མཛད་པ་པོ། རྒྱལ་དབང་ལྔ་པ་སོགས།
བརྗོད་བྱ། ཞལ་འདོན།
རིག་མཛོད་འཕྲུལ་དེབ་ཨང་། SJRB-0331
ཡིག་ཆའི་རྣམ་པ། PDF
ཤོག་གྲངས། 475 ལྗིད་ཚད། 3MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༡༥ ལ་གསར་དུ་བསྒྲིགས།
༢༠༢༦ ཟླ་བརྒྱད་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས།
མ་ཧཱ་གུ་རུའི་འབུམ་ཚོགས་སུ་གསུང་རྒྱུའི་ཞལ་འདོན་གྱི་ཕྱག་དེབ་འདི་ནི་ཕྱི་ལོ་༢༠༡༥ལོར་ཨ་རིའི་སེར་བྱེས་གྲྭ་ཚང་གི་ཆོས་ཚོགས་སུ། འཛམ་གླིང་སྤྱིར་ནད་མུག་འཁྲུག་རྩོད་སོགས་རང་སར་ཞི་བ་དང་། ༸གོང་ས་མཆོག་གཙོ་བྱས་པའི་རིས་མེད་ཀྱི་སྐྱེས་ཆེན་དམ་པ་རྣམས་སྐུ་ཚེ་བརྟན་པ་དང་། མཛད་འཕྲིན་རྒྱས་པ། མཐའ་ཡས་པའི་མ་རྒན་སེམས་ཅན་སྐྱེ་འགྲོ་ཡོངས་ཀྱིས་ཞི་བདེའི་དཔལ་ལ་ལོངས་སྤྱོད་ཐུབ་པ་དང་། བོད་ཁ་པ་གངས་ཅན་པ་སོགས་གཞན་གྱིས་བཙན་གནོན་ཡ་ང་བ་ལས་གྲོལ་ཏེ་རང་དབང་བདེ་སྐྱིད་ཀྱིས་འཚོ་ཐུབ་པ་བཅས་ལ་དམིགས་ཏེ། ཉིན་ཤས་ལ་གུ་རུའི་འབུམ་ཚོགས་འཚོག་གཏན་འཁེལ་བའི་ཞལ་འདོན་གྱི་ཆེད་དུ་གྲྭ་ཚང་རིན་པོ་ཆེ་ནས་བཀའ་གནང་བ་ལྟར། སྐབས་ཐོག་དེའི་སེར་བྱེས་རིག་མཛོད་ཆེན་མོའི་རྩོམ་སྒྲིག་སྡེ་ཚན་ནས་ཞུ་སྒྲིག་དང་དེབ་གཟུགས་སུ་སྒྲིག་སྦྱོར་བྱས་པ་ཡིན་ལ། ༢༠༢༦ལོར་སྔར་གྱི་མ་ཕྱིར་ལེགས་བཅོས་ཅུང་ཟད་བྱས་ནས་བསྐྱར་སྒྲིག་བྱས་པ་ཡིན།

མཛད་པ་པོ། ཞང་སྟོན་བསྟན་པ་རྒྱ་མཚོ།
བརྗོད་བྱ། བྱང་ཆུབ་ལམ་གྱི་རིམ་པའི་གདམས་པ།
རིག་མཛོད་འཕྲུལ་དེབ་ཨང་། SJRB-0503
མ་ཕྱི། འབྲས་སྤུངས་སྒོ་མང་གི་དཔེ་དང་མཐུན་པར་བསྒྲིགས།
ཡིག་ཆའི་རྣམ་པ། PDF
ཤོག་གྲངས། 89 ལྗིད་ཚད། 1.1MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་དགུ་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
ཞང་སྟོན་བསྟན་པ་རྒྱ་མཚོ་ནི། མདོ་སྨད་དུ་ཡབ་སྙིང་དཀར་འབུམ་དང་ཡུམ་ཨ་རིག་བཟའ་ཚེ་རིང་སྒྲོལ་མ་གཉིས་ཀྱི་སྲས་སུ་ཕྱི་ལོ ༡༨༢༥ ལོར་སྐུ་འཁྲུངས། དགུང་ལོ་ལྔ་ཙམ་ནས་ཡི་གེ་འབྲི་ཀློག་བསླབས། དགུང་ལོ་བཅུ་གཅིག་པར་གདན་ས་ཆེན་པོ་བཀྲ་ཤིས་འཁྱིལ་དུ་ཕེབས། དགུང་ལོ་བཅུ་གསུམ་པར་ཚོགས་ཞུགས་ཀྱིས་བཀའ་པོད་ལྔར་གསན་བཞེས་དབུ་ཚུགས། དགུང་ལོ་ཉེར་གཅིག་པར་རྗེ་བཙུན་ཐུབ་བསྟན་རྒྱ་མཚོའི་དྲུང་ནས་བསྙེན་རྫོགས་ཀྱི་སྡོམ་པ་མནོས་ཤིང་མཚན་བསྟན་པ་རྒྱ་མཚོ་ཞེས་གསོལ། དགུང་ལོ་ཉེར་གཉིས་པ་ལ་དཀའ་བཅུ་གླིང་བསྲེའི་མཚན་གནས་བཞེས། ལོ་དེའི་དགུན་ཆོས་ལ་ཚོགས་བསགས་རབ་འབྱམས་པའི་མཚན་བཏགས་ཀྱང་གནང་། དེ་ནས་སྐྱབས་མཆོག་འཇིགས་མེད་རྒྱ་མཚོ་དང་། རྗེ་ཤེས་རབ་རྒྱ་མཚོ། རྗེ་བཙུན་ངག་དབང་ཐུབ་བསྟན་རྒྱ་མཚོ་སོགས་ལས་སྔ་ཕྱིར་ཟབ་ཆོས་དུ་མ་གསན་ཅིང་མི་རིང་བར་མདོ་སྔགས་གཞུང་ལུགས་རྒྱ་མཚོའི་ཕ་མཐར་སོན་པའི་མཁས་པ་ཆེན་པོར་གྱུར། དགུང་ལོ་སུམ་ཅུ་པར་ཐུའུ་བཀྭན་མཆོག་སྤྲུལ་རིན་པོ་ཆེའི་ཡོངས་འཛིན་དུ་ཕེབས། དགོན་ལུང་དུ་ཟབ་རྒྱས་ཆོས་ཀྱི་འཁོར་ལོ་བར་མེད་དུ་བསྐོར། ལོ་ངོ་བདུན་ཙམ་གྱི་རིང་སྐྱབས་མགོན་མཆོག་སྤྲུལ་རིན་པོ་ཆེར་མཚན་ཞབས་གནང་། ཞྭ་དམར་དགེ་འདུན་བསྟན་འཛིན་རྒྱ་མཚོ་སོགས་ལ་བཀའ་ཆོས་མཐའ་ཡས་པ་གནང་། སྔགས་ཀྱི་ས་ལམ་བགྲོད་ཚུལ་ལེགས་བཤད་ངག་གི་སྣང་བ། བྱང་ཆུབ་ལམ་གྱི་རིམ་པའི་གདམས་པ་རང་རྒྱུད་གླང་སྨྱོན་འདུལ་བའི་ལྕགས་ཀྱུ། བླ་མའི་རྣལ་འབྱོར་ཁག །ཆབ་ཤོག་གི་སྐོར། ལྷག་ལྷ་དུ་མའི་སྒྲུབ་ཐབས། མཆོད་ཆོག །རྣམ་ཐར། འཁྲུངས་རབས་གསོལ་འདེབས། རྟོགས་བརྗོད། རྗེ་བཙུན་སྒྲོལ་མའི་ལྷ་ཆོས་ཀྱི་ལོ་རྒྱུས་གཡུ་ལོ་བཀོད་པའི་དགའ་ཚལ་སོགས་གསུང་རྩོམ་པོད་འབྲིང་བཞི་ཙམ་བཞུགས་ཡོད་དོ། །

མཛད་པ་པོ། གཙང་པཎྜི་ཏ་བློ་བཟང་བསྟན་པ་རྒྱ་མཚོ།
བརྗོད་བྱ། རང་དོན་ལེའུ་དང་གཞན་དོན་ལེའུའི་དཀའ་གནས།
རིག་མཛོད་འཕྲུལ་དེབ་ཨང་། SJRB-0174
ཡིག་ཆའི་རྣམ་པ། PDF
ཤོག་གྲངས། 262 ལྗིད་ཚད། 2.2MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༦ ཟླ་བརྒྱད་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
གཞུང་འདིའི་མཛད་པ་པོ་གཙང་སྤྲུལ་བློ་བཟང་བསྟན་པ་རྒྱ་མཚོ་ནི། རབ་བྱུང་བཅུ་གཉིས་པའི་མེ་སྦྲུལ་ཕྱི་ལོ་༡༧༣༧ལ་མདོ་སྨད་ཨ་རིག་ཏུ་འཁྲུངས། རོང་བོའི་དགོན་ཆེན་དུ་བསྡུས་ཚན་རྣམ་འགྲེལ་སོགས་ཞིབ་སྦྱོང་མཛད། དབུས་སུ་ཕེབས་ནས་སེར་བྱེས་བྱ་བྲལ་ཁང་ཚན་དུ་སེར་བྱེས་དཔོན་སློབ་བྱམས་པ་སྨོན་ལམ་པ་སོགས་བསྟེན་ཏེ་གཞུང་ཆེན་བཀའ་པོད་ལྔ་ལ་ཞིབ་སྦྱོང་མཛད་ཅིང་། གྲྭ་སར་ཕེབས་ནས་ཡུན་རིང་མ་སོང་བར་མཁས་པའི་གྲགས་པ་འབར། ༸པཎ་ཆེན་དཔལ་ལྡན་ཡེ་ཤེས་སེ་རར་ཕེབས་སྐབས་ཤིག་མངའ་རིས་དགེ་བཤེས་ཐོགས་མེད་ཞུ་བ་དང་ལྷན་དུ་རྣམ་འགྲེལ་ཚོགས་གླེང་མཛད་པར་༸པཎ་ཆེན་རིན་པོ་ཆེ་ནས་དེ་རིང་ཡིན་ན་ཨ་མདོའི་ཞབས་དྲུང་གིས་ཐོགས་མེད་ཐོགས་བཅས་བྱས་སོང་ཞེས་ཞལ་རྩེད་དང་། འདི་འདྲ་ཞིག་ཁ་དོག་དཀར་དམར་དུ་ཡོད་ཀྱང་ལྷ་རམས་པར་འོས་ཞེས་བསྔགས་བརྗོད་མཛད། དབུ་ཕར་འདུལ་མཛོད་ཀྱི་རྩ་འགྲེལ་ཁག་ལ་སློབ་གཉེར་རྡོ་རུས་ཐུག་པ་གནང་། ཀུན་གཟིགས་༸པཎ་ཆེན་རིན་པོ་ཆེ་དང། བྲག་རི་ངག་དབང་དོན་གྲུབ། ཕུར་བུ་ལྕོག་ངག་དབང་བྱམས་པ། ཀུན་མཁྱེན་འཇིགས་མེད་དབང་པོ་སོགས་ཀྱི་མདུན་དུ་མདོ་རྒྱུད་ཀྱི་དབང་ལུང་མན་ངག་བཀའ་ཆོས་གང་གནང་ཆག་མེད་གསན་ཞིང་། གཞན་ལའང་དཔེ་ཁྲིད་དོགས་གཅོད་རྒྱ་ཆེར་གནང་། སློབ་གཉེར་མཐར་ཕྱིན་ནས་ལྷ་ལྡན་སྨོན་ལམ་ཆེན་མོའི་གྲྭ་སྐོར་དམ་བཅའ་བཞག་ཅིང་། གཞུང་ས་མཆོག་ནས་ལོ་དེའི་ལྷ་རམས་ཨང་དང་པོའི་གཟེངས་བསྟོད་བཀའ་དྲིན་གནང་། ལྷ་རམས་དམ་བཅའ་གྲུབ་འཕྲལ་ཕ་ཡུལ་ཕྱོགས་སུ་ཆིབས་བསྒྱུར་གནང་སྟེ། རབ་བྱུང་བཅུ་གསུམ་པའི་ཤིང་བྱ་ཕྱི་ལོ་༡༧༦༥ལ་གཙང་དགོན་དོན་གྲུབ་རབ་བརྟན་གླིང་ཕྱག་བཏབ། གཞི་གསུམ་གྱི་ཕྱག་ལེན་དང་། བཀའ་པོད་ལྔའི་འཆད་ཉན་སེར་བྱེས་ལྟར་དང་། སྨད་རྒྱུད་གྲྭ་ཚང་གི་ཕྱག་ལེན་ལྟར་གྱི་སྔགས་ཕྱོགས་ཀྱི་འཆད་ཉན་ཡང་ལེགས་པར་བཙུགས། དགོན་པ་ཕྱག་བཏབ་ནས་དགོངས་པ་མ་རྫོགས་བར་ལམ་རིམ་ཆེ་ཆུང་གི་བཤད་ལུང་། གཞུང་ཆེན་བཀའ་པོད་ལྔའི་དཔེ་ཁྲིད་དོགས་གཅོད། རྒྱུད་ཀྱི་རྒྱལ་བོ་དཔལ་གསང་བདེ་གཉིས་ཀྱི་རྩ་འགྲེལ་གྱི་གཙོའི་སྔགས་ཀྱི་གཞུང་དུ་མའི་བཤད་ལུང་ཁྲིད་རྒྱུན། སྒྲ་གསོ་རྩིས་དཀར་ནག་སུམ་རྟགས་སྙན་ངག་སྡེབ་སྦྱོར་སོགས་ཐུན་མོང་རིག་གནས་ཀྱི་གཟབ་ཁྲིད་རྒྱུན་སྐྱོང་། བསྟན་པའི་གཞི་མ་དགེ་ཚུལ་སློང་གི་སྡོམ་པ་འབུལ་བ་སོགས་བསྟན་པ་རིན་པོ་ཆེ་བཤད་སྒྲུབ་གཉིས་ཀྱི་སྒོ་ནས་མི་ཉམས་ཡར་རྒྱས་སུ་འགྲོ་བའི་ཐབས་འབའ་ཞིག་གིས་ཉིན་མཚན་ཡོངས་སུ་འདའ་བར་མཛད། རབ་བྱུང་བཅུ་གསུམ་པའི་ལྕགས་བྱི་ཕྱི་ལོ་༡༧༨༠ལོར་དགོངས་པ་ཆོས་དབྱིངས་སུ་ཐིམ་པའི་ཚུལ་མཛད།

སེར་བྱེས་རིག་མཛོད་རྩོམ་སྒྲིག་པས་བཏུས་བསྒྲིགས་བྱས།

མཛད་པ་པོ། སེར་བྱེས་དགེ་བཤེས་བློ་བཟང་གྲགས་པ།
བརྗོད་བྱ། དགེ་ཚུལ་གྱི་ཕྱིར་བཅོས།
རིག་མཛོད་འཕྲུལ་དེབ་ཨང་། SJRB-0514
ཡིག་ཆའི་རྣམ་པ། PDF

ཤོག་གྲངས། 33   ལྗིད་ཚད། 1.8MB

རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།

༢༠༢༦ ཟླ་དགུ་པར་གསར་དུ་འགྲེམ་སྤེལ་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ལྷ་རམས་པ་བློ་བཟང་གྲགས་པ་ནི། ཕྱི་ལོ་༡༩༦༩ལོར་མདོ་ཁམས་དཀར་མཛེས་སུ་སྐྱེས་ཤིང་། ཕྱི་ལོ་༡༩༧༦ལོ་ནས་དམའ་རིམ་སློབ་གྲྭར་འགྲིམ་ཞིང་རིམ་བཞིན་ཕྱི་ལོ་༡༩༨༤ལོར་དཀར་མཛེས་མི་རིགས་སློབ་འབྲིང་དུ་ཞུགས་ཏེ་ཕྱི་ལོ་༡༩༨༧ལོར་སློབ་མཐར་སོན། ཕྱི་ལོ་༡༩༨༨ལོར་དཀར་མཛེས་བཤད་སྒྲུབ་ནོར་བུ་གླིང་གི་ཆོས་སྒོར་ཞུགས་ནས་ལོ་ངོ་བཞི་ཙམ་མཚན་ཉིན་གྱི་གཞུང་ལ་སློབ་སྦྱོང་བྱས། ཕྱི་ལོ་༡༩༩༡ལོར་རྒྱ་གར་ལ་བྲོས་བྱོལ་དུ་འབྱོར་ཏེ་སེར་བྱེས་མཁས་སྙས་གྲྭ་ཚང་གི་ཆོས་སྒོར་ཞུགས། ཕྱི་ལོ་༢༠༠༤ལོར་དགེ་ལྡན་ལུགས་བཟང་གཙུག་ལག་སློབ་གཉེར་ཁང་ཆེན་མོའི་རྒྱུགས་སྤྲོད་ལ་ཞུགས། ཕྱི་ལོ་༢༠༠༩ལོར་སེར་བྱེས་གྲྭ་ཚང་དུ་སྔོན་འགྲོའི་གྲྭ་སྐོར་དམ་འཇོག་དང་། ཕྱི་ལོ་༢༠༡༠ལོའི་ལོ་འགོར་དགེ་ལྡན་སྨོན་ལམ་ཆེན་མོར་ལྷ་རམས་དགེ་བཤེས་ཀྱི་དམ་བཅའ་བཞག །ཕྱི་ལོ་ ༢༠༡༠ ལོར་གསང་སྡེ་སྨད་རྒྱུད་གྲྭ་ཚང་གི་ཆོས་སྒོར་ཞུགས་ཏེ་ལོ་གཅིག་གི་རིང་སྔགས་ལ་སློབ་སྦྱོང་བྱས། ཕྱི་ལོ་ ༢༠༡༡ ནས་བཟུང་ད་ལྟ་བར་རྫོང་དཀར་ཆོས་སྡེར་གྲྭ་ཚང་གི་གཞུང་ཆེན་དཔེ་ཁྲིད་དགེ་རྒན་བྱེད་མུས་ཡིན།
འཕྲུལ་དེབ་འདིར་དགེ་ཚུལ་གཞོན་ནུ་དག་ལ་ཕན་ཆེད་དུ་བརྩམས་པའི་དགེ་ཚུལ་ཕྱིར་བཅོས་ཀྱི་མཆན་འགྲེལ་གསེར་གྱི་མེ་ལོང་ཞེས་བྱ་བ་བཞུགས།
དེབ་འདི་རྩོམ་པ་པོའི་རེ་སྐུལ་ལྟར་འདི་གའི་དྲ་ཚིགས་སུ་བཀོད་པ་ཡིན་ལ། སེར་བྱེས་རིག་མཛོད་འཕྲུལ་དེབ་ཀྱི་གྲས་སུ་བགྲང་བའི་ཆེད་དུ་ཤོག་ངོས་གཅིག་ཁ་སྣོན་བྱས་ཡོད་པ་ལས་གཞན་མ་ཕྱི་དང་སྒྲིག་བཀོད་རང་འཇགས་སུ་བཞག་ཡོད།

མཛད་པ་པོ། སེར་བྱེས་དགེ་བཤེས་བློ་བཟང་གྲགས་པ།
བརྗོད་བྱ། རིགས་ལམ་སོགས།
རིག་མཛོད་འཕྲུལ་དེབ་ཨང་། SJRB-0513
ཡིག་ཆའི་རྣམ་པ། PDF

ཤོག་གྲངས། 337 ལྗིད་ཚད། 3.2MB

རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།

༢༠༢༦ ཟླ་དགུ་པར་གསར་དུ་འགྲེམ་སྤེལ་བྱས།
ངོ་སྤྲོད་མདོར་བསྡུས།
སེར་བྱེས་དགེ་བཤེས་ལྷ་རམས་པ་བློ་བཟང་གྲགས་པ་ནི། ཕྱི་ལོ་༡༩༦༩ལོར་མདོ་ཁམས་དཀར་མཛེས་སུ་སྐྱེས་ཤིང་། ཕྱི་ལོ་༡༩༧༦ལོ་ནས་དམའ་རིམ་སློབ་གྲྭར་འགྲིམ་ཞིང་རིམ་བཞིན་ཕྱི་ལོ་༡༩༨༤ལོར་དཀར་མཛེས་མི་རིགས་སློབ་འབྲིང་དུ་ཞུགས་ཏེ་ཕྱི་ལོ་༡༩༨༧ལོར་སློབ་མཐར་སོན། ཕྱི་ལོ་༡༩༨༨ལོར་དཀར་མཛེས་བཤད་སྒྲུབ་ནོར་བུ་གླིང་གི་ཆོས་སྒོར་ཞུགས་ནས་ལོ་ངོ་བཞི་ཙམ་མཚན་ཉིན་གྱི་གཞུང་ལ་སློབ་སྦྱོང་བྱས། ཕྱི་ལོ་༡༩༩༡ལོར་རྒྱ་གར་ལ་བྲོས་བྱོལ་དུ་འབྱོར་ཏེ་སེར་བྱེས་མཁས་སྙས་གྲྭ་ཚང་གི་ཆོས་སྒོར་ཞུགས། ཕྱི་ལོ་༢༠༠༤ལོར་དགེ་ལྡན་ལུགས་བཟང་གཙུག་ལག་སློབ་གཉེར་ཁང་ཆེན་མོའི་རྒྱུགས་སྤྲོད་ལ་ཞུགས། ཕྱི་ལོ་༢༠༠༩ལོར་སེར་བྱེས་གྲྭ་ཚང་དུ་སྔོན་འགྲོའི་གྲྭ་སྐོར་དམ་འཇོག་དང་། ཕྱི་ལོ་༢༠༡༠ལོའི་ལོ་འགོར་དགེ་ལྡན་སྨོན་ལམ་ཆེན་མོར་ལྷ་རམས་དགེ་བཤེས་ཀྱི་དམ་བཅའ་བཞག །ཕྱི་ལོ་ ༢༠༡༠ ལོར་གསང་སྡེ་སྨད་རྒྱུད་གྲྭ་ཚང་གི་ཆོས་སྒོར་ཞུགས་ཏེ་ལོ་གཅིག་གི་རིང་སྔགས་ལ་སློབ་སྦྱོང་བྱས། ཕྱི་ལོ་ ༢༠༡༡ ནས་བཟུང་ད་ལྟ་བར་རྫོང་དཀར་ཆོས་སྡེར་གྲྭ་ཚང་གི་གཞུང་ཆེན་དཔེ་ཁྲིད་དགེ་རྒན་བྱེད་མུས་ཡིན།
འཕྲུལ་དེབ་འདིར་རིགས་ལམ་གསར་སློབ་པ་དག་དང་དགེ་ཚུལ་གཞོན་ནུ་དག་གི་ཉེར་མཁོ་སྐོང་བའི་ཆེད་དུ་བརྩམས་གནང་བའི་རིགས་ལམ་མཐའ་དཔྱོད་དང་དགེ་ཚུལ་གྱི་ཕྱིར་བཅོས་ཀྱི་མཆན་འགྲེལ་གཉིས་ལྷན་དུ་བཞུགས་ཡོད།
དེབ་འདི་རྩོམ་པ་པོའི་རེ་སྐུལ་ལྟར་འདི་གའི་དྲ་ཚིགས་སུ་བཀོད་པ་ཡིན་ལ། སེར་བྱེས་རིག་མཛོད་འཕྲུལ་དེབ་ཀྱི་གྲས་སུ་བགྲང་བའི་ཆེད་དུ་ཤོག་ངོས་གཅིག་ཁ་སྣོན་བྱས་ཡོད་པ་ལས་གཞན་མ་ཕྱི་དང་སྒྲིག་བཀོད་རང་འཇགས་སུ་བཞག་ཡོད།