧༨
རྣམ་པ། MP3 རྣམ་གྲངས། 396 ཆེ་ཆུང་། 7.02 GB
ཁྲིད་གཞུང་། སྤྱོད་འཇུག་ཆེན་མོ།
མཛད་པ་པོ། རྒྱལ་སྲས་ཆེན་པོ་ཞི་བ་ལྷ།
བརྗོད་བྱ། བྱང་ཆུབ་སེམས་སྦྱོང་གི་གདམས་པ།
འཁྲིད་མཁན། དགའ་ལྡན་རྒན་སྙན་གྲགས།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་དགུ་པའི་ཚེས་ཉེར་བདུན་ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
རྒན་བློ་བཟང་ཐར་པའམ་དགའ་ལྡན་རྒན་སྙན་གྲགས་ནི། སྤྱི་ལོ་ ༡༩༦༨ ལོར་ལྷ་ས་གྲོང་ཁྱེར་མལ་གྲོ་གུང་དཀར་དུ་འཁྲུངས། དགུང་ལོ་བཅུ་གསུམ་གྱི་སྐབས་ཆོས་སྒོར་ཞུགས། ༡༩༨༣ ལོར་༧པཎ་ཆེན་རིན་པོ་ཆེ་སྐུ་ཕྲེང་བཅུ་པ་ཆེན་པོ་མཆོག་གིས་བཙུགས་པའི་བོད་ལྗོངས་ནང་བསྟན་སློབ་ཆེན་ནམ་གནས་ཆུང་སློབ་གྲྭར་དགའ་བྱང་དགེ་བཤེས་འབྲོག་མི་རིན་པོ་ཆེ་དང་། དཔལ་ལྡན་འབྲས་སྤུངས་སུ་བླ་མ་ལམ་རིམ་པ་སོགས་ཀྱི་ཞབས་ལ་གཏུགས་ཏེ་མདོ་སྔགས་རིག་གནས་དང་བཅས་པར་གསན་གཟིགས་དང་ཐུགས་གཉེར་མཛད། ༡༩༩༢ ལོར་རྩ་བའི་བླ་མ་རྣམ་པ་གཉིས་ཀྱིས་བཀའ་མངགས་ལྟར་རྗེ་བླ་མའི་གདན་ས་འབྲོག་རི་བོ་ཆེ་དགེ་ལྡན་རྣམ་པར་རྒྱལ་བའི་གླིང་གི་དཔེ་ཁྲིད་དགེ་རྒན་དུ་ཕེབས་ཏེ་གཞུང་ཆེན་དཔེ་ཁྲིད་གནང་མུས་ཐོག །ལྷ་ས་གཙོ་བོར་གྱུར་པའི་དབུས་གཙང་གི་ས་ཕྱོགས་གང་སར་སྤྱོད་འཇུག་དང་ལམ་རིམ་བློ་སྦྱོང་སོགས་ཀྱི་ཐོག་ནས་ནང་ཆོས་ངོ་སྤྲོད་གནང་། བརྩམས་ཆོས་ལ། བློ་གླིང་འདུལ་སྡོམ་འགྲེལ་པ་ཚིག་དོན་རབ་གསལ་གཞི་སྟོད་སྨད་པོད་གཉིས། ནང་ཆོས་ངོ་སྤྲོད་དང་འབྲེལ་བའི་གླེང་མོལ་གསལ་རིག་སེམས་ཀྱི་ཞི་བདེ། གསོལ་འདེབས་དཔལ་ལྡན་ས་གསུམ་མའི་དོན་འགྲེལ། དྲང་ངེས་ལེགས་བཤད་སྙིང་པོའི་དོགས་འདྲི་རང་གི་དེ་ཁོ་ན་ཉིད་གསལ་བར་བསྟན་པའི་གཏམ། རྩ་ཤེའི་ས་བཅད་བསྡུས་དོན་སོགས་ཡོད།

སྒྲ་ཨང་།  KADLO2030413
མཁས་པ་གཞན། [ལམ་རིམ་བློ་སྦྱོང་།] སྤྱིའི་ཨང་། ༥༤༡
རྣམ་པ། MP3 རྣམ་གྲངས། 85 ཆེ་ཆུང་། 4.96 GB
ཁྲིད་གཞུང་། སྤྱོད་འཇུག་ཆེན་མོ།
མཛད་པ་པོ། རྒྱལ་སྲས་ཆེན་པོ་ཞི་བ་ལྷ།
བརྗོད་བྱ། བྱང་ཆུབ་སེམས་སྦྱོང་གི་གདམས་པ།
འཁྲིད་མཁན། དགེ་བའི་བཤེས་གཉེན་དགེ་འདུན་རྒྱ་མཚོ།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༩ ལོའི་ཟླ་བཞི་པའི་ཚེས་བཞིའི་ཉིན་སྒྲིག་སྦྱོར་བྱས།
ངོ་སྤྲོད་མདོར་བསྡུས།
བླ་བྲང་བཀྲ་ཤིས་འཁྱིལ་གྱི་དགེ་བའི་བཤེས་གཉེན་ཆེན་པོ་དགེ་འདུན་རྒྱ་མཚོ་མཆོག་ནི། ཕྱི་ལོ་༡༩༣༢ལོར་སྐུ་འཁྲུངས། དགུང་ལོ་དྲུག་གི་སྟེང་བླ་བྲང་བཀྲ་ཤིས་འཁྱིལ་དུ་ཕེབས་ནས་རྗེ་འཇིགས་མེད་འཕྲིན་ལས་རྒྱ་མཚོ་ལས་རབ་བྱུང་དང་ཚིགས་སྔ་མ་དགེ་ཚུལ་གྱི་སྡོམ་པ་བཞེས།དགེ་བའི་བཤེས་གཉེན་སངས་རྒྱས་རྒྱ་མཚོ་གནས་དང་ཀློག་གི་སློབ་དཔོན་དུ་བསྟེན།གཞན་རྗེ་འཇིགས་མེད་རྒྱ་མཚོ་སོགས་ལས་རྣམ་འགྲེལ་ནས་བཟུང་དབུ་ཕར་མཛོད་འདུལ་བཅས་པོ་ཏི་ལྔས་མཚོན་མདོ་སྔགས་རིག་གནས་ལ་གསན་བསམ་གནང་། བདེ་ཐང་མཁན་ཆེན་ཆོས་ཀྱི་ཉི་མའི་དྲུང་ནས་ལྔ་ཚོགས་ཀྱི་བསྙེན་པར་རྫོགས།༧གོང་ས་རྒྱལ་བའི་དབང་པོ་དང་།༧ པཎ་ཆེན་སྣང་བ་མཐའ་ཡས་སྐུ་ཕྲེང་དགུ་པ་དང་བཅུ་པ་སོགས་བཅུ་ཕྲག་གསུམ་ལ་ཉེ་བའི་བཤེས་གཉེན་བསྟེན་ནས་དབང་ཁྲིད་མན་ངག་སོགས་ཟབ་ཆོས་གང་མང་གསན།རྒྱལ་བསྟན་ཡང་དར་གྱི་སྐབས་སུ་གདུལ་བྱ་གང་མང་ལ་དཔེ་ཁྲིད་དང་བཤད་ལུང་དབང་རྗེས་གནང་སོགས་ཟབ་ཆོས་གནང་བཞིན་དུས་འདའ་བར་མཛད།

སྒྲ་ཨང་།  KADLO2050421
མཁས་པ་གཞན། [ལམ་རིམ་བློ་སྦྱོང་།] སྤྱིའི་ཨང་། ༥༤༩
རྣམ་པ། MP3 རྣམ་གྲངས། 41 ཆེ་ཆུང་། 1.72 GB
ཁྲིད་གཞུང་། སྤྱོད་འཇུག་ཆེན་མོ།
མཛད་པ་པོ། རྒྱལ་སྲས་ཆེན་པོ་ཞི་བ་ལྷ།
བརྗོད་བྱ། བྱང་ཆུབ་སེམས་སྦྱོང་གི་གདམས་པ།
འཁྲིད་མཁན། མཁན་པོ་རྣམ་གྲོལ་མཆོག
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༨ ལོའི་ཟླ་ ༡༡།༡༡ ལ་སྒྲིག་སྦྱོར་བྱས།
༢༠༡༩ ལོའི་ཟླ་བདུན་པའི་ཚེས་ཉེར་བདུན་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
མཁན་པོ་རྣམ་གྲོལ་མཆོག་ནི། ཕྱི་ལོ་ ༡༩༥༣ ལོར་སྡེ་དགེར་སྐུ་འཁྲུངས། དགུང་གྲངས་བདུན་པ་ ༡༩༥༩ ལོར་འཕགས་ཡུལ་དུ་ཕེབས་ཏེ་ལྷོ་ཕྱོགས་སྦེལ་ཀོབ་ས་གནས་སུ་བཞུགས། ༡༩༦༨ ལོར་ཟླ་དྲུག་རིང་སྔོན་འགྲོ་འབུམ་ལྔ་བསགས་སྦྱང་གནང་། སྨྱོ་ཤུལ་མཁན་རིན་པོ་ཆེ་དང་། མཁན་པོ་བརྩོན་འགྲུས་སོགས་ལས་སྟོང་ཐུན་སེངྒེའི་ང་རོ། རྩ་ཤེའི་མཆན་འགྲེལ། རིགས་ཚོགས་གཞན་རྣམས་དང་། ཤེར་ཕྱིན་དང་། དབུ་མ་སོགས་མདོ་ཕྱོགས་དང་། རང་གྲོལ་སྐོར་གསུམ། གསང་སྙིང་སྤྱི་དོན་མཛོད་ཀྱི་ལྡེ་མིག་སོགས་གསན། དགུང་གྲངས་ཉེར་ལྔ་པ་ ༡༩༧༧ ལོར་༧སྐྱབས་རྗེ་པད་ནོར་རིན་པོ་ཆེའི་བཀའ་དགོངས་ལྟར་མཁན་པོ་བརྩོན་འགྲུས་དང་ལྷན་རྣམ་གྲོལ་གླིང་དགོན་པར་ཕེབས། ༡༩༧༨ ལོར་མཐོ་སློབ་དབུ་བརྙེས་ནས་བཟུང་བཤད་གྲྭའི་སྒྲིག་གཞི་གཟིགས་རྟོག་དང་དཔེ་ཁྲིད་སོགས་ཀྱིས་འཛིན་སྐྱོང་གནང་། ༡༩༨༣ ལོར་༧སྐྱབས་རྗེ་པད་ནོར་རིན་པོ་ཆེས་མཁན་པོའི་མཚན་གནས་སྩལ། ༡༩༨༨ ལོར་༧མཁན་ཆེན་འཇིགས་མེད་ཕུན་ཚོགས་ལས་མདོ་སྔགས་སྤྱི་དང་། ཁྱད་པར་གསང་སྙིང་སྤྱི་དོན་འོད་གསལ་སྙིང་པོ་སོགས་དང་། ༡༩༩༢ ལོར་ཚིག་དོན་རིན་པོ་ཆེའི་མཛོད་སོགས་གསན། དེ་རྗེས་བཤད་གྲྭར་དབུ་མ་འཇུག་པ། སྤྱི་དོན་མཛོད་ཀྱི་ལྡེ་མིག་སོགས་རྒྱ་བོད་ཀྱི་གཞུང་ཆེན་རྣམས་ཀྱི་བཤད་ཁྲིད་གནང་། ༡༩༩༨ ལོར་༧སྐྱབས་རྗེ་པད་ནོར་རིན་པོ་ཆེའི་བཀའ་དགོངས་བཞིན་བལ་ཡུལ་ཡང་ལེ་ཤོད་དུ་སྒྲུབ་ཁང་བསམ་གཏན་འོད་གསལ་གླིང་རྟེན་བརྟེན་པ་བཅས་གསར་འཛུགས་ཀྱིས་དབང་ཁྲིད་སོགས་གནང་དང་གནང་སུ་བཞུགས་པ་ལགས་སོ། །

སྒྲ་ཨང་།  KADLO2070356
མཁས་པ་གཞན། [ལམ་རིམ་བློ་སྦྱོང་།] སྤྱིའི་ཨང་། ༤༨༤
རྣམ་པ། MP3 རྣམ་གྲངས། 28 ཆེ་ཆུང་། 408.4 MB
ཁྲིད་ཚན། ཞི་གནས་སྒོམ་ཚུལ།
འཁྲིད་མཁན། དགེ་བཤེས་ཟླ་བ་ཚེ་རིང་།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༨ ལོའི་ཟླ་ ༠༥།༢༦ ལ་སྒྲིག་སྦྱོར་བྱས།
༢༠༡༩ ལོའི་ཟླ་བདུན་པའི་ཚེས་ཉེར་བདུན་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
འབྲས་བློ་གླིང་དགེ་བཤེས་ཟླ་བ་ཚེ་རིང་ནི། ཕྱི་ལོ་༡༩༧༣ ལོར་བོད་དཀར་མཛེས་ཀྱི་གྲོང་གསེབ་ཅིག་ཏུ་འཁྲུངས་ཤིང་། ཆུང་དུས་ནས་རབ་ཏུ་བྱུང་། རང་ལོ་༡༥པ་ཕྱི་ལོ་༡༩༨༨ ལོར་འཕགས་ཡུལ་དུ་འབྱོར་ནས་འབྲས་སྤུངས་བློ་གསལ་གླིང་གྲྭ་ཚང་དུ་སྒྲིག་ཞུགས་ཀྱིས་དགེ་བའི་བཤེས་གཉེན་ཆེན་པོ་རྒན་དཔལ་ལྡན་གྲགས་པ་སོགས་ལ་གཏུགས་ཤིང་གཞུང་ཆེན་དཀའ་པོད་ལྔ་ལ་སློབ་གཉེར་གནང་སྟེ། དགེ་བཤེས་ལྷ་རམས་པ་ཨང་དང་པོའི་མཚན་གནས་དང་གྲྭ་སྐོར་དམ་འཇོག་མཛད། དེ་རྗེས་སྨད་རྒྱུད་གྲྭ་ཚང་དུ་ཆོས་ཐོག་འགྲིམས་ཏེ་སྔགས་ལ་སློབ་གཉེར་གནང་བ་དང་་སྔགས་རམས་པ་ཨང་གཉིས་པའི་མཚན་གནས་བཞེས། སློབ་གཉེར་གྱི་སྐབས་ནས་སློབ་གཉེར་བ་རྣམས་ལ་གཞུང་ཆེན་ཁག་གི་དཔེ་ཁྲིད་གནང་ཞིང་། ལྷག་པར་དུ་སློབ་གཉེར་མཐར་ཕྱིན་པའི་རྗེས་སུ་གྲྭ་ས་རང་དུ་སློབ་གཉེར་བ་རྣམས་ལ་དཔེ་ཁྲིད་ཆག་མེད་གནང་བཞིན་པ་དང་། བརྩམས་ཆོས་པར་སྐྲུན་བྱས་ཚར་པ་པོད་དྲུག་ཡོད།