མཛད་པ་པོ། ཕུར་ལྕོག་ངག་དབང་བྱམས་པ།
བརྗོད་བྱ། སྣ་ཚོགས།
རིག་མཛོད་འཕྲུལ་དེབ་ཨང་། SJRB-0446
ཡིག་ཆའི་རྣམ་པ། PDF
ཤོག་གྲངས། 967 ལྗིད་ཚད། 5.2MB
རྩོམ་སྒྲིག་ཁང་། སེར་བྱེས་རིག་མཛོད་ཆེན་མོ།
༢༠༢༤ ཟླ་བ་བདུན་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། ཕུར་ལྕོག་ངག་དབང་བྱམས་པ་ནི། ཕྱི་ལོ་༡༦༨༢ལ་མདོ་ཁམས་སུ་ཆབ་མདོའི་ཉེ་སར་འཁྲུངས། གཞོན་ནུ་ནས་སེར་བྱེས་སུ་ཕེབས་ནས་སློབ་གཉེར་གནང་། སྒྲུབ་ཁང་དགེ་ལེགས་རྒྱ་མཚོ། པཎ་ཆེན་བློ་བཟང་ཡེ་ཤེས། རྒྱལ་མཆོག་བསྐལ་བཟང་རྒྱ་མཚོ་སོགས་མཁས་པའི་དབང་པོ་མང་དུ་བསྟེན་ནས་མདོ་རྒྱུད་རྒྱ་མཚོའི་མངའ་བདག་ཏུ་གྱུར། དཀའ་ཆེན་ཡེ་ཤེས་རྒྱལ་མཚན། པཎ་ཆེན་དཔལ་ལྡན་ཡེ་ཤེས། ལྕང་སྐྱ་རོལ་པའི་རྡོ་རྗེ། ཀུན་མཁྱེན་འཇིགས་མེད་དབང་པོ་སོགས་སློབ་མ་མཁས་པ་མང་པོ་བྱུང་། ཕྱི་ལོ་༡༧༦༢ལ་མྱ་ངན་ལས་འདས། འཕྲུལ་དེབ་འདིར། དོགས་གཅོད་དང་གསུང་ལན། གྲྭ་ས་ཆེན་པོ་བཞི་དང་རྒྱུད་པ་སྟོད་སྨད་ཆགས་ཚུལ། ཟིན་བྲིས་འགའ། ཆོས་སྡེའི་བཅའ་ཡིག་ཁག་ཅིག །ལྷ་ཁང་དང་འདུ་ཁང་གཙུག་ལག་ཁང་གསུང་རབ་ཁག་ཅིག་བཅས་ཀྱི་དཀར་ཆག །པར་བྱང་དང་བསྔོ་སྨོན། འདོད་གསོལ། ཐང་སྐུའི་རྒྱབ་ཡིག་དང་ཁྲོའི་ཞལ་བྱང་སོགས་གསུང་རྩོམ་ཐུང་ངུའི་རིགས་མང་པོ་ལྷན་དུ་བཞུགས།

མཛད་པ་པོ། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ།
བརྗོད་བྱ། ཟབ་མོ་དབུ་མའི་ལྟ་བ།
པར་གཞི། འཇམ་དབྱངས་དྷཱིཿ་ཡིག་སེར་པོའི་དཔེ་སྐྲུན་ཚོགས་པའི་དཔེ་ལྟར་བསྒྲིགས།
རིག་མཛོད་འཕྲུལ་དེབ་ཨང་། SJRB-0443
ཡིག་ཆའི་རྣམ་པ། PDF
ཤོག་གྲངས། 227 ལྗིད་ཚད། 2MB
རྩོམ་སྒྲིག་ཁང་། རིག་མཛོད་ཆེན་མོ།
༢༠༢༤ ཟླ་བ་དྲུག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་མཆོག་ནི། ཕྱི་ལོ་ ༡༨༤༡ ལོར་མདོ་ཁམས་སྡེ་དགེའི་ཉེ་འདབས་སུ་ཡབ་མགོན་པོ་དར་རྒྱས་དང་། ཡུམ་སྲོང་ཆུང་གཉིས་ཀྱི་སྲས་སུ་འཁྲུངས། དགུང་ལོ་དྲུག་ཙམ་ནས་ཡབ་དང་ཞང་པོའི་དྲུང་ནས་ཡི་གེའི་འབྲི་ཀློག་དང་། རྩིས་དཀར་ནག་གི་སྔོན་འགྲོ་དང་གཞུང་ཆེན་བློ་འཛིན་སོགས་ལ་གཞོལ། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད་ཅིང་། སྐུ་ཚེ་ཧྲིལ་པོར་འཆད་རྩོད་རྩོམ་གསུམ་གྱི་བྱ་བས་བསྟན་འགྲོའི་དོན་ཆེན་སྒྲུབ་པར་མཛད། བཟོ་དང་། གསོ་བ། རྩིས་རིག་བཅས་ལ་ཕུལ་བྱུང་གི་ཕྱག་རྗེས་ཆེན་པོ་བཞག །མདོ་དབུས་ཁམས་གསུམ་དུ་མཁས་པའི་གྲགས་པས་ཁྱབ། རྗེ་འདིའི་དངོས་སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་དང་། གཏེར་སྟོན་བསོད་རྒྱལ། ཀཿ ཐོག་སི་ཏུ་ཆོས་ཀྱི་རྒྱ་མཚོ་སོགས་མཁས་པ་མང་དུ་བྱུང་། དགུང་ལོ་རེ་བདུན་པར་འཇུ་རི་ཁྲོད་དུ་དགོངས་པ་ཆོས་དབྱིངས་སུ་ཐིམ། ཁོང་གི་གསུང་རྩོམ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།

མཛད་པ་པོ། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ།
བརྗོད་བྱ། གསང་སྔགས་སྒྲུབ་ཐབས་ཀྱི་སྐོར།
རིག་མཛོད་འཕྲུལ་དེབ་ཨང་། SJRB-0441
ཡིག་ཆའི་རྣམ་པ། PDF
ཤོག་གྲངས། 176 ལྗིད་ཚད། 2.1MB
རྩོམ་སྒྲིག་ཁང་། རིག་མཛོད་ཆེན་མོ།
༢༠༢༤ ཟླ་བ་དྲུག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས། འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ་མཆོག་ནི། ཕྱི་ལོ་ ༡༨༤༡ ལོར་མདོ་ཁམས་སྡེ་དགེའི་ཉེ་འདབས་སུ་ཡབ་མགོན་པོ་དར་རྒྱས་དང་། ཡུམ་སྲོང་ཆུང་གཉིས་ཀྱི་སྲས་སུ་འཁྲུངས། དགུང་ལོ་དྲུག་ཙམ་ནས་ཡབ་དང་ཞང་པོའི་དྲུང་ནས་ཡི་གེའི་འབྲི་ཀློག་དང་། རྩིས་དཀར་ནག་གི་སྔོན་འགྲོ་དང་གཞུང་ཆེན་བློ་འཛིན་སོགས་ལ་གཞོལ། དགུང་ལོ་བཅུ་གཉིས་ཀྱི་སྐབས་གསང་སྔགས་ཆོས་གླིང་དགོན་དུ་ཆོས་ཞུགས་མཛད་ཅིང་། སྐུ་ཚེ་ཧྲིལ་པོར་འཆད་རྩོད་རྩོམ་གསུམ་གྱི་བྱ་བས་བསྟན་འགྲོའི་དོན་ཆེན་སྒྲུབ་པར་མཛད། བཟོ་དང་། གསོ་བ། རྩིས་རིག་བཅས་ལ་ཕུལ་བྱུང་གི་ཕྱག་རྗེས་ཆེན་པོ་བཞག །མདོ་དབུས་ཁམས་གསུམ་དུ་མཁས་པའི་གྲགས་པས་ཁྱབ། རྗེ་འདིའི་དངོས་སློབ་མ་གྲགས་ཆེ་བ། རྡོ་སྤྲུལ་རྡོ་རྗེ་དང་། གཏེར་སྟོན་བསོད་རྒྱལ། ཀཿ ཐོག་སི་ཏུ་ཆོས་ཀྱི་རྒྱ་མཚོ་སོགས་མཁས་པ་མང་དུ་བྱུང་། དགུང་ལོ་རེ་བདུན་པར་འཇུ་རི་ཁྲོད་དུ་དགོངས་པ་ཆོས་དབྱིངས་སུ་ཐིམ།
ཁོང་གི་གསུང་རྩོམ། པར་དུ་བརྐོས་པ་པོ་ཏི་སུམ་ཅུ་ལྷག་བཞུགས།

མཛད་པ་པོ། ཀུན་མཁྱེན་དོལ་པོ་སངས་རྒྱས།
བརྗོད་བྱ། གཞན་སྟོང་དབུ་མའི་ལྟ་བ།
པར་གཞི། མཚོ་སྔོན་མི་རིགས་དཔེ་སྐྲུན་ཁང་གི་པར་གཞི་ལྟར།
རིག་མཛོད་འཕྲུལ་དེབ་ཨང་། SJRB-0442
ཡིག་ཆའི་རྣམ་པ། PDF
ཤོག་གྲངས། 802 ལྗིད་ཚད། 5MB
སྒྲིག་སྦྱོར་འགྲེམ་སྤེལ། སེར་བྱེས་རིག་མཛོད་ཆེན་མོ།
༢༠༢༤ ལོའི་ཟླ་དྲུག་པར་གསར་དུ་རྩོམ་སྒྲིག་བྱས།
ངོ་སྤྲོད་མདོར་བསྡུས།
འཕྲུལ་དེབ་འདི་ནི། རི་ཆོས་ངེས་དོན་རྒྱ་མཚོ་ཞེས་བྱ་བ་ཀུན་མཁྱེན་དོལ་པོ་སངས་རྒྱས་(༡༢༩༢-༡༣༦༡)ཀྱིས་མཛད་པ་ཡིན་ལ། གཞུང་འདིས་གངས་ལྗོངས་ཆོས་བརྒྱུད་ཆེན་པོ་རྣམས་ཀྱི་ནང་ཚན་རྒྱལ་བ་ཇོ་ནང་བའི་གཞི་ལམ་འབྲས་གསུམ་གྱི་རྣམ་གཞག་སྤྱི་དང་། ཁྱད་པར་དུ་གཞན་སྟོང་དབུ་མ་ཆེན་པོའི་ལྟ་བ་ལུང་རིགས་གཉིས་ཀའི་སྒོ་ནས་ཞིབ་རྒྱས་སུ་གཏན་ལ་འབེབ་པར་བྱེད་པས་ན་ལྟ་བའི་ལེགས་བཤད་རྨད་དུ་བྱུང་བ་ཞིག་ཡིན།

མཛད་པ་པོ། ༧གོང་ས་༧སྐྱབས་མགོན་ཆེན་པོ་མཆོག
པར་གཞིའི་ཡོང་ཁུངས། རྒྱལ་བ་རིན་པོ་ཆེའི་དྲ་ཚིགས།
བརྗོད་བྱ། ནང་ཆོས་ངོ་སྤྲོད།
རིག་མཛོད་དེབ་ཨང་། SJRB-0364
ཡིག་ཆའི་རྣམ་པ། PDF
ཤོག་གྲངས། 282 ལྗིད་ཚད། 2.2MB
༢༠༡༥ ཟླ་ལྔ་པར་གསར་དུ་རྩོམ་སྒྲིག་བྱས།
༢༠༢༤ ཟླ་དྲུག་པར་བསྐྱར་སྒྲིག་བྱས།
ངོ་སྤྲོད་མདོར་བསྡུས། གསུང་རྩོམ་འདི་ནི། ནང་པས་དཔྱད་པ་ལ་ལྟ་ཕྱོགས། འཁོར་འདས་ཀྱི་གནས་སྟངས། སེམས་དང་སེམས་བྱུང་། རྟེན་འབྲེལ་བཅུ་གཉིས། འགོག་བདེན་དང་རིགས། ལམ་དང་བདེ་བ། སྒོམ་གྱི་ཐབས་ལམ། བྱང་ཆུབ་ཀྱི་སེམས། དགྲ་བོར་གཅེས་པར་འཛིན་ཚུལ། ཤེས་རབ་བཅས་ལེའུ་བཅུ་ལས་གྲུབ་ཡོད་ཅིང་། མཆོག་གསུམ་དང་། ལྟ་བ་བཀར་བཏགས་ཀྱི་ཕྱག་རྒྱ་བཞི། འཕགས་པའི་བདེན་པ་བཞི། ཤེས་པའི་རྒྱུན་དང་སྐྱེ་འཆིའི་རྣམ་གཞག །ཉོན་མོངས་དང་ལས། རྣམ་ཤེས་ཕྲ་རགས། སེམས་སེམས་བྱུང་། འགོག་བདེན་དང་རིགས། བྱང་ཕྱོགས་སོ་བདུན། ཞི་ལྷག་དང་བྱང་ཆུབ་ཀྱི་སེམས་སྦྱོང་ཚུལ་སོགས་གོ་བདེ་བར་ངོ་སྤྲོད་མཛད་འདུག་ལ། དོན་ཚན་རེ་རེའི་མཇུག་ཏུ་དྲི་བར་ལན་གནང་བ་ཁག་ཅིག་ཀྱང་བཀོད་འདུག་པ་བཅས་ནང་པའི་གཞུང་ཆེན་ཁག་ལ་སློབ་གཉེར་གཏིང་ཟབ་མོ་བྱེད་པའི་གོ་སྐབས་མ་ཐོབ་པ་རྣམས་ལ་ཤིན་ཏུ་མཁོ་ཆེ་བ་ཞིག་ཡིན།