སྒྲ་ཨང་། KADZB2040206
མཁས་པ་གཞན། [གཞུང་ཆེན།] སྤྱིའི་ཨང་། ༣༢༥
རྣམ་པ། MP3 རྣམ་གྲངས། 121 ཆེ་ཆུང་། 402 MB
ཁྲིད་ཚན། གྲུབ་མཐའི་སྐོར།
སྐད་རིགས། བོད་དབྱིན། Tb/En
འཁྲིད་མཁན། དགེ་བཤེས་ཚུལ་ཁྲིམས་ཆོས་འཕེལ།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༦ ལོའི་ཟླ་ ༠༧།༡༤ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་སུམ་ཅུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ཚུལ་ཁྲིམས་ཆོས་འཕེལ་ནི། བོད་དཀར་མཛེས་ཀྱི་འབྲོག་སྡེ་ར་སྐོར་འོག་མའི་དར་རྔ་ཚང་ཞེས་པའི་ཁྱིམ་དུ་ཕྱི་ལོ་༡༩༤༠ ལོར་སྐུ་འཁྲུངས། དགུང་ལོ་ལྔ་དྲུག་ནས་བོད་ཡིག་སྦྱངས། དགོང་ལོ་བདུན་གྱི་སྐབས་དར་དགོན་དུ་ཆོས་ཞུགས་དང་། དགུང་ལོ་བཅུ་གཅིག་གི་སྐབས་བཀྲ་ཤིས་དར་རྒྱས་དགོན་དུ་སྒྲིག་ཞུགས་ཀྱིས་སློབ་གྲྭ་སོགས་ལ་ཕེབས་ཤིང་གཞུང་མང་བློ་འཛིན་དང་རིགས་ལམ་ལ་སྦྱངས། དར་དགོན་མཁན་ཟུར་བློ་བཟང་བྱམས་པ་ལས་རབ་བྱུང་དང་དགེ་ཚུལ་གྱི་སྡོམ་པ་བླངས། ༡༩༥༧ ལོར་དབུས་ཀྱི་གདན་ས་སེར་བྱེས་མཁས་སྙན་གྲྭ་ཚང་དུ་ཆོས་ཞུགས་ཀྱིས་བསྡུས་གྲྭ་ནས་བཟུང་གཞུང་ཆེན་རྣམས་ལ་སློབ་གཉེར་གནང་།་༡༩༥༩ ལོར་འཕགས་ཡུལ་དུ་ཕེབས་ཏེ་སྦག་སར་གཞུང་ཆེན་སློབ་གཉེར་གྱི་འཕྲོ་བསྐྱངས། ༡༩༦༩ ལོར་སྦེལ་ཀོབ་གཞིས་ཁོངས་ཀྱི་སེ་ར་ཆོས་སྒར་དུ་ཕེབས། ༡༩༧༠ ལོར་༧གོང་ས་༧སྐྱབས་མགོན་ཆེན་པོ་ལས་བསྙེན་པར་རྫོགས། ཞོར་དུ་དོན་གཉེར་ཅན་རྣམས་ལ་དཔེ་ཁྲིད་ཀྱང་གནང་། ༡༩༨༩ལོར་ལྷ་རམས་གྲྭ་སྐོར་དང་དམ་བཅའ་བཞག །དེ་རྗེས་རྒྱུད་སྨད་དུ་ལོ་གཅིག་གི་ཆོས་ཐོག་འགྲིམས། དེ་ནས་རིམ་གྱིས་བྱང་ཨ་རིར་ཕེབས་ཏེ་ནང་ཆོས་ངོ་སྤྲོད་སོགས་གནང་བཞིན་བཞུགས་པ་ལགས་སོ། །

སྒྲ་ཨང་། KADZB2070169
མཁས་པ་གཞན། [གཞུང་ཆེན།] སྤྱིའི་ཨང་། ༢༨༥
རྣམ་པ། MP3 རྣམ་གྲངས། 44 ཆེ་ཆུང་། 436.1 MB
ཁྲིད་གཞུང་། རྗེ་བཙུན་པའི་གྲུབ་མཐའ།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན། [༡༤༦༩-༡༥༤༤]
བརྗོད་བྱ། གྲུབ་མཐའ་བཞིའི་གཞི་ལམ་འབྲས་གསུམ་གྱི་རྣམ་གཞག
འཁྲིད་མཁན། དགེ་བཤེས་ངག་དབང་སངས་རྒྱས།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༦ ལོའི་ཟླ་ ༠༤།༠༤ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་སུམ་ཅུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ངག་དབང་སངས་རྒྱས་ནི། ༡༩༧༠ ལོར་ལ་དྭགས་ས་ཕུད་དུ་འཁྲུངས། རང་ལོ་བཅུ་པའི་སྐབས་གཞུང་གི་སྔོན་འགྲོའི་གཞི་རིམ་སློབ་གྲྭར་འཛིན་གྲྭ་བཞི་པ་བར་དུ་སློབ་སྦྱོང་གནང་། ༡༩༧༩ ལོར་སེར་བྱེས་གྲྭ་ཚང་དུ་ཆོས་ཞུགས་གནང་བ་དང་། མཁན་རིན་པོ་ཆེ་ངག་དབང་ལེགས་ལྡན་ལས་རབ་ཏུ་བྱུང་ཏེ་ངག་དབང་སངས་རྒྱས་ཞེས་གསོལ། དགེ་བའི་བཤེས་གཉེན་དུ་མ་བསྟེན་ནས་གཞུང་ཆེན་ལ་སློབ་གཉེར་དང་། རང་ལོ་སོ་གཅིག་གི་སྐབས་ཏེ་ ༢༠༠༡ ལོར་ལྷ་རམས་པའི་དམ་འཇོག་གནང་ཞིང་། སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས། ༢༠༡༢ ལོར་གྲྭ་ཚང་གི་དགེ་བསྐོས་གནང་ཞིང་། སྐབས་དེར་གྲྭ་ཚང་གི་ཆོས་རའི་ཞལ་འདོན་གྱི་ཤེས་རབ་སྙིང་པོའི་མཇུག་ཏུ་སློབ་གཉེར་བ་རྣམས་ཀྱིས་ཆུ་ཚོད་སྐར་མ་ཁ་ཤས་ལ་སྒོམ་རྒྱག་རྒྱུའི་སྲོལ་གཏོད་པ་དང་། སློབ་གཉེར་བ་དཔེ་ཆ་བཟང་བ་རྣམས་ལ་དབུ་མ་དང་ཕར་ཕྱིན་གྱི་གཞུང་གི་དཀའ་གནད་ཀྱི་སྐོར་ལ་དཔྱད་བརྗོད་འབྲིར་བཅུག་སྟེ་ཆོས་རའི་ནང་གི་ཞིབ་ཆ་ཞེས་པའི་དཔེ་དེབ་གསུམ་ཡང་པར་སྐྲུན་གནང་། ༢༠༡༨ ལོར་དཔལ་ལྡན་སྨད་རྒྱུད་གྲྭ་ཚང་གི་དགེ་བསྐོས་གནང་བ་དང་། རྒྱུན་དུ་སློབ་གཉེར་པ་རྣམས་ལ་དཔེ་ཁྲིད་དང་། ལ་དྭགས་སོགས་དང་ཕྱིའི་ཡུལ་གྲུ་ཁག་ཏུའང་ཆོས་སྦྱིན་སྤེལ་མུས་སུ་བཞུགས་པ་ལགས་སོ། །

སྒྲ་ཨང་། KADZB3333119
མཁས་པ་གཞན། [གཞུང་ཆེན།]  སྤྱིའི་ཨང་། ༢༠༤
རྣམ་པ། MP3 རྣམ་གྲངས། 53 ཆེ་ཆུང་། 608.4 MB
ཁྲིད་གཞུང་། རྗེ་བཙུན་པའི་གྲུབ་མཐའ།
མཛད་པ་པོ། རྗེ་བཙུན་ཆོས་ཀྱི་རྒྱལ་མཚན། [༡༤༦༩-༡༥༤༤]
བརྗོད་བྱ། གྲུབ་མཐའ་བཞིའི་གཞི་ལམ་འབྲས་གསུམ་གྱི་རྣམ་གཞག
འཁྲིད་མཁན། དགེ་བཤེས་འཇམ་དཔལ་བློ་ཤེས།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ ༠༦།༠༧ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་སུམ་ཅུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་འཇམ་དཔལ་བློ་ཤེས་ནི། ༡༩༦༨ ལོར་བོད་འདན་ཡུལ་ཀ་ཕུ་བསམ་འགྲུབ་གླིང་དུ་འཁྲུངས། རང་ལོ་ཉི་ཤུའི་སྟེང་བསྙེན་རྫོགས་ཀྱི་སྡོམ་པ་བླངས་ཤིང་། སློབ་གཉེར་གྱི་ཆེད་དབུས་སུ་ཕྱིན་ནའང་རྐྱེན་དུ་མས་སྡོད་མ་ཐུབ་པར་ཕྱིར་ལོག་སྟེ། སེར་ཤུལ་དགོན་དུ་ཆོས་ཞུགས་བྱས། རང་ལོ་ཉེར་བཞིའི་སྐབས་འཕགས་ཡུལ་དུ་བརྟོལ་ཏེ་སེར་བྱེས་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར། ༢༠༠༡ ལོར་སེར་ཤུལ་ཁྲི་ཟུར་རིན་པོ་ཆེའི་ཐུགས་རེ་ལྟར་སེར་ཤུལ་དགོན་གྱི་དཔེ་ཁྲིད་དགེ་རྒན་དུ་བོད་ལ་ལོག །རང་ལོ་སོ་ལྔའི་སྐབས་སློབ་གཉེར་གྱི་འཕྲོ་བསྐྱང་ཆེད་སླར་ཡང་འཕགས་ཡུལ་དུ་བརྟོལ་ཏེ་དགེ་བཤེས་ལྷ་རམས་པའི་གྲྭ་སྐོར་དང་དམ་བཅའ་བཞག །དེ་རྗེས་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས། དེ་ནས་བོད་དུ་སེར་ཤུལ་དགོན་གྱིས་གདན་འདྲེན་བྱས་པ་ལྟར་རང་ཡུལ་དུ་ལོག་སྟེ་ཕྱི་ནང་གི་དོན་གཉེར་ཅན་མང་པོར་གཞུང་ཆེན་དཔེ་ཁྲིད་གནང་བཞིན་པ་ལགས་སོ། །

སྒྲ་ཨང་། KADZZ202028
མཁས་པ་གཞན། [གཞུང་ཆེན།] སྤྱིའི་ཨང་། ༣༥
རྣམ་པ། MP3 རྣམ་གྲངས། 25 ཆེ་ཆུང་། 289.4 MB
འཁྲིད་གཞུང་། རྟེན་འབྲེལ་བསྟོད་པ།
མཛད་པ་པོ། རྗེ་བློ་བཟང་གྲགས་པ། [༡༣༥༧-༡༤༡༩]
འཁྲིད་མཁན། མཁན་ཟུར་བློ་བཟང་ཚེ་རིང་མཆོག
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༥ ལོའི་ཟླ་ ༠༥།༢༢ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་བཅུ་གཅིག་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་མཁན་ཟུར་བློ་བཟང་ཚེ་རིང་མཆོག་ནི། ༡༩༢༣ལོར་བོད་དུ་སྐུ་འཁྲུངས། དགུང་ལོ་ལྔའི་སྟེང་ཆོས་སྒོར་ཞུགས། དགུང་ལོ་བཅུ་གཉིས་ནས་གཞུང་ཆེན་ཐུགས་གཉེར་གྱི་དབུ་བཟུང་། དགུང་ལོ་བཅུ་བདུན་སྐབས་སེར་བྱེས་གྲྭ་ཚང་དུ་ཆོས་ཞུགས་དང་གཞུང་ཆེན་གསན་གཟིགས་གནང་། གཞི་དགོན་དུ་དགེ་བསྐོས་དང་ལོ་གསུམ་ལ་དཔེ་ཁྲིད་གནང་། ༡༩༥༩ ལོར་བཙོན་ཁང་དུ་བཞུགས་དགོས་བྱུང་། ༡༩༦༩ལོར་སྐུ་སྲོག་བློས་གཏོང་གིས་བྱེས་སུ་ཕེབས་ཤིང་། ༡༩༧༣ལོར་ལྷ་རམས་ཨང་དང་པོའི་མཚན་གནས་བཞེས། ༡༩༧༨ ལོར་ཚོགས་ཆེན་དང་གྲྭ་ཚང་གི་དགེ་བསྐོས་ལོ་གཉིས་གནང་། ༡༩༨༦ ལོར་སེར་བྱེས་གྲྭ་ཚང་གི་མཁན་ཁྲིར་བཞུགས་ཏེ་ཆོས་སྲིད་གཉིས་ནས་ཡར་རྒྱས་དང་གོང་འཕེལ་བཏང་། རྒྱུན་དུ་དོན་གཉེར་ཅན་མང་པོར་དཔེ་ཁྲིད་སོགས་གནང་མུས་སུ། ༢༠༡༤ལོར་དགོངས་པ་ཆོས་དབྱིངས་སུ་ཐིམ་ཚུལ་མཛད།

སྒྲ་ཨང་། KADZZ206079
མཁས་པ་གཞན། [གཞུང་ཆེན།] སྤྱིའི་ཨང་། ༡༦༣
རྣམ་པ། MP3 རྣམ་གྲངས། 4 ཆེ་ཆུང་། 249.6 MB
ཁྲིད་གཞུང་། རྟེན་འབྲེལ་བསྟོད་པ་ལེགས་བཤད་སྙིང་པོ།
མཛད་པ་པོ། རྗེ་བློ་བཟང་གྲགས་པ། [༡༣༥༧-༡༤༡༩]
བརྗོད་བྱ། སྟོན་པར་རྟེན་འབྲེལ་གསུངས་པའི་སྒོ་ནས་བསྟོད་པ།
འཁྲིད་མཁན། དགེ་བཤེས་བློ་བཟང་ཆོས་འཕེལ།
སྒྲ་སྒྲིག་བཟོ་བ། ཐུབ་བསྟན་ཚེ་རིང་།
འགྲེམས་སྤེལ་སྒྲིག་སྦྱོར། སེར་བྱེས་རིག་མཛོད་ཆེན་མོ།
༢༠༡༦ ལོའི་ཟླ་ ༠༤།༠༢ ལ་གསར་སྒྲིག་བྱས།
༢༠༡༩ ལོའི་ཟླ་བརྒྱད་པའི་ཚེས་སུམ་ཅུ་ལ་བསྐྱར་སྒྲིག་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་བློ་བཟང་ཆོས་འཕེལ་ནི། ༡༩༦༣ ལོར་ལྷོ་ཁ་ཁུལ་དུ་སྐུ་འཁྲུངས། ཆུང་དུས་དམངས་བཙུགས་སློབ་གྲྭ་འགྲིམས་ཏེ་བོད་ཡིག་འབྲི་ཀློག་སོགས་ལ་སྦྱངས། ༡༩༨༢ ལོར་དགའ་ལྡན་དུ་ཆོས་སྒོར་ཞུགས། ༨༣ ལོར་འཕགས་ཡུལ་དུ་ཕེབས་ཏེ། སེར་བྱེས་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ལ་སློབ་གཉེར་གནང་། ༨༥ ལོར་༧ གོང་ས་མཆོག་ལས་བསྙེན་རྫོགས་ཀྱི་སྡོམ་པ་མནོས། སློབ་གཉེར་གྱི་སྐབས་ཏེ་ཆོས་ར་འགྲིམ་བཞིན་པའི་སྐབས་ནས་སློབ་གཉེར་པ་རྣམས་ལ་ཉིན་རེར་འཛིན་གྲྭ་ལྔ་དྲུག་རེར་དཔེ་ཁྲིད་ཆད་མེད་གནང་། ༢༠༠༡ ལོར་དགེ་བཤེས་ལྷ་རམས་པའི་དམ་འཇོག་དང་། ལྷ་རམས་ཨང་དང་པོའི་མཚན་རྟགས་བཞེས། དགེ་བཤེས་ཐོན་པ་དང་དཔལ་ལྡན་སྨད་རྒྱུད་གྲྭ་ཚང་དུ་ལོ་གཅིག་གི་ཆོས་ཐོག་འགྲིམས། རྒྱུན་དུ་སློབ་གཉེར་པ་བརྒྱ་ཕྲག་མང་པོར་དཔེ་ཁྲིད་དང་། ༢༠༠༥ ལོར་ཨ་ཏི་ཤ་ཆོས་ཚོགས་ནས་གདན་ཞུས་ལྟར་ཐེ་ཝན་དུ་ཕེབས་ཏེ། ཤཱཀྱའི་འོད་སྣང་སློབ་གྲྭའི་དགེ་རྒན་སོགས་གནང་བཞིན། ཕྱི་ནང་གི་དོན་གཉེར་ཅན་མང་པོར་གཞུང་ཆེན་དཔེ་ཁྲིད་གནང་བཞིན་བཞུགས་པ་དང་། ༢༠༡༨ ལོར་དཔལ་ལྡན་སྨད་རྒྱུད་གྲྭ་ཚང་གི་དགེ་བསྐོས་གནང་།