འཕྲིན་གསར།

འཕྲིན་གསར། (66)

དྲ་ཐོག་འཇུག་དུས། 2017 ལོའི་ཟླ་བ། Oct ཚེས། 26 རེས་གཟའ། Thu

ལོ་འཁོར་རྩོད་རྒྱུགས་དབུ་འཛུགས་བྱས།

དྲ་འཇུག་པ།

སེར་བྱེས་གྲྭ་ཚང་གི་སློབ་གཉེར་བའི་ལོ་འཁོར་རྒྱུགས་སྤྲོད་རྣམས་ཀྱི་ཡ་གྱལ་རྩོད་རྒྱུགས་དངོས་སུ་དབུ་འཛུགས་བྱས་སོང་།
  ཁ་སང་སྟེ་ཕྱི་ལོ་༢༠༡༧ལོའི་ཟླ་༡༠ཚེས་༢༥ནས་ཉིན་རེར་སྔ་དྲོའི་ཆུ་ཚོད་བདུན་པ་ནས་བཅུ་གཅིག་གི་བར་དང་དགོང་དྲོའི་ཆུ་ཚོད་དྲུག་པ་ནས་དགུ་པའི་བར་ཏེ་ཚོགས་ཐུན་གཉིས་རེ་བྱས་ཏེ་སེར་བྱེས་སློབ་གཉེར་ཁང་ངམ་རྒྱུགས་ཞིབ་ལྷན་ཚོགས་ཀྱིས་བཀོད་སྒྲིག་དང་སྟངས་འཛིན་གྱི་འོག་ཏུ་སེར་བྱེས་ནང་བསྟན་གཙུག་ལག་སློབ་གཉེར་ཁང་གི་སློབ་གཉེར་བའི་ལོ་འཁོར་རྒྱུགས་སྤྲོད་རྣམས་ཀྱི་ཡ་གྱལ་རྩོད་རྒྱུགས་ཆེན་མོ་དངོས་སུ་དབུ་འཛུགས་བྱས། དེ་ཡང་རྒྱུགས་སྤྲོད་དུ་ཕེབས་མི་དགོས་པའི་དམིགས་བསལ་ཅན་གྲྭ་ཚང་གི་ལས་བྱེད་ཀྱི་གྲས་སུ་ཡོད་པ་རྣམས་ཕུད་སློབ་གཉེར་བ་ཚང་མ་སྡེ་ཚན་དགུ་རུ་བགོས་ཏེ་སྡེ་ཚན་སོ་སོར་རྒྱུགས་ཞིབ་པ་ལྷ་རམས་པ་ལྔ་རེས་རྒྱུགས་བཞེས་གནང་བཞིན་ཡོད་ལ། གྲྭ་ཚང་གི་སྐྱབས་རྗེ་མཁན་རིན་པོ་ཆེས་ཀྱང་གཟིགས་ཞིབ་ཏུ་ཕེབས་ཀྱིན་ཡོད་པ་དང་། ཁྲིམས་བདག་དགེ་བསྐོས་མཆོག་དང་དབུ་མཛད་ཆེན་མོ། སློབ་གཉེར་དོ་དམ་ཁང་གི་ལྷ་རམས་དགེ་བཤེས་ལྔ་བཅས་ཀྱིས་གཟིགས་རྟོག་གི་འོག་ཏུ་རྒྱུགས་བཞེས་གནང་བཞིན་ཡོད། གཞུང་གསར་འཛིན་གྲྭ་ནས་བཟུང་སྟེ་རྩོད་རྒྱུགས་ཀྱི་བརྗོད་གཞི་གསང་བའི་ཤོག་དྲིལ་ལས་བླངས་ཏེ་གང་ཁེལ་བ་དེ་ནས་རྟགས་གསལ་གཏོང་དགོས་ལ། གྲྭ་ཚང་གི་སློབ་གྲྭའི་འཛིན་གྲྭ་དྲུག་པ་ཡན་གྱི་སློབ་ཕྲུག་རྣམས་ཀྱང་བསྡུས་གྲྭ་འཛིན་གྲྭའི་སློབ་གཉེར་བ་མཉམ་དུ་རྩོད་རྒྱུགས་ལེན་གྱིན་ཡོད།

སློབ་ཚན་སོགས་སྦྲེལ་སྣེ་འདིར་ཡོད།

སེར་བྱེས་རིག་མཛོད་ཆེན་མོའི་རྩོམ་སྒྲིག་པས། ༢༠༡༧།༡༠།༢༦ ལ།

དྲ་ཚིགས་ཀྱི་ཡིག་ཆ་དག་འདི་ག་རྩོམ་སྒྲིག་ཁང་ལ་དབང་བས་བརྒྱུད་འགོད་བྱ་དགོས་ཚེ་རྩོམ་ཁུངས་ཁ་གསལ་འགོད་དགོས།

 

ངོ་ཤོག 9 ནས་ 22