-
མདུན་ངོས།
-
འཕྲིན་གསར།
-
འཚམས་འདྲི་སོགས།
- ལོ་གསར་གྱི་ཤིས་ཚིག
ལོ་གསར་གྱི་ཤིས་ཚིག
དྲ་འཇུག་པ། རིག་མཛོད་རྩོམ་སྒྲིག་པ།
ལོ་གསར་གྱི་ཤིས་ཚིག
བཀྲ་ཤིས་གང་ཞིག་ཁ་བའི་ཡུལ་དུ་རང་དབང་ཉི་མ་མྱུར་དུ་འཆར་ཞིང་སྡེ་བཞིའི་དཔལ་ཡོན་དར་བར་ཤོག །
བཀྲ་ཤིས་གང་ཞིག་འགྲོ་བའི་བདེ་དགའ་དབྱར་གྱི་མཚོ་མོའི་དཔལ་ལ་བསྙེགས་ཤིང་ལུས་སེམས་སྐྱིད་པས་བརྟས་པར་ཤོག །
བཀྲ་ཤིས་གང་ཞིག་དམ་པའི་སྐུ་ཚེ་རྡོ་རྗེའི་ཁམས་སུ་ལེགས་པར་བརྟན་ཅིང་མཛད་བཟང་ཀུན་ལ་ཁྱབ་པར་ཤོག །
བཀྲ་ཤིས་གང་ཞིག་ཡངས་པའི་འཇིག་རྟེན་ཞི་བདེ་དཔལ་གྱིས་ཀུན་ནས་བསྐྱོར་ཞིང་འཚེ་མེད་གཡང་གིས་བསྐྱང་བར་ཤོག །
ཅེས་བོད་རྒྱལ་ལོ་ ༢༡༤༥ རབ་གནས་ས་ཁྱི་ལོའི་གནམ་ལོ་གསར་ཚེས་ལ་ཤ་རུས་གདུང་རྒྱུད་གཅིག་པའི་རང་རིགས་སྤུན་ཟླ་རྣམས་གཙོ་བྱས་པའི་དུས་དང་རྣམ་པ་ཀུན་ཏུ་འདི་ག་རྩོམ་སྒྲིག་ཁང་ལ་རྒྱབ་སྐྱོར་དང་ཐུགས་ཁུར་གནང་མཁན་ཡོངས་ལ་བཀྲ་ཤིས་བདེ་ལེགས་གྲངས་མེད་ཞུ་བ་དང་ཆབས་ཅིག་ལོ་གསར་པའི་ནང་ལ་ཁྱེད་རྣམས་ཀྱི་སྐུ་ལུས་བདེ་ཞིང་བསམ་དོན་ལྷུན་གྱིས་འགྲུབ་པའི་སྨོན་འདུན་ཕུལ་བ་ཡིན།
སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་ནས། ༢༠༡༨།༠༢།༠༢ ལ།
རིག་མཛོད་རྩོམ་སྒྲིག་པ།
དུས་རབས་ཉེར་གཅིག་པ་བརྡ་འཕྲིན་གྱི་དུས་རབས་འདིར་འོད་རླབས་ཀྱི་འགྲོས་དང་འགྲོགས་ཏེ། ཚན་རྩལ་གྱི་ཤེས་རིག་རབ་ཏུ་དར་བས། མི་རྣམས་ཀྱིས་རང་རིགས་ཀྱི་རིག་གཞུང་དང་ཤེས་རིག་དག་ཀྱང་བརྡ་འཕྲིན་གྱི་ལམ་དུ་སྐྱེལ་ཏེ་སྲུང་སྐྱོབ་དང་། འཕེལ་རྒྱས། དར་སྤེལ་ལ་རེམ་བཞིན་པའི་སྐབས་འདིར། རང་རེའི་གངས་ཅན་པའི་ཆོས་དང་རིག་གཞུང་དག །ཟླུམ་གཟུགས་ཀྱི་གོ་ལ་འདིར་ཡུན་རིང་གནས་པ་དང་། འཕྲིན་ལས་ཀྱི་འཇུག་པ་རླབས་རྡུལ་གྱི་འགྲོས་དང་མཉམ་པ་ཡོང་སླད། འདི་ག་སེར་བྱེས་གྲྭ་ཚང་ནས་ཀྱང་འཕྲུལ་དེབ་དང་། སློབ་ཁྲིད་སྐོར་གྱི་སྒྲ་མཛོད། བརྙན་མཛོད་བཅས་ལས་གྲུབ་པའི་རིག་མཛོད་ཀྱི་དྲ་ཚིགས་འདི་སྒོ་འབྱེད་བྱས་པ་ལགས་ན། གངས་ཅན་པའི་ཆོས་དང་རིག་གཞུང་ལ་མོས་པའི་རིས་མེད་སྐྱེ་བོ་རྣམས་ཀྱིས་ཐུགས་འདོད་ལྟར་ལོངས་སྤྱོད་རྒྱུ་དང་། བསམ་ཚུལ་སོགས་གང་ཡོད་འཛེམ་མེད་དུ་གནང་བ་དང་། གསུང་རབ་ཀྱི་གླེགས་བམ་དག་གཙོ་བྱས་པའི་འཕྲུལ་དེབ་གང་མང་རིན་མེད་དུ་འགྲེམས་སྤེལ་བྱེད་ཀྱིན་ཡོད་པ་དག་སྟབས་བདེའི་རང་བཞིན་ཅན་གྱི་གློག་ཀླད་དང་ལག་ཐོག་ཁ་པར་ཆེ་ཆུང་(Laptop, iPad, iPod iPhone & Android) གང་ཡིན་ཐོག་ཏུ་རང་རང་གི་ཐུགས་འདོད་ལྟར་ཕབ་ལེན་དང་གསན་གཟིགས་གནང་རོགས།
དྲ་ཚིགས།: www.serajeyrigzodchenmo.org ཡིག་འབྲེལ་དྲ་བྱང་། serajeyrigzodchenmo@gmail.com
