རྩ་བ་མཛད་པ་པོ། རྗེ་ཙོང་ཁ་པ།
མཆན་འདེབས་པ་པོ། བ་སོ་ལྷ་དབང་ཆོས་ཀྱི་རྒྱལ་མཚན་སོགས།
བརྗོད་བྱ། སྐྱེས་བུ་གསུམ་གྱི་ལམ་རིམ་ལས་ཞི་ལྷག་ཡན།
རིག་མཛོད་འཕྲུལ་དེབ་ཨང་། SJRB-0259
རྣམ་པ། PDF ཤོག་གྲངས། 793 ལྗིད་ཚད། 5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་རབ་འདི་ནི་རྗེ་ཙོང་ཁ་པས་མཛད་པའི་བྱང་ཆུབ་ལམ་གྱི་རིམ་པ་ལ་བ་སོ་ལྷ་དབང་ཆོས་ཀྱི་རྒྱལ་མཚན་(༡༥༣༧-༡༦༠༥)གྱིས་མཛད་པའི་ལམ་རིམ་གྱི་མཆན་དང་། གུང་རུ་ཆོས་ཀྱི་འབྱུང་གནས་ཀྱི་གསུང་རྒྱུན་ལམ་རིམ་གྱི་མཆན། ཀུན་མཁྱེན་འཇམ་དབྱངས་བཞད་(༡༦༤༨-༡༧༢༡)པས་མཛད་པའི་ལམ་རིམ་གྱི་མཆན། པྲ་སྟི་དགེ་བཤེས་རིན་ཆེན་དོན་གྲུབ་(༡༦༧༡-༡༧༣༧)ཀྱིས་མཛད་པའི་ལྷག་མཐོང་ཆེན་མོའི་མཆན་བཅས་མཆན་བཞི་མཉམ་སྦྲགས་ཀྱིས་གྲུབ་པ་ཞིག་ཡིན། པོད་འདིའི་པར་གཞི་ཐོག་མ་ནི་ཕྱི་ལོ་༡༨༠༢ལོར་ཚེ་མཆོག་གླིང་དུ་གསར་བསྐྲུན་བྱས་པ་དང་། རྗེས་སུ་པར་གཞི་དེར་ཞུས་དག་གནང་སྟེ་ཕྱི་ལོ་༡༨༤༢ལོར་པར་གཞི་གཉིས་པ་དང་། སླར་ཡང་ཕྱི་ལོ་༡༩༤༦ལོར་ཞོལ་པར་ཁང་ཆེན་མོར་པར་གཞི་གཉིས་པ་གཞིར་བཞག་གིས་པར་གཞི་གསུམ་པ་གསར་དུ་བསྐྲུན། ཡང་ཕྱི་ལོ་༡༩༧༢ལོར་ལྡི་ལི་གསར་པར་པར་གཞི་གསུམ་པ་གཞིར་བཞག་གིས་འཕྲུལ་པར་དུ་བཏབ་ཅིང་། འདིར་པར་གཞི་གསུམ་པ་ལྟར་གྱི་འཕྲུལ་དེབ་གཞིར་བཟུང་ཞིང་དེའི་རྗེས་སུ་བཙན་བྱོལ་ཁྲོད་བྱུང་བའི་པར་གཞི་གསར་པ་འགའ་ལའང་བསྡུར་ནས་འཕྲུལ་དེབ་ཏུ་གསར་བཟོ་བྱས་པ་ཡིན།

རྩ་བ་མཛད་པ་པོ། རྗེ་ཙོང་ཁ་པ།
མཆན་འདེབས་པ་པོ། བ་སོ་ལྷ་དབང་ཆོས་ཀྱི་རྒྱལ་མཚན་སོགས།
བརྗོད་བྱ། སྐྱེས་བུ་གསུམ་གྱི་ལམ་རིམ་ལས་ཞི་ལྷག་གཉིས།
རིག་མཛོད་འཕྲུལ་དེབ་ཨང་། SJRB-0260
རྣམ་པ། PDF ཤོག་གྲངས། 757 ལྗིད་ཚད། 5MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༣ ཟླ་བཞི་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གསུང་རབ་འདི་ནི་རྗེ་ཙོང་ཁ་པས་མཛད་པའི་བྱང་ཆུབ་ལམ་གྱི་རིམ་པ་ལ་བ་སོ་ལྷ་དབང་ཆོས་ཀྱི་རྒྱལ་མཚན་(༡༥༣༧-༡༦༠༥)གྱིས་མཛད་པའི་ལམ་རིམ་གྱི་མཆན་དང་། གུང་རུ་ཆོས་ཀྱི་འབྱུང་གནས་ཀྱི་གསུང་རྒྱུན་ལམ་རིམ་གྱི་མཆན། ཀུན་མཁྱེན་འཇམ་དབྱངས་བཞད་(༡༦༤༨-༡༧༢༡)པས་མཛད་པའི་ལམ་རིམ་གྱི་མཆན། པྲ་སྟི་དགེ་བཤེས་རིན་ཆེན་དོན་གྲུབ་(༡༦༧༡-༡༧༣༧)ཀྱིས་མཛད་པའི་ལྷག་མཐོང་ཆེན་མོའི་མཆན་བཅས་མཆན་བཞི་མཉམ་སྦྲགས་ཀྱིས་གྲུབ་པ་ཞིག་ཡིན། པོད་འདིའི་པར་གཞི་ཐོག་མ་ནི་ཕྱི་ལོ་༡༨༠༢ལོར་ཚེ་མཆོག་གླིང་དུ་གསར་བསྐྲུན་བྱས་པ་དང་། རྗེས་སུ་པར་གཞི་དེར་ཞུས་དག་གནང་སྟེ་ཕྱི་ལོ་༡༨༤༢ལོར་པར་གཞི་གཉིས་པ་དང་། སླར་ཡང་ཕྱི་ལོ་༡༩༤༦ལོར་ཞོལ་པར་ཁང་ཆེན་མོར་པར་གཞི་གཉིས་པ་གཞིར་བཞག་གིས་པར་གཞི་གསུམ་པ་གསར་དུ་བསྐྲུན། ཡང་ཕྱི་ལོ་༡༩༧༢ལོར་ལྡི་ལི་གསར་པར་པར་གཞི་གསུམ་པ་གཞིར་བཞག་གིས་འཕྲུལ་པར་དུ་བཏབ་ཅིང་། འདིར་པར་གཞི་གསུམ་པ་ལྟར་གྱི་འཕྲུལ་དེབ་གཞིར་བཟུང་ཞིང་དེའི་རྗེས་སུ་བཙན་བྱོལ་ཁྲོད་བྱུང་བའི་པར་གཞི་གསར་པ་འགའ་ལའང་བསྡུར་ནས་འཕྲུལ་དེབ་ཏུ་གསར་བཟོ་བྱས་པ་ཡིན།

མཛད་པ་པོ། ཀ་མ་ལ་ཤཱི་ལ།
བརྗོད་བྱ། བློ་སྦྱོང་བའི་རིམ་པ།
རིག་མཛོད་འཕྲུལ་དེབ་ཨང་། SJRB-0108
ཡིག་ཆའི་རྣམ་པ། PDF
ཤོག་གྲངས། 138 ལྗིད་ཚད། 999KB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༡༦ ལོའི་ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
༢༠༢༣ ཟླ་ ༡ ཚེས་ ༢༨ ལ་བསྐྱར་དུ་རྩོམ་སྒྲིག་བྱས།

ངོ་སྤྲོད་མདོར་བསྡུས།

སློབ་དཔོན་ཀ་མ་ལ་ཤཱི་ལ་ནི། མཁན་ཆེན་ཞི་བ་འཚོའི་དངོས་སློབ་ཡིན་ཞིང་། རྣལ་འབྱོར་སྤྱོད་པའི་དབུ་མ་རང་རྒྱུད་པའི་རང་ལུགས་འཛིན་པའི་རྒྱ་གར་གྱི་པཎྜི་ཏ་ཆེན་པོ་ཞིག་ཡིན། རྒྱལ་པོ་ཁྲི་སྲོང་ལྡེ་བཙན་གྱིས་མཁན་ཆེན་ཞི་བ་འཚོ་སྐུ་གཤེགས་ཁའི་ཞལ་ཆེམས་ལྟར། བལ་ཡུལ་ནས་བསམ་ཡས་སུ་གདན་དྲངས། སློབ་དཔོན་གྱིས་ཧཱ་ཤང་མ་ཧཱ་ཡ་ན་དང་རྩོད་པ་མཛད་དེ་ཧཱ་ཤང་ཕམ་པར་བྱས་ཤིང་བོད་ནས་ཕར་བསྐྲད། བཙན་པོ་ཁྲི་སྲོང་ལྡེ་བཙན་གྱིས་བསྐུལ་བ་ལྟར། བསྒོམ་རིམ་དང་པོ་དང་། བར་པ། ཐ་མ་བཅས་ཆེད་དུ་རྩོམ་པར་མཛད། སླར་ཡང་སྒོམ་རིམ་གསུམ་གྱི་དོན་འགྲེལ་དུ་དབུ་མ་སྣང་བ་བརྩམས། གཞན་ཁོང་གིས་མཛད་པའི་ཤེར་ཕྱིན་བདུན་བརྒྱ་པའི་རྒྱ་ཆེར་བཤད་པ་སོགས་ཡོད། འཁྲུངས་འདས་ཀྱི་ལོ་ཚིགས་སོགས་གསལ་པོ་ཞིག་ལོ་རྒྱུས་རྣམས་སུ་མཐོང་མ་སོང་ལ། གཤེགས་རྐྱེན་ལའང་མི་མཐུན་པ་ཁ་ཤས་ཤིག་འབྱུང་བ་ནི་འདིར་མ་བཀོད་དོ། །

མཛད་པ་པོ། ཚེ་ཏན་ཞབས་དྲུང་།
བརྗོད་བྱ། བྱ་ཁྱུང་གི་གདན་རབས་དང་དཀར་ཆག 
རིག་མཛོད་འཕྲུལ་དེབ་ཨང་། SJRB-0299
ཡིག་ཆའི་རྣམ་པ། PDF
ཤོག་གྲངས། 223 ལྗིད་ཚད། 3.1MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༡༨ ལོའི་ཟླ་གཉིས་པར་གསར་དུ་རྩོམ་སྒྲིག་བྱས།
༢༠༢༢ ལོའི་ཟླ་བཅུ་གཉིས་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདི་ནི་དུས་རབས་ཉི་ཤུ་པའི་ནང་རིག་གནས་གསར་བརྗེ་ཆེན་པོའི་གོད་ཆག་གིས་བོད་ཀྱི་སྣོད་བཅུད་གཉིས་ཆར་ཐེག་དཀའ་བའི་གཏོར་བཅོམ་བཏང་བའི་སྔ་གཞུག་ཏུ་བོད་ཀྱི་རིག་གནས་འཛིན་སྐྱོང་དང་སླར་གསོའི་བྱ་གཞག་ལ་སྐུ་དྲིན་ཤིན་ཏུ་ཆེ་བའི་མཁས་པ་ཨ་ལགས་ཚེ་ཏན་ཞབས་དྲུང་རིན་པོ་ཆེས་མཛད་པ་ཡིན་ཞིང་། དེབ་འདིར་དཔལ་མཉམ་མེད་རི་བོ་དགེ་ལྡན་པའི་བསྟན་པའི་འབྱུང་ཁུངས་དཔལ་ལྡན་བྱ་ཁྱུང་ཐེག་ཆེན་ཡོན་ཏན་དར་རྒྱས་གླིང་ཇི་ལྟར་ཕྱག་འདེབས་མཛད་པ་དང་། གདན་རབས་རིམ་བྱོན་གྱིས་མཛད་པ་བསྐྱངས་པའི་སྐོར་དང་། སྐུ་གསུང་ཐུགས་རྟེན་གྱི་དཀར་ཆག་སོགས་ངོ་སྤྲོད་མཛད་ཡོད།

མཛད་པ་པོ། རོང་ཐ་བློ་བཟང་དམ་ཆོས་རྒྱ་མཚོ།
བརྗོད་བྱ། དཀྱིལ་འཁོར་གྱི་ཐིག་སོགས།
རིག་མཛོད་འཕྲུལ་དེབ་ཨང་། SJRB-0407
ཡིག་ཆའི་རྣམ་པ། PDF
ཤོག་གྲངས། 178 ལྗིད་ཚད། 1.3MB
བསྐྱར་སྒྲིག་པ། རིག་མཛོད་ཆེན་མོའི་རྩོམ་སྒྲིག་པ།
༢༠༢༢ ཟླ་བཅུ་གཅིག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
རོང་ཐ་བློ་བཟང་དམ་ཆོས་རྒྱ་མཚོ་མཆོག་ནི། བོད་ཤར་ཕྱོགས་མདོ་ཁམས་སྒ་ལུང་དུ་རབ་བྱུང་བཅུ་བཞི་པ་ཤིང་གླང་༡༨༦༥ལོར་སྐུ་འཁྲུངས། སྐུ་ན་ཆུང་དུས་རྗེ་དམ་ཚིག་རྡོ་རྗེའི་ཡང་སྤྲུལ་དུ་ངོས་འཛིན་མཛད་ནས། དགུང་ལོ་དགུ་ཙམ་ལ་ཕེབས་སྐབས་ལྡན་མ་སྒ་རྭ་ཉག་ཕུན་ཚོགས་གླིང་དགོན་དུ་ཆོས་ཞུགས་མཛད་ནས་བཞུགས་ཁྲི་ལ་མངའ་གསོལ། རོང་ཐ་སྐྱབས་མགོན་ཆོས་འབྱོར་ལྷུན་གྲུབ་དང་རྗེ་བཙུན་ཕུར་ལྕོག་པ་སོགས་ཡོངས་འཛིན་དུ་གཙུག་ཏུ་བཀུར་ནས་གཞུང་ཆེན་ལ་ཐོས་བསམ་མཐར་ཕྱིན་པ་གནང་། གསུང་རྩོམ་པོད་བཞི་བཞུགས་པའི་ཁྲོད་ན་མདོ་སྔགས་ཀྱི་ཆོས་དང་ཐུན་མོང་བ་སྐར་རྩིས་ཐིག་རྩ་སྒྲ་རིག་པ་བཅས་ཆ་ཚང་བའི་སྐོར་བཞུགས། རྗེ་ཕ་བོང་ཁ་པ་དང་འབུལ་སྡུད་སྤྲུལ་སྐུ་སོགས་ལ་ཐུན་མོང་བ་སྐར་རྩིས་སྐོར་སློབ་ཁྲིད་གནང་། དགུང་ལོ་ཞེ་བདུན་སྐབས་འཇིགས་བྱེད་དབང་ཆོག་བརྩམས། དེ་རྗེས་ཀྱི་ལོ་རྒྱུས་རྙེད་སོན་མ་བྱུང༌།